Ka Nupepa Kuokoa, Volume LXVI, Number 36, 15 Kepakemapa 1927 — KA NINAU PILI I NA OPALA. [ARTICLE]

KA NINAU PILI I NA OPALA.

0 kekahi o na kumuhana i lilo i ninau nui a ko'iko'i na Va papa lunakiai kulanakauhale e noonoo ai, o ia no ke alahele maalahi, e hoopau aku ai i na opala o keia kulanakauhale, tiu keia kumuhana, i hoamanaia aku ai kekahi o na enekinia o ke aupuni, e holo no Amenka, e huli pono aku ai i ke ano o ka hoopau ana o kekahi mau kulanakauhale, i na opala. 1 ka nana aku, he hana hoemi lilo, me ka nui ole mai o na hi>opilikia ana ka lawe ana i na opala ame na kini i ka moana e kiola ai, elike me ka manao hoakaka o ka Lunakiai Paeheeo. O na mea kaumaha. e laa na kini. na omole, e piholo ana Jakou iloko o ka moana, aka no na opala, e lana ana lakou ihma o ka ilikai, a e puhiia ana e ka makani, ahiki i ka pae ana iuka o ka aina, ma keia ano iho la, e lilo ana na opala kiolaia i ka moana, i mau mea hoopilikia inai, ma kekahi mau wahi. E hoopau ke puhi ana i na opala ma ke alanui Ala Moana e pono ai, no ka-mea, o ka uwahi e hoopiha mau ana i ka lewa i ke ao ame ka po; he mau mea maikai ole kela i na malihini e komo mai nei ma ko kakou kulanakauhale, a i makemake kakou i na mea apau e mahaloia ai keia kulanakauhale, alaila e hookaawale loa, i na mea a kakou i makemake ole ai, e lilo i kiko eleele e hapala ana i ko kakou aina nani. Aole i hoi nele ka leo uwalo o na ma'i o Kalaupapa, no ka hoomau hou o ka Lunanui Cooke i ka noho ana he makua no lakou, no ka mea ua hoopau loa o Mr. Cooke, i kela manao ona, e waiho aku i ka noho lunanui ana no ke kahua ma'i ma Kalaupapa- Ke mahalo nui nei keia pepa i ka manao kilakila iloieo o Mr. Cooke, iaia i hoakaka ae ai i kona manao maoli; o ia hoi, aole no ka uku a no kekahi mea e ae paha ke kumu o kona manao ana e noho lunanui no ke kahua ma'i, aka ina, tia Iyx>hauoliia aku ka manao o na ma'i, a ua hooluoluia aku ko lakou noho ana, mamuli o kana mau hana, alaila ua uku pono ia mai oia ka mea i oi aku mamua o ke dala ame ka waiwai. : Mc na heihei waapa e malamaia ana maloko ae nei oke awa, tna ka Poaono e hoea mai ana, e komo hou aku ana ko ke kulanakauhale nei, iloko o na hoohauoli ana, me na manao hookelakela, no na hui heihei waapa e aha'i ana i na lanakila ona heihei ma kela la. I wahi nae e loaa ai ka hauoli i keleahi poe no lanakila, he mea pono, e haule ka aoao o kekahi poe, a e kau aku ke kaumaha maluna o lakou; nolaila aia no ka hauoli ame ke kaumaha pu ke ukali la, ma na lieihei o keia Poaono, elike no me ke ano mau o na hana hookuku apau, no ka lanalnla.