Ka Nupepa Puka la Aloha Aina, Volume I, Number 19, 23 October 1893 — Page 3

KA NUPEPA PUKA LA ALOHA AINA.

Ua Mau ke Ea o ka Aina i ka Pono.

 

@ note: this first column has been folded over, so I’ll type it as I see it.

 

@OIHANA LOIO.

 

(Hoomauia.)

 

@oomau aku makou i ko

@kamailio loihi ana ma-

@ke kulana hanohano o

@ana Loio no keia mau

 

@o nui ia nei ka lahui

@iloko o na kula ma ka

@Beritania, a e make aku

@Olelo Hawaii ma keia

@

 

@he wa maikai keia o

@ e hoomakaukau ai e

@ keia oihana hanohano,

@lawelawe ma na keena

@ a aku ole elike me ka

@hoomanawanui ai no

@ka wa hune o ka aina.

 

@a ai ka waiwai o ka

@kea’o ana ma ka olelo

@me ke poho ole o na

@makua, i lilo ma ia

@o ia ana, eia ka hana

@ai i na dala lilo no ia

@

 

@ hana loio, he hoike

@ana e hooiaia mai ka

@eiki i ke akamai a

@ee i ka Olelo Beri-

@ana haiolele akea ia,

@akamai a pahee ma

@ ana, he hoike nui i

@hano o ka oihana loio

@ka lakou e kaao mau

@

 

@ e kokua nui ia mai

@kou mau hoakaka loihi

@a manao --

 

@ makou e olelo ae ia

@epoe he pahee ma

@olelo, W. C. Aehi,

@Kane, Jos. Nawalu,

@, J. K. Kahookano,

@ukou, J. K. Kaala,

@lakou elike me ko

@ Kauahi.

 

@lakou mau hiolelo

@a nui a ua uuku. aole

@emi iho i ke kulana

@o ka Oihana Loio.

@ne Rosa ka Loio

@a i lawe mua i ke

@hanohano o ke kanaka

@kona Loio a ma ka

@ke kulana Loio Ku-

@kulana i lawe ole ia e

@Hawaii, koe wale no

@Kauahi me A. Rosa.

@aopopo paha na ma-

@a keiki i ka makou

@ka mau ana.

@akou wale o na keiki

@na kanakamakua ka

@noho nei ma na hale

@

 

@eloia a’u i olelo aku

nei, ua hauoli k amanao o ko lakou mau makua, a ke olelo nei lakou ua hoi ko lakou poho.

         Ua olelo ae ke lii P. Numana maloko o ka Ahaolelo e pili ana i kekahi ninau o ke kanawai hookolokolo, ua pano ka Lunakanawai Kiekie makehewa ke nana i ka Olelo Hawaii, e make loa ana ia olelo ma keia mua aku.

         He mea maopopo ma ia ano, o na loio i makaukau i ka Olelo Beritania na lakou ka hana imua o na Aha Kanawai.

         O ka papa loio piha a makou e kamailio nei, he poe naauao, aole no ka lolo o na loio haole ka nui o ko lakou ike, aka, no ka nui o na buke kuhikuhi a me na buke alakai ko lakou oi ana. Ke olelo nei makou, ua oi no ka Hawaii.

         Lehulehu no o na loio naauao ma na kuaaina e noho nei no ka Aha piha e like me J. W. Kalua o Wailuku, J. Kalama o Makawao, J. K. Hanuna o Hana a me W. A. Kiha, he poe maalea lakou i kahi olelo haole e pono ai kekahi mau ninau kanawai.

 

Ka Wi Nui ma Kona Hawaii i ke Au ia Kamehameha I

 

AI NA ‘LII I KA AI ILO.

 

         I kela mau la koliuliu i hala kahiko, oiai o Kamehameha me na ‘lii e noho ana ma Kailua, he maloo ka aina i ke wela a ka la, aohe ulu o na mea kanu, ai na ‘lii i ka ai ua hele a eu ka ilo. Olelo aku la o Kamehameha i kona kahuna; wela mai nei hoi ka aina, maloo aohe wai.

         Pane mai la ke kahuna iaia; aia no ka ua ia oe e ke ‘lii, ninau hou aku la ke ‘lii; pehea auanei e loaa ai ka ua ia‘u? Olelo mai la kona kahuna iaia, eia ko aina, oia hoi he pohaku eleele e kii oe i ka ua i ko kanaka e noho la ma Kainaliu o Kauapakakahi kona inoa, a i ike oe i ko kanaka, e waiho aku oe i ko aina imua ona, a e ike mai no auanei oia.

         I ka pau ana o na olelo ao ana a kona kahuna, ku ae la ua ‘lii nei a hele aku la i kahi a kona kahuna i kuhikuhi ai iaia. I kona hiki ana aku ilaila, ike aku la oia i ua elemakule la e noho ana ma ka ipuka o kona wahi hale, e peapeahi ana me kona lima no ka wela, oiai o kona hoi ana iho no ia i ka hale, a aole no hoi keia elemakule i ike mua i Kamehameha, no ia ike ole ona i ke ‘lii mamua, nolaila ua noho nanea oia me ka nana pono ana mai i ke alii e pii aku la mamua pono o kona mau maka. I ka hiki ana aku o ke ‘lii mawaho o ka hale, aloha aku la oia i ka elemakule a aoloha mai lo no hoi kela iaia nei.

         Ninau aku la o Kamehameha iaia, aia la ihea ke Kuapakakahi wai i noho nei? Pane mai la ua elemakule la, owau no ia e kamailio aku la imua ou. Unuhi ae la o Kamehameha i ka pohaku ula nemonemo maika oia wa i kpaia “ka aina” a waho aku la ma ke alo o ua elemakule la. Ia manawa no ua moe koke iho la ua elemakule la ilalo kona alo, a puana iho la i keia mau huaolelo anoano eehia: “Auwe laahia hoi ko kapu ia’u e Kalani, heaha ka huakai a kuu haku i hiki mai ai o nei wela nui?”

         I kii mai nei wau i ka ua, wahi a ke alii “Ae, e wiki e holo o loaa auanei oe i ka-hiko o ka Akua.”

         Holo aku la o Kamehameha a alawa ihope, ike aku la oia i ua elemakule la i ko kuha ana ae iluna, aia hoi, emoole pouli koki mai la na ao ua, aole oia i hiki i kauhale, pulupe iho la ua Kalani la i ka-hiko o ua akua la ona.

         A ua kapaia ua ua la, he ua naulu a kamalii e kahea ai: “naulu naulu mai lewalewa.”

 

KA OPIO KIPU.

 

         O kela haole a makou i hoike aku ai i kela pule aku nei, ua kipu iaia iho ma kona lae, ke pii awiwi ae nei ka oluolu maikai o kona ola, a me he mea la aole e liuliu loa na la, a loaa ka palekana. Ia wa e hoomaopopo ia ai, owai la ka mea nana ka poka e paa la iloko o kona poo, o ka haole paha nona ka inoa Carlson i hopu ia ai mamuli o eana hoike, a i ole, nana ponoi iho no paha malauli o kona uluahewa i ka wai hoomalule kino. E puka mai ana ka oiaio mailoko mai o ka pouli.

 

Kela Me Keia.

 

         He eono pake i lawe ia ae e hoaumoe ma na paia o ka Halewai i ka po Poaono nei, no ka pepa piliwaiwai.

         He eiwa mau ma’i hookaawale ohana a ka mokuahi Hawaii i lawe mai ai no ka pa hoomale ma’i o Kaihi ma ke kakahiaka onehinei, mai Hilo, Laupahoehoe, Mahukona a me Kawaihae mai.

         Eia ke hoomaka nei na wiliko o Kekaha a me Lihue no ka wili ana i ko laua mau kopaa, no keia kikina mua o ko laua kau ohi. Na ka Iwalani i lawe mai ka la mehinei, ko laua mau kopaa.

 

Elia Kau IuIaau,..

 

Kauka Hana Niho.

 

         Ua hiki ke haki ina Niho me ka eha ole iloko o ka manawa pokole loa. He loea me ka noeau ma ka hoopiha ana i ka niho me ke Gula, Dala a mea e ae paha. He akamai lua ole i ka hana ana i na niho ku’i o na ano a pau.

         He mikioi ka holoi ana i na niho. He pananehe kona mau lima ma kana mau mea hana niho o na ano hou loa i loaa mai nei. He oluolu no kekukai olelo ana no kona ukuhana.

         O ke kanaka Hawaii hookahi wale no keia mailoko ae o ka huina o 40,000 kanaka i loaa ka Laikini Kauka Hana Niho mai ka Papa Kauka Hana Niho mai o ke Aupuni Hawaii, mamuli o ka ike ana o na Iloa o ka PapaOla i kona akamai maoli ma keia Oihana ano nui.

         E ike ia kakou hoa kanaka, o kipa hewa ke aloha ia lakou nei ae.

         KEENA HANA -- Maluna ae o ka Hale Hana Pu i ke kihi o Alanui Moi me Betela. Puka komo e pii ana iluna o ke keena ma Alanui Moi.  sept30--tfd

 

Hawaiian Hardware

Company L'd.

 

Poaono, Sept. 23, 1893.

 

         Mai ka manawa mai o ke kukulu ia ana o keia hale oihana a hiki i ka hoomaopopo ana o na kanaka i kona ano ua lawelawe a e ia na hana me ke kuooa me ka hoopono, mai ia manawa mai, ua kapa mai la kekahi poe i ka inoa o ka "HAWAIIAN HARDWARE CO," ka hui waiwai hou loa. I mea e oluolu like ai na mea a pau pela pu hoi me ka poe e nana mai nei maluna o ko makou holomua me na maka ewewa, a i mea e hoonalowale loa ai ai na hoopalaimaka ana o keia mau la, ua hooponopono makou, a ke waiho aku nei i keakea, i ko makou noho mana maluna o kekahi mau hui paakai nuii loko o keia Apana, a e haawi ia aku ana hoi i na kanaka o kei Paeaina na paakai keokeo helu ekahi nona ka waihooluu i maa ole i ka ike ia iloko o kekahi Hui Hoahu Paakai mamua. O ka makou mau hooponopono ana, oia ka hooko ana aku i na kauoha a pau. E hooko a no na kauoha ma ke eke hookahi, a i ole ma ke tausani paha me ka hikiwawe loa.

O na bale ma ke Alanui Kalepa, ua hoolilo ia i mau hale hou me ke pena a Hendry i hoowali mua ia. Pela pe no hoi me na hale e noho hana ia nei e C. O. Berger me Robert Grieve, oia kekahi mau mea e maopopo ai na mea kahiko i hoolilo ia i mau mea hou. O na hale noho a puni ke kulanakauhale, ua hoao ia me keia mau pena, a i ka wa e huli hoi mai ai na hale kahiko mai ka lakou huakai Hoikeike Honua mai o ke ao, e manao ia ananei na hale o Honolulu nei, ua loli ano e ae ko lakou mau kulana . O ka makou mau wai wai o ka noho'na hooponopono kino ana, oia hoi na lako hale o na mea pili hao, a aniani, aole hiki ke nahaha, a ina e nahaha ane, alaila, mamuli no ia o ka loli ano-e ana o ke au o ka manawa. Ua loaa ia makou he heluna nui oia mau waiwai kupono no keia manawa. Ua hiki ke hoemi ia na waiwaikumukuai pii a i ke kumukuai haahaa loa.

         Ua hiki ka makou mau waiwai maikai loa i kinohinohi ia me na nani like ole ke hooana ia aku ia oukou, no ke kumukuai o ekolu dala a pii aku. O na waiwai maikal loa, e loaa no ma ka puka aniani makai o ko makou halekuai. E mino aka iho ana oukou ke hoike aku makou ia oukou i ke kumukuai oia mau waiwai.

         O ka like ole mawaena o na lako lealea maikai a me na mea ino, ua hoomaopopoia ia iloko o kela a me keia kau. He mea makehewa wale no ia oukou ke kuekaa ana aku i ka olelo ana ae o na waiwai maikai a pau mailoko aku no ia o ko makou halekuai. Ma ke kau kimanu o Oct. 1, ua wae ae nei makou he heluna nui o na poke-pu kau poohiwi i maa mau i ka lawelawe ia ma Amerika Huipuia a ina oe e kuai ana i keia mau poka, alaila, aole e lilo ana kau mau dala i ka manu a kanaka. Ma keia hoi ana mai o ka mokuahi Auseteralia, e loaa mai ai ia makou he mau papale keokeo kupono no ka uhai holoholona a kimanu ma kekula. Mawaho ae o keia, ua loaa, pu mai ia makou he heluna nui o na hao hoomaemae pu, a me kekahi mau ano kimanu lehulehu e ae.

         Ua hoouna mai ko makou mau Agena mai Kapalakiko mai, he mau mea hana no na mei i nahaha, elike me na ipulepo a me na pa nahaha, ka laau a me ka ili i hookaawaie ia nona hana nui oia laina. He nui loa oia mau waiwai ia makou i keia wa: a ina oukou e makemake i kekahi a oia mau mea no ka hana hou ana i na mea nahaha, ua hiki no ia makou ke hoolawa aku ia oukou ma ke kauoha.

         O kekahi mau mea maikai loa a makou, oia na mea paluku huamoa i kapaia ka "Keepione Beater," ua hiki i keia mea ke hoowali i na huaai e ae maikai o na ano a pau. Ua hiki no hoike hana ia na pudina, me na meaono e ae a paa o ka papaaina, o he oi loa aku no hoi keia o ka emi a me ka maikai i na wa a pau mamua a ke kakini mea paluku hua i kuai ia ma ka makeke no na makahiki he umi hala ae nei.

 

HAWAIIAN HARDWARE CO. L'd

         Ma-o mai oka hale pohaku o Spreckels.

Helu 307 Alanui Papu.