Ka Nupepa Kuokoa, Volume LXVI, Number 12, 24 March 1927 — KA OIHANA KANU HALAKAHIKI MA HAWAII NEI [ARTICLE]

KA OIHANA KANU HALAKAHIKI MA HAWAII NEI

Aole loa he kanalua iki iloko o kakou, na makaainana ma Hawaii nei, no ke kulana holomua o ka oihana kanu halakahiki: ua ike maopopo loa ia keia hopena, iloko o na makahiki kakaikahi wale no o ka lawelaweia ana o keia oihana ilqko nei o ka aina, mai ka manawa uuku loa mai, ahiki i kona pahola ana aku i ka loa ame ka laula ma na mokupuni apau o keia teritore. Elike me ka oihana kanu ko, ka lilo o kela oihana, i oihana leokua nui loa, ma ka hoopomaikai ana i ke aupuni, ma o na dala auhau la; ame ka hoolako ana aku i na hana na kekahi mahele nui o na makaainana, ma na mahiko, a ma kekahi mau oihana e ae, i kauka'i aku ai ke ola o kela mau oihana maluna 0 ke kopaa. pela no ka oiaio loa, o ka lilo o ka oihana kanu halakahiki i oihana kokua nui aku, ma ka hooi ana ae i kela kulana holomua o ka aina, e oili ae ai he mau hana hou, a kakou i manao ole ai iloko o keia mau Ia e nee nei. He mau makahiki lehulehu ae nei i hala, aole i manaoia, e lilo ana ka mokupuni o Lanai, o ia kekahi mokupuni waiwai loa: aka nae, ma ka hoohuli ana o na kanaka kuhohonu o ko lakou noonoo ame ka ike, i ka lakou mau hooikaika ana, no ka pono a no ka holomua o ka hana kanu halakahiki, maluna o kela mokupuni; ua hoea mai i ka hookoia ana o na mea a lakou i iini loa ai, a i keia la, a ma keia mua aku ua hiki ia kakou ke olelo ae me ke kanalua ole, ua hiki i ka halakahiki ke hoolilo i na aina panoa, i mau aina waiwai loa. O ke kono ma ka aoao o ka hui kanu halakahiki Hawaii, ī pahola mai ai i na hoa o ka ahaolelo kuloko, no ko lakou holo ana aku e ike no lakou iho i ke kulana o ka oihana kanu halakahiki, maluna o ka mokupuni o Lanai, aole ia no ke ake mai o kela hui, e loaa aku na kokua ana a ka ahaolelo no ka pono o kela oihana, aka, i loaa pu aku ai ka ike ia lakou, o kela ka elua o na oihana ma Hawaii nei nana i haawi aku Ika waihona waiwai kiekie i ke aupuni; i hiki ai na hanahou ano nui i hoolalaia e ko kakou poe kaukanawai. Me keia oihana e nee ana imua me ka malie ame ka holomua loa, i ka nana aku, e hoea mai ana i ka manawa e lilo ai na eka aina nunui e waiho wale mai nei, i mau aina waiwai loa; no ka mea ma na wahi apau i hiki ole ke kanuia i ke ko, no ka nele ī ka wai, e hiki auanei i ka halakahiki ke lioouluia; iua pela iho la ka mea oiaio loa e nanaia aku nei alaila, e lilo aku ana ka hana kanu halakahiki, i mea kokua nui, i ka hana hoopulapula, e hooikaikaia mai nei e ka ahaolelo kuloko, e pahola aku i kela hana hoopulapula ma na mokupuni apau o Haw r ai inei.