Ka Nupepa Kuokoa, Volume LXVI, Number 37, 22 September 1927 — HOOMANAO NA KAAHUMANU. [ARTICLE]

HOOMANAO NA KAAHUMANU.

Ma ka la 10 o Sept. 1927, ua malama ae J:a Ahahui Kaahumanu o Waimea, Kauai, he paina luau no ka hoom&nao ana i ka piha ana o na makahiki he umi o ke ku ana o ia ahahui. Kekahi keia o na ahahui i kukulu ponoi ia e ka peresidena nui Miss Peabody a i ukaliia hoi e Mrs. Alai Akana ka peresldena o ka Ahahul o Hilo, me laua pu no hoi na lede Kalani Henriques, Julia Desha, Ellen Dwight, Mileka Kahele ame Nuuanu. Mamua iho o ka paina ana, ua akoakoa na lala ame na lunanui ma ka halepule o Walmea, no ka lohe ana i na hoike a ke kakauolelo Mrs. Nora Chang ame ka Puuku Mrs. 5 Lucy Wright, a i noho hoomalu ia hoi e ko lakou peresidena Mrs. Fanny t Sabo. Maikai na mea 1 hoikeia mal. Iloko o keia umi makahiki ua ohiia na dala he ?299.9 a ua kokuaia lie 72 lala nawaliwali, a he 7 lala make. a ua kokua i na ekalcsia a 1 ka poe makua-ole. Keia kekahi o na ahahui holomua ma Kauai. Ke ku nei na lunanui penei: Peresidena, Mrs. F. Sabo; Hope Pevesidena, Mrs. Henry Charman; Kakauolelo, Mrs. Nora Chang; Puuku, Mrs. Lucy Wright; Lunahooia, Mrs. Rose Kruse; Kakauolelo waihona make, Mrs. John Kekahu. I ka pau ana o ka lialawai, ua paina t na mea i hoomakaukavxia. Nul ka ono. E mau e na Kaahumanu i ka oukou mau liana maikai. KAAHUMANU.