Ka Nupepa Kuokoa, Volume LXVI, Number 35, 8 September 1927 — PAA I KA HOPUIA KEKAHI WAHI KUAI RAMA. [ARTICLE]

PAA I KA HOPUIA KEKAHI WAHI KUAI RAMA.

He elua mau kane ame ekolu mau wahlne i hel ae i ka upena a na makalklu Eddle Ross ame kona mau paalalo o ke keena o ka loio kalana, ma ka hora 10 o ka po Poakolu aku la o ka pule 1 hala, maloko o kekahi mau hale ma na alanui Vinia me Kauluwela, a laweia ae i ka halewai me na 010 bia, ame ka okolehao a lakou. O na makaikiu i komo pu ma kela hele ana ae e hopu ola ka Hope Makai Nui Charles Cassidy, Henry Silva, ame Harry Lake o ke keena o ka Loio kulanakauhale ame kalana, me na akena hopuhopu waiona Morse ame Higa. He iwakalua-kumamaha mau kuaka bia ame ehlku mau kuaka lemuhao 1 loaaaku, me na lako hana bia a pau, o na omole ua pau loa i ka wawahiia e na makai. O na kane i hoopaaia ae ko laua mau inoa ma ka buke o ka halewai o ia o Amerlco Saiyer ame Manuel Gomes. Ma ka oleloia he mau paahao ho ka keia i hookuuia mal ka halepaahao mal malalo o ka ho'omalu ana, a paa hou iho la no nae hopula. O na wahlne ekolu, he makuahine ame elua mau kaikamahine, aka nae, aole ka e nlnaninauia ana ko lakou mau hihia.