Ka Nupepa Puka la Aloha Aina, Volume I, Number 30, 4 November 1893 — Page 1

KA NUPEPA PUKA LA ALOHA AINA.

Ua Mau ke Ea o ka Aina i ka Pono.

BUKE             HONOLULU, POAONO, NOVEMABA 4, 1893. HELU 36

 

@Hoolaha Loio Piha.

_____

ANTONE ROSA. (Akoi Rosa)

@he kokua ma ke Kanawai. @ Hana -Alanui Kaahumanu.

sept30-tf

_____

@ ENOKA JOHNSON.

@ a he Kokua ma ke Kanawai, @ Agena Hooiaio Palapala no ka @ o Oahu.

@ Hana-Alanui Kaahumanu.

sept30-tf

_____

@K. KAHOOKANO.

@he Kokua ma ke Kanawai.

@ Hana-Alanui Kaahumanu.

sept30-tf

_____

@ J.M. POEPOE.

@ he Kokua ma ke Kanawai.

@ Hana-Alanui Betera, ma@ Hale Leta.

sept30-tf

_____

@ JOS. NAWAHI.

@ he Kokua ma ke Kanawai @ Hana-Alanui Betera, ma @ hookahi me J.M.Poepoe

sept30-tf

_____

@ W.C. ACHI.

@ a he Kokua ma ke Kanawai, @ no ka Lehulehu.

@ Hana-Kihi o Alanui Betera @ Moi.

sept30-tf.

_____

@ SAM K. KANE.

@ he Kokua ma ke Kanawai, a @ no ka Lehulehu.

@ Hana-Kihi o Alanui Betera.

sept30-tf

_____

@ J.L. KAULUKOU.

@ he Kokua ma ke Kanawai.

@ Hana-Kihi o Alanui Betera

sept30-tf.

_____

@ J.M. KANEAKUA.

@ he Kokua ma ke Kanawai, @ Agena Hooiaio Palapala no ka @ o Oahu.

@ Hana-Kihi o Alanui Betera.

set30-tf.

_____

@ L. HOLOKAHIKI.

@he Kokua ma ke Kanawai @ agena Hooiaio Palapala no ka @ Kona, Oahu.

@ Hana - Kihi o Alanui Betera.

sept30-tf

_____

@ JAMES K. KAULIA.

@ he Kokua ma ke Kanawai.

@ Hana -Kihi o Alanui Moi@ me Nuuanu.

sept30-tf

_____

@ SAM M. KAAUKAI.

@ he Kokua ma ke Kanawai, @ Ana Aina.

@ Hana -Mauka o ka Hale

sept30-tf.

_____

@ JAMES PAELE.

@he kokua ma ke Kanawai.

@ Hana -Alanui Kaahumanu

sept30-tf.

_____

KA MOOLELO KAAO HOONANEA NO

Kinikalapu Ka

Ui opio noho nahele o Kanediro Enelani kahiko.

Ka hoao paio o na kanaka ikaika ewalu.

 

Ka ui i lawe ia ai i ka lewa e Hailama Ke Akua hoopahaohao.

 

Ka ui i loaa ai ka mana no ke komo kula me ka ipukukui aniani kula ekaeka.

 

Ka mea nona ka lio lele i ka Hikina a ka la.

 

Ka Haleaniani Lele i hoopaaia me na Owililauoho kanaha o na kanaka eha.

 

Ka make ana o Hailama kahi Akua Pahaohao.

 

            I keia kakahiaka a laua i haalele ai i ko laua hale, a na o-le a laua e lohe la i ke kani.

            Ua hiki aku la i kona wahi he haneri koa huli i ke kaikamahine alii, na ke alii o ka papa koa hookahi haneri i ninau aku i ke kahuna moneka.

            Heaha kau oihana? he kahunapule.  Ua loaa no anei ia oe mai ke aupuni mai ka mana e mare aku i kekahi poe ke hele mai ia oe?  Ae.

            Haawi aku la ua luna haneri nei o na papa koa i ka palapala kuahaua a ka Moi a penei ua olelo la:

 

PALAPALA KAUOHA

            "Ke kauoha ia aku nei kela a me keia kanaka he kahunapule i haawi ia ka mana mare mai ke aupuni aku o Farani.  E hoike mai lakou i ko lakou mau hookohu mai ke aupuni aku, e haawi koke aku lakou i ko lakou mau hookohu ma ka lima o ka luna koa o ka papa haneri i ka hora no e loaa ai."

            "O kela keia luna koa, o kela keia papa haneri, ua haawi koke ia ka mana e nana koke i na buke mare, a ina ua ike lakou, ua mare ia kuu kakamahine me kekahi kanaka Pelekane, e hopukoke ia lakou e ia mau luna mana mai ko'u aupuni aku."

            E lawe ia mau luna koa i ko lakou kino ma ka hale paahao, malaila oia e paa ai no kona hookolokolo ia iloko o na hora he 24 mahope iho o kona hoopaa ia ana."     

            Kakau inoa ia e ko'u lima i keia la 8 o Feb. M.H. 1027 ma ko'u Halealii.

Aliona Mesizu.

 

Haku Barona o Farani.

            I ka luna o ka papa haneri i ike pono ai o ke kahuna moneka ka mea nana i mare o Mameriano ma ia kakahiaka no, ua hopu koke aku la ua luna koa nei me keia olelo ana:

            E Mr. Kahunapule, ua ike au ma kau buke, ua mare oe ia Mameriano ke kaikamahine alii a ka Moi o Farani nei, me kekahi kane o Ioane Mariona kona inoa, no ka mea, aole laua i huna i ko laua inoa ponoi.

            O ke kane, o ka hooilina moi no ia o Pelekane.  O ke kuahaua a ka moi no laua, e kipoka ia a make loa malalo o kekahi kumulaau Wilou.

            A no keia kumu, ku hopu nei au ia oe, a e lawe ma ka halepaahao no kou hookolokolo ia.

            E ka luna o na koa hookahi haneri, aole anei oe e oluolu e kamailio aku au imua ou? wahi a ke kahuna moneka.  Aole a i e oluolu ia oe, aole ia o ke kauoha ia'u.

            O kau hana maikai loa o kou huli i loio nana e pale i keia hopu ia ana ou.

_____

He Moolelo NO Aukelenuiaiku

 

Ka Umikumamakahi o na Kaikikane Ike Kapapaiakea.

 

Ka Hoolei ana a na Kaikuaana i Aukelenuiaiku ilalo o ka lua o ka Mooianea.

 

Ka Haawi ana a ka Moo ia Aukelenuiaiku i ka Mana.

 

Ke Ola ana o Aukelenuiaiku.

 

Ka Make Elua ana o Aukelenuiaiku.

 

Ka Malama Maikai ana o Aukelenuiaiku i kona Akua ia Lonoikaoulialii.

 

Ka Hoao ana me ka Moiwahine Namakaokahai.

 

            Paa iho la lakou malalo oia kapu me ka eu ole ae i ka lakou i manao ai he ikaika.

            I ka pau ana o na la elima, o ka piha ana o na anahulu elua.

            Ia manawa kani mai la o Lonomainuu, ka pahu o ka hale hoano, ala ae la na kapu a pau mai ka holopapa ana a keia kapu moe.

            Lohe ae la ua poe keiki nei, ninau ae la ua poe keiki nei, he pahu aha keia e kani nei?

            He pahu no ka hale hoano, no ka poni ana ia Aukelenuiaiku no ke kapu akua, kapu alii a kapu o ka aina.

            I keia lohe ana o na kaikuaana, ua hoonui ia ka enaena o ko lakou huhu nona.

            Hoi ae la o Aukelenuiaiku a noho pu lakou me na makua a pulama loa ia iho la o Aukelenuiaiku iloko o kekahi pa o ka hale.

            Hooulu nui ia ae la na hana lealea e na kaikuaana ma ke kauoha a Kekamakahinuiaiku, he mau hana lealea keia a na kaikuaana e hoala nei i kumu no Aukelenuiaiku e hahai ai ia lakou, oia ka manawa a lakou e pepehi ai.

            No keia kumu no e paa mau nei iloko o ko iku umauma no ka ohumu o na keiki mua e make ko lakou kaikaina.

            Nolaila, aole poina ia Iku ia mau hana, a o na hana lealea a kana mau keiki mua e hana mai la he mau kumu kela e alakai aku ai i ko Aukelenuiaiku mau noonoo lealea e hui pu me lakou.

            Nolaila, hana iho la o Iku i mea hoonanea na kana keiki ma kona hale iho, hoolako o Iku i ka pua ka! ka lupe, na keiki uma, na keiki mokomoko, oo ihe, mahiki me na keiki opio.

            A ua lilo ia i hana nanea na Aukelenuiaiku e hoonanea ai me na hoa paani pu.

            Ao aku Ia o Iku i na keiki alii e ae ana i houluulu mai la, mai kui ma ke kua o Akuelenuiaiku.

            Noho iho ia lakou i kela a me keia manawa e nanea ai me na hoa lealea, a ua lilo ia i mea oluolu maikai o ka manao o Iku.

            Ninau aku la o Aukelenuiaiku i kona makuakane, He pihe aha kela e uwa mai la.

            Pane aku la o Iku.  He mokomoko.

            Pehea ia mea? wahi a Aukelenuiaiku.

            Pane hou aku la o Iku:  Ma o mai kekahi maanei aku kekahi, a o ka mea o laua e hina, alaila, uwa ae.