Ka Nupepa Kuokoa, Volume LXVI, Number 51, 17 November 1927 — MAKE HE WAHINE PAKE MA KA ULIA OTOMOBILE. [ARTICLE]

MAKE HE WAHINE PAKE MA KA ULIA OTOMOBILE.

Ku no hoi i ka uluhua l awflt pu ia me ka hoonaukiuki ame ka weliweli pu. ke ike iho 1 na poino i na kaa otomobile, 1 kela ame keia manawa, a no kela kumu. 1 ala ae ai ka oihana makai o Honolulu nei, me ka manao kui'o. n hoohana aku 1 ko lakou mana, maluna o ka poe apau e ku-e ana 1 ke kanawai, ame ka palekana o ka lehulehu. Malwaena mai o na ulia kaa otomobile 1 loaa ma ka pule aku la 1 hala, hookahi ulla kukonukonu loa, o ia ka make ana o kekahi wahine Pake, ma ka po o ka Poakolu mamuli o kona hooku'lia ana e ke kaa, otomobile, e hookeleia ana e James K. Togawa ma ke alanui Kula. Ma ka moolelo ano nui e pili ana i kela ulia poino. e holo ana ka o James K. Togawa maluna o kona kaa otomobile ma ke alanul Kula nouka o Kalihi,. a i ke kokoke ana i ke alanui McGrew, ike aku la oia 1 kekahi wahine e hele aua ma ke alanui McGrew, he elima kapuai ka mamao mai iala aku. I wahi nae e hooku'i ole aku ai kela wahine 1 ke kaa, ua hOohuli ae la o Togawa 1 kona kaa no ka aoao hema, o ka manawa no ia 1 holo pono ae al .o kela wahlne mamua o ke alahele o ke kaa, o ka hooku'i no la, me ke kaualakoia ana aku o kela wahine no umi-kuma-malua kapual, mamua o ka hemo ana mai ke kaa aku. He elUa mau mea 1 ike maka i kela ulla poino, ua hoopaa laua l na helu o kela kaa, a hoike mal 1 ka oihana makai, o na inoa o kela mau hoike, oia o Mr. ame Mra. Joseph Vincent. Aole 1 Haawl 1 na Kokua Ana Ma kela manawa ka 1 haule aku ai ka wahine mai ke kaa aku, ua hoopaaia ka holo o kela kaa, alaila lioomaka hoū aku la e holo, me ka haawl ole mal o ke kiakaa 1 na kokua ana 1 ka mea poino. Mamuli o na helu o ke kaa otomoblle i loaa ai ka lke l ka oihana ma> kai, o TogaWa ka mea nona kela kaa, a 1 ka hoounaia ana aku o kekahl makal no kona home. aole oia i loaa aku. aka ua hoea okoa ae oia 1 ka halewai. a haawipio laia iho imua o ua kanaka o ke aupuni. No ka wahine Pake hoi. ua laweia aku oia no ka halema'l o na ulia polno, a malaila oia 1 make al. he manawa pokole wale no o ka hoea ana aku no kela halema'i. : Ua nul na palapu i 'ikeia ma ka papalina hema, pela ma ko kuli akau ame ka umauma o ka poino nul nae 1 manaola, a o ke kumu hoi o kona make koke ana.o ia no ka haki ana o kona a-i. Maloko o kekahi eke paalima a keia wahlne, 1 loaa aku ai elima dala ma ka bila. ame ekolu dala helelei. a maloko hoi o ka pakeke 0 kona.lole, he limi-kumamalima dala ma na bila aupueU.