Ka Nupepa Kuokoa, Volume LXVI, Number 37, 22 Kepakemapa 1927 — O WAI HEE KA I HOOKOHUIA AKU I LUNANANA MA KAHI O HOLT [ARTICLE]
O WAI HEE KA I HOOKOHUIA AKU I LUNANANA MA KAHI O HOLT
Ma ka Poakahi nei ka hoike ana ae a Daniel M. Woodward ka lunahoohana o ke keena wai kulanakauhale no ko Wai Hee hookiekieia ana ae ma ke kulana poo lunanana maloko o ke keena wai kulanakauhale nona ka uku $200 no ka mahina. Ma kahi 1 hoohakahakaia e James L. Holt, ka lunanana wal mua i hoopauia, i hookohuia ae la o Wai Hee. Mamuli o kekahi mau paewaewa i ikeia ma ka Holt lawelawe ana 1 ka hana 1 noi okoa ia ae ai oia e ka Meia Arnold e waiho ae i kona hookohu. Ua pokole kekahi mau haneri dala o ka oihana wai mamuli o ka Holt lawelawe hemahema ana a o ke kumu hoi o kona hoopauia ana,' a eia kona hihia ke ku nei a malalo o ka bona o $5000 i hookuuia ae ai oia. Ua lioike pu ae o Woodward no kona hookiekie ana ae ia Lawrence Kaleiopu ma ke kulana kakauolelo a nona ka ukuhana $175 o ka mahlna, a o Danlel Kealoha ke kokua kakauolelo ma ka $150 o ka mahlna. O ka hana me ka pono ame ka pololei, me ka makau 1 ke kolohe, ka mea e paa mau ai i ka hana, a o ke ao i ke kolohe ka huipa nana e kipaku. .