| | He Moolelo
—No Ka— Lanakila ma o ke Kali Ana MOKUNAXVII. He "La ia no na Uhane apau',, elike me ko Eseparana maa i ke kapa ia la, o ka manao, he la ia o ka hauoli i awili pu ia me ke kaumaha nona, ke hoomanao ae no kana mau mea aloha ua nalohia mai kona mau maka aku, a no na mea hookaumaha noonoo hoi e hoopuni mai ana iaia. Ua loaa mai he leka iaia mai ia Gasepa mai ia la, he Ieka i piha me na manao aloha a i hoohaniniia iho ai hoi kona mau waimaka, a iaia e nana aku ana ia Mrs. Moateleka ame Konelia, kona mau hoahanau, he mau helehelena ko laua ana e ike aku ana aia ke konakona iloko o laua nona e hiki ole ai iaia ke hoomanawanui iho. Ma ia la ua kauohaia mai ia oia e heluhelu aku imua o kona mau hoahanau, me ka leo nui oia i heluhelu aku ai me ka malie ame ka moakaka me kona hooikaika e hoomalu iaia iho. Iaia e heluhelu ana aole no i nele ka hukiia o kona noonoo i kekahi manawa i ka pa ilina o ka poe ma Palika, kahi o kona makuakane i hoomoeia aku ai, i kekahi manawa e ulu ae ana no ka noonoo iloko ona no kekahi mea ma'i e moe ana maluna o ka moe maloko o ka halema'i, a i kekahi manawa e ulu ae ana ka hoomanao iloko ona no na pua ana e ohi ai a lawe aku iluna o ka he o ka makuakane, a oia kana i ninau iho ai iloko ona he lawe mau aku no anei na makaainana o Palika i mau pua no ka lakou mau he? " Eseparana, aohe pololei o kau hoopuka ana i kekahi mau huaolelo a ke hele mau aku la kau heluhelu ana i ka lalau loa," i nui nui ai ko Konelia leo me ka huhu pu. I kona lohe ana aku i ko Konelia leo hoomanao ae la oia ua lalau io kana heluhelu ana, a hooikaika wale ae la no me ka hoao ana e heluhelu pololei, eia nae, ua pohina ae la kona mau maka i na waimaka ia manawa. Aole i liuliu loa ma ia hope iho poha mai ana ka leo o ka bele ma ka puka, he malihini ka i hiki mai, a nana kela bele o ka hookani ana mai la; hoolonolono loa aku la oia o ka halulu mai o na kapuai wawae. Ua maha loa ae la kona noonoo i ka weheia ana mai o ke panipuka a komo ana no ka Lede Woakinekona ame Miss Nevile. Iloko o na minuke elua a ekolu paha mamua aku he mau helehelena hoihoi ole wale no ke ikeia aku ana maluna o Eseparana, aka, i ke komo ana mai o ka Lede Woakinekona me kona helehelena hoihoi ua kaawale koke aku la ia haawina kaumaha maluna o kona helehelena a ua like ka hoihoi o kona mau maka ame kana oni ana me ko ka manawa mamua aku o kona hoi ana mai a noho maloko o ka home o kona anakala. I ka ike ana mai o Woakinekona i ka lamalama o ko Ese- parana helehelena ua alakai hewa ia kona noonoo, a olelo iho
la iloko ona, he kaikamahine hauoli no ka hoi oia Ia la. Ma-
hope iho o ka launa ana me na olelo hoolauna mua, me E5e-
parana wale no ka hapanui o ko ka Lede Moakinena manawa
e ka hoohala ana; me Eseparana mau ka hapanui o kona ma-
nawa o ke kamailio ana, a he kakaikahi loa kona huli ae e ka
mailio me Mrs. Moateleka ame Konelia.
I kinohi o ko laua kamailio pu ana ua kakahele loa o Ese- parana ma ke kamailio ana, me he mea la ua noho wale a loihi na la o ka noho pu ana, no ka mea, ua hoihoi maoli kana kamailio ana ma ka mea e pili ana no Gasepa a no Makene, a ia Farani e hoolohe mai ana ke noonoo la oia iloko ona he kaikamahine piha hauoli no ka hoi o Eseparana la, aole hoi elike me ka Makene o ka olelo ana mai i ka Lede Woakinekona he kaumaha mau kona noonoo i ka hapanui o ka manawa. Eia nae, i ka hala ana o kekahi mau minuke ua loli ae la ko Eseparana helehelena; he bana ke paani mai ana ia manawa, a ua lilo ka leo o na meakani e loheia aku ana mawaho i mea hoano-e loa ae la i ko Eseparana helehelena mamuli okona hoomanao ana ae no ka leo o ka bana a na pualikoa oiai oia e noho ana maloko o Palika, a ua hoouluia ae la hoi ke aloha iloko ona a nui no kona makuakane ame ke kaikunane pu. Ua mae loa kona helehelena ia manawa. E kakahele ana oia i ke kamailio mamua iho, i ka lohe ana keia i ka leo o ka bana, ua oki pu iho la kana kamailio ana, a no ko Farani ike ana mai ia helehelena mae ona, ua noi mai la oia e hookuu aku iaia no ka hele ana aku, i kaawale ai oia mai ka nui mai o lakou e noho ana ia manawa. "Nani maoli ka hoi kela mau pua Melekule e kau mai la mawaho o ka puka aniani. E aeia mai ana anei au e hele aku e nana ia mau pua?" i noi ae ai o Miss Nevile, aole no kona makemake maoli ia mau pua, aka, he wahi kumu wale no ia ana o ka noonoo ana iho i mea nona e kaawale aku ai mai ka noho pu ana iho me na lede e ae. Haawi aku la o Eseparana i kona ae, a ku like ae la laua iluna a hele aku la no kahi o ka puka aniani, kahi o na pua e kau mai ana, ma kekahi aoao mai o ka rumi, he mau ipu pua ma kela wahi i hoonohonohoia e ka wahine malama hale, elike me ka Eseparana makemake o ka olelo ana aku i ka wahine hana. O ia mau no ke kani mai a ka bana. Oiai ka bana e hoomau mai ana i ke kani, aia mau maluna o ko Eseparana helehelena ko Miss Nevile mau maka kahi i kau ai, a ua hoopiha io iho la kona naau i ke aloha me ka menemene pu no Eseparana no kona ike mai ia manawa i ka haale o na waimaka nunui ma kona mau lihilihi, a i ae la. "He hana paakiki no na kekahi ka uumi ana iho i ke aloha i ka wa e lohe aku ai i ke mele lahui o kona aupuni e hookaniia mai ana oiai oia ma ka aina mamao, elike me kela e hookaniia mai la a'u e hoolohe aku nei. Ia'u e hoolohe aku nei hu mai la ko'u aloha i ka aina a aneane e hanini ko'u mau waimaka," i pane ae ai o Eseparana; me kona ku malie ia manawa a haawi aku la i kona mau pepeiao i ka leo o ka bana e hookahi mai ana. "He mea hiki ole io no i kekahi ke uumi iho i kona aloha i kona wa e lohe aku ai i ke mele lahui o kona aupuni, oiai oia maloko o ka aina malihini," i kamailio mai ai o Miss Nevile ma ka olelo Palani. I ko Eseparana lohe ana aku me ka moakaka Ioa i kana mau olelo ma ka olelo Palani, i aku la me ka lamalama ana ae la o kona mau maka a minoaka pu aku la, oiai no nae na waimaka ma kona mau lihilihi: "Ua like loa kau olelo ana mai Ia ma ka olelo Palani me kekahi Palani oiaio. Maikai maoli oe, ua lilo kou kamailio ana mai la ma ka'u olelo makua i mea hoohauoli iho la i ko'u noo noo a ke ike nei au aohe malihini hou ana o nei aina ia'u no ka | mea, eia no oe kekahi mea hiki ke olelo ma ka olelo Palani ma kahi kokoke loa mai ia'u," i pane ae ai o Eseparana. No ka mau loa o ko Eseparana uwe, makemake iho la ka Lede Nevila e hookaawale aku iaia ma kekahi wahi mamao, eia nae, noonoo hou iho la oia e hahai aku paha auanei o Mrs. Moateleka ame Konelia iaia, nolaila hoopau iho la oia ia manao ona a huli hou mai la ia Eseparana, oiai no oia e hoomau ana i ke ku ma kahi o ka puka aniani, a e kahe iho ana kona mau waimaka iluna o na lau o na pua, a i mai la: "E Miss Mabilona, manao anei oe he mea maikai ko kaua hele ana aku e nana i ka hale o na meakanu, he mehameha ia wahi me ka loaa ole o kekahi mea hoohaunaele mai ia kaua maloko olaila, pela ko'u manao," wahi ana. Ua ike koke aku la no o Eseparana i kona manao, o ia hoi he makemake ka lede e hoolalau iaia i hoopauia ae ai kona mau manao kaumaha; o kona ae koke aku la no ia, a hahai aku la mahope o ka lede a hoea aku la i kekahi lanai uuku i paa na aoao a pau i ke paniia, o kahi hamama wale no o ia ka puka e komo aku ai i ka rumi hookipa, a ia ike ana mai a Konela ia laua, a no kona noonoo ana iho he hana maikai ole ma ko laua aoao na kamaaina o ka hale ke hookuu i ka malihini oia ke hele nona iho, ku mai la oia a hele mai la a hui mai la me laua maloko o ia lanai a i mai la: . "E ae ana anei oe e hookokoke mai i kahi o ke kapuahi hoopumehana? Aole paha o Eseparana i malama pono ia oe ea, o ka'u mea ia o ke kaumaha ana mai nei." "O, mai kaumaha oe, ua maikai loa kana malama ana ia'u," i pane aku ai o Miss Nevila me ka akaaka ana aku. Ua nui ko'u makemake i na pua like ole ma kahi o ka puka aniani, a e alakai ana ko hoahanau nei ia'u i kahi o ka hale o na mea kanu, a oili mai la oe. Mai hopohopo oe na'u, e Miss Konelia. "Heaha auanei ka mea waiwai maloko o ia hale e kau nui aku ai ka manao e ike, no ka mea, aohe i malama maikai ka makou kanaka hana i na kihapai i na meakanu maloko o ia hale, nolaila, ke nana aku aohe ulu maikai o na meakanu, no ka makala ole ia iloko o kela haulelau aku nei," i pane mai ai o Konelia. Iloko o Farani ia manawa e nalu ana aohe paha auanei he manawa e kaawale aku ai o Konelia mai ia laua aku mahope aka, laki loa nae ko ka Lede Woakinekona kahea ana mai iaia e hele aku, oiai he kumuhana ka laua me Mrs. Moateleka e u kuka ana, a i holopono ai ia manao o Konelia pu kekahi nolaila, i ko Konelia kaawale ana aku, haaleleia iho la oia me Eseparana o laua wale no ke hoohauoli ana ia laua iho me ke ala moani o na pua ame ka nani hoi o na meakanu. Oiai ko Farani mau maka e hoonuu ana i ka nani o na waihooluu like ole o na pua, ko lakou popohe maikai mai no hoi, a e kilohi ana ma o a maanei, me kona paa mau mai no i na lima o Eseparana, elike me ka hana a ka poe akamai i ka hoolakalaka ana i na holoholona hihiu, pela mau oia e hana a e kamailio iho ana ia Eseparana ma ka olelo Palani, a i ka manawa hope Ioa ninau iho la: "E Miss Mabilona, e ae maikai mai ana no anei oe imua o'u e hoakaka mai i kou mau pilikia, ai ole kau mau mea paha i kaumaha a i inoino ai kou noonoo? Malia paha he wahi mea hiki no hoi kekahi ia'u ke hana aku nou, i mea e hoopauia ae ai o ia mau noonoo kaumaha ou, a i ole mau pilikia paha ou? "I ui aku la au ia oe i keia no ko Makene kamailio ana mai i kuu hoahanau, Mrs. Woakinekona, eia oe maanei kahi i noho ai, a o keia hele ana mai la a maua ianei, no ka ikemaka ana no ia oe, a ua ike iho la; ua kamaaina kuu hoahanau i ko makuakane ame ko makuahine, elike paha me ia au i lohe mai ai mai kou mau makua mai, ina ua kamailioia mai ia mea ia oe." "Ke manao nei au, aole laua i hoike mai ia'u no ia mea," wahi a Eseparana o ka pane ana ae; "hookahi a'u mea i lohe i kuu makuakane i ke kamailio oia ka mea e pili ana no Sa Hanale Woakinekona. No hookahi paha manawa ana o ke kamailio ana mai ia'u nona, mamua o ka hoomakaia ana o ka pilikia a he liuliu Ioa kela manawa i hala aku nei ke noonoo iho i nei manawa." "Mamua aku anei kela o ko oukou haalele ana iho i ke kakela kahiko a oukou?" i ninau ae ai o Farani, me kona ma-naoio iho la o ia kamailio ana a laua he mea hoomama loa ae ia i ko Eseparana noonoo. "Aole; ia maua maloko o Palika i kamailio mai ai oia no ia mea," i pane ae ai o Eseparana. No kona hoomanao ana ae i kona makuakane ia manawa hiolo hou iho Ia kona mau waimaka, a he koliuliu Ioa no kela manawa i kaha noonoo iho. No ka hiki ole ia Farani ke uumi iho i kona aloha, oiai o Eseparana e uwe ana, haloiloi pu iho la hoi kona mau waimaka ia manawa, a hoopili loa mai la oia ia Eseparana, ahiki i ke akakuu loa ana iho o kona uwe ana mahope iho o kona hoonana ana iho iaia me kekahi mau huaolelo oluolu a ku i ke aloha kuio, elike me ka maikai loa ana i ike ai me he wai huihui loa la ia i ka puu o ka mea makewai. I ka maopopo ana he pokole Ioa ka manawa i koe no laua e kamailio ai, aole hookahi o laua i komo hou mai ma ka wehewehe ana i kekahi moolelo, aka no Farani aia ka makemake nui iloko ona e hoike mai o keia iho la ka hoomaka ana o ka launa, nolaila hoomaka mai la oia e kamailio no na mea o ia mua aku. "E hele ae oe e ike ia'u ma ka hale, e Eseparana, pela ana anei?" i ninau ae ai o Farani, "a ma ia manawa kaua e kamailio ai ma ka olelo Palani i na manawa apau." "O, lokomaikai maoli oe e ka Madame," i pane ae ai o Eseparana, "akahi a loaa iho la ia'u kekahi mea na'u e noonoo aku ai, e hala ae ana no keia manawa me ka hikiwawe loa." Lamalama ae la kona helehelena i ka hauoli no kekahi manawa, a eia nae, aole no i nele kekahi mea hookaumaha maloko o kona naau ma ke ano o kona leo o ia pane ana ae, a ua hiki koke no hoi ia Farani ke ike mai ia mea; i ka Farani noonoo iho he ano maa mau ole kela no kekahi kaikamahine e kamailio mai ai elike me ia oia hoi kona hoohala wale ana i kona manawa. Eia nae, ia laua i komo aku ai iloko o ka rumi hookipa ikiike, aole oia i hookahahaia, no ka mea, o kana mea no i manao mua ai e loaa ana he ea mahanahana maloko o ia rumi e malohi a e makehiamoe ai, i ka nana aku i ka uwaki nui e kau mai ana ma ka paia me he mea la ua oi ae ka lolohi o kana hele ana mamua o na uwaki e ae, o na kukuna la e komo mai ana ma na puka aniani ololi he oi ae ka hahana ka a ana no hoi a ke ahi maloko o ke kapuahi hoopumehana me he mea la, ua molowa loa ia i ka a ana, a ke ike iho la oia noiia iho he mau ano kupono ole loa keia e hookaumahaia ai ka noonoo o ka mea i maa i ke ano oluolu o ka noho ana. Eia o Eseparana ma keia wahi e hoopuniia mai ana e na mea malihini wale no iaia a pau. Kii koke aku la o Farani a panee mai la i kekahi noho hooluliluli nui no Eseparana e noho iho ai, a ia Esearana i noho iho ai ke ike mai la oia i | ka lamalama ana ae o kona helehelena, a ia Konelia i huli ae ai e nana i kahi ilio nuku poupou e moe ana, hoao iho la e hoala ae iaia mai kona hiamoe ana. Ma ke ano o ka ilio a Konelia o ka nana ana iho me he mea la aohe makemake no kona hoalaia ana ae, a ma ke ano o ka ilio ke nana iho he makemake oia e pili mau aku ma aoao o kona haku wahine. "Waiho malie i kela ilio mai hoonioni iaia, i pane ae ai o Konelia. Huli ae la o Eseparana e nana ma o a maanei, me ka akaaka ana ae, ke ano nae o ka mea i puiwa, a i ae la. "E kahi ilio nuku poupou, o oe kahi ilio molowa loa. Ke huli ae ka hoi ko'u kua o kona hiamoe hou iho la ia!!" Ua piha o Konelia i ka huhu ma o aku o ka mea hiki Uia ke uumi hoomanawanui iho, a me ka leo kalakala i mai la ia Eseparana, "no keaha kou noho ole iho ilalo?" Ua lilo ke ano o ka noho ana iho ilalo elike me ke ano o ka na Pelekane i makemake ai i mea hoihoi ole na Eseparana, eia nae, no ka hooko ana aku i ke kauoha, noho iho la oia ma kahi noho, a no kekahi mau minuke kona noho mumule ana, aka i ka wa i haawi ae ai na lede i ko laua aloha no ka hoi ana aku, ike aku la o Eseparana i ko Farani mau maka aneane e hanini iho ma kona mau papalina. Mamuli o ka hoi ana aku o na lede a no ko Eseparana noonoo mua e nukuia mai ana oia, o kana e makemake loa ana a manawa oia ka loaa o kekahi manawa kupono nona e kaa-wale aku ai, hele aku la a ku ma kahi o ka puka aniani a ku iho Ia nana aku ia Farani ahiki i ka nalowale ana aku, I ke kaalio i holo aku ai kani iho la ka ka Lede Woakinekona uhu no ka loaa ana iaia o ka maha. "Akahi no a loaa ae la ia'u ka maha, ua kaawale mai la kaua," wahi a ka Lede Woakinekona o ka pane aoa ae i ke kaikaina. "Hookahi a'u mea o ka mahalo ana, a ua like ka Lede Moateleka me kekahi hipa laka loa imua ou. E hoike mai i kekahi mea e pili ana no ka'u kaikamahine hanai pehea ana oia? Ua nui kuu makemake e kamailio pu me ia, e komo mau mai ana no nae o Konelia e keakea ia Eseparana heaha a kona kumu o ke keakea mau ana mai?" "Mai oi loa aku kuu hauoli ina i hiki ia oe ke kamailio pu me ia, ina hoi paha ua hiki ia oe ke hoakaka aku i na mea apau au i makemake ai. Ina he hapa kakini huaolelo Palani e kamailio aku ai i kela kaikamahine e lilo holookoa mai ana kona noonoo a pau maluna ou. E uwe ana, a iloko o eli-ma minuke e huai mai ana oia i kona mau pilikia a pau imua ou, me he mea la ua launa a kamaaina wale olua kekahi i ke- kahi no na makahiki loihi.
"A i ole aohe ana mea e hiki ai ke hilinai aku no kekahi
mau mahina lehulehu, pela i ka nana aku," wahi a ka Lede
Woakinekona. "Aohe haohao ana iho no kona kumu o ka
hookaumaha mau ia ana no ka mea, aohe ana mea e kaukai
aku ai no ka hoohauoli ana mai iaia, o kona noho ana aku me
Hela poe pikanana he mau mea hookaumaha io no ia i kona
noonoo."
"Aka nae, no Miss Konelia Kolisona, ke manao nei au
aia no he manao maikai iloko ona no ke kaikamahine Pa-
lani, ma ka'u nana aku iaia ma kana mau olelo he makema-
ke maoli no kona e loaa ia Miss Mabilona na hoonaauaoia
ana a pau elike me ka Mr. Kolisona, ko lakou makuakane i
makemake ai, elilo ai ke kaikamahine i mea naauao a i lede
oiaio ma nei mua aku," i pane ae ai o Farani.
"E kuu Farani aloha, e ike aku ana no oe i ka maikai ilo-
ko o na uhane ola apau, ke manaoio nei au pela. Eia nae
ua pololei oe me ke kanalua ole, koe wale no keia e ae mai
oe ia'u e hoao aku a e hoopakele ae i kela kaikamahine Pa-
lani a'u e manao nei he makapo oia like me ko'u makapo i
na mea maikai oiaio iloko o kona mau hoahanau.
"I mea anei nona e ike iho ai a i ole i mea paha nona e
hoopakele ai?" i ninau ae ai o Farani, me kona ninau pu iho
no nae iaia iho, "ke makemake nei au e ike o ke alahele hea
la ka pololei?"
"Elike me ka mea i maa mau ma ka pili ana ia kakou iho,
e kuu mea aloha, he liilii no kela ame keia mea pakahi o laua,
pela kuu manao," wahi a ka Lede Woakinekona, a ma keia
manawa i huli ae ai ka laua kamailio ana ma kekahi mau
mea e ae. MOKUNA XVIII. "E hoi mai ana o Gerane i ka Rikekeka," i hooho ae ai
o Konelia, mahope o kona nana ana ae iluna mai ka leka ae
ana o ka heluhelu ana iho ma ka aina kakahiaka o kekahi la a'e. "Pela?" i niniu mai ai o Bela me ke leo me he mea la ua hookahahaia aku oia. "Ua manao au e hoohala ana la oia i kona hooilo ma Leonada, eia ka e hoi mai ana no. Ua maopopo ia'u kana mea o ke kamailio ana mai ma ke kau wela aku nei ua laweia kekahi hale ma ka hoolimalima no ka makahiki holookoa." "Malia paha ua makemake no oia e hoi hou mai i ka home pela i ka nana aku, a no ka mea e pili ana i kela hale, he hana liilii loa ka hoolilo ana aku. E hoi mai ana oia ma na la mua o keia pule ae." E nui mai ana na malihini e hiki mai ana i ka hale o na Vilikina, a e nui pu mai ana ka hana hooluhi," i pane ae ai o Mrs. Moateleka. "He hana hooluhi aku kela iaia ke hoololi oia i kona manao." "Aia ihea kela hale o ka poe Vilikina ?' i ninau ae ai o Eseparana, me kona hoopihoihoi ole ia no ia malihini hou e hiki mai ana i ko lakou hale, a hoopokole ae la i kana olelo ana, "o Mrs. Pasemoa oia no o Gerane". "Ka hale o na Vilikina? O ia no hoi ka hale o kuu kupunawahine, aneane elua mile mawaho aku o keia kaona, mahai o ke alanui e holo ana i Ladana," i pane ae ai o Konelia i ka haina o ka Eseparana, mahope o ka hoomaha ike ana iho no hookahi paha minuke. Noonoo iho la o Eseparana me ke kaumaha o kona noonoo no ke ku ana o ia hale ma kahi mamao loa mai ka home mai o na Woakinekona. Aohe oia i ui hou ae, eia nae, kau aku la kana nana ana no kela manawa a Mrs. Moateleka o ka hoike ana mai oia ko Gerane manawa e hoi mai ai. Ma ka Poalua o kekahi pule mai hoea mai ana o Mrs. Gerane i ka Rikekeka a ma ka Poakolu mai, noi ae la o Mrs. Moateleka he mea pono kekahi e holo i ike aku iaia. Ua lilo keia manao ona i mea paioia mahope iho mawaena o na hoahanau no ka mea e hele aku ana, no ka mea, he hana luhi maoli ke hana ia ana ma ka home a Mrs. Gerane i hoi mai ia a noho, a ke hoolohe aku la hoi o Eseparana me ke konakona iloko ona no na olelo a kona mau hoahanau, a ke mahalo nui la oia no kona komo pu ole ana aku iloko o ka paio hahana a kona mau hoahanau.
(Aole i pau.) | |
