Ka Nupepa Puka la Aloha Aina, Volume I, Number 35, 10 November 1893 — Page 2
| This text was transcribed by: | Betty Yang Green |
| This work is dedicated to: | Awaiaulu |
KA NUPEPA PUKA LA ALOHA AINA.
Ua Mau ke Ea o ka Aina i ka Pono.
NA RULA ALAKAI
- OK -
NUPEPA PUKA LA
ALOHA AINA
E hoopuka mau ia aku ana ma kela la a me keia la ka nupepa puka la Hawaii ALOHA AINA.
E hoopiha ia ana kona mau kolamu me na manao kalaiaina naauao mahuna o na ninau lehulehu o ka la, na moolelo, na kaao, na nuhou kuloko a kuwaho, na manao alakai naauao o na maka maka i kakau inoa ia.
E hoopuka ia no na olelo hoolaha, na mele, na kanikau, no ka ulu loaa mua.
E hoounaia aku no na pepa i ka poe kauoha moi, ke hooili pu mai i ka uku pepa.
O ka ulu pepa, he hapaha ko ka pule, hookahi dala o ka mahina, umi dala o ka makahiki a he umi keneta no ke kope hookahi.
KEENA HANA:
MA KA HALE O KILIKINA.
Alanui Papu, Honolulu
Aloha Aina.
J. K. Kaunamanao
Oaa, Lunahooponopono a me Puuku.
Poalima Novemaba 10, 1893
O Kaneneeneepau.
Ku ke ahua hana ka haawe, o ua mea he wahine haole e hele nei e ike i ka Moiwahine Liliuokalani. Ua lahe mai makou, i komo nui aku aei e pule i na pou o lalo o ka hale noho o kahi o ke alii.
He kupanaha ke aloha o na wahine, ke hapai pu la me na kaliki i wahi e maliu mai ai o kalani.
E Kalani, he poe iho nahu maka iho kena i ke ola o ke Alii, o kamakou wale no e kau leo aku nei, kipaku ia mai, a main oho a puni i na leo mai.
No ka mea, he ike no ke Alii i ka pono a me ka hewa, aohe ia mea malihini iloko o kona naau, he puuwai kona i oi aku mamua o keia poeiliohae.
E hoolohe i keia leo e kalani a main oho a hoohuikau pu mai me ka poe nana kakou i kumakaia. O ka lohe ke ola o ke kui ka make.
He Moeuhane Palaualelo,
Ke puapuai mai nein a lono, i ka manao hookahua a ka pohai pakaha aina, pakaha mana aupuni moi, puuwai eleele o ka hoekamani, e hooikaika na lakou a lilo keia aupuni i Aupuni Republika, oiai o Kuhina Willis e noho ana ia nei nei me Adimarala Irwin.
He kumuhana ano nui hou no keia e pa e nei main a welelau makani, e kololio nei ma na pepeiao ina nae he oiaio. O ka’u pane no keia kumuhana, aole loa e hiki ana ia moeuhane palaualelo ma o ke Kuhina Willis la a me ka Adimarala, na laua e hooko mai iko la kou mau anoi ana, oiai, aolei hookoia ka makemake o ke aupuni o Amerika Huipuia, elike me ka haiolelo ana a Willis imua o Peresidena Dole, a me na palapala hoapono a Grover Cleveland iaia, nana e la Wela me i na mea’i kauohaia iaia e hana, a e hooko iloko o ka manawa ana i ike ai ua kupono.
Ke manao nei au, e ahona iki ko lakou hookahuli ana i ke aupuni moi i kakoo ia ai e J. L. Stevens i mauliawa aku nei, mamua o keia kumuhana a lakou e manao nei, na laua nei ae e kakoo mai, no ka mea, he hana ia akahi no a hanaia loko nei o ka aina i kinohi, me ka lana o ko lakou mau iini, e haawi io mai ana o Amerika i olelo hooholo i kulike me ko lakou makemake.
Aka i ka haule ana mai nei o kela kumuhinu a lakou mai ka papahele mai o ke aupuni o Amerika. Mamuli o na kumu kue nui elua a ka Moiwahine me kona lahui ponoi, ua hiki ole kekahi kumahana hou ke onou aku na lana e hooko mai.
Ka haiolelo a A. S. Willis imua o S. B. Dole
a me
NA LETA A GROVER CLEVELAND I A S. B. DOLE.
Mr. Peresidena:
GROVER CLEVELAND, Peresidena o na Mokaaina Hui o Amerika.
I ka mea Hanohano Sanford B. Dole, Peresidena o ke aupuni kuika Wa o ko Hawaii Paeaina.
I ka Hoaloha Maikai:
Ua koho ae nei au ia Albert S. Willis, kekahi o ko makou ma kupa kaulana no ka noho pili kokoko ana ma ko oukou aupuni e ka mea hanohano ma kea no kuhina Nui a Kuhina Elele mana nui o na Mokaaina Hui o Amerika. Ua piha oia me na kuhikuhi ana e pili ana i ka pono o na aupuni elua a o ko makou ake nui e huli ponoia ai hiki i ka maopopo lea ana mamua loa mai, ka noho hoaloha maikai ana i malamaia no kekahi manawa loihi loa mawaena o kakou. O ko’u kamaaina i kona ano a me kona makaukau oia ka mea nana i haawi mai i a’u i ka hilinai ana e hooko pono ana oia i na mea a pau e loaa ai ka pomaikai a me ka holomua o keia mau aupuni e lua, a, nolaila, ua kupono loa oia i kou apono ana mai e ka mea hanohano.
Nolaila ke noi aku nei au i i kou hanohano, e hookipa maikai aku oe iaia a e haawi aku hoi i kou manaoi. Ana ma kana mea e pane ai ma ka aoao o Amerika Huipuia a no ka hoomaopopo pu ana aku hoi ia oe elike me ka’u i hooili aku ai maluna ona e lawe aku imua ou i na manao maikai o keia Aupuni no ka holomua o ka Paeaina Hawaii.
No ke Akua e lakai ia oe iloko kona kiai noeau ana.
Kakau ia ma Wasinetona i keia la 27 o Sept., 1893.
(kakauinoaia) GROVER CLEVELAND
Na ka Peresidena:
ALVEY A. ADEE.
Kakauolelo.
He mea maopopo loa, i na e kakoo mai ana laua i keia kumuhana poholalo, alaila na kiola ia ka hanohano piha o ko laua aupuni kiekie a kaulana iloko e ka hoinoia, ke pahenehene’a pela Wale aku e ko ke Ao holookoa mamuli o na iwi a na poe puuwai eleele a ka hoehaa a ka lauaaole.
O keia kahua hou e lonoia nei, a ua poai kalaiaina a Waawa nui wale nei, hilahila ole, i nele i na noonoo kaulike, a hoopono o ka noho ana malulia malalo o ka poe no lakou ka home a me ka mole o ka aina, he hoike ana mai ia i ko lakou haule ino ma kea lo ponoi o ka lahui Hawaii oiaio, a i mua o kea o holookoa a lakou i hookaulana aku ne ma Amerika he lahui hupo, pegana, ike ole ka lakou mea e hana ai a pela Wale aku.
Ma na kahoaka o keia kumuhana, ua hiki loa ke heluhelu aku i ka waiwai io o loko o ke ope oia keia e hooikaika ana lakou e pale loa aku mai ka hewa kipi i ke aupuni o ka moiwahine a lakou i hanai.
Nolaila, e ka lahui Hawaii loha aina, aloha moi, aloha ia ka maluhia, mai puni Wale i na pelo ana, hoopahee ana a ka poe maalea; e kupaa a hoea mai ko Iehova Ihiihi lokomaikai no kakou, ko kakou aina, ko kakou moi.
NA LETA.
( Aole makou e lawe mai i ke koikoi o na hala a me na hewa o na manao a na makamaka i kakau mai ai maluna iho o makou, aka, e ili no ke koikoi o ia mau hewa maluna o ka poe nona ia mau manao ii hoolahaia. L. H.)
He pane no na ninau i waihe ia mai la’u.
Mr. Lunahooponopono;
Aloha oe; -
Ma ka Helu 33 o ka
Ua nui ko’u hauoli
1 – He naauao ko’u
2 – Ka ulu o ka
3 – Heaha na ma
4 – Ka pinapinai o
WEHEWEHE KIN
1 – Ina he naauao
2 – Ina he poe kari
3 – Heaha na ma