Ka Nupepa Kuokoa, Volume LXVI, Number 35, 8 Kepakemapa 1927 — KE KAULEO HOU IA AKU NEI NO. [ARTICLE]

KE KAULEO HOU IA AKU NEI NO.

Ma ka pule aku nei i hala, i hoike aku ai makou imua o ka poe lawe kumau o ka Nupepa Kuokoa, no ka pono ia lakou e hoomanao mai i ke ola o ka nupepa no keia nee ana aku, mamuli o ko makou ike i ka hoohemahēma maoli no o kekahi heluna nui o na Hawaii, i ka hookaa ana mai i ka lakou nupepa, me ka uku ana i ko lakou aie; no keia kumu, ua haule' hope loa kekahi poe, e aneane hiki hou ole ai ia makou ke ( hoomanawanui ika hoomau ana aku i ka lakou nupepa. • Xo kekahi manawa loihi ae nei i hala, i ka manawa i pau ai ka hoopukaia ana o na nupepa Hawaii, ke Aloha Aina ame j ka Home Rula, ua koe wale mai no he elua mau nupepa ahiki i keia manawa, o ia ka Hoku o Hawaii, ame ka Nupepa Kuokoa nei; a ke pau ka hoopukaia ana o keia mau nupepa, hookahi mea maopopo loa, he hana paakiki, ke pa'i a hoouka ana aku i kekahi nupepa Hawaii hou. Me keia mau nupepa Hawaii elua wale no e puka mau nei i kela ame keia pule, i keia manawa, i loaa ai i kekahi mahele nui o na Ha<Vaii, ka ike no na meahou, o ka nee ana o ka manawa, pela hoi ka hiki ana ke heluhelu i ka lakou olelo makuahine. Oiai nae, elike me ka makou i hoakaka aku .ai ma ka pule aku la i hala, he nui na hoolilo o ka hoopuka ana i ka nupepa i keia manawa; a ua kauka'iia aku ka pono o ka oihana pa'i a j hoopuka nupepa, mamuli o ka nui o ka poe lawe- i ka nupepa j ame ka poe hookaa koke mai i ka uku o ka lakou nupepa;: pela iho la e waiho hou ia aku nei keia leo uwal.o imua o oukou | e na Hawaii. Ua hoounaia aku na bila kikoo aie i ka Nupepa Kuok'oa ma ka pule aku nei i hala, i ka poe apau i noho aie i ka nupepa, no na manawa like ola; ina he mau kuhihewa kekahi i hanaia, j a he mau hemahema paha ma ko makou aoao, no ka palua 0 ke kikooia ana aku, a ma kekahi ano e ae paha, alaila ua j hauoli loa makou, e hoopau i kela mau pilikia, ke waiho mai 1 na hoohalahala i ke keena nei, me ka hoouna pu mai no hoi ( i na likiki hookaa hope loa, pela wale no < pau ai ka hoopaapaa . ma ka aoao a elu*. j - * - 7