Ka Nupepa Puka la Aloha Aina, Volume I, Number 27, 1 Nowemapa 1893 — Page 2
| This text was transcribed by: | Rosemary Mccune |
| This work is dedicated to: | Aunty Jo |
KA NUPEPA PUKA LA ALOHA AINA.
Ua Mau ke Ea o ka Aina i ka Pono.
==============
NA RULA ALAKAI
-O KA-
NUPEPA PUKA LA
ALOHA AINA
--
E hoopuka mau ia aku ana ma kela la a me keia la ka nupepa puka la Hawaii ALOHA AINA.
E hoopiha ia ana kona mau kolamu me na manao kalaiaina naauao maluna o na ninau lahulehu o ka la, na moolelo, na kaao, na nuhou kuloko a
kuwaho, na manao alakai naauao o na makamaka i kakau inoi ia.
E hoopuka ia no na olelo hoolaha, na mele, na kanikau, no ka uku loaa mua.
E hoounaia aku no na pepe i ka poe kauoha mai, he hooili pu mai i ka uku pepo.
O ka uku pepa he hapaha ko ka pule, hookahi dala o ka mahina, umi dala o ka makahiki a he umi keneta no ke kope hookahi.
KEENA HANA:
MA KA HALE O KILIKINA.
Alanui Papu. Honolulu
========
Aloha Aina.
========
J. K. Kaunamano
Ona, Lunahooponopono a me Puuku.
========================
Poakolu, Novemaba 1, 1893
========================
E ka lahui manao maikai a makou i paulele nui ai.
Eia ka leo oiaio o ke ALOHA AINA e panee aku nei no ko oukou mau hora hoonanea.
Aohe makemake o Peresidena Kalivalana i ka hoohui ia Hawaii ne me Amerika.
Aohe no he makemake o ka Ahaolelo Senate a me ka Ahaolelo lahui i ka
hoohui aku ia Hawaii me Amerika.
Aole no he makemake o na kanaka waiwai nui o Amerika no lakou na noonoo oi ae o ka maikai i ka hoohui ia Hawaii me Amerika.
Aohe no he makemake o Amerika e noho mai e hoomalu ia Hawaii nei.
Auhea oukou, o na haole o Hawaii nei ka makemake e hoolilo ia Hawaii ne no Amerika.
O kau haole o Hawaii nei ke ake nui loa e hoohui ia Amerika me Hawaii nei.
E ake ana na haole o Hawaii nei i ka hoohui i mea e pakale ai lakou.
E ake ana na haole e hoomalu mai o Amerika i palekana ae ke ola.
Aole i pau loa na haole o Hawaii nei i ka hui me na haolo no lakou na hana lapuwale.
O keia mea a lakou e olelo nei i ke kokua o Kalivalana ika hoohui aina.
He palau kela, mai puni kakou i ka lakou wahawai mai.
E kuhi ana paha e puni aku kakou i ka lakou hoonuinui mai.
Eia iho ka mea oiaio, eia o Kalivalana mahope o ka hoihoi i ka Moi ma ka Nohoalii.
Hilahila loa o Amerika i keia hana pupule a kahi haole hehena Stevens, o kona ma'i mua no ka ia.
===
E makaaia nui ae.
--
EIA ke hoolaha mai nei ka Hope Luna Helu a Auhau o ka Apana o Honolulu nei, e hoomakaia ana ka wehe akea ia o na buke helu o keia Apana no na hoohalahala a ka poe i kuleana no ia hana, nolaila, e hoomaka ia ana ka wehe ia ana keia la a hiki i ka la 15 o keia mahina. E makaala e na makamaka, o hala ka wa pono.
===
Hoomana Naauao.
--
Ma ka manao lokahi o na hoa o ka Aha Kuka o ka Hoomana Naauao, ua hooholo lakou e pai ia na wehewehe ana o ka mana kaulike e pili ana i ka Bapetizo ana i na keiki liilii maluna o na Alakai ana o ka Palapala Hemolele ke kahua o ka hoomana karistiano naauao.
---
E WEHE ana o W.A. Kiha i ka haiolelo ma ka Halepule o ka Hoomana Naauao ma ka hora 7:30 o ka po Sabati e hiki mai ana, Nov. 5. E hele nui ae na hoahanau o a hoomana a me na poe a pau e lohe ika oiaio o ko ke kanaka Hawaii kukulu maoli ana i ka oiaio.
=====
NA LETA.
--
[Aole makou e lawe mai i ke koikoi o na hala a me na hewa o na manao a na makamaka i kakau mai ai maluna iho o makou, aka, e ili no ka koikoi o ia mau hewa maluna o ka poe nona ia mau manao i hoolahaia. L. H.]
---
Honolulu, Oct. 27, 1893.
Hon. J.K.Kaunamano, Peresidena o ka Hui Kalaiaina.
Ma kou ano Peresidena, ke ninau nei au: he oiaio anei,ua aelike ka Moiwahine me ka Hui Kalaiaina, na ka Hui Kalaiaina e Waiho aku i ka papa inoa o ka Aha Kuhina o ka Moi? Pela ihola ka'u i lohe i ka J. Kanui kamailio ana ihola ia makou e kona ana i ka Moiwahine e hoike ae i ka manao o ka Hui Kalaiaina. He oiaio anei kela? o oe ka mea i ike ma kou ano
Peresidena no ka Hui Kalaiaina.
Owau no me ka mahalo a me ke aloha nui, Solomona D. Beta.
Solomona D.Beta, Aloha oe - I pane no kau ninau, "aole oiaio."
He Hui Kalaiaina Hookuonoono ka'u e noho Peresidena nei aole au i ike i kekahi olelo aelike me ka Moiwahine, "Na ka Hui Kalaiaina e Waiho aku i ka papa inoa o ka Aha Kuhina me na Luinakanawai Kiekie a pela aku."
No makou iho, kekahi kela o nahana hewa ino loa,
Me ka noho hamau o ka Moi me ka paa ekemu ole o kona waha, eia ka, he aelike kana ma ka Huilakaiaina no ka hoonohonoho Luna Aupuni.
He mau hana ohumu ia me na manao ino e hapala aku ana i ka noho hilu a ka Moi ke imi ia aku nei nae na mea lewa loa e poino ai i ke alii i keia haua ino loa.
=====
Na Sila o ka Aloha Aina a o ko makou Kahua Alakai.
---
E aloha i kou Moi a me kou hoakanaka, a maluna ae nia mau mea,e aloha i kou aina, no ka mea, ua oili mai oe mai kona puhaka mai.
--
E pulama me ka laahia i kou hae, no ka mea, aia me a ka hanohano, ka lanakila a me ka hauoli mau ana o ka aina mai o a o na ka wa mau loa.
--
E Hawaii opio, e kulia imua i ka nuu o ka naauao, oiai, oia ke kahua kumu o ka nohona kuokoa ana, a e lawe mai i ka hoopono,oia kou alakai e hoike mai ana ikou aloha aina.
--
E nana mua i ka pomaikai a me ke kuokoa ana o ka Moi a me kou Aina, a maope i kou.
--
O ka noho lanakila ana o kahi lahui, oia no ka hookelia ana o kona nohoalii e kona Moi ponoi o kona lahui.
--
E hoopono me ke akahai, e naauao me ka oiaio, a e aloha me ka paulele holookoa ana no ka pono a me na pomaikai o kou aina.
--
E hana me ka hoomaopoo i kona waiwai io no ka hoahu ana, no ka mea, oia ke kahua nui nui no ka hooholo ana i kou aina, a o ka hoike ana hoi i kou makee noaa.
--
E nana ia mua no ka hopena o kau mau hana imi pomaikai no kou aina: malia eia oe ke hele aku nei ma ke alahele e halawai ai me na ino he nui, a o kou ike mua ana a hoomaopopo, he hai maopopo ana ia i kou aloha aina.
--
E nana me ke hoomaopopo pono i na poino a me na ulia i loaa i kou aina, ina he mau poino kahi e kaupale mai ana i kona hooholomua ia ana, a ke ike oe e hoike i kou aloha a makee aina, am kou imi ana i kau hana kupono e hana ai no kona mau pono.
--
O ke aloha alii kou hanohano, o ke kupaa oiaio mahope ona keu le o ka lanakila, a o ke aloha aina iloko ou ke sila oiaio no koaa pomaikai, a o lakou a pau ka ume waena o kau mau hana a pau.
G. K.K.
=====
HE KUMUMANAO.
---
"E HEIHEI LANI KAKOU."
--
MR. PERESIDENA;
Me ka maalo: -
Iwaena o ka noho ana o na aupuni o ka ao nei, aia iwaena o na aina i noho ia e ka naauao a me ka malamalama o ka olelo a ke Akua, ua malamaia a ua hookaawaleia kekahi la nui no na heihei kukini, o ka iini nui o ka mea e heihei ana, o ka hiki aku i ka pahu hopu a loaa mai ka makana i hoomakaukau ia ne ka moho naua ke eo.
I ka wa kahiko i aui wale aku la, ua malamala ma ke aupuni a me Italia na heihei kuki@ olioli a me hauoli o na @ ua hoolei ia aku he leia@ hano i ka mea nana e ah@ lanakila o ka la.
E o'u mau hoa o ka Al@ o Ema Hale nei, aole wa@ ana e lilo oukou a pau i pa@ no keia honua; aka, o ka @ kuu uhane, e lilo kakou @ kukini e heihei ana mai ke@ i hiki iluna o ka lani, kahi e @ ai na makana oikelakela @ oia hoi, ke ola mau loa o @
E ku iho iluna o ka a@ manaoio, ka manaolana a @ ka. E hawele ilio i na p@ ka olelo a ke Akua,m e pap@ ka mahiole o ka luli ole @ oiaio; e holo pololei ma @ ololi o ka pono, oiai, aia @ ao mai ke ku mai la ka @ Haku, a me ke Alii o na A@ makana pakahi ana i @ ai no ka poe i maemae k@ poe i hooikaika a i hana @ Akua makemake ma ka hoo@
Ma na kukuni ana ma @ nei, hookahi no makana i @ waleia i ka nea e puka ana; @ pela ko kakou Haku Iesu @ Kona makana i hoomakaukau ka mea, ina he mau tausani @sani o na uhane pono a l@ hiki aku ana imua o Ko@ hoolei ana Oia i ka leialii ma loa e ola ai na uhane.
Aole no ka nui o ko @ me kau hana maikai i hana @ honua nei, e oi aku ai kou imua o Kona nohoalii, a@ wale no ka makana e haa@ ana i ka poe i heihei lani @ mau makahiki ae nei ka @ ma mahina e he mau la @ oukou hana i ka makem@ kakou Haku, alaila aole @ e oi aku ai ka pomaikai o ka i ka hiki hope. A elike me @ nane a Iesu i olelo mai ai, no uku i ka mea e hana ana kahiaka, ke awakea a me @ A ua pili no ia mau olelo @ kou Hoopalanai no ke au@ ka noho olioli mau ana @ puali anela a me ka mele @ mele o ke Kiekipip@ ke @ kie Loa.
(Aole i pau.)
===================
Ke Ola Kino
---
O ke Ola, oia no ka@ ke kino, a he mea a@ o ke kono, o ke k@