Ka Nupepa Kuokoa, Volume LXVI, Number 37, 22 September 1927 — MAKEMAKEIA E HANA LIKE NA KEENA OIHANA [ARTICLE]

MAKEMAKEIA E HANA LIKE NA KEENA OIHANA

No ke kinal ana i na hana hakihaki kanawai ma keia kulanakauhale i hoakaka ae ai ka Loio Kulanakauhale Davis 1 kona manao, aia wale no a huki like ke keena o ka oihana makai, me ke keena o ka loio kulanakauhale, ma ke kinai ana i na hana karalma hakihaki kanawai, alaila hoea mai i ka noho alii ana o ka maluhia. Ma ka hana like ana o na makai me na kanaka oloko o ke keena o ka 1010 kulanakauhale, e loaa auanei na ike apau, e waihoia aku ai na hihia imua o ka aha hookolokolo, aka ina e hana kaokoa 110 ka oihana makai, pela me ke keena o ka 1010 kulanakauhale, he hana paakiki ka loaa ana e ku-e ana i ka poe hana karaima. Ua hoakaka ae oia, mamuli o ka huki like ole o ke keena o ka oihana makai me kona keena, ua konoia aku oia, e hoolako i mau makai noloko o kona keena iho, a hoouna aku ia lakou e hele e hopuhopu i ka poe hakihaki kanawai me ke kauka'i ole aku i na kanaka o ka oihana makai. Ua hele maoli ka kona keena a piha me na hana, mamuli o na ninau lehulehu i hoea aku laia, mai na kanaka aku, oiai nae, he mau hana kela na ka oihana makai e hooko.