Ka Nupepa Puka la Aloha Aina, Volume I, Number 34, 9 November 1893 — Page 4
| This text was transcribed by: | Cyndi Defenbaugh |
| This work is dedicated to: | Aunty Jo...Kaua'i, Moloka'i, Hawai'i Moku |
KA NUPEPA PUKA LA ALOHA AINA.
Ua Mau ke Ea o ka Aina i ka Pono.
Aloha Aina.
P. K. Kauuamano
Ona, Lunahooponopono a me Pauku
HONOLULU, NOVEMABA 9, 1895
HE MOOLELO HAWAII.
O KEKAHI LAHUI I KAPAIA
---KA---
Mu o Laauhaelemai.
Ka poe i Kapaia he poe ai
Maia.
I kela wa a ke kilo e noho nei i ka unu o Hanaimaa ke ike nei ke kilo i ka onohi e kau ana iluna o Hihimanu; no ka mea, ua ike mua ke kahuna o Manokalanipo, he malihini nui ko kana hanai alii e hiki aku ana.
Ua ko ole nae ka manao o ke kilo, ua hoi hope oia ma ka aoao hema o Haena, aole oia i hooko i kana olelo mua na helu i hala.
E hele ana oiea no ka imi kahuna, i kela wa ua haalele aku ke kahuna o ke alii ia uka o Pueao ua hele aku ia e huli i ke kilo a loaa aku no i ke kula o Kookea.
E kali ana no ke kilo o kone ike hou aku ia Kanehunamoku.
Eia no ka poe lawaia ke hoonuu ala i ka la i ka uhu i ka ia ka ku ona aina a la, a ma ka hapalua o ka po, koele ana ka laau o ke kahuna i ka nuu o ka paepae o Kaunu o Hanaimaa; a o ka maloo o ka puu o ke kahuna o ka wai ole, pahu ihola ke kahuna i kona laau a loaa ka Wai oia unu a hiki i keia la a ka mea kakau manao e hooia nei no kela moolelo i nu ihola ke kahuna a mau ka puu o ke kahuna.
Eia no ke kilo ke noho nei e pupue ana malalo o kekahi pohaku nui ike akula ke kahuna i ke kilo e moe no.
Ua ao no ia wa ala aela ke kilo a haka pono akula kona mau maka i keia kanaka, ua manao ke kilo o ka poe lawaia no la, eia ka o ke kahuna o ke alii o Manokalanipo.
Ua huli ke kahuna ma kona ike no, no ka olelo a ke kilo i ka nui o na Mu i olelo ai e huli kahuna no lakou.
Ua ko ole ka olelo a ke kilo ua lalau kona alanui hele mamuli o kona ike ana ia Kanehunamoku i na helu i hala.
E nana aku kakou no na hana o ke kahuna o ke alii, ua halawai mai nei au me oe e ke kilo o kau olelo kauoha, aole oe i hooko aka ua huli aku ke alo a aloha i ka aina o oukou, oia ke kumu o ka hele ana mai ne aole e hala ekolu makahiki ma keia la aku, aole ia lahui ma ia aina.
Oia ka olelo hoike a ke kahuna i ke kilo oia kou mea i aloha ai i kela lahui i na no kou hooko ole, ua hoowalewale ka aina ia oe a loaa ole ia oukou ka pono.
OLELO HOOLAHA
E ike auanei na kanaka a pau ke nana maiu i keia. Owau o Ribeka (w) ka wahine mare a Wahine Keoili, no Kunawai, Honolulu, Oahu; ke hoike aku nei, aohe he aiaio o ka hoolaha a kuu kane mare, maloko o ka nupepa ALOHA AINA, o ka la 18 iho nei e olelo ana, ua haalele aku au iaia me na keiki a maua me ka moopuna, he 7 ka nui mamuli o ko’u lilo ana i ka mea hou, a e papa ana i na mea a pau aole e hookipa a e malama ia’u. O ka mea oiaio loa, na ua kane mare nei no a’u i kipaku mai ia’u mai ko maua hale mai ma Kunawai, a me na olelo hooweliweli pu, a nolaila au i ku ai a hele me na keiki a pau loa a maua me ka moopuna. Aole o ke ia ka mua o kona kipaku ana ia’u, aka, o ka eha iho la keia. Mamua no hoi o kona hooweliweli ia’u, ua hoopii au iaia a ua hoopaaia ma ka halepaahao o Kawa, Honolulu, a o ka hemo koke ana iho nei ho ia la a ho mai nei a noho pu me a’u a hiki iho la i kona kipaku hou ana ia’u. A eia au ke noho nei i keia manawa me na keki a pau loa a mua malalo o ka malama ana a ka’u kaikamahine ponoi, o keia ka mea oiaio loo.
MRS. RIBEKA KEOILI,
Kanawai, Honolulu, Oct. 28, 1893
oct30 tfd
Kauka Mc Lennan
(Makalena.)
Helu 131 Alanui Papu.
Na hora hana. 9 A. M. a hiki i ka hora 12 M.; a mai ka hora 3 a hiki i ka hora 5 P. M.
Tel. Keena Oihana 682MUTUAL---Halenoho Tel. 287.
KAUKA
Yong Kam Pung
(APANA.)
Helu 81 Alanui Maunakea.
KAUKA LOEA O KA AINA PUA.
Ua hiki ke hoola ia kela a me keia ano ma’i, mai ko na kane, wahine a me na keiki liilii. O na ma’i ha-no ua hiki loa ia ke hoola ia, na ma’i Akemama a me na ma’i Puuwai a me na ano ma’i no a pau. Pela pu hoi na ma’i lele, Kolera, Hebera, fiva lenalena, lepera, Maialii, ke oki a me ka hoola ana, pau pu me na koko ino.
Ua hiki i ka’u laau ke hoohemo keiki i ka wa nahunahu me ka poino ole. He laau no kekahi no ka hooponopono hou ana i kawaihona keiki a i ka wa e inu ai i keia laau me ka malama loa i ka rula, e loaa no he keiki i ka poe i loaa ole he keiki mamua aku.
Eia no koi me a’u he mau laau hoohanau keiki, oiai, o kekahi poe he eiwa makahiki o ka noho pu ana me ke kane aole nae he loaa o ke keiki, i keia wa, ua loaa he elua keiki, mamulio ke ai ana i ka’u laau.
E Naue mai i Ike Maka.
He pomaikai nui keia no na makamaka i hoonele ia me keia haawina makamae. E hauoli no au ke ike aku i na makamaka e kipa mai ana e kuka pu me a’u ma na ano a pau e pili ana i ka’u oihana?
E KIPA mai e ka poe i hooluuluuia me na haawina pilihua a ke ma’i, a na’u oukou e hooluolu aku.
KAUKA YONG KAM PUNG.
Honolulu, Sept. 27. tfd
HO YEN KEE MA.
MEA HANA TINI, A MEA KUAIPA,
A LAKO ANIANI O NA ANO A PAU.
Ua hiki ke hoomoe ia na paipu wai o na ano a pau, a ua hiki ke hana a hoomaemae hou ia na paipu wai kahiko o kela a me keia ano.
E hooko ia no na kauoha hana a pau me ka hikiwawe loa.
Helu 41 Alanui Nuuanu---Ma-na lanui Moi me Hotele.
Ma ka hale o Aseu
ELEPONE 92. PAHU LETA HELU @@@
H. E. McINTYRE and BI@@@@@
MAKINIKAEA ME HOAHANAU.
He Mau Mea Hoolako mai a Kuai aku i na @@@
Me Ai a me na Ai Holoholona o na ano @@ pau.
E loaa mau mai ana na Mea ai o Kaleponi ma na mokua@@
E hooko pono i ano na kauoha a pau a e lawe ia aku n@@ i na wahi a pau o ke kulanakauhale nei me ka auhau ole.
Makemake ia na kauoha o na Mokupuni.
E HOOA PU---Kihi Hikina o na Alanui P M@@@
oct. 3---tfd
HALEKUAI LAKOHALE
ROBIKANA HALE.
ALANUI HOTELE, MAWAENA O N ALANUI PAPU ME @@@
Ua weheia a ke kuai nei, a e loaa no na ano lakohale @ na ano a pau e like me keia,
NA PONO RUMI MOE OKA!
I Kinohinohiia;
NA PAKAUKAU HOONANI, PAHU—UME KU,
NA PAKAUKAU UWAI-I-KA-LOA, ETC.
eia hou, o kela a me keia ano maikai loa o na
LAKOHALE I---E A ME OHE@
HANA PELA !
Na Pela Maikai Loa Uwea, Lauoho Huluhipa, Manu a me Hulu o na Manu Koloa Ola a me na
Hulu Kilika no @ Uluna. Ke konoia aku nei ko oukou lunaikehala @ makahele ae
i na ano hou.
Na Pela Uwea Holuholu?
Maikai loa a emi no hoi ke kumukuai i laweia mai i @@ Na Koki a me Koki Moe, ma na kumukuai o Kapalakiko @ AA BEBE o kela a me keia ano. Moe Bebe, Moe B@@ a me na Noho Bebe kiekie. Na Pou lalau a me Pou i @@ nohiia me ke keleawe. Ua makaukau maua no ka hoom@@ na Moena Pake a me ke kinohinohi ia loko o ka hale’ a@ hale me na Pela e hiki ke pahonohono houia e na paahaa ekahi; hana lakohalo hou. E hoao mai ia maua. ka @@ ona haahaa o ke kumukuai.
ORDWAY & PORTER.
Robikana Hale
TELEPONE---Bel, 525 Mutual, 625