Ka Nupepa Kuokoa, Volume LXVI, Number 53, 1 December 1927 — E HOOHANAIA ANA NA HOAILONA KUKUI NO NA KAA OTOMOBILE [ARTICLE]

E HOOHANAIA ANA NA HOAILONA KUKUI NO NA KAA OTOMOBILE

Ma keia Poakahi ae, e hoohanaia ana na hoailona kukul uwila no ke ano o ka holo ana o na kaa otomobilo, ma ke -kihi o na alanui Papu me Beritanla. E kukuluia ana kela hoailona iwaena o ka hookuina o na alanui. me na mana eha, elike me ka holo ana o na alanui, me ekolu mau kukul uwila ma kela ame keia mana pakahi, me na waihooluu like ole, o ia hoi ka ulaula, melemele ame uliuli E hoike ana kela mau hoailona no ke alanui Beritania, no kanaha eekona, alaila pio; no na kukui hoi ma na mana o ke alanui Papu, he iwakalua sekona e a ai, alaila pio, No ke kukui melemele hoi, he ekoIu a i ole eha wale no sekona e a ai alaila pio, he hoailona keia e holke aku ana i na kaa i kokoke e hoea aku no kekahi aoao o ke alanui, i ka wa e pio ai ke kukui uliuli, o ka wa ia o na Kaa, o na mana ke'a o kekahi alanui okoa aku, e holo mal ai. E hoohanaia aku ana keia ano hoailona i ke ao ame ka po, ma keia mua aku, ke ikeia ka holopono; aka nae ua ill' aku maluna o ka poe hookele kaa apau, ke ko'iko'i o ka hoonaauao ana ia lakou iho, me keia mau hoailona hou, 1 wahi e loaa ole ai na ulia ame na poino, .1. . . .