| | He Moolelo
—No Ka— Lanakila ma o ke Kali Ana MOKUNA XIII. Ko keia pane a Mrs. Moateleka i kupono ole iho la i ko Ese-
parana noonoo hele aku la oia no kekahi aoao aku o ka rumi
me ka ula ma kona mau papalina no ka pane kikoola a ka ma-
kuahine, o Bella, a i kona huli hou ana mai a nana i ke kaika-
mahine uuku, i mai la; "E Bella, e hana aku oe elike me ka
ko mama i olelo iho la ia oe, e loaa ana ia oe kekahi apana
kopa."
Ke makemake o Eseparana e honi iho i ke kaikamahine
nuku aka, mamuli o na olelo a ka makuahine ua hoohakalia o
Bella i ka hele ana mai, a hoi hou aku la ihope.
'He apana kopaa nui anei e mama?'" i ninau ae ai o Bella.
"Ae, e kuu aloha, he apana kopaa nui ke loaa aku ana ia oe.''
No keia pane a ka makuahine, aole o Bella i hookaulua
iho i ka hele ana mai, a nolaila hele aku la o Eseparana a hui
me ia a honi iho la iaia ma kona mau papalina.
I ka pau ana holo aku la o Bella i ka makuahine ma ka hoi-
hoi a i aku la: "Elua mau puupuu kopaa, e mama, elua puu-
puu kopaa, elua manawa ana o ka honi ana mai nei ia u ma
kuu mau papalina!"
Nee ae la o Eseparana i ka akaaka no keia mau olelo a
Bella. aka no Miss. Moateleka ua hoouluhuaia aku la kona noo-
noo mamuli o ka naaupo o kana ki-pe ponoi o ka haawi ana
mai Ia, a he nanaina maikai ole kona ia manawa.
"Lalau kou noonoo, e kuu keiki, olelo aku nei au hookahi
no puupuu kopaa." "Ia Bella i hoomaka ai e uwe ae a nui ka
leo, i mai la ka makuahine, ua ike mua au o keia ka mea e
hoea mai ana he mea hoike aku ia ia oe, e Eseperana e pono
oe e makaala loa i kou paani ana me na kamalii, no Bella nei
ea he piha noonoo loa oia no ka mea e hanaia aku ana iaia.
"Eia no hoi kekahi, mahope o Bella nei ike aku i ke ano o
kau mau hana i maa i na Palani, aole o'u makemake oia ano
hana i maa i na Palani o kau ia e hoolauna mai ai ia nei, nola-
ila, e hoomanao oe i keia a mai hoao Kou mai ia Bella nei, a
maa aku ia ano hana hoowalewale au."
Ua hoopiha loa ia aku ko Eseparana noonoo i ke kahaha
me ka inaina pu e hiki ole ai iaia ke hoomanawanui iho.
Ua makemake iho la o Eseparana e hoopuka ae, "e huikala-
ia aku oe no hookahi kaukani manawa," eia nae, aohe hiki i
kona leo ke puai ae, a haalele mai la oia i ka rumi, a ia Mrs
Moateleka hoi e hoonana iho ana ia Bella.
He mau la lehulehu ma ia hope mai e aka mau iho la o
Eseparana iaia iho ke hoomanao ae i kona hoolaunaia ana aku
ia Bella, a i lilo ai hoi ia hoolauna ana i mea nona e nukuia
ai e Mrs. Moateleka; o keia ka manawa mua loa iloko o kona
eia ana i kauia mai ai na ahewa ana maluna ona, mamuli o
kona oleloia ana mai no na ano h na "i maa mau i na Palani.'
Me ke kaumaha o kona naau i hui aku ai oia me Konelia
ame Bela ma ka manawa i hooholoia, a hele pu aku la me laua
i ka halepule, a eia wale no ka loaa ana o ka noonoo maika
ame ka maha iaia a i ko lakou komo aku iloko o ka halepule
a nana ae la ma o a maanei o na paia o ia hale, he hiohiona hoi
! like loa me ko ka halepule Notre Dame de Paris maloko o
Palani; aole oia i ike i ke kumu o ka maha ame ka malie loa
ana o kona mau noonoo ooloku mamua iho, ua pau iho Ia ka
pana kapalili ana a kona puuwai i piha i ka inaina mamua iho
a no ka manawa mua loaa iho la ka noonoo iaia me he mea
la aia no oia maloko o ka home o kona anakala kahi i noho a
me ka hauoli ame ka maikai o ka noonoo.
Mahope o ka pau ana o ke anaina haipule kakahiaka aohe
o Konelia i hoohakalia iho, pai koke mai la no no ko lakou
hoi aku, a ia lakou ma ke alanui e hoi ana no ka hale huli mai
la o Konelia a i mai la ia Eseparana i keia mau olelo."
"Ia kakou e hoea aku ai i ka hale e ae ana anei oe e hele
ae i ko'u rumi ia manawa au e noonoo ai no na haawina ku-
pono ia oe nau e hoopaanaau. Aole pono ia kaua e hoopau
manawa wale. O keia ka manawa kupono."
Ua hala he mau minuke loihi mamua o kona haawi ana aku
i kona ae, me ka i pu ana aku: "He mea oiaio ua nui kou
noonoo no ke kokua ana mai ia'u. a ke hoomaikai aku nei au
ia oe no ia manao, e kuu hoahanau ; he mea oiaio ua ike io iho
ao au i ko'u naaupo, e kupono loa ai e a'oia mai."
"Ina oe e hooikaika ana he mea hauoli ia no'u ke kokua
aaa aku ia oe e ka hoahanau," wahi a Konelio o ka pane ana
ae, me ka mahuahua ae la o kona manao aloha no Eseparana
iloko ona. "E Konelia, ke haawi aku nei au i ko'u mahalo ia oe no ia
manao maikai ou i hoike mai la, a ke hauoli nui nei au," i pane
ae ai hoi o Eseparana, me kahi ula iki ma kona mau papalina
no kona ike ana iho o ka makemake maoli io no ia o ka hoa-
hanau e haawi mai i na kokua ana a pau iaia elike me ka hiki
iaia ke hana mai, a he mea pono hoi ma kona aoao e hooikaika
oia i mea nona e holomua ai ma kana mau haawina e a'oia
mai ana,
"Hookahi a'u mea e hoopololei mua aku ia oe i nei mana-
wa, mai kamailio mau mai oe ia'u kuu hoahanau he mea ku-
pono ole ia ma ka olelo Enelani."
"Ae, he mea oiaio ia, aohe o'u noonoo iki no ia mea; ma
Palani e manaoia ana ia kapa ana aku pela he aneane elike
me ka mahaoi O, he mau kaukani mahalo no kou hoike mua
ane mai la ia hemahema ia'u," i pane ae ai o Konelia.
O ka hora hookahi i hoohalaia e Eseparana maloko o ka
rumi o Konelia aole ia me ka oluolu, me ka uluhua loa. Ma
ka manawa o ko Eseparana ninaninauia ana e Konelia ma ke
ano e hoike iaia no ki nui o kana mau mea i ike, ua ike o | Konelia i ko Eseparana naaupo maoli, a ua aneane maoli no ko Konelia manaolana no ka holomua o kana haumana e hoomake ia. No Eseparana iho aohe oia i maa mamua i ka hoikeia elike me keia iho la no ka nui o kana mau mea i ike ma ka olelo Enelani, ma na meahelu a ma kekahi mau haawina e ae, a ua ike maopopo maoli iho no hoi o Konelia i ka nui o ko Esepa-rana hemahema ma ka olelo Enelani E pono no nae i ka mea heluhelu e hoomanao iho he kaikamahine Palani keia, a ma ka olelo Palani no ka ikaika loa o kana mau haawina o ke a'oia ana, e nele ole ai no ke pahemahema ma ka olelo malihini. I ka ike ana o Konelia he hana hoopau manawa wale no keia, hoomaka iho la oia e hoike ia Esparana ma ka ninaninau ana iaia ma na mea pili i ka honua, a mahope o kekahi manawa o ka hoohalaia ana ua ike oia me ka maopopo loa aohe no o Eseparana i holomua ma ia haawina. No Konelia he wahine opio makaukau oia nona iho, aole oia i kupono e lilo i kumukula, no ka mea, he ahonui ole, aole i loaa iaia ka hoomanawanui, ua manao oia elike me kona makaukau ma na haawina a pau pela ka haumana e hoohalike aku ai iloko o ka manawa pokole loa. O keia no ka pilikia nui i ikeia i kekahi poe makua aole loaa ke ahonui ma ke ao ana i ke keiki. No Eseparana, ua kaumaha kona noonoo no kona hemahema nui, a ua ahewa loa oia iaia iho no kona hooikaika ole ana i kela manawa a ka makuakane ona e a'o mai ana iaia, a ua lilo keia hemahema ona i mea hoomahuahua loa hou iho i kona kaumaha a Konelia nae e ike ole mai ana. Iaia e nalu nui ana no kona naaupo maoli, ala mai la iloko o kona noonoo na olelo a'o a Gasepa, ke kaikunane, iaia. "Mai hoolanakila i kou hemahema maluna ou, a mai hoomake wale hoi i kou manaolana me ka hooikaika ole e lanakila; e hoomanawanui, a e koa." I ka loaa ana ae o ka manao aa iloko ona i mai la ia Konelia, "Aole no e nele ana ka loaa iho o ka manao e hookahaha loa ia aku ai oe he naaupo maoli no au ; he oiaio no au ma ka olelo Enelani a ua loaa iho paha ka manao ia oe aole au i a'oia i keia mau haawina; ma ka mea oiaio ua a'oia au i keia mau haawina a pau au i ninaninau mai hei ma ka olelo Palani. aka ma ka olelo Enelani aole, he liilii loa kahi mea i loaa ia'u, a ke manaoio nei au, ina no kou hoomanawanui a a'o mai ia'u ma ka olelo Enelani elike ole ana ko'u hawawa ia manawa me ko keia manawa." "O na hua o ke a'o maikaiia ana e ikeia ana no ia ma o ka paanaau la o na olelo iloko o ka noonoo, nolaila, ina o kou makemake ia e loaa ia oe ka ike ma ka olelo Enelani, e pono oe e hooikaika, elike me ka ikaika e haawiia aku ana ia oe," wahi a Konelia o ka pane ana ae, "a ke manaolana mau nei au e holomua ana no oe ma kau mau haawina a pau ma keia mua aku." Pii ae la ka ula ma ko Eseparana mau papalina ia manawa no ka piha i ka inaina a i mai la : "Aohe o'u manao elike me kou; aole e hiki pela ko'u manaoio ; ina maikai ole ka waihona noonoo aole no e komo mai ana na a'o ana, no na mea maikai a pau, aole loa e paanau ana, no ka mea, he mea okoa loa ka ka noonoo e hana ai a e kiola-"Ke ike aku nei au ua pii oooohIa h "Ke ike aku nei au ua hoopihoihoi loa ia oe, o ka'u ia e papa mua aku nei mai hoolilo i na mea liilii o keia ano i mea hoo-pihoihoi i kou noonoo; malia paha he mau manao like ole no hoi ko'u e hoala oleia aku ai ka inaina iloko ou. "Aole o kou mau manao, aohe o'u nana i kou mau manao," i pane aku ai o Eseparana, me ka nui ae la o kona leo; "o kou mau manao liilii e ku-e ana i kuu makuakane, no ka ike ana i a'o mai ai ia'u, o ia ke kumu iho nei o ko'u huhu. Aohe oe i maopopo, aole no oe e maopopo iki ana i ka nui o kona maikai, kona naauao ame kona kulana kilakila." "Malia paha aole ana, aka nae, ina e loaa ana ka mana ia'u e nana aku ai i kona mau aoao a pau ma o ke ano o kana kaikamahine la i nei manawa, alaila, heaha ana la ka'u olelo hooholo nona?" wahi a Konelia. "O, he manao lokoino loa ia ou ke kamailio ae oe nona pela ! O, e papa, papa, no keaha no la au i make pu ole ai me oe? E haule makawalu mau ana na poka pa-hu ma o a maanei i ka la a po, aole nae hookahi i haule mai kahi kupono e hookipaia mai ai ia poka ia'u." E kulou ana oia maluna o ke pakaukau ia manawa, me ka hunaia o kona helehelena, me ka nalu nui iloko ona, aole ana anei o Konelia e kamailio mai ana i kekahi mau olelo oluolu a ku i ke aloha no kona papa? Ke uwe pu la oia ia manawa a o kona ha'uha'u uwe wale no ka mea loheia, a ia aea ana ae ana iluna ike iho la, eia ka, oia wale no koloko o ka rumi ia manawa. Ua hookahahaia kona noonoo no kona ike ana iho oia wale no koloko o ka rumi, a ua hooki iho la hoi i kana uwe ana, a no kona haalele hookahi ia ana iho, i kana nana iho he hana lokoino maoli ia a kona hoahanau i hana mai ai iaia; ke noho la nae oia nana i ka noho a Konelia i noho ai, a i na mauna hoi ame na muliwai maluna o ka palapala aina e waiho ana maluna o ke pakaukau, ua hele no hoi a pulu loa i kona mau waimaka. I ka hoi ana mai o Konelia ua pau loa kona uwe ana, aka nae, o ia mau no ka hiolo o kona mau waimaka, a ua lilo ka pulu o ka palapala aina a Konelia e ike mai ana i na waimaka o ua o Eseparana i mea hookomo aku i ka manao hoowahawaha a hoahewa iloko ona, a i mai la: "Ke manao nei au aohe ou makemake i ka noho malie iloko nei o keia rumi a e huli i kau haawina, ka hana hoi a'u i makemake ai e loaa aku ka ike ia oe, ina ua manaka iho la oe, ea, ke hookuu aku nei au ia oe e hele." "He hana naaupo anei ka'u i hana iho nei ? Ina ua lilo ka pulu ana o keia palapala aina i kuu mau waimaka, alaila e kala mai oe ia'u; o ke aloha no kou, a ke haawi aku nei au i ka mahalo ia oe no keia haawina au i a'o mai nei," i pane aku ai o Eseparana me kahi minoaka iki ma kona helehelena. Aohe pane koke mai o Konelia, ua piha loa oia i ke kahaha. O ke kumu o kona ku ana ae a hele a haalele iho i ka rumi no ka hiki ole iaia ke hoomanawanui oiai ko Eseparana mau waimaka e hiolo ana, ua hooholo oia e haawi mai i kekahi mao olelo ikaika no ke a'o ana mai ia Eseparana i kona manawa e hoi mai ai, eia nae, ua ko ole ia manao ana ona pela, ua lilo ia olelo a Eseparana i pane aku ai ame kahi leo akaaka i mea hoauhee aku i kona mau manao inaina a pau. Ua lilo keia kaikamahine Palani i mea hoopohihihi loa i kona noonoo, pehea la oia e ao mai ai iaia i mea nona e apo aku ai i kaike ana e a'o mai ana iaia; aole oia i huhu ia Ese- | parana ua maopopo no iaia aole i nui ko Eseparana a'oia ana
ma na haawina ana i makemake ai e ao mai iaia, a oiai he mau
haawina hou wale no keia ia Eseparana aia nae ka iini nui
iloko ona e loaa aku ka ike i kana haumana no keia mau haa-
wina i kula ole ia iaia. mamua.
Ia manawa ua iho aku la o Eseparana i ka hale malalo me
ka hauoli iloko ona no kona lanakila ana a ua lilo hoi ia hauoli
ana i mea na Konelia e noonoo nui ai.
No ka manawa pokole wale no nae ia hauoli ana o Esepa-
rana, no ka mea iaia i komo aku ai iloko o ka rumiaina loaa
aku la o Mrs. Moateleka ame Bella iaia, e heluhelu nupepa
ana, a he lehulehu hoi na mea hou ku i ka manaonao maloko
o Palika.
"E mama, heaha ka kela poe mea e hana ana i kela wahine?"
i ninau ae ai o Bella.
"E ki ana iaia me ka pu: oia wahine ka mea nana i ninini
i na hale i ka aila. mahu, he wahine hewa loa kela. A aia
kela mau hale ke hiolo iho la ma Rue de Rivoli ; na kela poe
e ki mai la i ka poe kipi hoohaunaele maloko o ke Kihapai
Lukemaboro."
I ko Eseparana lohe ana mai i keia mau olelo ua like oia
me kekahi kuikele oi i houia aku i kona puuwai; ua koikoi
Ioa keia mea hou e hiki ole ai iaia ke hoomanawanui hou iho,
a hoomaka iho la kona mau waimaka e helelei a no kona
makemake ole iho la e palua kana paee ana, haalele koke iho
la oia i ka rumi. ,
Ihea la oia e hele aku ai, i nalu iho ai oia. Ina hoi no kona
hoi hou aku imua o Konelia e paluaia mai ana kona nukuia,
a eia nae, o kona hoahanau manao maikai wale no ia. iaia,
malalo o kana malama ana mai, eia nae, ua haupu ae la oia
no Beta, kona hoahanau opiopio loa elike me ia, malia me ia
paha e loaa ai iaia na kamailio oluolu ana e hoomahaia ae ai
kona noonoo.
E noho ana o Bela maluna o ka noho maloko o ka rumi
hookipa iaia i komo aku ai a e kakau ana he mau leka, a i kana
nana aku iaia me he mea aohe ona makemake mai iaia ke hele
aku a kokoke, he mea hoouluhua aku ia i kona noonoo, aka,
ua maikai ole loa ko Eseparana noonoo e hiki ole ai iaia ke
hookaulua iho me ka hele ole aku a hui me ia.
''E Beta, ua pili kaumaha loa au, a e oluolu oe e aloha mai
ia'u. Aohe makemake o Konelia ia'u e noho aku me ia ma-
loko o kona umi, a e noke mau ana no hoi o Karisabela i ke
kamailio ia Bella no na mea e pili ana i ka mea hou ma Palani,
a ua ehaeha loa ko'u noonoo i ka lohe ana aku nei ia mea hou,
a ua hiki ole ia'u ke hoomanawanui hou iho i ka ehaeha, no-
laila au i hele mai la imua ou, malia o oe paha ka mea hik:
ke hoomama mai i kuu kaumaha."
"Heaha auanei ka mea hiki ia'u ke hana aku no'u?" wahi
a Beta i pane mai ai me ka leo a E5epanana o ka lohe ana
aku aohe ona hoihoi mai iaia."
"Ua hiki ia oe ke noho iho maanei, ina o kau ia i makema-
ke mai nei."
"Ae, oia pu kekahi a'u i makemake ai, aka nae. e Bela. ina e
hiki. ana ia oe ke aloha mai ia'u aole no hoi paha i ka nui,
alaila he mea hooluolu loa iho ia i kuu noonoo, aka hoi ina
aole ea, aole hiki ia'u ke noho. a ke ola aku me ke aloha ole
ia mai."
"Ua manao au pela no hookahi manawa, aka ke ike nei
au aole hiki ia'u ke noho a ke ola aku me ke aloha ole ia mai."
I ka ike ana mai o Bela i ko Eseparana ano-e ana ae, i hou
mai la," ke kamailio aku nei au no ka manao koho. wale o ke-
kahi no ke aloha oiaio, aole nae ke ano mau a ka mea i pilika-
na e hiki ai ke hoomanawanui iho."
"Ke maopopo ole aku la koli manao ia'u la," i pane aku ai o
Eseparana me ka helehelena me he mea la ua piha oia i ka
makau. "No kakou nei iho, ua lilo ko kakou pili ana ma ke
koko i mea ikaika a oiaio ame ka nani iloko o ke aloha. Aole
anei pela i na mea apau? He aloha io no anei oe i kou mau
hoahanau?"
"Ka, ina aole makou he mau hoahanau na ka makua hoo-
kahi he mea maopopo e hoowahawaha ana makou kekahi i
kekahi," wahi a Beta; "aohe mau hoahanau e ae i like ka pipili
o ke aloha o kekahi i kekahi elike me makou, o ia ka'u e hoike
aku ia oe; aka no ko makou pili ana ia oe ma ke koko, he mea
oiaio e pono makou e hoomanawanui, oia hoi, ina he make-
make oe i ke aloha ia aku a e aloha mai hoi oe ia makou pa-
kahi.
"Ua maopopo aku la ia oe ko'u manao no keia mea he aloha,
a no ke ola ana hoi me ka nele i ke aloha, a heaha ana kou
manao?" wahi a Beta.
He helehelena ko Eseparana ia manawa i piha loa me ke
kahaha, a i aku la nae:
"O, he mea kaumaha no ia ke noonoo iho," me ka naka iki
ana ae o kona wahi kino.
"E hoopauia ae ana ia ano kaumaha ou ke hala kekahi ma-
nawa, a ke lilo iho hoi i mea maa a kamaaina ia oe. E hoopau
koke ia ae ana ka hookaumaha ana o kou noonoo ke a'o iho
oe i ka hoomanawanui," wahi hou a Beta.
"Aole o'u manaoio i kau, a pehea ina e loaa ana ia ano ia'u,
ia wa ana anei. oe e aloha mai ai ia u.'" No ka oluolu loa o
ia mau olelo a Eseparana ua komo loa aku la ke aloha iloko
o Beta a i mai la:
"E hoao au, koe wale no keia aole au i hoomaamaaia ma ia
ano e manao iho ai oe e nui ana ka mea e loaa aku ana ia oe
mai a'u aku, aole e hiki ia'u ke hana aku ma ke ano e ike mai
ai oe ua hoike aku au i ko'u aloha ia oe, no ka mea, aole paha
ma ka olelo kau i makemake mai ai ia'u e hoike aku aka, ma ka
hana, oia anei?"
"Aohe a'u nana i ke ano o kau mea e hana mai ai, aka owau
ke hoike aku ia oe i ko'u aloha," me ka nee ana ae i ka akaaka,
alaila hele aku la oia a apo mai la ia Bela, a i iho la: O keia
ka hoike o'u i ko'u aloha ia oe, a ke hauoli nei au i nei ma-
nawa. a ma kou aoao hoi e hana a i ole e hoike mai ana anei
oe i kou aloha oiaio a oi aku ia'u, mamua o ka mea hiki ia'u
ke hana aku nou?"
E. Eseparana, o oe ke kaikamahine kupaianaha loa a'u i ike
ai," a me kona naha ole ae nae ia ano i hou aku la. "Ae, e
hoao a ue aloha aku ia oe a oi aku mamua o ko keia manawa;
i hoike aku no nae au U i keia ua hiki mai oe i keia wahi au,
e manaolana ole iho ai no ia mea he aloha."
Noonoo iho la oia ina aole oia i aloha ia mai alaila heaha hoa
aku la kana mea e noonoo aku ai?. Eia oia ke noho nei ma-
loko o keia home o kona anakala) o ka hana poho wale no e
alohaia mai oia a e oi aku kona aloha aku ia Beta a i ka poe
e ae a pau o ia ohana; me ka hoao mau e hooluolu a e hoo-
hauoli aku i ko lakou noonoo i na manawa apau elike me ka
hiki iaia ke hana aku ia mea.
Ua lilo kana leka o ke kakau ana na Gasepa ia la i mea no-
na e hauoli ai, a oiai iole hiki; iaia ke huna iho me. ka hoike | ole aku i kona manao hoihoi ole no Mrs. Moateleka a no Ko-
nelia, maluna o ko Bata oluolu a hoihoi iaia kana hoakaka nui
ana, me ka nani no hoi oloko o ka halepule Kakolika, me ka
hoakaka pu aku i na ano a pau i maa i na kanaka Pelekane,
a ua lilo ia leka ana i mea hoomama loa aku i ko ke kaiku-
nane noonoo. MOKUNA XIV He kulanakauhale nani o Rikekeka, o ia kekahi o na kula-
nakauhale kahiko loa i nohoia e kanaka, he ololi a kekee na
lanui, aole no hoi i ka nani na hale o ke kukuluia ana, ke ano
no o na kaila kahiko me na puka-pa kahiko, eia nae, he kulana-
kauhale, he oluolu ka noho ana,, he kakaikahi loa na kaa e
holo ana maluna o na alanui, a he ike mau ia aku no hoi ka poe
helewawae e kuo'e ana maluna o na alanui me ka nauwe ma-
lie, me he mea la he mea malihini loa ka helu papa ana aku i
na kanaka o ia kulanakauhale.
Aohe nui loa o na kanaka e noho ana maloko o ia kulana-
kauhale, ua emi liilii. mau mai na kanaka mamuli o ka hele,
a mamuli no hoi a ka lawe a ka make, a he liilii loa na hana-
una hou i pani mai ma ka hakahaka o ka poe i hele, a he hio-
hiona o ka hune ke ikeia aku ana ma o a maanei, ua hiolo mai
na kanaka ma ka hana, a he kumu kopono no paha kekahi no
hoomaemae hou ole ia ae a b ka poe no lakou ia mau hale po-
popo aohe makemake e hoolilo aku i ka lakou mau dala no
ia mau waiwai popopo.
O keia mau hale popopo a i haalele loa ia he mamao loa
mai kahi mai o ka. halepule i ku ai, a ua lilo ole hoi ia mau hale
i mau mea alalai ae i ka nani o na hale e ae e ku mai ana,
o na hale o na makaainana waiwai a kuonoono o ko lakou no
na hale nani ke nana aku.
Aohe lehulehu o na halekuai a mau halehana maloko o keia
kulanakauhale aohe no hoi he hoohana nui ia o ka noonoo o
na kanaka ma ka hana a he kumu kupono no paha kekahi no
keia aohe nae i maopopo.
I ka hoi ana aku o Eseparana a noho maloko o ka home
o ke Dean Kolisona ua lilo ia i mea kamailio nui ia e ka lehu-
lehu, i ka wa i laha ae ai ka hookama ana o Kolisona i ke kai-
kamahine a kona. kaikuahine i ' kaikamahine ponoi nana, a e
noho mau loa iho ana oia maloko o Rikeka ua lilo ia i mea na
Eseparana e noonoo nui ai no ka mea, ua nui ke kamailioia
nona nia ke ano he kaikamahine Palani oia,
Ina oia i hoi mua mai me ka anakala ma na la mua o ka
makahiki, i ka wa e piha ana ka noonoo o na kanaka Pelekane
me ke aloha i ka lahui Palani, ma kona manao, e oi aku ana
kona hookipaia aku ia home me ka pumehana o ke aloha, aka
nae, ua lilo ka hana a kekahi hapa o ka lahui Palani i mea
konakonaia a ua loli ae hoi ka manao pulama o kona ohana
iaia, no kona lilo ana he kaikamahine Palani ke kumu o ka
loli o ka manao o na kanaka Pelekane nona.
Ua lilo ko Eseparana ikeia ana mai e na kanaka i mea
nemaia, a he mau moolelo lehulehu kupono ole ka i kamailioia
mai nona a ua holo ae la hoi ma o a maanei; hookahi luahine,
he wahine i kamaaina ia ka holoholoolelo, i olelo aku i kona
mau hoaloha ua ikeia ko ke De Kolisona hoike ana ae i kona
piha loa i ka huhu, i ka wa o kekahi i ninau aku ai iaia no ka
mea e pili ana i ke Kauna De Mabilona, ka makuakane o Ese-
parana, a ua makaukau oia he kaikamahine hoopilikia mai
o Eseparana a ua ukiuki loa hoi ke Dean Kolisona no ka mare
ana o kona kaikuahine ke kauaka Palani, o keia mea oiaio
ua maopopo i keia wahine.
Mailoko mai o keia moolelo ua laha loa ae la ma o a maanei
ka moolelo e pili ana i ko Mabilona kumakaia ana i kona
aina hanau ma kona Iloao ana e hoike aku i na Perusia i na
meahuna e lilo o Palani a o ke kumu hoi o kona make ana ma
una o ke kahua kaua, a no kona kaikaina hoi ua kokua aku
oia ma ka hana pepehikanaka a i make ai hoi o Kelemanete
Kamaki a no ko Mabilona lilo ana he kanaka kipi i kiia ai
oia a make maluna o ke kahua kaua, o keia ka moolelo haanui
oiaio ole i laha ae ai i ehaeha loa iho ai ko Eseparana noonoo.
I ka manawa i laha ae ai, ua holo mahuka mai o Mabilona
me ke kamahao loa o kona pakele ana no Ladana oiai nae,
aohe oiaio iki iloko o ia moolelo, ua manaoio loa ia he mea
oiaio ia, a nou nae, e ka makamaka heluhelu, ua maopopo ia
oe, ua make o Mabilona maluna o ke kahua ma Palani.
Mamua o ka ikeia ana ae o ka mea oiaio maoli, ua loaa
keia manao ia Eseparana he lahui puuwai maoli ka Pelekane
nele i nei mea he aloha. He mea hoomama loa ae i kona noo-
noo no kekahi manawa ke kamailio ia o kekahi mea maikai
e pili ana no kona makuakane, a pela me ko lakou mau pilikia
ka manawa e hoopuniia mai ana o Palika e na koa Perusia,
eia nae, aole hookahi mea i kamailio mai no ia kumuhana, a ina
no kona hapai aku i ke kamailio ana maluna o ia kumuhana
e hoao mau mai ana kekahi poe e hoolalau i ke kamailio ana,
no ke aloha mai iaia i ole ai oia e hoopilikiaia ma ka manao.
O na mahina mua ana o ka noho ana aku ma Rikekeka. ma
ka home o kona anakala he manawa hoao ikaika loa ia iaia.
E noho mehameha mau ana oia i ka hapanui o ka manawa, a
maluna o Gasepa kona noonoo mau ia manawa, me ka hoihoi
ole aku i na mea e hoopuni mai ana iaia.
O kekahi kumu hookaumaha loa mai i kona mau hoahanau
Konelia ame Mrs. Moaieleka iaia, e aho no o Beta, he launa
oluolu mai no me ia, no na hoahanau e ae he aaka a he hoo-
uluhua mau mai i kona noonoo.
No Bella hoi, elike no me ka hoihoi ole mai o kona mama
aia pela no me ia. O keia ka Eseparana mau mea oiaio o ka
ke ana aku iloko o ka ohana, a e hooikaika ana nae oia e la-
hakila maluna o ko lakou mau manao ame ka lakou mau hana."
Aole oia i huna i kona ano kaumaha e koho wale ia mai ai
no, aka, ua hoike aku oia ia lakou ma kona uwe ana i kekahi
nanawa aka nae, aole i ike iho kona mau hoahanau i na kumu
hemahema nui ma ko lakou aoao.
Maloko o kana mau leka mua i hoouna aku ai ia Gasepa
ia piha ko gasepa naau i ka hauoli, aka, ma kana mau leka
ope o ke kakau ana ua hoakaka aku oia i ka hana lokoino
loha ole a. kona mau hoahanau ame na hoaloha o na hoahanu
ua hoehaeha nui ia aku kona noonoo.
Maloko o ka Gasepa leka o ke kakau ana mai me na olelo
naikai loa e hiki ana iaia ke noonoo ae i hoao mai ai oia e
hoonana i ko ua o Eseparana noonoo, e noi mai ana malo-
ko o kana leka ina he oiaio ka hoopilihuaia o kona noonoo eia
ae, ma ka pane a Eseparana i kakau aku ai ua mamao loa
aku Ia mai na haina ae a Gasepa i makemake ai a ua lilo hoi
a i mea hoopihoihoi aku i ko Gasepa noonoo. O keia ka
nanao o ka leka. .
Rikekeka Deanery, Sept. 12, 1871.
(Aole i pau.) | |
