Ka Nupepa Kuokoa, Volume LXVI, Number 37, 22 September 1927 — Nuhou Kuloko [ARTICLE]

Nuhou Kuloko

No ka piha loa no o ka nupepa i keia pule, 1 hoopaneeia ai ka hoopuka ana aku i kekahi mau palapala i kakauia mai e na makamaka a no keia pule ae. Ma ka Poakahi e hlki mai ana S3patemaba 26 e hoomaka ai ka o ana i na keikl i o ole ia maloko o na kula aupuni malalo o ka lawelawe ana a ke Kauka Wayson. 0 Antone Lopes, ke Pilipino i hoohuoiia ai nana i hou ia Carmolo Lopes me ka pahi a make ma ka po 0 ka Poalima i hala maloko o kekahi hale ma ke alanui Aulel ua hoopaaia ae i ka halepaahao. Ke hohono hou mai nei ka oihana makai i ke dala ki-pe a na Pake piliwaiwai a ke noil mai nei ka Loio Kulanakauhale Davis ma na ano a pau i mea e loaa ai ka oiaio o ia hana. Ma na hoike i loaa mai i keia keena, eia o Mr t Jas. H. S. Kaleo, ke waiho mai nei i ka ma'i kupilikii iloko o keia mau la. pela hoi me ka Ilamuku Amerika Oscar P. Cox o Waialua. Owelawela na hoouka kalaiaina o na luna oihana o na kaiana lehulehu iloko o keia mau Ja, ma na kulana oihana i ike maoll ia ai ka nui o na moho e alualu nei e loaa ka lanakila, ma keia kau koho baloka wae moho. ' No ka hoopuka o kekahi poe opio ! i na olelo kupono ole i kekahi makai 1 paa ae ai o Ah Chong Young, Solomon Raymond ame Alexander McKee i ka hopuia ma ka po o ka Poakahl iho nel mamua mai o ka hale kiionioni o Kapalama. No ke puhi waiona pela hoi ka malama walona, i paa ae ai he Kepanl o Y. Yamada ka inoa i ka hopuia ma ke kakahlaka o ke Sabati e ka Makai David Hao, ma ke alanui Kuakini. Mamuli o ka mare hou ana o kana wahine i kaawale ma ke oki, i ke kane, i hoea mai ai o Horace Do- ( dge, ma ka Poalima aku nei i hala, me ka manao e hoihoi 1 ka laua mau keiki, nana e malama, ke lokahi ka manao o na makua o kela mau keiki. No ka hoopiha ana 1 ka makalua i hoohakahakaia iho maloko o ka oiliana wai o Honolulu nei, mamuli, o ka waiho ana aku o James L. Holt i ka noho hana ana ma kela keena, i hookoliuia ae ai o Wai Hee ma ia wahi. Ma ke awawa o Kipapa ae nel, i loaa aku al he kaa otomobil£ ma ke Sabati aku la i hala, he kaa o ka aihueia ana, me ka maopopo ole o ka ona nona ia waiwai, a ua manaoia, ua hooholo maoli ia no kela kaa e ka poe na lakou i aihue, ilaio o ke awawa. Aneane e lele loa ka īlipoo o Lau Sing, he keiki Pake, ma kona manawa i hooku'iia mal al e ke kaa otomobile e kalaiwaia ana e Alfrod K. Karratti maluna o ke alanul Moi ma ke kakahiaka o ka Poaono o ka pule aku la i hala. Ma ka Poakahi iho nei, i walho ae ai o Mr. George L. Desha i kana palapala noi, no ka waiho i ka hana o ke aupuni. malalo o ka ukuhoomau. No na makahiki he 47 kona noho hana ana malalo o ke aupuni, ma na kulana oihana like ole. No ka lawelawe o kekahi poe Kepani ekolu 1 ka oihana kauaka hana niho ine ka loaa mua ole ia lakou oka laikinl, i kauia ma iai ka hoopa'i o elua ame hookahi haneri dala pakahi, maluna o elua o kela poe Kepani, a hoopaneeia hoi ka hoopa'i o kekahi, no umi-kumamakolu mahina. Mahope o ka paa ana i ke kulana akena hooko i ke kanawal liookapu walona no ke kalana o Maui, no na makahlki ekolu ae nei i hala, i waiho aku ai O.H. L. Holßtein i kela ktilana ma ka Poaha aku Ia i hala, no ka holo moho loio kalana ana mal, e ku-e ana i ka Loio Kalr.na E. R. Ee^ii^ 1 kulike ai me ke kauoha i haawlia a e i ka Makai Nui Desha, e ka Lunakanawai Kaapunl Steadman, no ka hoihoi hou ana ae ia Mrs. Agnes P. Pangelinan ma ke kulana kakauolelo iloko o ka olhana makai; ua hoike ae ka Makai Nui Desha ma ka Poakahi iho nei, no kona hooko an» aku i kela kauoha.