Ka Nupepa Puka la Aloha Aina, Volume I, Number 19, 23 October 1893 — Page 4

KA NUPEPA PUKA LA ALOHA AINA.

Ua Mau ke Ea o ka Aina i ka Pono.

 

A RULA ALAKA!

O KA

NUPEPA PUKA LA

ALOHA AINA

 

            E hoopuka mau ia aku ana ma kela la a me keia la ka nupepa puka la Hawaii ALOHA AINA.

            E hoopuka ia ana kona mau kolamu me na manao kalaiaina naauao maluna o na ninau lehulehu o ka la, na moolelo, na kaao, na nuhou kuloko a kuwaho, na manao alakai naauao o na makamaka i kakau inoa ia.

            E hoopuka ia no na olelo hoolaha, na mele, na kanikau, no ka uku loaa mua.

            E hoounaia aku no na pepa i ka poe kauoha mai, ke hooili pu mai ka uku pepa.

            O ka uku pepa, he hapaha ko ka pule, hookahi dala o ka mahina, umi dala o ka makahiki a he umi keneta no ke kope hookahi.

KEENA HANA:

MA KA HALE O KILIKINA.

Alanui Papu, Honolulu.

 

ALOHA AINA.

J. R. KAUNAMANO

Ona, Lunahooponopono a me Puuko

HONOLULU OKATOBA 23, 1893

 

Ka Wanana a David Malo!

 

            Ma ka makahiki 1837 ua wanana mai o David Malo mal@ o ka luakini o Wainee, Lahaina, Maui, imua o ke anaina halawai haipule, me keia mau huaolelo o ke kupaianaha mai loko mai o ka Halelu a Davida, iaia heluhelu ai ma ka Halelu 113 a maka pauku 5, penei kana mau huaolelo wanana la: "E kipi ana ua misionari, aole nae o lakou nei, aka, o ka lakou mau keiki, a i ole ia, o ka lakou mau moopuna. O ke alii e ola ana ia wa, e ku olohelohe ana oia, a o ke aupuni e kukulu ia ana ma ia hope, oia ke aupuni paa o Hawaii nei."

 

HOOMAKEAKA

 

            I ka manawa i hoomaha ai ka Ahahookolokolo a hookuu ia na jure no hookahi hora, olelo ae la ka loio o ka mea i hoopii ia imua o kona mau hoaaloha penei:

            Ua hiki loa ia'u ke haiolelo imua o ke jure a uwe lakou imua o'u a imua hoi o ke aha, ia manawa hookahi no e akaaka pu mai ai me ka poe e noho ana mahope o kuu kua.

            I  ka hiki i'o ana mai o ka manawa a ua loio la e haiolelo ai imua o ke kiure, ua haiolelo hoouweuwe iho la oia, (elike paha me Helene Beka iho nei) uwe i'o mai la na kiure, ha'uha'u hoi ka waha o ka aha.

            I ka manawa hoi a ua loio nei i kulou aku ai imua o ke kiure, e lewalewa ana kona palule mawaho o kona puapua moa a ua nahae pu me kona lole wawae, e akaaka i'o mai ana ka poe e noho mai ana mahope ona me na leo nui ia manawa like, a hookuu ia ka lawehala.

 

O keia iho na Inoa o ko makou mau Luna.

 

D. Kahaleluhi.  C. K. Kahele.

Sam. kaanaana.  Sol. Keaniani

T. C. Polikapa  K. Kekua

            Ke olelo nei o Daniela Hallock, S. W. Keawekuloa, Aikake, Ilihune, Kunohio, G. W. P. Kihamahana, he poe i hoopunipuni ia e na luna o ke Aloha Aina, a ua huli ae la lakou ma ka hoohui aina. E koho ana la ua poe nei i ke aha la, i ka alaala paha, o ka huli ana ma ka aoao hoohui aina, ahea la hui ka aina o lakou. Na ke Akua ka e malama i ko kakou koho ana, o ke Akua hea aku la la ia hookkhi no Akua o Waihee a me Waiehu, o Umiamaka nana ke eke one he okea ko loko. Hu ko makou aka i kela poe.

 

OLELO HOOLAHA

 

            E ike auanei na kanaka a pau ke nana mai i keia. Owau o Wahine Keoili, ke kane mare a Ripeka Wahine Keoili, ke papa loa aku nei au i na mea a pau loa, mai hookipa mai lakou iaia, aole no hoi ma na ano a pau, aole me kekahi kane manuahi e loaa aku ana iaia ma keia mokupuni o Oahu nei, a aole no hoi ma kekahi o na mokupuni i loko o ka Paeaina o Hawaii nei. Aole no hoi e hoaie mai iaia ma ko'u inoa. A ina kue ia ka'u olelo hoolaha, alaila, e hoopii no au ma ke kanawai, a o na poho hoi a pau o kana mau aie, maluna no ia o oukou. No ka mea, ua haalele iho o Mrs. R. W. K. i ka la 13 o keia malama, me na keiki 7 a maua, a me ka moopuna. Mamuli no hoi o ke ano mau o na wahine ike ia nei, aia lilo i ka mea hou, oi@ ho la ka wa e hoohakahaka ai me k@ kane mare, a eia oia i kauhale kahi@ noho ai, a haalele iho la ia'u me k@ i maua mau ohana. E hoolohe i keia a a ina e hooko pono ole i keia olelo hoolaha, e hoopii no au ma ke kanawai.

MR. WAHINE KEOILI,

Kanawai, honolulu, Oct. 18, 1893.

oct18-1wd

 

Kauka McLennan.

(Makalena.)

Helu 131  Alanui Papu.

Na hora hana: 9 A.M. a hiki i ka hora 1 @ M.; a mai ka hora 3 a hiki i ka hora 5 P.M.

Te. Keena Oihana 682 MUTUAL - Halenoho Tel. 287.

 

KAUKA

Yong Kam Pung

(APANA.)

Helu 81  Alanui Maunakea.

KAUKA LOEA O KA 'AINA PUA.

 

            Ua hiki ke hoola kela me keia ano ma'i, mai ko na kane, wahine a me na keiki liilii. O na ma'i ha-no ua hiki loa ia ke hoola ia, na ma'i Akemama a me na ma'i Puuwai a me na ano ma'i no a pau. Pela pu ho'i na ma'i lele, Kolera, Hebera, fiva lenalena, lepera, Maialii, ke oki a me ka hoola ana, pau pu me na koko ino.

            Ua hiki i ka'u laau ke hoohemo keiki i ka wa nahunahu me ka poino ole. He laau no kekahi no ka hooponopono hou ana i ka waihona keiki a i ka wa e inu ai i keia laau me ka malama loa i ka rula, e loaa no he keiki i ka poe i loaa ole he keiki mamua aku.

            Eia no hoi me a'u he mau laau hoohanau keiki, oiai, o kekahi poe he eiwa makahiki o ka noho pu ana me ke kane aole nae he loaa o ke keiki, i keia wa, ua loaa he elua keiki, mamul io ka ai ana i ka'u laau.

E Naue mai i Ike Maka.

            He pomaikai nui keia no na makamaka i hoonele ia me keia haawina makamae. E hauoli no au ke ike aku i na makamaka e kipa mai ana e kuka pu me a'u ma na ano a pau e pili ana i ka'u oihana?

            E KIPA mai e ka poe i hooluuluuia me na haawina pilihua a ka ma'i, a na'u oukou e hooluolu aku.

            KAUKA YONG KAM PUNG.

Honolulu, Sept. 27.  tfd

 

HO YEN KEE MA.

MEA HANA TINI, A MEA KUAI-PA, A LAKO ANIANI O NA ANO A PAU.

 

            Ua hiki ke hoomoe ia na paipu wai o na ano a pau, a ua hiki ke hana a hoomaemae hou ia na paipu wai kahiko, o kela a me keia ano.

            E hooko ia no na kauoha hana a pau me ka hikiwawe loa.

Helu 41 Alanui Nuuanu - Mawaena o na Alanui Moi me Hokele. Ma ka hale o Aseu.

 

ELEPONE 92.  PAHU LETA HELU 1@

H. E. McINTYRE and B@

MAKINIKAEA ME HOAHANAU

 

He Mau Mea Hoolako mai a Kuai aku i na

Me Ai a me na Ai Holoholona o na an@ pau

E loaa mau mai ana na Mea ai o Kaleponi ma na mokuala @

            E hooko pono ia no na kauoha a pau a e lawe ia aku @ i na wahi a pau o ke kulanakauhale nei me ka auhau ole.

Makemake ia na kauoha o na Mokupuni.

E HOOIA NO NA ME PAU - Kihi Hikina o na Alanui Papu @

oct.3-tfd

 

HALEKUAILAKOHAL@

ROBIKANA HALE.

ALANUI HOTELE, MAWAENA O NA ALANUI PAPU ME N@

 

Ua weheia a ke kuai nei, a e loaa no na ano lakohale @ na ano a pau e like me keia,

NA PONO RUMI MOE OKA!

I kinohinohiia;

NA PAKAUKAU HOONANI, PAHU-UME KU, NA PAKAUKAU UWAI-I-KA-LOA, ETC.

Eia hou, o kela a me keia ano maikai loa o na

LAKOHALE I-E A ME OHE

HANA PELA!

Na Pela Maikai Loa Uwea, Lauoho Huluhipa, Mauu a me @ Hulu o na Manu Koloa Ola a me na Hulu Kilika no @ Uluaa. Ke konoia aku nei ko oukou lunaikehala e makaleho ae i na ano hou.

Na Pela Uwea Holuholu?

            Maikai loa a emi no hoi ke kumukuai i laweia mai i ke@ Na Koki a me oki Moe, ma na kumukua o Kapalakiko@ KAA BEBE o kela a me keia ano. Moe Bebe, Me Bebe@ a me na Noho Bebe kiekie. Na Pou lalau a me Pou i @nohiia me ke keleawe. Ua makaukau maua no ka hoom@ na Moena Pake a me ke kinohinohi ia loko o ka hale @ hale me na Pela e hiki ke pahonohono houia e na paa@ ekahi; hana lakohale hou. E hoao mai ia maua. @ ona haahaa o ke kumukuai.

ORDWAY & PORTER,

Robikana Hale

TELEPONE-Bel. 525  Mutual, 625.