Ka Nupepa Puka la Aloha Aina, Volume I, Number 8, 10 October 1893 — Page 4

KA NUPEPA PUKA LA ALOHA AINA.

Ua Mau ke Ea o ka Aina i ka Pono.

Aloha Aina.

J. K . Kaunamano.

Ona, Lunahooponopono a me Puuku

HONOLULU OKATOBA 10, 1893.

HE MOOLELO

---NO---

Lauomidihae.

---KA---

NANI I ALANA IA I KA OI O

KA PAHIKAUA.

Ka Mea Huna Iloko o ke Kiana

Waina.

Ka Mea Pohihihi i ka Maka o ke

Kuikele.

---A O KE ---

Keiki Alii Numaredina.

---KE---

Komo Lima Maka Popoki.

MOKUNA II.

Ka Huakai Kaahele Honua a ke Keikialii Numaredina---Ka Palapala Noi Mare a ka Moiwahine Delauzia o Peresia---Ka Mea Pohihihi i ka Maka o ke Kui-kele---Na Mea Kino Elua ma kahi Mehameha.

Me ka pane hou ole i hookahi huaolelo, ku ae la oia iluna a hele aku la no ke alo o kona makuakane, me ka haalele ana iho i kona kaikuahine e noho mehameha ma kona keena oia e noonoo ai no ka mea pohihihi i ka maka o ke kuikele.

I ke keikialii e hele aku nei no ke alo o kona makuakane, aia na manao pilihua o ke kupilikii iloko o ka naau o ke keikialii kahi i hana mao ole ai.

O ke aloha no ke aka kino wailua pahaohao o ka mea kino pohihihi iloko o ke kiaha waina a me ka maka o ke kuikele, ua like ia me kekahi heleuma nui e auamo ana ma ka a-i o ke keikialii, a me ia ano oia i hoea aku ai imua o kona makuakane alii e kali pauaho ole mai la iaia, ma ke ano makee o ka makua i ko keiki.

Elike me ke ano mau o ka makua aloha i ke keiki, a pela hoi ke keiki i ka makua, pela laua i hui ae ai iloko o ia mau minute o ka pahola ana i na kukai aloha ana.

He manawa loihi keia o ko laue noho @akanu ana, me ka hoopuka ole i hookahi huaolelo mai ko laua lehelehe mai, me ke akenui o ke keikialii e lohe pono:

Heaha la ka makemake o kona makuakane Moi iaia?

A oia kana i pane aku ai ma ka hoolauna mua loa ana aku i kona makuakane penei:

Heaha ka makemake o ka Moi no kana keiki, i hiki ai i kana keiki ke hooko aku me ka hakalia ole, ina paha no kekahi hana e pomaikai ai ka lahui a me kuu aina hanau?

O keia mau huaolelo a ke keikialii i pane aku ai imua o kona makuakane, he mea ia e hoike mai ana, aia no kana keiki malalo o kana kauoha kahi i hoolohe ai.

A oia kana i pane aku ai me ka hauoli nui, i k ai ana aku:

KE KAE'AE'A

Napoliona Bonepate.

Ke Ahikanana o Farani.

"Ua makemake au e Hoonui aku na Poo,

"A e hoouku mai hoi i n alelo.

"NAPOLIONA."

BUKE I.

MOKUNA I.

NA LA OPIO.

No na pule lehulehu wale ke kaua ana o keia mau puali me na popo hau, a iloko hoi o keia hoili kaua ana he lehulehu wale o na koa o na aoao elua i halawai aku me na palapu eha mamuli o ka loaa ai a mai i na poka popo hau.  Iloko o ka hahana nui o keia hooili kaua popo hau, a i ka wa hoi a ua mau poka hau la e hihio ana ma o a maanei, ua hoao iho la kekahi o na aliikoa e uhaki i ke kauoha a ko lakou Kenerala, aka, ua ike e mai la nae o Napoliona i keia hana uhaki kauoha a keia kanaka, oia no kona wa i nou mai ai me kekahi popo hau a maule iho la oia iluna o ka hau me ka loaa ana hoi iaia o kekahi palapu moku nui ma kona lae, me ke kau mau ana o ia alina  e like me ka loihi o kona ola ana.

O ka huli ana ae a nana i na hooko o ke kaulike i loaa ia Napoliona, he mea pono ke hoike ia ae ma keia wahi, oiai oia i pii ae ai a noho poo hoomalu mai i ka lahui Farani, na hele aku keia hoakula ona iloko o kona mau la kanakamakua me na haawina o ka ilihune a me ka nele e ike i ka Emepera Napoliona.

Ua hele aku ka elele kauwa hale a hoike aku la i ka Emepera ua makemake kekahi o kona mau hoakula e ike iaia, a oiai aole e hiki i ka Emepera ke noonoo koke iho i kona inoa iloko oia manawa, ua pane mai la oia i keia mau huaolelo o ka ninau;

"He hiki anei iaia ke hoike mai i kekahi mau hana i hooko ai i ka wa kamalii oiai ma ka halekula?"

"E ka makua," wahi a ka elele kauwa.  "He alina o ka moku nui ke kau ala maluna o kon alae i keia manawa, me kona hoike pu mai hoi, na kou mau lima ponoi no i hana ua alina la."

"Ae!" wahi ana me ka mino aka ana.  Ke hoomaopopo nei no au me ka nalohia ole aku hoi o na helehelena o kena alina maluna ona; ua loaa iaia ia palapu mamuli o kekahi poka popo hau i nou ia aku e a'u a ku ma kona lae.  E ae aku iaia e komo mai ano."

Ua komo aku la keia kanaka a loaa mai la iaia na mea apau ana i makemake ai.

O keia iho na inoa o ko

makou mau Luna.

D. Kahaleluhi.             C. K. Kahele.

Sam. Kaanaana.          Sol. Keaniani

T. C. Polikapa.                        K. Kekua.

TELEPONE 92     PAHU LETA HELU 155

H. E. McINTYRE and BR@

MAKINIKAEA ME HOAHANAU.

He Mau Mea Hoolako mai a Kuai aku i na

Mea Ai a me na Ai Holoholona o na an@

pau.

E loaa mau mai ana na Mea ai o Kaleponi ma na mokuahi a

E hooko pono ia no na kauoha a pau a e lawe ia aku na

i na wahi a pau o ke kulanakauhale nei me ka auhaa ole.

Makemake ia na kauoha o na Mokupuni.

E HOOIA NO NA MEA A PAU---Kihi Hikina o na Alanui Papu me

HALEKUAI LAKOHALE

ROBIKANA HALE.

ALANUI HOTELE, MAWAENA O NA ALANUI PAPU ME NUUANU

Ua weheia a ke kaui nei, a e loaa no na ano lakohale o

na ano a pau e like me keia,

NA PONO RUMI MOE OKA!

1 Kinohinohia,

NA PAKAUKAU HOONANI, PAHU-UME KU,

NA PAKAUKAU UWAI-I-KA-LOA, ETC.

Eia hou, o kela a me keia ano maikai loa o na

LAKOHALE I-E A ME OHE!

HANA PELA!

Na Pela Maikai Loa Uwea, Lauoho Huluhipa, Manu a me

Hulu o na Manu Koloa Ola a me na Hulu Kilika no aa

Uluna.  Ke konoia aku nei ko oukou lunaikehala e

makaleho ae i na ano hou.

Na Pela Uwea Holuholu?

Maikai loa a emi no hoi ke kumukuai i laweia mai i keia Na Koki a me Koki Moe, ma na kumukuai o Kapalakiko.  KAA BEBE o kela a me keia ano.  Moe Bebe, Moe Bebe a me na Noho Bebe kiekie.  Na Pou lalau a me Pou i ke nohiia me ke keleawe.  Ua makaukau maua no ka hoomoe na Moena Pake a me ke kino hinohi ia loko o ka hale; na hale me na Pela e hiki ke pahonohono homa e na paahana ekahi; hana lakohalo hou.  E hoao mai ia maua. a ha ona haahaa o ke kumukuai.

ORDWAY & PORTER,

Robikana Hale

TELEPONE---Bell, 525.  Mutual, 645.