Ka Nupepa Puka la Aloha Aina, Volume I, Number 22, 26 October 1893 — Page 2
| This text was transcribed by: | Hartwig Hermann |
| This work is dedicated to: | To Aunty Lolena |
KA NUPEPA PUKA LA ALOHA AINA.
Ua Mau ke Ea o ka Aina i ka Pono.
NA RULA ALAKAI
- O KA -
NUPEPA PUKA LA
ALOHA AINA
---
E hoopuka mau ia aku ana ma kela ia a me keia la ka nupepa puka la Hawaii
ALOHA AINA.
E hoopiha ia ana kona mau kolamu me na manao kalaiaina naauao maluna o na ninau lehulehu o ka la, na moolelo, na kaao, na nuhou kuloko a kuwaho, na manao alakai naauao o na makamaka i kakau inoa ia.
E hoopuka ia no na olelo hoolaha, na mele, na kani kau, no ka uku loaa mua.
E hoounaia aku no na pepa i ka poe kauoha mai, ke hooili pu mai i ka uku pepa.
O ka uku pepa, he hapaha ko ka pule, hookahi dala o ka mahina, umi dala o ka makahiki a he umi keneta no ke kope hookahi.
KEENA HANA
MA KA HALE O KILIKINA.
Alanui Papu, Honolulu.
---
Aloha Aina.
J. K. Kaunamano
Ona, Lunahooponopono a me Puuku.
---
Poaha, Okatoba 26, 1893
---
Me Maikai ke Oia o ka Moiwahine e noho nei, he mau nanaina maikai ko Kona mau helehelena a ke nonoi haahaa nei makou i na Mana Lani Nona.
---
Nani keia la hoano, E ku kokoke nei;
A Liliu Lani i pii hou ai, Maluna o Kona Nohoalii;
Hauoli, mele pu, oli ae,
Haleluia, oli pu, mele ae.
Hoano mau ae ia la, No ka Moiwahine no; Me Kona lahui makee pu, Ku a naue hapai pu;
Hauoli, mele pu, oli ae,
Haleluia, oli pu, mele ae.
Ku hoomana wauui no, Ka Moi me ka lahui; Ai hoonuu i na pohaku, Me na inea pu o ka po;
Hauoli, mele pu, oli ai;
Haleluia, oli pu, mele ae.
He la nani kamahao, Ka la i ku hou mai ai; Ke ola lanakila o Hawaii, Haule make e na enemi;
Hauoli, mele pu, oli ae,
Haleluia, oli pu, mele ae.
---
Kuokoa Puka La.
---
Ke a'o a ke koi mai nei ka mea kakau o ka ka nupepa puka la kuokoa, a wahi a kana mau kalai ana, aole kupono i na kanaka Hawaii ke hookele i ke aupuni, aohe waiwai.
A ke koi mai nei, na ka poe waiwai e hookele i ke aupuni, no ka mea, wahi ana he ehiku hapaumi ka nui o na waiwai o na Amerika.
Nui no ka makee a me ke kuhalahala, paakiki ka lolo i ka lili. Ke hoomaopopo nei au, e makee ana no oe nau uo e hookele, i na oe he haole no anei.
Ke kuhalahala e nei no oe o noho ae ke kanaka Hawaii nana e hookele i kona aina iho i Hawaii no Hawaii. Ke hoomau la no oe i ka lili iloko o ko lolokaa no ka lilo o ka hana, a no ka hoohanohano mai, make loa oe i ka lili kuhalahala.
A ina he haole waiwai nui oe mai na Aina E mai, a ua uluhua oe i kou auhau ia no kou waiwai, ina no ia kumu na kuhalahala makee a lili ana pokole loa ka alahele, ku no a hoi no Amerika me ka waiwai, aele hookahi kanaka Hawaii makee aku, ina oia kahi auhau ole ia o na waiwai.
He alanui pokole loa keia, hoolilo ka waiwai a koe ke kino elike me ke kanaka waiwai ole, he auhau kino wale no, mama loa kela.
Ke olelo maopopo nei makou, o na kanaka Hawaii ka mea nana i uku ke kumukuai o ka lole, ke dute, na lilo e ae, ka ukupanee, ka puka, ke olelo mai nei, ehiku hapaumi ka nui o na waiwai o na Amerika.
O keia kekahi kumu a keia aupuni i waiho ai imua o Blount, a o Alekanedero ka mea hooiaio ia kumu, a oia no kana kumu e ku la no Amerika a maloo ka wai o ka niu.
Ma na ano a pau o keia kumu, ua pane ia a ua pale loa ia e na hooia koikoi a ka Hui Hawaii Aloha Aina o Honolulu.
Ina he haole a he kanaka maoli hookahi no laau lapaau e ola ai ka makahele@ a me ka makole o na maka o ka naau, o ka puakala me ke ihi.
He Pahaohao makou.
---
Maloko o ka nupepa Kuokoa puka la o ka Poakahi nei, na heluhelu iho makou i kekahi manao i hoolaha a e pili ana i ka papahelu waiwai o ka poe e lawelawe nei ma ka mahiko, a e hoike pu ana hoi, he 95 hapa-haneri o na loaa na ua haole Amerika a me Europa e uku nei i na auhau aupuni.
Ua hoike hou ae no hoi ua Kuokoa puka la la, o kahi ana i hele ai e hanuhanu a loaa mai keia papa hoike helu o na loaa, mailoko mai no ia o na wahi hoahu opala o ka nupepa "Hoku" o keia kulanakauhale a maloko hoi o ka hoike, e olelo ana, penei:
"Aole loa he mea hiki ia lakou ke ae na kanaka Hawaii maoli e kau kanawai no lakou," a pela aku.
O na manao keia o ka nupepa Hoku, i kokua ia e kona pulami hale oia hoi ke Kuokoa. Kupanaha ka lilo ana o ke kamelo puikaika i ka maka o ke kuikele, i mea nana e rula i ka noho maluhia ana o Hawaii.
Aole o ke ku ana o na hale hoahu waiwai nui, a palale maluna o ka le po o Hawaii, oia ke kumu e lilo ka okoa ai na lakou e hooponopono i ka mana hoomalu maluna o ka aina, no ka mea, he mea okoa ia, a he okoa ka mana aupuni.
Nohea mai keia ehiku hapaumi o na loaa o keia poe e olelo nei, na lakou ka mana e hoomalu ai i ke aupuni, aole anei mamuli o ke komo ana mai o ka poe aluna, e hoao e hoomalimali ia kakou, a i ko kakou mau kupuna a me na makua i moe aku la i ka moe kau a hooilo, me na leo hoonawali o ka mea i piha i ka maalea, e kukala ana ma na wahi kiekie, a e holo laula anu ma na wahi haahaa, me ka leo e kala ana:
"Mai hoahu oukou i ka waiwai no oukou ma ka honua, kahi e pau ai i ka mu a me ka popo."
O keia k kahua nui i loaa ai keia ehiku hapaumi o na loaa o ka aina, i ka poe mai o na aina e, oiai, o ka hapanui loa o lakou i pae mai ai i ka aina o Hawaii oluolu, he poe hune a nele loa, a he kakaikahi wale iho no na wahi wana io i ka wa i loaa aku ai i ka lima o na kanaka ponoi o ka aina.
E hoomanao kakou, o na aupuni nui o ka honua, eia lakou malalo o na hookele ana a ko lakou mau kanaka loaa a piha i ka waihona ike o ka naauao, ina no he waiwai a ilihune paha e loaa ana no ia lakou ka mana hooponopono no ko lakou aina.
Nolailo, o na olelo kumu ole, e pili ana i ke kupono ole o ko na kanaka Hawaii hookele ana i ko lakou aupuni na ka poe naau haakei ia, a piha i ka manao ino o ka noho ana.
---
Aloha Aina kue ia Hoohui Aina.
---
O ka Hoohui Aina ke kumuhana ano nui e waiho palahalaha nei imua o kakou, ka poe Aloha Aina a me ka poe Hoohui Aina.
Ma ka aoao o ka poe Hoohui Aina, ke koi mau nei lakou me ka ikaika nui ma na ano a pau me na leo hauwalaau o ke ano laelau, na pauku kino a me na lima, me na wawae a me na manao uluahewa o ka makau wale, e hoohui koke aku ia Hawaii nei me Amerika, ma ke ano he mokuaina a panalaau.
(a) O na haole hoohui aina na poo alakai ma keia kumuhana hoohui aina.
(e) O na poe anee haole mau, hoohui aina.
(i) O na poe kuhinu haole mau, hoohui aina.
(o) O na poe palu haole mau, hoohui aina.
O lakou a pau ka poe e kakoo mau nei ma keia kumuhana hoohui aina.
Ma ko lakou ano he mau kilokilo lani, kilokilo ouli, kuhikuhi puuone, kahuna kuni, kahuna anaana, pahiuhiu, hoopiopio, akua hoounauna, hano akua hana, a pela aku.
Me na manaolana o ke kuhihewa nui, e lilo ana oe e Hawaii a pau poo pau hiu ia Amerika, a e make ana oe e ka lahui Hawaii, kou kulana Aupuni Moi a me kou kuokoa ana. Oia ka lakou mau leo pule e ki a mau nei i ka po a me ke ao me na maka hiaa o kahiamoe ole, me na helehelena o ka uaau kaumaha; oiai,
Ua haalele o Iehova Sabaota i ka aoao o ka poe hoohui aina he mau makahiki mamua aku o ka A. D. 1887.
Ua punuku mai ke Akua i ko lakou mau waha i ole e olelo i na olelo oiaio a maemae o ke ano kalaiaina oiaio ula-paa.
(Aole i pau.)
He Wahi @oohea
---
Elima huaai a kekahi kaua keo e paa ana ma kona lima, ae la oia:
E na lani, o maliu mai, ke nei au i keia mau huaai, i @ ke kaikamahine a hai, a na @ a ke oiahoio he elua hua.
Ua loaa mua aku la ke @hine e noho ana iluna o kel@ haku mahala, a haawi aku @naka i na hua ekolu, la @ no i ninau mai ai ke kaika @ ke kanaka:
"Heaha ka hana a keia m@ pane aku la ke kanaka, he @ ke ola."
"A pehea e hana ai?" wahi ke kaikamahine, pane hou @ kanaka, penei: Ka Makua @ iki, ka Uhane Hemolele.
A he waiwai nui anei @ hua au i haawi mai nei ia u@ wahi a ke kanaka keokeo.
Ia wa hele hoi aku la ke keoke me na huaelua i koe @ lima, a hala he mau anana aku iho la oia e nana ma o @ a e kiloi ana hoi kona kiio@ nani o ka aina.
Oleleo iho la oia iloko ona @ ni, ua ike au, e huli hou @ hikina a hoi hou mai me @ keokeo o ko'u aina, alaila @ aku i na hua pule maluna @ hine e noho mai la maluna @ena hinano o Puna.
Ia wa o na hua aku i kona kanaka keokeo, oia no ka @ i ka aina o ke aliiwahine, @ hao ana i ka pono o ka lahui.
---
HAINA O NA NANI
---
Sweet Home - O keia @ kui ana o na pupu @ lawe pono ai ke kuwili @
Na pupu mua elua, @ pupue one, (NUPEPA) @ elima. (ALOHA); na p@ eha, (AINA); nolaila, @ ana o na pupu a p@ alaila, loaa akula ua k@ na nei, oia hoi keia K@
ALOHA AINA.
J. K. K@
Auwaiolimu, Oct, 27 @
"E hauoli mau ana @ i ka emoole a hiki @ huli ana me ka @ o ka haina ia o ka @