Ka Nupepa Kuokoa, Volume LXVI, Number 12, 24 March 1927 — KE HOLOMOKU MAI NEI NA MALIHINI MAKAIKAI [ARTICLE]

KE HOLOMOKU MAI NEI NA MALIHINI MAKAIKAI

Elike me ka nee ana o ke au o ka manawa, pela iho la no ka loli o na kulana e nanaia aku nei e ko kakou mau makaainana lawelawe oihana, no ka lilo o Hawaii nei, i kikowaena no ka poe makaikai e kipa mau mai ai i keia ame keia manawa apuni ka makahiki: Me na malihini makaikai honua he heluna nui c kipa mai no keia teritore, i kukuluia ae ai na hokele nunui a kakou e nana aku nei 1 keia mau la, pela no na hokele hou e hoolalaia raai nei, no ke kukuluia aku ma na mokupuni apau a kakou e ka poe haiki o ka noonoo, e hookahahaia ai, no kahi e loaa ai na pomaikai i ka poe i hookomo i na dala mahuahua iloko o na hoikele; aka nae, elike no me ka holomua o na hana kanu ko, ka hana kanu halakahiki, pela no auanei ka oiaio loa, o ka lilo aku o ka hana makaikai ma Hawaii nei o ia kekahi o na oihana hoowaiwai i ka aina ma keia mua aku. Me na malihini makaikai honua e kipa mau mai ana i Hawaii nei. e piha mau- ana na hokele, e loaa mau ana na hana na na kaa otomobile. e piha mau ana no hoi ko kakou mau mokuahi holo pili aina, a e hoopomaikaiia aku ana he mau hanen o na ano oihana like ole; nolaila e lilo kakou i poe komo pu aku iloko o ka ohi ana i keia mau pomaikai, ma ka hui pu ana aku, a komo like iloko o na ano hana lehulehu; e konoia aku ai na malihini, e hoohauoli ia lakou iho iloko o ia mau hana, a i ole e hoihoi aku paha no ko lakou mau home, no ka hoo3aha ana ia Hawaii nei.