Ka Nupepa Kuokoa, Volume LXVI, Number 52, 24 November 1927 — Page 4
| | ||||||||||||||||||||||||
| | Nupepa Kuokoa KE KILOHANA POOKELA NO KA LAHUI HAWAII | | ||||||||||||||||||||||
| | NA MOOLELO HOONANEA, NA NUHOU KALAIAINA ME NA NUHOU O KA MANAWA | | ||||||||||||||||||||||
| | AOAO NO NA MANAO PEPA SOLOMON HANOHANO, LUNAHOOPONOPONO. | | ||||||||||||||||||||||
| | ||||||||||||||||||||||||
| | ||||||||||||||||||||||||
| | ||||||||||||||||||||||||
| | EHA NUPEPA KUOKOA, HONOLULU T. H. POAHA. NOVEMABA 24, 1927. | |||||||||||||||||||||||
| | ||||||||||||||||||||||||
| | | | ||||||||||||||||||||||
| EMI LOA NA PAKENEKA O KA MAKE MAANEI MALOKO O NA MAKAHIKI ELIMA. I kulike me ka mea i ikeia maloko o ka hoike o kela ame keia mahina mai ke keena ae e hoopaaia ai na mare, na hanau ame na make a i hoopukaia ae al e Miss Hester Lemon, ka luna kakau kope nui o ka papa ola no ka mahina o Okatoba i hala, o kela ka makahiki haahaa loa o na pakeneka o na mare, ha-nau ame make maloko o Honolulu mal ka 1922 mai. No ka mahina o Okatoba i hala he 128 mau make, he ekolu ke emi iho i ko ka mahina o Okatoba o ka 1926. Na hanau 371, he 12 ke emi iho o ko Okatoba o ka makahiki i hala, na mare he 11, he 11 ke emi iho i ko Okatoba o ka 1926. No na make iloko o ka mahina o Okatoba he 84 mau kane a he 44 mau wahine. He umi-kumamaha mau opu hanau hou. He 37 mau keiki i make malalo o ka elima makahiki, a he 24 mailoko ae o keia huina he mau keiki malalo iho o hookahi ma-kahiki. No na make ma na lahui oia keia: No na Kepani, he 34; na Hawaii, komo pu me na hapa-Hawaii, he 32; na Pake he 21; Pilipino he 15; Pukiki 9; Poko Riko. 6 Amerika. 5; Kelemania, 3; Pelekane. 1; na lahui i maopopo ole ka inoa. 2. He 24 poe i make i ka mai akepau. No na loaa o ia keena no ka mahina o Okatoba he $1158. he $48 ka oi ae o na loaa i Okatoba o keia makahiki l ko Okakoba o ka makahiki i hala. O ka heluna lahui e noho nei maloko o Honolulu i kohoia i nei ma-nawa he 106.000. LOAA KA OKOLEHAO ME KA BIA MALOKO O KAHI UWI-WAIU Maloko o kahi uwi-waiu ma ke Awawa o Palolo i loaa aku ai ma ke awakea o ka Poaono aku la i hala ka Makai Hiram, he hookahi ipuhao puhi rama o 20 galani, mahope o ka hoounaia ana aku o ka Maka Hiram e hooko aku i kekahi palapala hopu maluna o S. Gualupe ka ona nona ia wahi uwi-waiu, a o na olo rama, ka ipuhao puhi rama ame A. Santiago ka i laweia, ae maluna o ke kaa makai, a ku ae i ka hale aupuni. Ua hoopaaia ae o A. Santiago i ka halewai no ka hewa he hana waiona a mamuli o kona bonaia ana ae $500 i hookuuia ae ai oia. Mamua o ka haalele ana aku a ka Makai Hiram i kahi uwi waiu o Gualupe 100 galani i hoawaawaia i nininiia eia, elike me ka Hiram hoike i ka oihana makai. Ma ka Hiram hoike o ka hoiho ana ae i ka halewai, iaia ka e a'e aku ana i kahawai a e hele aku ana no kahi hana waiu a Gualupe, ia wa oia i ike aku ai ia Gualupe e holo ana. I ka hiki ana aku ana i ka hale komo aku la iloko o ka halekuke a ike aku la i ka ipuhao puni rama e kuku mai ana ka mahu a e a ana ke ahi. Ua loaa pu aku iaia o Santiago malaila a paa oia i ka hopuia mamua o ka hiki ana iala ke holo. He kanaka hana wale no o Santiago na Gualupe, elike me kana hoakaka imua o ka makai, ke kanaka a Gualupe i kii aku al e hopu no ka hewa hoeha me ka mea eha ku i ka make, aohe nae oia i loaa aku ua holo mua oia e pee no ke kaa mua ana iaia ka ike i ka makai e hele aku ana. HOOPANEE KE KOMISINA MAKAI I KA HOOPII A MAKAHI. No ka hoolohe ana i ka hoopii hoohalahala a ka Makai Samuel K. Makahi i hoopauia ai mai ka hana makai aku e ka Makai Nui Patrick K. Gleason mamua o ke Komisina ninaninau hana i waiho mai ai ahiki i ka po o ka Poakahi nei ua hoopanee hou ia aku a ke ahiahi Poakahi, Novemaba 28. Ma keia hoopii a Makahi e hoao ana oia e loaa ka olelo hooholo a ke Komisina ninaninau hana e hoololiia ae ai ka ka Makai Nui Gleason olelo hooholo e hoopau ana iaia mai ka hana aku no kona hiki ole ke hilinaiia ma kana hana. Ma ka Poakahi nei i waiho ae ai o Joseph S. Ferry ka loio naa ka ko John C. Pimental aoao, kekahi makai i hoopau pu ia mai ka hana makai aku he palapala noi me ke Komisina ninaninau hana, e hoopauia ka olelo hooholo a ke Komisina e hoole ana i ka hoopii a Pimental mai ka rula ana a ka makai nui. Ma ka Ferry noi e kuekaa hou ia na oleloike mua a e haawiia i manawa e hooloheia ai na olelo hoonohonoho hou maluna o na oleloike. |
| | ||||||||||||||||||||||
| | ke kumukuai e lilo ai, a o ke koena aku i koe iloko o eha (4) mau hookaa liilii like ana ma ka makahiki me ka ukupanee ma ka 6% o ka makahiki maluna o kekahi koena i uku ole ia. B. E hana koke ka poe e lilo ai, mahope o ke kuai i na uku ana i koiia maluna o ke kumukuai i lilo ai ame ka auhau hoomaemae alanui, hui pu me na hoolilo apau o ka hoolaha ana, ame na kaki e ae apau e pili ana me ka hoomakaukau ana ame ka hopuka ana i na Aelike Kuai Kuikawa e hoopukaia aku ana mamuli o keia kuai a i ole palapala kuai paha ina i manao ka poe e lilo ai e uku ma ke dala kuike. C. O kekahi makaainana wale no o na Mokuaina Huiia o Ame- rika a i ole o kekahi mea paha i loaa iaia na palapala kukala no ka manao e lilo i makaai- nana ke lilo i mea kuai mai. No ka hoakaka aku i koe e ninau ae ma ke Keena a ke Komisina o na Aina Aupuni. Hale Oihana Teritore. Honolulu. kahi o ke kii palapala aina o na apana e hooliloia aku ana ame ke ano o ka Aelike Kuai Kuikawa e waiho nei a e kela ai. Hanaia ma Honolulu, maloko o ke Keena o ke Komisina o na Aina Aupuni maloko o ka Hale Oihana Teritore, 1 keia la 21 o Novemaba. 1927. C. T. BAILEY. Komisina o na Aina Aupuni. 6492—Nov. 24; Dec. 1. MA KA HANA O KA HOOPAU ANA O KA HONOLULU CANNING COMP- ANY, LIMITED. HE HUI HAWAII I HOOHUIIA. HOOLAHA I KA POE PAA AIE OIAI, ka HONOLULU CANNING COMPANY, LIMITED, mamuli o kana noi, ua hoopauia ma ke kauoha a ka Hope Puuku o ke Teritore o Ha-waii a i hanaia ma ka 14 o Nove-maba, 1927, a OIAI. ma ke kauoha a ka Hope Puuku i oleloia o ke Teritore o Hawaii a i hookomoia me ka pono ma ka la 14 o Novemaba, 1927. ua hookohuia mai ka mea nona ka inoa malalo nei i kahuwaiwai no ka poe paa aie ame ka poe paa kuleana o ka hui i oleloia me ka mana piha e hooponopono i na hana o ka hui i kulike me ke kanawai. NOLAILA, ke haawiia aku nei ka hoolaha ma keia i ka poe paa aio apau o ka HONOLULU CANNING LIMITED, i oleloia, e waiho mai i ka lakou mau koi i ka mea nona ka inoa malalo nei ma kona wahi o ka hana. Helu 33 Alanui Moi Akau Honolulu, T. H, maloko o na Ia he kanaiwa (90) mai ka la aku i hoikeia maanei. Hanaia ma Honolulu. T. H. ! keia la 24 o Novemaba, 1927. HONOLULU TRUST COMPANY LIMITED. JAMES L. COKE. Loio no na Kahuwaiwai. Ma o Y . M. WEE. Kona Peresidena. Ma o THOMAS A. TAM. Kona Kakauolelo Na Kahuwaiwai no ka poe paa aie ame ka poe paa Kuleana o ka Honolulu Canning Com- pany, Limited. 6491—Nov. 24: Dec. 1. 8. 15. 22 | | ||||||||||||||||||||||
| | KA LUNAKANAWAI KAAPUNI WM. ACHI, JR. Iloko o ka mahina o Ianuari o keia makahiki ae, e pau ai ka hookohu oihana o ka Lunakanawai Kaapuni William C. Achi, Jr. o Kauai; o ka loaa hou mai o kona hookohu, he hana ia na kona mau hoaloha ame ha Repubalika e hooikaika aku ai, i na luna oihana kiekie o ke aupuni o Amerika ma Wakinekona. I ke kamailio ana ae no ka Lunakanawai Kaapuni William C. Achi, Jr ., ua hoikeike mai ka moolelo o kona noho lunakanawai ana, aole wale no i kona makaukau ma ke kanawai, aka i kona kupono maoli ma kela kulana, i oi aku no i kekahi mau lunakanawai kaapuni e ae, ka poe i nui ko lakou mau makahiki a i manaoia aku; ua lawa lakou i ka ike ame ka naili ao. Ma ke ano he Hawaii, ua hapai ae ka Lunakanawai Achi i kona lahui ma o ka moolelo kilakila la o kona lawelawe oihana ana: ua umeia aku hoi na manao mahalo o na mea apau nona mai na haole a na lahui e ae. Oiai nae ke hookokoke mai nei ka manawa e pau ai kona hookohu oihana, aole a kakou kakali ana aku, a hoea mai ia manawa alaila noonoo ae i ka mea e haua aku ai; me keia manawa no, oiai ka "ua iluna, waele e ke pulu," wahi a kahiko. waiho e ke noi, o i malaelae ke alahele. Me ka moolelo maikai nae o ka Lunakanawai Kaapuni Achi. Jr., e ku nei, elike me na olelo hooholo kaulike i hoopukaia ae, ma na hihia lehulehu i hoea aku imua ona; e lilo i hana na na alakai Repubalika apau, pela hoi ka elele lahui mai Hawaii aku nei. ka hooikaika ana, e loaa iaia ka hookohu hou ia mai, ma ke kulana oihana ana e paa nei i keia la. HE HANA NA NA MEA APAU E HOOKO AKU AI. Ua kukala ae nei ke Kiaaina W. R. Farrington, i na makaainana apau o keia teritore, e hoolilo i keia Poaha, i la no ka hoomaikai ame ka hoalohaloha ana aku i ke Akua he kuahaua, e ukali aku ana mahope o ke kalahea a ka Peresidena o Amerika Huipuia, i na makaainana apau o ka uniona, e hoomanao i keia la ano nui. ma ke ola ana o na kanaka Amerika kahiko. Hookahi no manao ano nui i makemakeia mai ai kakou e hoomanao i keia la, no ka hoomaikai ana aku no ia ame ka hoalohaloha ana i ke Akua, no na pono ame na pomaikai i loaa mai ia kakou, iloko o keia makahiki e aneane aku ana i kona mau la hope. Kekahi keia o na hana kilakila a pookela loa i hookahuaia e na paionia Amerika kahiko; ka hoolele mau ana i ko lakou noonoo, maluna o ke Akua; ka Mea Nona mai ke ola ame na pomaikai; a kakou iloko o keia manawa e nee nei, e pono ai e hooi i ke kui'o ame ka makee i kela hana; no ka mea ke ola nei kakou iloko o ke au oi ae o ka ike, ka naauao ame ka malamalama. Aole no na huaai wale no i hoouluia i ka honua, aole no hoi no na holoholona, i makemakeia ai kakou e hoomaikai aku i ke Akua ma keia la; aka no na pono ame na pomaikai e loaa nei ia kakou mai na hana mai a ko kakou mau lima; no ke ola ame ka ikaika i loaa i ko kakou mau kino a maluna ae o na mea apau, o ia no ko kakou kaawale ana, mai na pilikia ame na poino mai, a ko kakou mau hoa-kanaka e auwe mai nei, ma poino mai, a ko kakou mau hoa-kanaka e auwe mai nei, ma kekahi mau aupuni o ka honua nei. He aloha ke Akua, o keia Kona kanawai paa, ua pahola like aku ia aloha maluna o na mea apau, ma na ano lehulehu, no keia kumu, i lilo ai i hana na kakou ma Hawaii nei, me ka nana ole ma ko kakou kulana, ma ka lahui, a ma ka hoomana paha, ke komo like ana, me ka manao hookahi, a haawi i kekahi manawa o keia la, no ka hoonani ame ka hoomaikai ana i ko kakou Makua ma ka lani. KA MOKUAHI MALOLO. Ma ka Poakahi iho nei, i apo aku ai a hookipa mai ko Honolulu nei mau kaukani o na makaainana. i ka mokuahi Malolo, ka moiwahine o ka Pakipika, me na manao ohohia, ma ke ano he alahele hou keia, no ka hoopokole ana i ka loa mawaena o Hawaii nei me Kapalakiko: Elike me ka nee mau ana o ke au o ka manawa, pela iho la no ke kukuluia mai imua o kakou o na mea e hookahahaia ai ko kakou noonoo; na mea i imiia e ka ike, ke akamai ame ka naauao o ke kanaka; pela iho la i hoea mai ai keia mokuahi hou; aole wale no nae, ma ka hoomaalahi ana i ke kaahele ana o ka lehulehu ma ka moana, aka no ka loaa pu o ka oluolu ame ka hauoli ma ke kaahele ana, ka mea i nele ma na mokuahi e ae. Ma ka mea maopopo loa, aole o keia iho la ka mokuahi hope, i kapiliia no ka holo ame ka oluolu o ka noho ana o na ohua; aka eia aku no a oili mai ua mokuahi i oi aku kona mau ano, i ko ka Malolo, na keia mua aku no nae ia e hoike mai! Me ka mokuahi hou Malolo o ka lilo ana i mokuahi halihali ohua mawaena o Kapalakiko ame Honolulu nei; me na hokele nani hoi, i makaukau e hookipa i na malihini kaahele honua; me na hiona nani o ko kakou mau mokupuni e waiho kahelehelena mai nei; aole loa he kanalua iki ke olelo ae, e hooi loa ia aku ana ka holomoku mai o ka poe makaikai no Hawaii nei, e oni aku ai ke kulana o ka aina imua, ma na ano lehulehu. O kekahi mokulele i hoolako ole ia, me na makaukau apau e palekana ai kona lele ana, a e pololei ai hoi kona alahele, mai kekahi wahi a i kekahi no na wahi mamao elike me Hawaii nei ame Kapalakiko, he pono no e papa loa ia; elike me Kapena Fredmick A. Giles, o ka hoao mau ana e lele me ka holopono ole, e pauaka mai la ma Kapalakiko. O kekahi mea kupono loa a koonei poe e pono ai e hookaawale, no ka hoolawa ana aku i na makemake o na malihini makaikai honua, o ia no ka loaa o kekahi wahi nui kupono, no ka hoikeike ana i ke ano o ka noho ana o na Hawaii o kela au kahiko, pela hoi na hanalima akamai, ame na hana no apau i konoia aku ai na malihini e holo kino mai i Hawaii nei, no ka makaikai ana. Ua ma-u maoli ka honua i keia mau la, mamuli o na kuaua o ka iliki ana iho ma na la hope o ka pule i hala; aole wale no i kokua nui aku kela mau kuaua i na meakanu ame na kumulaau huaai aka ua kokua pu aku i kekahi heluna o na kanaka mai ka hoohana nui ana i ka wai, e kanono ai na kaki e kauia mai maluna o lakou, ma ke ana mita. | | ||||||||||||||||||||||
| | E WAIHOIA ANA NO NA POHAKU KUPUA MA KO LAUA WAHI, Ma ka noho ana o ka halawai a ka Ahahui o na Kaikamahine o Hawaii ma ka Poakolu o ka pule aku la i hala maloko o ka Home o ka Moiwahine Emma Kaleleonalani ma Nuuanu, ua hooholo ia ahahui aole e hookaawaleia na "Pohaku Hoola" mai kela wahi mai a laua e ku nei ma Wahiawa, aohe no a lakou olelo hooholo no ka hoonee ole paha no kekahi manawa mawaena o ka ekolu ame ka eono mahina, a mahope aku o ka pau ana o ia manawa e lawe hou mai ai lakou i ka ninau pili ia mau pohaku a noonoo. Ma ka ninauia ana o na ae ame na hoole maluna o ke noi i hoakaka mua ia ae e Mrs. Julie Judd Swanzy a i hookomoia ae me kekahi hoololi liilii mai la Mrs. F. A. Potter ae he ekolu mau hoa i koho ma ka aoao ku-e i ka hoololi. Ma ka olelo hooholo a ka ahahui o ka hooholo ana ma ia la, ua kulike ia me ka olelo hooholo a ka Peresidena o ka Papa Ola F. E. Trotter i hooholo al aole hana e hooholoia no kekahi mea e pili ana no ia mau pohakuu, e waiho ia mau pohaku me ka hoonee ole ia mai ko laua wahi mai e ku nei. Ma keia hooholo ana a ka Ahahui o na Kaikamahine o Hawaii, ka poe i kuleana la mau pohaku, ua hoohoka aku ia i ke noi ame ka makemake o na makaainana he 400 o Wahiawa i noi mai ai ia ahahui ma kekahi palapala noi e hookaawaleia ia mau pohaku mai Wahiawa mai. O kekahi o na kumuhana a ia ahahui i noonoo a i hooholo ai, o ia keia, aole e kukuluia kekahi kiahoomanao maluna o na heiau. Ma la halawai i hoikeia ae al kekahi mau olelo hoopaa no $588, a he mau kokua manawalea ma ke dala maoli $1712, a o kekahi waihona o $341.72, no ka hana hou ana i kela halealii ma Kailua, Kona Hawaii. Mamuli o na lono lauahea no ke emi mai o ke ohohia ia o ka mana hoola o na pohaku, a ua ikeia hoi ia mamuli o ka emi mai o ka poe hele aku e hoomana ia mau pohaku a pela hoi me na dala makana, ke kumu o ka hoopaneeia ana e ka ahahui o kekahi mea e hanaia aku no ia mau pohaku, mamuli o ka manaoio ana malia maloko o kekahi mau mahina kakaikahi e emi loa mal ana ka manao ohohia hoomanamana o na kanaka. Ku ke Ahua o na Palapala Ma ia halawai ana a ka ahahui lehulehu wale ka na palapala i heluheluia mai e ka Peresidena Mrs. Swanzy mai kekahi poe mai, e pili ana i na pohaku imua o na hoa i akoakoa aku. O kekahi o kela mau palapala he hoopii mai na makaainana mai 400 o Wahiawa e noi mai ana e hookaa- waleia mai kela mau pohaku mai- laila mai, ekolu o ka poe i hoopaaia na inoa maloko o ia palapala i noi mai aole e hoikeia ae ko lakou mau inoa ma ke akea a e unuhiia ko la- kou mau nioa mai ka papainoa mai; he palapala kekahi e hoole ana i ka hoihoiia mai o ia mau pohaku i ka Bishop Museum, koe wale no, a ma ke ano "Hoahu" ia mau pohaku ma- laila, ma kekahi palapala e noi ae ana e hoihoiia ae ua mau pohaku la ahiki ma kekahi wahi kokoke aku i ke alanui hou ma Koko Head. Na Mrs. Charles Clark i noi ae e hoihoi hou Ia aku kela mau pohaku i kela kahua ma Kukaniloko, ua ku-eia ae kona manao e ka hapanui o na hoa, no ke kumu aohe pili o ka moolelo kahiko o kela mau pohaku me ka moolelo i pili i na alii i hanau maloko o Kukaniloko, a nolaila aole i kupono ka hoihoi hou ana aku ia wahi. Ua hoihoiia ae ia mau pohaku i Kukaniloko ma ke kauoha a Galbraith no kona manao o nahaha ia mau pohaku ma kona wahi mua i waiho ai malalo o ke kahawai. Aohe makemake o ka ahahui e hoihoi hou aku ia mau pohaku ilaila, ua lilo la mau pohaku l mea mikiala nui ia e na Pilipino ame kekahi poe e ae a ua nahaha kekahi mau pohaku e ae o Kukaniloko mamuli o na ahi ihoiho i kukuluia, a ua piha hoi ia kahua i na huaai palahu ame na pua, a no ka ikeia ana o ia mau mea hanaino i ka nani o ia kahua l hooneeia mai ai i kahi e ku nei i nei manawa. Aole ia mau pohaku e noonoo hou ia aku no ka hoihoi hou ana i Kukaniloko. No ka mea e pili ana i na dala $3000 iloko o ka banako, he mau dala mohai na ka poe i hele aku e hoomana ia mau pohaku, aole ae o ka ahahui e lawe mai i kekahi keneka o ia mau dala, aka e apono ana nae ia no kona hoohanaia aku ma na hana e pono ai ka lehulehu ma Wahiawa. | | ||||||||||||||||||||||
| | Nuhou Kuloko HAVANA, Cuba, Nov. 16—Ma ka mea i manaoia ma ka la apopo e kakau al ka Peresidena Machado i kona inoa l ka bila kanawai e haawi ana i ukuhoomau o $500 no ka mahuia ia Mrs. Leonard Wood, ka wahine kane-make a ke kiaaina-kenerala i make o na mokupuni Pilipine O ka bila e hoakaka ana no ka haawi ana i ukuhoomau ua hooholoia e ka hale o na lunamakaainana a ua hooholo pu la e ka aha senate i keia la iho la. O ka bila i hoolalaia no ka hoike ana aku i na hana kaulana maikai loa a ke Kiaaina-Kenerala Wood, l hana ai no Kuba ma ke ano oia ke komisina kiekie a Amerika no ka hooponopono ana ia Kuba mahope iho o ke kaua ana a Amerika me Sepania. DETROIT, Mich., Nov. 14—O na kaa otomobile Ford maloko o lapana e hanaia aku ana ma nei mua aku, elike me ia a Edsel Ford, ka hope-peresidena o ka Hui Motor Ford, o ka hoike ana ae i keia la iho la. Ua pau ka papahana i ka hoolalaia a e hoomaka koke aku ana ka hana no ke kukulu ana i ka halehana kaa o $1,000,000 a ka Hui Ford lala ma Yokohama, wahi a ka Ford hoike o keia la. Ua manaoia e makaukau ana kela halehana kaa no ka hoohana ana aku ma ka mahina o Augate o keia makahiki ae. He halehana ana ia o 200 kaa ka nui e paa i ka la hookahi. Mawaho ae o ka halehana kaa he hale hoahu nui kekahi no ka hoahu ana i na waiwai e hookomo ia aku ana ke kukuluia ana. O na materia o ke ano hou loa e hiki ole ai i ke olai ame ke ahi ke hoopoino wale no ke hanaia aku ana no ia halehana hou. SHANGHAI, Nov. 14 O na ahi i holopapa ae ai maloko o ke kulanakauhale o na Pake maloko o Hankow ua kinaiia a pio, elike me ka lono ma ka radio a na Pelekane o ka loaa ana mai ianei i keia la, nae no na hana aihue a hao wale a na kanaka i na waiwai o la mau ka hoomauia. E hoole ana nae ka hoike mai na Pelekane mai i ka hooleleia ana mal o na koa Marina Pelekane ame Amerika aka, o na koa Kepani ame Palani ka i hooleleia mai iuka no ke kiai ana i na makaainana o na wahi i noho ia e ko lakou mau makaainana. Ma ka oleloia aohe holopono o ke kaua ana a na pualikoa Nanking ahiki i nei manawa no ke komo ana ae iloko o ke kulanakauhale, aka nae o na koa o ka pualikoa i hookoeia o Nanking ke huli mai la i na waapa apau no ka lakou hooikaika ana e loaa na koa Pake Hankow l auhee al a ke Kenerala Tasang Sen-chi i kona palekana i Iapana. O ke Kenerala Ho Chien, ka mea nana i hoomalu ia Hankow a i kukala ae ai hoi ma ka pule aku la i hala i kona kuokoa ana mai ke kenerala Tsang-chi aku, ma ka lono i hoikeia mai ke hoao mai la oia e loaa ka maluhia mailoko mal o ka noho huikau a haunaele ana o ka lahui ma Hankow. MEKIKO CITY, N0v. 16—Mahope o ka haawiia ana aku a haawi mai o na hookipa ana i na aliikoa maanei a pela hoi i na haumana ao hou o na mokukaua ao koa Kepani ua holo aku i keia la no Mazatland na mokukaua Iwate ame ka Asama. Ma ka Poalima e holo aku ana na mokukaua no Hilo, Hawaii, maialo o ka hoomalu ana a ka Ria-Adimarala O. Nagano. Ma ka papa kuhikuhi holo o na mokukaua ma ka la 20 o Dekemaba e ku aku ai na mokukaua i lapana. CAMDEN, N. J. Nov. 16—O ka moku Iawe mokulele Saratoga o Amerika i hoolalaia ai mamua i mokukaua aka, ua hoololiia i moku lawe mokulele mamuli o ka hooholo ana a ka ahakuka ma Wakinekona e hoemiia mai ka hana ana i na mokukaua, i ke au e noho Peresidena ana o Harding, ua haawiia aku kona ko-misina maanei i keia la no kona hoohanaia aku. Maloko o na mahina elua ua manaoia e hui aku ana ke Saratoga me ke aumokukaua o ka Pakipika ma ka Moana Pakipika. He moku ke Saratoga me na ano hou loa o kona hanaia ana a ua hoolakoia no ka hana ame ka. hookapu ana i aa poino o na mokulele o ke kai ame ko ka aina: PARISA. Nov. 17 O ka Moi Boris o Bulegaria ame ke keikialii hooilina Kalaunu Humbert o Italia, kekahi mau alii kiekie i mare ole i na wahine o Europa, ua loaa mai he lono anei i keia la e mare aku ana laua na wahine ma kekahi manawa koke ma nei mua aku. Ua hoakakaia ma na lono kelekalapa mai Roma a Napela mal. e kukala ae ana ke aloalii o Italia maloko o kekahi manawa kokoke i ka hoopalau ana o ka Moi Boris i ke Kamaliiwahine Giovanna o Italia a o ke Keikialii Hum-bert i ka Kamaliiwahine Marie Jose | | ||||||||||||||||||||||
| | ||||||||||||||||||||||||
| | ||||||||||||||||||||||||
| | Ua hoole ka Peresidena Mrs . Swanzy, a i kakoo pu la ae e na noa o ka o ka ahahui aole e kukuluia kekahi kiahoomanao o na Krkistiano maluna o na heiau Hawaii. Ma ka Poalima o ka pule aku la i hala ka holo ana aku o Mrs. Swanzy no Kailua, Kona. no ka nana aku i ke kahua o ka halealii a no ke kuka ana me Guy Rothwell, ke kanaka kahaku hale ka mea nana e kaha i ke kii. | | ||||||||||||||||||||||
| | ||||||||||||||||||||||||
| | o Belegiuma. No ke Kamaliiwahine Giovanna, he 20 ona mau makahiki. O ke kaikamahine muli loa ia a ka Moi Emanuel o Italia. O ke Kamaliiwahine Marie Jose ke kaikamahine muli loa a ka Moi Albert o Belegiuma. He 21 ona mau makahiki. | | ||||||||||||||||||||||
| | ||||||||||||||||||||||||
| | ||||||||||||||||||||||||
| | ||||||||||||||||||||||||
| | ||||||||||||||||||||||||
| | ||||||||||||||||||||||||