Ka Nupepa Kuokoa, Volume LXVI, Number 37, 22 September 1927 — WAIHO KE KALAIAINA LEPO. [ARTICLE]

WAIHO KE KALAIAINA LEPO.

He mau la keia a na nioho o na kulana oihana like ole, o na kalana. lehulehu o kakou, e komo kino mai ana iloko o na hooīkaika ana, imua o na mana koho haloka, no ke koho ana aku īa lakon i mau kauwa na ka lehulehu. Ua kamaaina kakou ī ke ano o ke kalaiaina: o ke kalaiaina naauao a keia pepa e kauleo aku nei i na moho, o ia no ke kamailio ana maluna o na ninau ame na kumuhana ano nui, i makemakeia ai lakou e hooko aku ia mau mea, no ka pono, o ka lehulehu, a no ka holomua o ke kalana. E waiho 1 ke kalaiaina lepo, o ia ke kamailio i na mea pililōno, mai lawe mai ma ke ano ohi'uhi'u i ko ha'i kee, me ka manao, pela iho la e loaa ai ka haloka, o ke kalaiaina o kela ano, he kalaiaina haahaa ia, o ke atlo kamalii. He hana lealea loa na kekahi poe iloko o na \va haiolelo kalaiaina, ka ohi'uhi'u i na mea maikai ole o kekahi mau moho, e holo pu ana no na kulana oihana hookahi: malia paha i ka poe naaupo, he mea makemake ia na lakou, aka imua o ka poe naauao, hookahi a lakou mea makemake i ka hoolohe, a pela hoi ka haawi ana aku i ko lakou rriau baloka, o ia no na kulana kupono pili i ka makaukau lawelawe oihana o kekahi mau moho; pela hoi na ano maikai, i pili akii i ko lakou ola honua ana. Ina he pololei na hoike o na hana kalaiaina i hoea mai i keia kulanakauhale, no kekahi mau hana ohumu i hoolalaia e kekahi mau moho, no ke kulana lunahoomalu o ka papa lunakiai o ke Kalana o Hawaii, no ka hoohuihui ana i ko lakou mau ikaika, e lanakila ka moho o kekahi aoao kalaiaina okoa aku, alaila hookahi no olelo kupono e kapa aku ai i kela poe, o ia ko lakou lilo ana he poe kipi i ko lakou aoao kalaiaina, a he poe kumakaia ia lakou iho.