| | MAKEMAKEIA E HOOPAA HOU I NA INOA Mai keia manawa aku ahiki i ke paniia ana o ka buke o ka poe kupono i ke koho baloka o ke Kulanakauhale a Kalana o Honolulu nei, ma ka mahina o Okatoba o keia makahiki ae, ka manawa e malamaia ai ke koho baloka wae moho no na luna oihana kulanakauhale; ua makemakeia na mana koho baloka apau maloko o keia kulanakauhale, e hele ae e hoopaa i ko lakou mau inoa maloko o ke keena o ke kakauolelo kulanakauhale, mai na mana koho kahiko a ka poe akahi no a koho baloka. O kekahi o na kumu nui i makemakeia ai, keia hoopaa hou iana o na mana koho i ko lakou mau inoa mamuli no ia o ka maheleheleia ana o na mahele koho nunui o na mana koho, ma keia ano, ua hoomahuahua hou ia ae ka nui o na mahele koho, me ka hoololi pu ia o na palena o kela ame keia mahele, e hiki pono ole ai, ke hoomaopopoia, na wahi a na mana koho e hele ae ai e koho i ko lakou mau baloka, koe wale no, a hoopaa hou ia na inoa ame na wahi o na mana koho i noho ai. He hana nui no me ka ulolohi pu, ka hoopaa ana i na inoa o na maua koho, mamuli o ka hapa mai o na limahana oloko o ke keena o ke kakauolelo kulanakauhale, pela hoi ka heluna mahuahua loa o na mana koho i keia manawa; nolaila, no ka hoomaalahi ana i na hana, ma iia aoao a elua; ke hoeueu nei keia pepa; e hoomaka koke ka hele ana ae o na mana koho e hoopaa i ko lakou inoa i keia wa o i nui ka manawa kupono, aole e kakali a ku haiki, o ka manawa ia e hele ae ai, e hala okoa ai he mau hora ma ke kali ana me ka waiwai ole. O ka mahelehele hou ana i na mahele koho nunui o na mana koho, o keia kekahi hana kupono loa i lawelaweia ae e na poo o ke aupuni teritore, no ka hoomaalahi ana mai i na hana a na lunanana koho baloka, pela pu no hoi ka hoomaalahi ana mai i na mana koho. ma ka hele ana aku e koho i ko lakou mau baloka. He hana kokua nui, ma ka aoao o na mana koho baloka, ka hele koke ana ae e hoopaa i ko lakou mau inoa, i keia manawa, me ke kauka'i ole aku a kokoke mai i ka wa koho baloka; ma ka hana ana pela, e ike maoli iho ai no lakou, i ke kupono ame ka naauao o ia hana ana; a e hoomaalahiia aku ana no hoi na haiia ma ka aoao o ka poe oloko o ke keena kakauolelo kulanakauhale.
KE POO HOU O KE KEENA MAKAIKIU Ma ke kikoo ana aku o ka Makai Nui Pat Gleason, a hookiekie. ae i ka Makaikiu John N. McIntosh, ma ke poo o ke keena o na makaikiu, o ka oihana makai o Honolulu nei, e manaoia e lilo ana keia hooikeikeia ana ae la o kekahi o na makaikiu kahiko, a kamaaina i na hana o ka oihana makai i mea e hooiia ae ai ke kupono o ka lawelaweia ana o na hana oloko o ka oihana makai, a e hoauhee pu ia aku hoi na ea polopolona o na hana poholalo ame na hana ki-pe, i lohe nui ia iloko o na la aku la i hala, oiai ka oihana makai, malalo o ka hoomalu ana a na poo mua. O ka iini ame ka manao makee maoli o na mana koho ame ka poe hookaa auhau o keia kulanakauhale, o ia no ko lakou ike aku i ka lawelaweia o na hana o ka oihana makai, ma ke ano maemae a hoopilimeaai ole ; a e lilo ana i mea na lakou e mahalo nui ai, ina e ukaliia ka hookele ana a Pat Gleason i kela keena, ma ke kulana kanaka makua me ka hoopono. O ka naauao ame ka naauao ole o ka hapai ana ae o ka Makai Nui Gleason ia Mclntosh, ma ke poo o ke keena o na makaikiu, na keia mua aku ia e hoike mai ; a na kana mau hana auanei e hookau aku i na mahalo ana maluna ona, a i na ahewa ana paha. NA MAKE MA KA ULIA MOKULELE. He eha mau ola i poino ma'uwale ma ke kakahiaka o ke Sabati aku la i hala, mamuli o ka a ana ae o ke ahi i ka mokulele ame ko lakou mau kino, oiai e waiho ana i ka honua ma kahi kokoke i ka halelaa ma Laie ae nei. O ka hopena poino i kau aku maluna o kela poe eha o kekahi ia o na haawina ko'iko'i o ke kaumaha ame ka ehaeha i kau aku maluna o ko lakou mau ohana ame ka lehulehu o na makaainana o keia teritore; no ka mea iloko ka hoi o ka hauoli o ka manao, no ka huakai lele makaikai iluna o ka lewa eia ka e ukali koke aku ana ke kaumaha mahope o kela hauoli iloko o ka manawa pokole loa. O keia ka ulia poino ano nui loa i ikeia, ma ka hana halihali ohua malana o ka mokulele ma keia kulanakauhale ; ma o keia ulia poino la nae, ame na ulia like o keia ano, a kakou i ike mau ai maloko o na nupepa i kela ame keia manawa, ma na wahi like ole o ka honua nei ; i loaa mai ai ia kakou ka ike ilia mau no na poino ke ukali la i na manawa apau maluna 0 ka lewa a maluna o ka aina paa. Mamuli mai o ka poino i loaa i kela mau ola eha, ua hoo pau loa i aka halihali hou ana i na ohua no ka lele makaika ana maluna o na mokulele iluna o ka lewa e ka hui mokulele i noho lunanui ia e Mr Lewis; a ua hoopau pu ia hoi kekahi hui hou o ka hoala koke ia ana ae nei ; malia o keia kekahi o na hana oi aku o ke kupono, o i uuku na poino. Mai ka Poakahi ae nei, ka la 24 o keia mahina ahiki i ka Poaono ka la 29 e komo ana ko ke kulanakauhale nei poe iloko o na hooikaika ana e loaa ka haawina dala, no ke kokua ana i na wahi lehulehu, i kaa aku ai ko lakou malamaia ana maluna o na kokua manawalea a ka lehulehu. E haawi ka-kou i na kokua ana elike me ka mea hiki a i kulike ai me ko kakou kulana ulakolako a nele paha. Ma ko kakou hana ana pela, aole kakou i kokua aku ia ha'i, aka ua kokua kakou ia kakou iho no ka mea aia malalo o ka malama ana a kekahi o kela mau wahi, ka poe piliikia a poino o ko kakou lahui ponoi. Ma ka huakai makaikai aku nei a Mr. A. F. Judd no Sa-
moa. i hoikeia mai ai iaia, ka moolelo o kekahi mau kanaka
Hawaii no laua na inoa o Manoa ame Aniani. Ua mare laua
i na wahine Samoa, a ua nui a lehulehu na ohana e noho mai
la ma Samoa : ina hoi he poe kekahi i maopopo i keia mau
kanaka Hawaii, a he mau ohana paha ko laua e ola mai nei
i keia manawa, oluolu hoi e hoike mai i keia pepa. | KA HORBON MOOLELO NO KONA KUMU O KE OLA ANA. Ma ka halawai paina awakea a ke Civic Club o ka noho ana ma ka Poalima o ka pule aku la i hala i hoike ae ai o Robert Hobron, he Hawali nona na makahiki he 72, mamuli o kona laweia ana ae e Eben Low ia halawai, i ka moolelo e pili na i kona hoolaia ana e ka mana ka pohaku kupua. Wahi ana o ka hoike ana ae ma ka olelo Hawali, he kanaka ma'i oia no na makahiki ekolu, lolo kona mau wawae a huikau ke hele a me ke kookoo wale no e hiki ai iaia ke hele. Ua lehulehu kana mau kauka i kukakuka ai ma ka mea e pili ana i kona ma'i, ua inu i ka lakou mau laau o ka haawi ana mai, a ua hamo no hoi i na laau hamo, aohe nae he loaa o ke ola, a l kekahi manawa ua hele oia imua o na kauka i kaulana l ka lomilomi aohe nae Ue pau o kona pilikia. I kona manawa i lohe ai i ka olelo a kekahi poe no ke ola i ka pohaku kupua ua hele oia e hoao: i kona hiki ana ilaila, a mahope o kona pule ana a hamo aku la i ka pohaku a hamo iho la no hoi iaia ma ke kua a ma kona mau aoao ua hoi mai ola me ka Ikaika ame ke ola elike me kona mau la opiopio. No ka hoike ana mai imua o ka poe e akoakoa ana ma kela halawai, a no kona ohohia loa hoi no kona ola ana, ua ku ae la oia iluna a hoomaka ka lelele ame ka hulahula ana. Ua hoike pu ae oia imua o kela halawai no ke ola ana o kekahi wahine Hawaii no Koko Head, a i laweia aku ahiki i kahi o kela pohaku e ku mai la, a ma kana olelo, ma kona manawa hope loa i ike aku ai iaia, e hele ana kela wanine nona iho me ka paa ole ia aku e kekahi mea, oiai nae he wahine ma'ilolo oia i ka manawa mamua aku, a mamuli o ka hiki ana ia wahine ke hele nona iho mahope o kona ola ana, ua ike aku oia ma kona mau maka i kona hele ana ae a kau iluna o ke kaa otomobile. Mahope iho o keia hoakaka a Hobron i hoike ae ai o Mr. A. F. Judd i kona hele pu ana me kona makuakane i ka 1885 i Kukaniloko. Ia manawa, wahi ana, ua olelo mai ka na Hawaii kahiko e noho ana malaila o kahi ia o na alii o Oahu nei i hanauia ai, na alii no lakou na makuahine i hoomoeia aku maluna o ka papa pohaku i ko lakou mauawa e haakohi keiki ai. HOLOPONO KA HUAKAI HOAO A KA MOKUAHI MALOLO O ka huakai hoao a ka mokuahi
Malolo, ma ka Poakahi iho nei, ma-
hope o ka hana hou la ana o kona
mau wahi i poino, i kulike ai me
ka hoike i loaa mai i keia kulana-
kauhale i ka hui o Castle & Cooke,
ma Honolulu nei, ua holopono ia
ma na ano apau.
O Mr. E. D. Tenney, ka lunahoo-
malu o ka papa hooko o ka hui mo-
kuahi l kuleana i ka mokuahi Ma-
lolo, ka mea nana i hoouna mai i
ke kelekalapa no Honolulu nei, a
wahi ana, ma na ano apau, ua holo-
pono na mea i hoolalaia, elike me
ia i makemakeia ai.
Ua hoaoia na ipuhao mahu apau
maluna o kela mokuahi, a ua ikeia
ko lakou holopono, me ka pilikia
ole ma kekahi ano, a ma kekahi
olelo ana ae hoi, ua piha pono ka
hookahi haneri pakeneka, ma na
keena apau o kela mokuahi.
E hooka'ulua iki ana kela mokuahi
Malolo ia Nu Ioka, he hookahi pule
mal keia Poaha aku, a ma ka Ia 10
o ka mahina o Novemaba ae nei, e
kipa aku ai ma Los Angeles, a ma
ka la ii ae e hoea aku ai no Kapa-
lakiko.
E hooka'ulua iki an akela mokuahi
ma Kapalakiko. no kekahi mau Ia,
a ma ka la 16 o kela mahina, e haa-
lele aku ai i ka Ipuka Gula ma ke
alahele no Honolulu nei, e ku mai
ai ma ka Poakahi, ka Ia 21 o No-
vemaba; me ke apo ana aku o koo-
nei poe, i ka mahimahi hou o ka Pa-
kipika, me na hana hookipa i hoo-
lalaia. Ma ka la 23 no o kela ma-
hina e haalele iho ai ka Malolo ia
Honolulu nei no Hilo, no ka halihali
ana i na malihini kaahele honua, e
kilohi aku i ka nani o ka Ua Kani-
lehua.
HE NANE. He wahi paiki kakai ole, loaa i ka hulu pekekeu manu, a pa iluna paa ilalo, pa i'o paa ianei. Ina aole oe i hoomaopopo i ke ki e paa ai, aole ou mea e pomaikai ai. Ina nae, ua loaa ia oe ke ki uwila makeneki e hooni ana i ke alahao. He ipo aloha au nau, no ka uwapo holuholu i ka muliwai. Heaha kuu paiki kakai ole? O ka mea e loaa ai ka haina, i ke keena o ke Kuokoa, hookahi makahiki lawe wale i ka Nupepa Kuokoa, me iwakalua pooleka makana no ka makaluhi. Kou a mau, L. K. P. KA EHUKAI O PALEMANO, Kona, Hema, Hawaii | Nuhou
Kuwaho WAKINEKONA, Oct 12— Ua hoikeia ae e ke keena o ka oihana hookolokolo ahiki mai i nei manawa aohe hooia e pili ana no kekahi kanaka e pani ae ana ma kahi o John R. Desha ma ke ano i lunakanawai no ka aha hookolokolo o na opio ma Honolulu i hoounaia aku i ka Peresidena Coolidge. O Clifton H. Tracy, Edward M. Watson, Miss Marguerite Ash-ford ame Harry Hewitt eia no ke noonooia mai nei. Ua kakooia e ka Elele Vistor S. K. Houston ko Tracy Inoa. VIENNA, Oct. 12— He mau kaukani o na kanaka maloko o na kulanakauhale kokoke mai i Vienna i nui ka pilikia no ka nui o ke anu, mamuli o ko lakou makau l ka noho mau maloko o na hale oiai ke olai e hoonaueue mau ana. Mamuli o na hoomanao no ka luku ana a ke oiai o ka pule aku la i hala, a i make ai 150 poe, lehulehu wale na kanaka o keia apana l hoole i ka noho ana maloko o na hale o lakou ahiki i ka pau ana o ke olai. PRAGUE, Oct. 14— Ua pepehiia o Cen. Beg, ke kuhina o Albian i Czecho-Solvakia i keia la a make e Algiwiath Debi, he haumana o 18 makahiki. I ka wa i hopuia ai ua hoakaka ae o Debi aohe ona minamina i kona ola no ke karaima ana i hana ai. "Ua hiki mai au i Pague nei mai Albian mai no ka manao e pepehi ia Beg a make," wahi a Debi imua o ka makai nana i ninaninau mahope iho o kona hopuia ana. Ua hoakaka ae ka haumana he kanaka kumakaia o Beg. A oiai ua maopopo loa ko Debi opulepule, aohe nae he haunaele i manaoia e ala mal ana mamuli o kela kiia ana o Beg e na lahui. WAKINEKONA, Oct. 14— Ua hoea mai ka Peresidena ame Mrs. Coolidge ame na hoa e ae o ka huakai a ka peresidena ianei i keia la mai Pitts-burg mai. Ma ka la aku la Inehinei ka haiolelo ana aku a ka peresidena ma ka Halekula Kikako ma Pitts-burg ka la o ka mea nana i hookumu ia halekula. WAKINEKONA, Oct. 13— He moku kiai kapakai ka l hoike mal i keia la no ka loaa ana iaia o kekahi waapa hoopakele ola laholio, ke ano i Uke loa me na waapa laholio e hoohanaia ai e na kanaka lele i ka lewa, e lana ana ma kahi he 10 mile mawaho aku o ka moku ipukukui ikeia iho ai ka mea nana ia waapa. Ua noi ia aku na moku apau e holo mai ana ma kahi kokoke l loaa ai e huli aku no na mokulele poino. WAKINEKONA, Oct. 13— O ke kokua a ka luna aupuni ua hoopaaia mai i ke Kiaaina Wallace R. Farrington o Hawali ma kana hooikaika ana e loaa kekahi haawina dala o $58,000 mal ke kau ahaolelo mal e noho mai ana no na hale oihana o ka haleipukukui ma Honolulu, wahi ana i keia Ia. Ma ka hoakaka a ke Kiaaina Farrington ua makemakeia ka hana koke ia o na hale ipukukui ma ka Pakipika mamuli o ka ulu mahuahua loa o ka oihana kalepa a Amerika malaila. SAN ANTONIO, Tex., Oct. 16— He elima poe i make maanei ma ka po nei i ka wa o kekahi mokulele i onaia e kekahi ohana i haule iho ai maluna o ke kahua mokulele Stinson. Ua make o Edward Cavanagh ame kana wahine ame ke kaikamahine bebe iloko o kela haule ana. O Robert Clarke ke pailaka o ka mokulele, oia pu kekahi l make, a pela me William Winburn, he kanaka hanu mea hou no ka nupepa. Ua pii ne ka mokulele ahiki ma kahi o 1000 kapuai i ka lewa, a ia wa i hiki ole ai i ke pailaka ke hookele l ka mokuea. O ka poe apau maluna o ka mokulele ma ka nanaia ana me he mea la ua make hikiwawe loa lakou Oiai e maheleia ana kekahi mau mahele koho baloka l mau mahele hou he manawa pono keia no ka poe kupono i ke koho baloka maloko o na mahele koho baloka e hele ae ai e hoopaainoa. 1000 omole bia ame 100 galani okolehao i paa ae i ka hopuia e na akena hookapu waiona federala maloko o ka hale o Sam Liftee ma ke Kiekie Pakipika i hoolimalimaia i kekahi Kepani, a he Pake me kekahi Pukiki ka i laweia ae e na akena no laua na inoa aole i hoikeia ae i ke akea. | E HULI HOI MAI ANA KE KIAAINA
MALUNA O KA MOKUAHI MALOLO E hoakaka ana ka lono o ka loaa ana mal i Honolulu nei ma o ka United Press la, ua hele ae ke Kiaaina Wallace R. Farrington me ka ukali pu ia e ka Elele Victor S. K. Houston e ike i ke kakauolelo o ka oihana limahana Davis ma ka Poaono o ka pule aku la i hala, no ke noi ana ae no ka hoomauia o kekahi rula o ka ike piha ana a Hawaii i na pono o na makaainana Amerika he mau makua Asia ko lakou. Ma kela manawa a laua o ke kipa ana ae la e ike i ke Kakauolelo Davis ua loaa he manawa kupono no ke kiaaina e noi ae ai i ke kakauolelo e haawi oia i kana noonoo ana ma na manawa a pau maluna o ka pono o na makaainana Amerika ma Hawaii nei he mau makua ko lakou no na lahui Asia, o ia hoi ma ka hana o ka hoopae ana mai ia lakou i Hawaii nei. Ua hoike pu ae ka ke Kiaaina ma ia la no kona ae ana aku i kekahi kono iaia maluna o ka mokuahi hou a ka Hui Mokuahi Matson, ka Malolo, e haalele aku ana la Nu Ioka ma ka la 27 o Okatoba, e hoi mai ai oia. Ma ia la pu ka i hoike aku ai ke Kiaaina Farrington o na hana lehulehu ae i haawiia mai ai iaia, komo pu me kona haiolelo aku mamua o ka Papa o ka oihana kalepa ma Nu Ioka ma ka la 3 o Novemaba e hoopau wale ia ana. HE POE PILIKOKO ANEI KEKAHI IA MANOA AME ANIANI E OLA NEI? Ina he poe Hawaii kekahi e ola nei i pili ma ke koko ia Manoa ame Anlanl, he mau kanaka Hawaii i noho ma Samoa no kekahi mau ma kahiki lehulehu a ua laha ka laua mau mamo ma Samoa, e oluolu e hoike mai l ke Kuokoa. I Samoa aku nei o A. F. Judd ame Bruce Cartwright a o ko laua hoi koke ana mal nei no ia ma kekahi mau la i hala, a ia laua ma Samoa ua ninauia mal laua e na kanaka olaila ina paha ua maopopo la laua kekahi mea e pili ana ia Manoa ame Aniani. Ma ka moolelo i paanaau i ko Samoa poe, elike me ka Mr. Judd hoakaka ma ka halawai a ke Civic Club ma ka paina awakea o ka Poalima o ka pule aku la i hala, he mau luina ka o Aniani ame Manoa ka i mahuka mailuna aku o ko laua moku a pae i Samoa, a ua mare laua i na wahine Samoa, a ua laha ka laua mau pua, a malaila laua i noho al ahiki i ko laua make ana. Ma ka hoike mai a na kamaaina o Samoa ia laua o Manoa o laua ka mea aohe ana mau pua, a no Aniani ame kana wahine o laua na mea i nui na keiki. Maluna o ka Mokupuni Anuu laua o ka noho ana, a ma ka olelo mal a na kanaka o kela mokupuni ia Judd ma o ka hapanui ka o na kanaka maluna o ia mokupuni aneane i ka 200, he mau pua wale no na Aniani ame kana wahine Samoa. O na kanaka maluna o Anuu he poe Samoa oiaio wale no, wahi a Judd aohe i nui ka ike i loaa ia lakou no Hawaii nei, a ua ninauia mai ka laua no ka mamao mawaena o Samoa ame Hawaii nei. No ka mea e pili ana i ka oleloia he mau luina o Manoa ame Aniani i mahuka mailuna aku o ka moku ua hoole o Mr. Judd i ka oiaio o ia olelo, no ka mea, wahi ana, maloko o kekahi hale ana o ke komo ana aku ua hoikeikeia mai iaia he elua mau moena, hookahi o ia mau moena lauhala ua hanaia ma Samoa, a o kekahi he moena makoloa mal Niihau aku. O ka moena hope, elike me ia i hoike ia mai ai ia Mr. Judd na Manoa ia, a mahope o kona mal ana me ka ikaika Ioa i haawi ae ai oia ia moena i kona mea nana l malama i kona wa o ka popilikia. Wahi hou a Mr. Judd, ua makemake loa na kanaka Samoa e hoikeia aku kekahi moolelo e pili ana i na pilikana o na kanaka Hawaii i noho ai maluna o ko lakou mokupuni no kekahi manawa koliuliu loa i hala aku nei, a nolaila kela uiia aku, ina he naau pilikana kekahi e ola nei o Manoa ame Aniani, e oluolu e hoike mai. Mahope o ka hele hoomaha una no elua pule ae nei i hala, i huli hoi mai ai ka lunahooponopono o ke Kuokoa ma ka Poakahi iho nei. | Nuhou
Kuloko He o la mau ka holomoku o na
kanaka i ka hele i ka pohaku ma
Wahiawa ae nei, no ke ako e hoo-
pauia ae ko lakou mau pilikia ma
ke kino; a ua ike i'o he heluna nui
o na kanaka i ko lakou ola i kela
pohaku. Ma ka hookuku o ka malamala aua mawaena o ka hui kinipopo pekuwawae o na kula o Sana Lui me Punahou. ma ka auwina Ia o ka Poaono aku nei i hala, i kaa ai ka lanakila o kela hookuku ana i ka hui o Sana Lui. Mahope o ka hoohala ana i keka-
hi mau mahina ma Amerika, i huli
hoi mai ai o Joseph L. Sylva, kekahi
hoa o ka papa lunakiai, kulanakau-
hale ma ka mokuahi Maui, o ke ku
ana mai no Honolulu nei ma ka
Poalua aku la i hala. Oiai e hoao ana e kau maluna o ke kaa uwila ma ke alanui Waialae ame ke alanui Eha, ma ka po o ke Sabati iho nei, i hooku'iia aku ai he wahine Kepani o Mrs . Yoshi Kato ka inoa e ke kaa kalaka e hookeleia ana e Antone Freitas. Ma ka halema'i o na poino ulia, i lapaauia aku al kela wahine no na palapu i loaa iala. Ma kekahi alanui ololi ma kahi kokoke i ke alanui Moiwahine, ma ka auwina la o ke Sabati iho nei, i hoopilikiaia ae ai kekahi wahine opio e ka puulu o ka poe kolohe, me ka moku ana o kona lehelehe. Ma ke kakahiaka o ka Poalima aku nei i hala, Oct. 13, i pauaho mai ai o Benito J. Guerrero, Jr., i keia ana ma ka home o kana kaikamahine naa ka Helu 3718, alanui Kilauea, Kaimuki; mahope o ke kaama'i ana no na makahiki lehulehu, a ma ka hora eiwa o ke kakahiaka o ka Poakahi nei, i malamaia al kona anaina hoolewa, me ka hoomoeia ana aku o kona kino wailua ma ka ilina Kakolika ma Koula ae nei. No ka ninaninau pono ana i ke kumu o ka make ana o ke pailaka o ka mokulele Malolo ame na ohua ekolu, ma ke kakahiaka o ke Sabati iho nei, i malama ae al ka Hope Makai Nui Kanakanui, he aha kiure koronelo ma Kahuku ma ke kakahiaka o ka Poakahi nei. I kulike ai me ka hoike i loaa mal i kela kulanakauhale, e huli hoi mai ana o Kiaaina W. R. Far- rington no Honolulu nei, maluna o ka mokuahi Malolo. ma ka huakai mua loa a kela mokuahi no Hawaii nei, e haalele aku al la Nu Ioka ma ka la 27 o ka mahina o Okatoba nei. Ma ke kakahiaka o ka Poakahi iho
nei, i lawe okoa ae al o Alfred D.
Morgan i kona ola iho, mamuli o ke
ki ana laia me ka pu panapana a
make ma kona home ma ke Alanui
Umi, ma Kaimuki. Mamuli o ka ulia poino i loaa i ka mokulele Malolo, me ka make ana he eha poe, ma Laie ae nei, ma ke Sabati aku la i hala, i hoike ae ai o E. H. Lewis ka lunanui o ka hui i kuleana i kela mokulele, no ka hoopau loa la ana o ka hana halihali ohua Iluna o ka lewa no ka manawa o hookahi makahiki, mai keia wa aku. No ma make ana o Holbrook Good-ale, ke pailaka o ka mokulele Malolo, a peresidena hoi o ka Hawaiian Air Transport, he hui mokulele hou, o ka hoalaia ana ae mamua koke aku nei, ua hoopauia kela hui, a e kuai hoolilo la aku ana ka mokulele Aloha, i ka poe e makemake mal ana i kela mokulele. Mahope iho o ka noonoo ana i ke
kanaka kupono ma ke poo o ka oi-
hana makaikiu o ka oihana makai o
Honolulu nei, i hooholo ai ka Makai
Nui Pat Gleason, e hooikeike ae ia
John N. McIntosh ma kela kulana.
HE NANE. Kuu i'a pili pu me ke kanaka, loaa i ka wailele o Hiilawe, he mea nui au i na lahui kanaka apau, a he mea hauoli hoi na kuu aloha o ke kai maokioki. Heaha ka haina o kuu i'a? O ka hiki mua no i ke keena o ka Nupepa Kuokoa, me ka haina pololei me ka wehewehe ana, heluhelu wale i ka Nupepa Kuokoa hookahi makahiki, me elua dala makana no ka makahiki. Me ka lana o ka manao e puehu liilii ana ka unahi o kuu i'a i na kae'ae'a huli nane. Kou a mau. L. K. P. KA EHUKAI O PALEMANO. Kona, Hema. Hawaii. | HAAWIIA AE KE KOLOKA KALA-
UNU I KA HALE BISHOP MUSEUM O ke koloka ahuula a ka Moi Kamehameha III i makana aku ai i ke aliikoa kiekie ke Komodoa James Lawrence Kearney, a i haawiia mai ai i ka Archive o Hawaii ma ka Poalua, ma o ka lono radio la i hoounaia mal e Robert P. Lewis mai Nu Ioka mai, me he mea la e laweia ae ana i Wakinekona D. C. a haawiia ae malalo o ka malama ana a ke Kiaaina Farrington. O ke koloka ahuula e hoihoiia mal ana i Hawaii nei ma o ka lokomaikai la o Walter F. Dillingham, ka peresidena o ka hui kaaahi o Oahu, no ka noinoi ana ae a waiho maloko o ka Bishop Museum, ma ka oleloia oia kekahi koloka nui a nani. a hookahi ka ona manawa i hoikeikeia mal ai imua o ka Moiwahine Kapiolani iaia e holo ana no Ladana i ka 1887. Ua hoikeia aku i ke Kiaaina Wallace R. Farrington e ka Hope Kiaaina Raymond C. Brown na mea olaio e pili ana i ka hana i hoolalaia no ka hoihoi ana mal la kaloka i Hawaii nei ame ka Dillingham mea e hana ai, ame ka hoamanaia ae o na luna o ka Bishop Museum, a ua hoakaka ae ola no kona noi ana aku ia Mr. Lewis e lawe ae ola i ua koloka la no ka hoikeike ana ae i ka Peresidena Coolidge ma ke ano ne he mea hoomanao no kekahi aliikoa Amerika kupaa i kona aupuni, kona hoopakele ana i kekahi moi o kekahi mau mokupuni kumamao loa iwaena moana i hiki ole ke hoopakele lala iho, a me he mea la ua laweia aku ia koloka Iluna o ka mokukaua ke "Constellation," i ka manawa i ku mai ai ia moku i Honolulu nei i ka 1843, ka manawa o keia mau mokupuni i laweia ai ma ke ano limanui e ka Haku George Paulet, a hukiia ae ka hae Pelekane Iluna; o ke Komodoa Kearny ke hoomalu ana i ka mokukaua, "Constellation." i ka wa i kipa mai ai i keia mau mokupuni i ka 1843. Mamua o ka holo ana aku a ka Hope Kiaaina i Hilo ma ka auwina la o ka Poalua o ka pule aku la i hala ka hoomakaukauia ana o kana kelekalapa i ke Kiaaina Farrington. Ma ka manawa i hoikeia aku ai o ka Mr. Lewis hoike ma ka radio, ua hoike ae ke Dr. H. E. Gregory, ka lunahooponopono o ka hale Bishop Museum ma ona la na kukakuka ana l hanaia al a holopono i kona hauoli nui. No ka haawi ana aku ia Mr. Lewis i ka mahalo no kana mau hana huli i na mea kahiko o Hawaii nei maloko o Europa, ka huli ana i na koloka ahuula ame kekahi mau mea e ae ma ka aoao o ka Museum, ka Archives ame ka lahui ma ke ano laula, a ma ona la i loaa mai ai ke koloka ahuula kaulana o Kamehameha III mai ka hooilina mai o Starbuck, maloko o Enelani, ua hoolilo na kahuwaiwai o ka Bishop Museum ia Mr. Lewis i hoahui ma ka hana huli i na mea kahiko no ka makahiki 1928. O TRACY KA MOHO A KE KIA-
AINA AME KA ELELE O KA
HOOIA ANA AE LA. I kulike me ka hoakaka a ka lono mea hou o ka loaa ana mai i Honolulu nei ma kela mau la iho nei, o ka Loio Clifton H. Tracy o ka Hui Loio a Schnack & Tracy, ka ke Kiaaina Wallace R. Farrington, moho lunakanawai o ke kakoo ana mai la no ka hookohuia mai i pani ma kahi o Lunakanawai John R. Desha i waiho mai i ka noho lunakanawai ana jno ka aha hookolokolo o na ; lopio, a ua hui pu ae ka Elele Lahui Victor S. Houston me ia ma ka hooia ana ae ia Tracy imua o ka Lolo Kuhina Sargent, a no ke kakoo ana hoi no kona hookohuia mai. He moho o Tracy i hookuponoia mamuli o kona aponoia ana e ke Komite Kuwaena Repubalika o ke Teritore; a no ka lunakanawai Edward M. Watson, na ka ahahui a ka Papa Lolo Hawali ola l kakoo. O na moho e ae l waihoia aku na inoa i ka Loio Kuhina Sargent oia o Miss Ashford ame Harry Hewitt. He mau inoa kupono wale no keia no ke kulana lunakanawai. ela nae, no E. M. Watson, he Demokarata kona aoao kalalaina, a ua hoea aku i Wakinekona kekahi hoohalahala nona mai ka ahahui o na wahine koho baloka o Hawaii nei. No ka mea e hookohuia mai ana l lunakanawai ma kahi o Desha he ninau ia i maopopo ole i na ke au o ka manawa e hoike mai. Ua makemakeia na lala apau o ka Ahahui Kamehameha e hoea ae ma ka halawai kumau o kela ahahui, e malamaia ana ma ka hapalua o ka hora ehiku o ke ahiahi o keia Poalua ae, Okatoba 25, 1927, no ka wae ana l na lunanui hou no ka ahahui, no keia nee ana aku; elike me ka hoolana e puka aku nei ma kekahi
wahi o kela pepa. | HE HOOMAIKAI I NA MANA KOHO
BALOKA. mana koho baloka, o ke Kalana o Maui, Aloha oukou:— Ke pahola aku nei au i ko'u mahalo nui la oukou, na hoaloha i hilinai mai ia'u ma ka la koho wae moho iloko o ko kakou Kalana o Maui nei. O kela heluna nui o na baloka he 1017 a oukou i haawi mai ai ia'u, he hipuu aloha ia mawaena o oukou ame ka oukou kauwa haahaa nei no na kau a kau. A ina no hoi aole he mau hana paewaewa a na lunahooikaika o ka poe ia lakou ka mana i kela la ma Molokai nei he mea hoopaapaa ole ua loaa no ka lanakila o ka moho kauwa wahine nei a oukou. I keia la ua nui ka leo mihi o na mana koho o Molokai nei, a ma keia ke hapai hou aku nei o Molokai ame a'u pu no hoi, i ka inoa o Daniel Hipa, i moho lunakiai na kakou me ka nana ole l na aoao kaunana o kakou, oiai he io a he koko. O ka'u nonoi haahaa, ia oukou na mana koho Maui, Molokai ame Lanai Huiia o ka oukou mau baloka i hoolei mai ai no ka oukou kauwa haahaa nei, e hoolei mai hoi me ka wehiwehi haaheo no Daniela. Hipa ame kona paa baloka holookoa, i ka la kono nui iloko o Novemaba e hoea mai ana. Ua hoike mai o Sam E. Kalama ma kana mau haiolelo apau. e kakoo ikaika no oia i ka papa lunakiai kahiko. Ua nui ka paio ikaika o Kalama ame kona mau paalalo i ka lanakila o H. L. Holstein no ka keena loio kalana, ua oi ko Kalama aloha ia Bevins ilikea, ame na lala ilikea o ka papa lunakiai o ka papa hoopoho $17500.00 o ke kalana o kakou, maluna "ae o na kanaka ama ka makuahine kaikuahine o kona lo o koko ponoi ou e Hawaii i makaukau piha i ka lawelawe pono ana i na hana o keia mau keena o ko kalana o kakou o Maui nei. Minamina nui ke kanaka hoopono i lawa i ka naauao, a hoopono imua o kona Akua, kona aina ame kona lahui aloha. Me ka haahaa, MARY HAAHEO ATCHERLEY Moho Lunakiai. Pukoo, Molokai Oct. 12, 1927. NA MARE. William Kalei Aana ia Mary La-
hapa Aki, Oct. 12.
Solomon Wioka Napulou ia Mary
K. Kalama, Oct. 15.
Anastacio Pilapil ia Louisa K. Mo-
lei, Oct. 16. NA HANAU Na Mr. ame Mrs. Charles I. Kana-
hele, he mau keikikane mahoe, Sept. 16.
Na Mr. ame Mrs. George Kikila
Brown, he keikikane, Sept. 25.
Na Mr. ame Mrs. David K. Ka-
hoopii, he keikikane, Oct. 6.
Na Mr. ame Mrs. George Lemon.
he keikikane. Oct. 8.
Na Mr. ame Mrs. Caesar Rosa, he
kaikamahine, Oct. 8.
Na Mr. ame Mrs. William Kawelo.
lani, he kaikamahine, Oct. 10.
Na Mr. ame Mrs. Duke Watson, he
kaikamahine, Oct. 10.
Na Mr. ame Mrs. George Pui Lai.
he keikikane, Oct. 10.
NA MAKE. Rebecca Tripp, ma ka Halema'i
Moiwahine, Oct. 10.
A. K. Logan, ma ka Halema'i o
na Kamalii,, Oct. 10.
Ahuna, he bebe hanau hou ma ka
Halema'i Moiwahine, Oct. 11.
Harry Kerr P. White ma ke ala-
nui Kauluwela, Oct. 11.
James Guerrero Benito, Jr., ma
ke alanui Kilauea, Oct. 11.
Phillip Mauihikina Holt ma ke
alanui Pahala, Oct. 12.
Emmaleen J. Mililani Mwmoaiu.
ma Honolulu. Oct. 13
Charles Kahawai, ma ke alanui
Waiakamilo, Oct. 15.
Mary Kahiamoe C. Brash, ma ka
alanui Emma, Oct. 16.
Alice Pukoa Kaimimoku ma ka
alanui Esther, Oct. 17.
Kakoo ka aha kiekie i ka olelo
hooholo a ka Lunakanawai Kaapuni
D. H. Case o Maui ma ka hihia a
R. A. ame Casimira A. Drummond e
ku-e ana ia William Makaena ame
kekahi poe e ae. Ua hooholo ke
kiure a ka Lunakanawai Case i ka
pono ma ka aoao o ka poe i hoo-
piiia, a ua hoohalahala mai na mea
hoopii i ka aha kiekie a aponoia
aku la ka olelo hooholo u ka Luna-
kanawai Case. E HOOLOHE E NA KAMEHAMEHA! Wae ana i na lunanui ame na hana ano nui e ae e waihoia mai ana o ka halawai. WM. CHUNG HOON, JR. Kuauhau 6434 Oct. 20. | |
