Ka Nupepa Puka la Aloha Aina, Volume I, Number 38, 14 November 1893 — Page 4

KA NUPEPA PUKA LA ALOHA AINA.

Ua Mau ke Ea o ka Aina i ka Pono.

 

Aloha Aina.

 

I.K. Kaunamano

Ona, Lunahooponopono a me Puuku

 

HONOLULU, NOVEMABA 13, 189@

 

HE MOOLELO HAWAII

O KEKAHI LAHUI I KAPAIA

-Ka-

Mu o Laauhaelemai.

Ka poe i Kapaia he poe ai Maia.

            Ua hele hou oia i kai o Wainiha, a hui aku me na kamaaina, ua halawai no hoi me na lawaia.

            I kela wa a ke kilo i hui kamailio ai ua kau ihola he haawina hou i ke kilo o ka ike kilokilo i oi aku mamua o kona wa kilo ua kapaia ka inoa o Kaukahihalau, kona inoa i kapaia ai kekahi pohaku o Kauakahilau e a hiki i keia la o kou mea kakau.

            I keia wa ua hele akula ke kilokilo ma ua Koolau a Puna a hiki i kahi o ke kahuna o Manokalanipo ke alii nui o Kauai i ke kilokilo i hele aku a ma ke kuahiwi o Kaulehua a a malaila aku a ke koa hiki mauka pono o Kalalea o Kahiki no ia i ka heiau kapu o Manokalanipo.

            Ua ike maila ke kahuna o ke alii ha malihini eia a hiki mai ou oleia aku ke kahuna oia no o Kahunakauai, ka inoa o ke alii e ke alii he malihini ka kaua.

            E ka laei a hiki iho mai hea mai mai Helelea mai o keia ka poe i hele mai mai ka aina mai o Kanehunamoku i laWeia mai e Kaulehua ke kiki a Kanealohi na alii kapu o Kaawakoa oia keia o hiki iho ae a heaha ka haaa he kilokilo kai nei hana ua ahuWale na mea o luna a me lalo nei ae hele mai ana e ike ia oe e ke alii a me au.

            Ae maila ke alii ae ua pono ua loaa ko'u kilokilo.

            E ke alii mai manao oe ia mea he mea pono e ao iho no oia i kekahi kahu ou a ike ae no o ka pau no ia ae a hea hiki mai wahi a ka ninau a ke alii ahea ka wa e hiki mai ua kanaka ala a he hiki koe.

            I kela wa no kani ana ka hoe a ku ana a ka puka o ke alii a kahea maila ke kahuna mai maloko mai o ka hale.

            Ua komo akula ke kilokilo i loko o ka hale a noho ihola ma ka puka o ko ke alii hale i kela Wa no ua paa maila ka hale o ke kilokilo i kela wa, ia Wa nohoi a ia akula na mea a pau elike ma na lulu o ke au i hala ua hahau maila ke kahuna ike pahu i kona hale o ka wa ia i olelo aku ai ke alii e ke kilokilo aia kou hale e hoi ilaila i kela ua olelo akula ke kilokilo.

            E ke alii, e ola mau oe, o kela luhi ou i hana iho la na kanaka ou e ke alii, ua luhi makehewa.

            A no ke aha hoi ka mea o ka luhi ana o na kanaka, eia ka mea e hai aku ia oe e ke alii.

            O kela hale, nau no ia e ke alii, o ko kanaka hale aia no i ke opuweuweu, o ka hale iho la no ia o kamahele, mai kaumaha ka manao o ke alii nou, oiai he huakai makaikai kau i kou mokupuni o Kauai nei.

            I kela wa, olelo mai la ke alii e ai, ua mo-a ka puaa, ka lio na mea a pau.

 

OLELO HOOLAHA.

            E ike auanei na kanaka a pau e nana mai i keia. Owau o Ribeka (w) ka wahine mare a Wahine Keoili, no Kunawai, Honolulu, Oahu; ke hoike aku nei, aohe he oiaio o ka hoolaha a kuu kane mare, maloko o ka nupepa ALOHA AINA, o ka la 18 iho nei, olelo ana, ua haalele aku au iaia me na keiki a maua me ka moopuna, he 7 ka nui mamuli o kou li'o ana i ka mea hou, a e papa ana i na mea a pau aole e hookipa a e malama ia'u. O ka mea oiaio loa, na ua kane mare nei no a'u i kipaku mai ia'u mai ko maua hale mai ma Kunawai, a me na olelo hooweliweli pu, a nolaila au i ku ai a hele me na keiki a pau loa a maua me ka moopuna. Aole o ke a ka mua o kona kipaku ana ia'u, aka, o ka eha iho la keia. Mamua no hoi o kona hooweliweli ia'u, ua hoopii au iaia a ua hoopaaia ma ka halepaahao o Kawe, Honolulu, a o ka hemo koke ana iho nei no ia la a hoi mai nei a noho pu me a'u a hiki iho la i kona kipa ka hoa ana ia'u. A eia au ke noho nei i keia manawa me na keiki a mau loa a maua malalo o ka malama ana a ka'u kaikamahine ponoi, o keia ka mea oiaio loo.

            MRS. RIBEKA KEOILI,

            Kunawai, Honolulu, Oct. 28, 1893.

            OCT30 tfd.

 

Kauka McLennan.

(Makalena.)

Helu 131 Alanui Papu.

            Na hora hana: 9 A.M. a hiki i ka hora 12 M.; a mai ka hora 3 a hiki i ka hora 5 P.M.

            Tel. Keena Oihana 682 MUTUAL-Halenoho Tel. 287.

 

KAUKA

Yong Kam Pung

(APANA.)

Helu 81 Alanui Maunakea.

KAUKA LOEA O KA AINA PUA.

            Ua hiki ke hoola ia kela a me keia ano ma'i, mai ko na kane, wahine a me na keiki liilii. O na ma'i ha-no ua hiki loa ia ke hoola ia, na ma'i Akemama a me na ma'i Puuwai a me na ano ma'i no a pau. Pela pu hoi na ma'i lele, Kolera, Hebera, fiva lenalena, lepera, Maialii, ke oki a me ka hoola ana, pau pu me na koko ino.

            Ua hiki i ka'u laau ke hoohemo keiki i ka wa nahunahu me ka poino ole. He laau no kekahi no ka hooponopono hou ana i ka waihona keiki a i ka wa e inu ai i keia laau me ka malama loa i ka rula, e loaa no he keiki i ka poe i loaa ole he keiki mamua aku.

            Eia no hoi me a'u he mau laau hoohanau keiki, oiai, o kekahi poe he eiwa makahiki o ka noho pu ana me ke kane aole nae he loaa o ke keiki, i keia wa, ua loaa he elua keiki, mamuli io ka ai ana i ka'u laau.

 

E Naue mai i Ike Maka.

            He pomaikai nui keia no na makamaka i hoonele ia me keia haawina makamae. E hauoli no au ke ike aku i na makamaka e kipa mai ana e kuka pu me a'u ma na ano a pau e pili ana i ka'u oihana?

            E KIPA mai e ka poe i hooluuluuia me na haawina pilihua a ka ma'i, a na'u oukou e hooluolu aku.

            KAUKA YONG KAM PUNG.

            Honolulu, Sept. 27. tfd

 

HO YEN KEE MA.

MEA HANA TINI, A MEA KUAIPA, A LAKO ANIANI O NA ANO A PAU.

            Ua hiki ke hoomoe ia na paipu wai o na ano a pau, a ua hiki ke hana a hoomaemae hou ia na paipu wai kahiko, o kela a me keia ano.

            E hooko ia no na kauoha hana a pau me ka hikiwawe loa.

Helu 41 Alanui Nuuanu-Mawaena o na Alanui Moi me Hotele. Ma ka hale o Aseu.

 

TELEPONE 92. PALU LETA HELU @

H.E. McINTYRE and BR@

MAKINIKAEA ME HOAHANAU.

 

He Mau Mea lioolako mai a Kuai aku i na @

Me Ai a me na Ai Holoholona o na ano @ pau.

E loaa mau mai ana na Mea ai o Kaleponi ma na mokuahi a @

 

            E hooko pono ia no na kauoha a pau a e lawe ia aku na @ i na wahi a pau o ke kulanakauhale nei me ka auhau ole.

Makemake ia na kauoha o na Mokupuni.

E HOOIA NO NA MEA PAU-Kihi Hikina o na Alanui Papu me Moi.

oct. 3-tfd

 

HALEKUAI LAKOHALE@

ROBIKANA HALE.

ALANUI HOTELE, MAWAENA O NA ALANUI PAPU ME NU@

Ua weheia a ke kuai nei, a e loaa no na ano lakohale o @

na ano a pau e like me keia,

NA PONO RUMI MOE OKA!

I Kinohinohiia,

 

NA PAKAUKAU HOONANI, PAHU-UME KU,

            NA PAKAUKAU UWAI-I-KA-LOA, ETC.

Eia hou, o kela a me keia ano maikai loa o na

LAKOHALE I-E A ME OHE!

 

HANA PELA!

Na Pela Maikai Loa Uwea, Lauoho Huluhipa, Mauu a me @ Hulu o na Manu Koloa Ola a me na Hulu Kilika no na @ Uluna. Ke konoia aku nei ko oukou lunaikehala e @ makalehe ae i na ano hou.

Na Pela Uwea Holuholu?

 

            Maikai loa a emi no hoi ke kumukuai i laweia mai i keia@ Na Koki a me Koki Moe, ma na kumukuai o Kapalakiko. @ KAA BEBE o kela a me keia ano. Moe Bebe, Moe Bebe @ a me na Noho Bebe kiekie. Na Pou lalau a me Pou i ke@ nohiia me ke keleawe. Ua makaukau maua no ka hoomoe @ na Moena Pake a me ke kinohinohi ia loko o ka hale; na @ hale me na Pela e hiki ke pahonohono houia e na paahana @ ekahi; hana lokohale hou. E hoao mai ia maua. @ ka ha@ ona haahaa o ke kumukuai.

ORDWAY & PORTER,

            Robikana Hale

TELEPONE-Bel, 525 Mutual, 625