| | HE MOOLELO
— No — FOLORA RIKEKONA A i OIe
KE KOMOLIMA MAKE POHIHIHI Ka Hoowalewaleia Ana— Ka Mare Malu Ana i ke Kanaka Malihini — Ka Holo Makaikai Ana i Europa — Ka Mare Ana me Kanaka Okoa. Aole na mea i ala mai mawaena ona ame kona hoaloha me Merila i mea nana e hoopilikia mai i kona noonoo a hoopau ae la hoi i na manao no kona mau hauoli like ole. Mahope koke iho o ka haalele ana mai o Merila iaia aia hoi ua kamoe pololei aku la kana hele ana no kahi a Ineka Kini e noho mai ana, a ua hoohalaia e laua ka hapanui o kela auwina la ma ka holo kaa ana a ma ka paina pu ana me Ineka ma kela ahiahi. No Merila hoi, ua hoi pololei aku la oia no kona hokele me na manao kui'o e hana mao ole ana iloko ona. Hooponopono iho la oia i kona mau pono apau maloko o kona mau pahu lole me ka awiwi nui a i ka makaukau ana, ua kau aku la oia malana o ke kaaahi no ke kulanakauhale o Parisa ka pahu hope. He ekolu la o kona holo ana maluna o ke kaaahi ua ku aku la oia i ke kulanakauhale o Parisa. Mahope iho o kona hoea ana aku no ke kulanakauhale o Parisa, ua hele aku la oia e huli hele ia Siva ma. Mahope iho o ka hala ana o kekahi mau la loihi o kona huli hele ana no lakou aia hoi ua loaa mai la iaia ka ike no kahi o Siva ma e noho ana, he mea hoi nana i hoohakalia ole iho i ka hele ana aku e ike ia lakou. Aole loa he pono iki o ko Folora noonoo i kona ike ana mai ia Merila, a no ka mea aole e hiki iaia ke hoopoina i na mea I ala mai ma kona wa i halawai hope loa ai me ia, me ke komo maoli ana mai no o na manao hoowahawaha iloko ona no Merila. Eia nae ma kona kulana lede, ua uumi wale iho la no oia i kona mau manao iloko ona. Ua hoolauna aku la oia 'ia Merila imua o Monika me ka hoike ana aku i na mea apau e pili ana i ko laua halawai malihini ana maluna o ke kaaahi ma ko lakou alahele mai Roma mai a ma na manawa apau a Manila e hele aku ai e ike ia lakou e hoao mau ana o Folora e noho pu mai o Monika me ia i na wa apau. No Merila hoi, ke hoomaopopo ala oia i keia mau mea apau, nolaila, ua hooholo iho la oia iloko iho ona, e hoao ma na ano apau e loaa iaia he manawa kupono e kamailio pu ai me Folora nolaila, ma kekahi auwina la, oiai lakou ma kekahi huakai makaikai, aia hoi, ua loaa iho Ia iaia ka manawa kupono me kona kaawale ana aku me Folora mai a lakou mai, a ia wa koke no i hoomaka mai ai o Merila i kana kamailio ana imua o Folora penei: "E Miss Folora aole loa i loaa mai ia'u ka haina no kela ninau ano nui a'u i ninau aku ai ia oe, ma kela hui hope ana o kaua. Ua holo mai au no ke kulanakauhale o Koma me na manaolana e halawai ana au me oe malaila, a mamuli o ko'u halawai ole ana me oe malaila, ua holo loa mai la au no keia kulanakauhale i loaa ai na ike maopopo ia'u ina palia e lilo aaa au i kanaka hauoli a i ole e lilo ana au i kanaka aea wale kela ame keia pe'a o ka honua nei a pau na la o ko'u ola ana. E kuu aloha, ua aloha au ia oe me kuu naau apau. E ae mai ana anei oe e lilo i wahine na'u?" I kela wa koke no i huli ae ai o Folora a nana ae la maluna o Merila me na maka paha'oha'o, alaila pane mai la. "E Mr. Merila," wahi a Folora i hoomaka mai ai. "Ke hoike aku nei au ia oe me ka oiaio, ua hookahaha loa mai oe ia'u ma o kou hoala hou ana mai i keia mea mahope iho o na mea a'u i hoike aku ai ia oe i ko'u manao ma kekahi mau manawa ae nei i hala- Aka, ke hoike hou aku nei au ia oe naka opio, alaila pane mai la oia : Ikeia aku la ka pii ana ae o ka ula ma na papalina o ke kanaka opio, ala i pane mai la oia : "Aole e hiki ia'u ke lawe ia mea ma ke ano he pane hope loa," wahi ana i hoomaka mai ai me ka hoomau ana mai. "O, e hookuu mai ia'u e hoao ma na ano apau e lilo mai oe na'u a na'u wale no." "O ka pane hope loa keia," wahi a Folora i pane koke mai ai me ka hoomau ana mai, "a ina e hoopaakiki loa mai ana oe ma ke kamailio hou ana mai maluna o ia kumuhana, alaila, ua hiki mai i ka wa a'u a kaupale loa aku ai i kou kipa hou ana mai e ike ia'u. Aole o'u makemake e hoehaeha aku i kou naau, aka, aole Ioa o'u makemake e kamailio hou maluna o kela kumuhana." Ua ikeia aku ka haikea e pahola ana ma kona helehelena me ka ehaeha nui, eia nae aole ia ehaeha i ala mai mamuli o ke aloha. Ua ala mai keia haawina maluna o ke kanaka opio mamuli o kona ike ana iho no ka hoopahuaia ana o kana mau mea i upu ai e kaa mai ka waiwai o keia wahine opio malalo o kana hooponopono ana i kona wa e mareia ai me Folora oiai ua ike oia ua kokoke Ioa e pau kana mau dala i ka hooliloia ma na aea apau e lilo ai kela wahine opio i wahine nana. "Alaila o kena anei kau olelo paa hope loa e Miss Like-kona?" i ninau mai ai o Merila ia Folora me ka leo hawanawana ano okalakala. O ia maoli no ka mea oiaio, i lohe oe, e Mr. Merila," wahi a Folora i pane aku ai. "Ina pela, — e hoomanao i keia!" i pane koke mai ai o Me-rila me ka leo kakana, oiai oia i kulou mai ai a kokoke i ko Folora pepeiao. "E hana aku ana au i kekahi hana au e hoomanao ai i keia la a pau na la o kou ola ana. Ua ikeia e a'u kau mau meahuna apau loa, me kou manao ua nalo ia mai Ia ike wale ia ana aku e kekahi mea. Ua loaa ka ike ia'u ua haule oe i ke aloha i kela kuewa haahaa ia Karola aka aole loa oe e lilo iaia. A no kou mau manao ino no'u nei, e hoea mai ana i ka la au e mihi iho ai me kou pule mau ana e kii mai ka anela o ka make a lawe aku i ka lianu ola mai kou kino aku!" I kela wa i leu ae ai o Folora a pololei alaila nana pono aku Ia maluna o Merila me na maka enaena i piha me ka huhu, alaila pane mai la: "Aole he maopopo ia'u o kau mau mea apau i hoike mai nei," | wahi ana i hoomaka mai ai me ka hoomau hou ana mai. "Aka, mai keia wa aku a mau loa aole o'u makemake e ike hou i kou mau maka?" Nolaila, mai kela la mai ahiki i ko Folora ma haalele ana i ke kulanakauhale o Parisa, aole Ioa lakou i halawai hou me Merila. He eha paha pule i hala ia Siva ma ma ke kulanakauhale o Parisa, ua hoea mai la o Sa Walaka Leikona ilaila. He manao haalele kahiko kona i ke kulanakauhale o Koma mahope koke iho o na hana hoikeike i malamaia malaila, koe wale no, mamuli o kekahi mau hoolaia ana a Ineka Kini no kekahi mau anaina hoolaule'a ole iaia ke kaawale koke mai Roma mai; aka, elike me kana kaena i hoike ae ai no kona haulehia ana i ke aloha ia Folora, eia nae, ke ike nei oia, he wahine opio o Ineka i pili loa mai me ke pana ana a kona puuwai, a no ka mea e Iawe hele mau ia ana pia ma na aha hulahula apau me kona piha hauoli pu. No Ineka hoi, ua hele kona noonoo a pouli mamuli o ka hoo-pahuaia ana o kana mau mea i hoolaia ai no ka hopupio ana i kona hoahanau ia Monika, ma ka la i weheia ai ka aha hulahula elike me ia i ikeia ai; a no ka mea malalo o kana mau kauoha i hoao ai kekahi mau kanaka lapuwale e hopupio ia Monika— a aia pu hoi iloko ona na manao makau no ka hoea mai o ka la e ikeia ae ai kana mau meahuna a kaili ia aku kona mau waiwai mai iaia aku, a no ka mea ke ike la oia aole he kumu nui e ae o ka hoea ana mai o Monika no ke kulanakauhale o Koma, aka, mamuli wale no ia o ka hoao ana e kaili aku i kela mau waiwai mai iaia aku. I ka wa i hoea mai ai na kanaka a Ineka o ka hoolimalima ana no ka hopupio ana ia Monika, no ke koi ana mai i ko laua mau uku no ka hana a laua o ka hooko ana, ua hoike mai la laua i na mea koikoi i ili iho maluna o laua mai ka mua ahiki i ka hope. Aole e hiki ia laua ke hoike mai ia Ineka i ke ano o ke kanaka nana laua i ulupa mamuli o ka pouli, nolaila aohe mea i ike no ka hoopakele o Folora, he mea hoi nana i hookaumaha aku i ka noonoo o Ineka. Nolaila, mahope iho o kona ninaninau ana ia Sa Walaka, mai iaia i loaa mai ai ka ike iaia no ka haalele ana mai o Siva ma ia Koma. Oiai o Sa Walaka i hoea aku ai i ke kulanakauhale o Parisa, aole he hana nui nana ka huli ana no Siva ma, me kona hookipaia ana aku me ka hauoli. I kona wa i hoea aku ai no ko Siva ma wahi, e noho ana i kela la, aole o Folora maloko olaila i kela wa; aka, mahope iho o ka hala ana o kekahi wa pokole aia hoi ua komo mai la o Folora me Monika noloko o kela rumi. I ko Folora manawa i komo mai ai, ua ikeia aku la o Sa Walaka i ke ku ana ae iluna me na maka pahaohao, i kona ike ana mai ia laua, oiai kona mau maka e kilohi ana i kekahi a. i kekahi. I kela wa no i hele loa mai ai o Folora haawi mai ia i kona lima no ka lululima pu ana, alaila, me na minoaka ma kona mau papalina pane mai la ia. . "Ke ike nei au ua hoopahaohaoia aku kou noonoo i kou ike ana mai eia me a'u kekahi mea i kulike loa kona helehelena me ko'u nei; aka, ua hiki loa ia mau mea ke hoakakaia aku, nolaila, e ae mai ia'u e hoolauna aku i kuu hoahanau. E oluolu oe e Sa Walaka Leikona e hoolauna aku au i kuu hoahanau, Miss Monika Kini." I ka wa i hoolaunaia mai ai oia me kela wahine opio, ua hoike mai la bia i kona hauoli, aka, ia wa hookahi ua komo iho la ka ninau iloko ona: "Auwe! O keia anei kekahi Miss Kini? Heaha kei'a mau mea hoopohihihi noonoo?" Mahope iho o ka hala ana o kekahi wa pokole o kona noho ana me lakou, ke ike mai la no o Siva i ka hoopau ole ia o ke paha'oha'o iloko o Walaka no kana mau mea e ike nei, nolaila, ua hoike mai la a Siva iaia i na mea apau no ko lakou halawai ana me Miss Monika Kini ma ke ano ulia, oiai lakou maluna o ke kaaahi nia ko lakou alahele no kela kulanakauhale, a he hoahanau ponoi loa hoi ia no kana hanai Folora— a ua holo makaikai mai oia me kekahi wahine Palekane, me ka make hikiwawe ana o ua wahine nei, a e huli hoi ana o Monika me ka wahine lawelawe no Enelani a halawai ai lakou. Ua huli hoi loa aku ka wahine lawelawe no Enelani, a mamuli wale no o ka aua ana a Folora i kona hoahanau e noho pu mai me lakou na ia mea i hoohalawai ia laua i kela la. "Aole au i moeuhane mua he pilikoko ponoi kekahi o Folora e ola nei, a hoi iho no hoi he keu maoli no ka like loa o ko laua mau helehelena kekahi a i kekahi," i hoomaka mai ai o Walaka e kamailio. "Ae, he like loa ko laua mau helehelena," i pane mai ai o Siva. Ua hooholo lakou he mea pono ka hoopau loa ana i ke kamailio maluna o na mea e pili ana no Monika me ka mea pono e hana aku ai nona ahiki i ka loaa ana mai o ka pane mai a Auguseto Kasetadi, mai a wahi a Siva i hoike mai ai ua hoo-ua aku oia i kekahi leka iaia ma Mekiko e ninaninau aku ana iaia i kekahi mau ninau e pili ana ia Kalo Kini ame kana kaikamahine, Ineka Kini. Ua hoike pu mai o Siva ia lakou i kela wa, aia a loaa mai ka pane no kana leka alaila imi aku i na alahele e ku-e ana ia Kalo ame kana kaikamahine, aole e hiki ke hanaia mamua ae o ka Ioaa ana mai o ka Auguseto Kasetadi pane, no ka mea iaia lakou i kakau Ieka hou aku ai, a e pono e loaa mai kekahi mau hoakaka maopopo mai Mekiko mai i loaa al ka ike maopopo e hana aku ai. Ua lilo ko lakou noho hooliuliu ana iho ma Parisa i mea hoohauoli nui i ko lakou mau noonoo no ka mea, he nui a lehulehu na mea ano hou a ko lakou mau maka e ike aku ai, a iloko lio hoi o ia mau la ua ikeia ka lou o ka i'a i ka Sa Walaka Leikona makau lihi. Iloko o na pule eono o ko Walaka pili mau ana me lakou e lohe mau ia ana na huaolelo o ke aloha ma ko Walaka mau lehelehe no Folora, eia nae, he haawi mau no oia i. kona manawa ame kona launa ana me na kaikamahine a elua, a e haawi mau ana oia i kona noonoo ma ke ano hoaloha no laua a elua ma ke ano maikai a kulana keonimana oiaio. Ma kekahi kakahiaka malie a pumehana o ka mahina o Mei i haalele iho ai lakou i ke kulanakauhale nani o Parisa a huli aku la ko lakou mau loa no Enelani. Ma kekahi ano hana i maopopo ole ia Folora ua hoolalaia e Walaka kekahi hana i hiki ai iaia ame Folora ke hele o laua wale no me ke kaawale loa mai na hoa e ae o ka nui o lakou; i ka manawa o ke kaaahi e aneane loa ana e haalele iho ia Parisa no Calais, aneane loa laua e haule mahope o ke kaaahi. Ia laua i kau aku ai i ke kaaahi, huli mai la o Walaka a ani mai la kona lima ia Mr. Siva e ku aku ana nana ia laua no ko laua kau a ua pau ko laua pilikia, i ka manawa i hoomaka aku ai ke kaaahi e holo. "Mai hookaumaha oe i kou noonoo," i ae ai o Leikona ia | Folora i kona wa i ike aku ai i ke ano-e o kona helehelena, "he hiki ia kaua ke hoololi kaa a komo pu aku me lakou i ka hale kaaahi ma kahi hoolulu kaaahi i ka manawa like me ko lakou,' i hoomama aku ai oia i ko Folora noonoo. Hooponopono iho la oia i ko Folora wahi e noho ai a ike iho la i ka oluolu o kona noho ana elike me ka hiki iaia ke hana iho, alaila noho iho la ma ko Folora aoao. Ma ke ano he mau hoaloha wale no ka laua kakahele ana ke kamailio no kekahi manawa maluna o na kumuhana lehu lehu like ole, no ka hoohala ana i kekahi manawa, oiai nae ma ka Walaka nana mai ia Folora, aole he noonoo maikai ilo ko ona, o kona laweia aku no paha ia e Walaka a kaawale loa i kahi e a hunaia aku ma kekahi wahi mamao loa e ike a e loaa hou ole ai oia i kona mau makua hanai. I ka hala ana o kekahi manawa loihi ia laua ma ia nanea ana ninau ae la o Sa Walaka i ua o Folora: "Ua hoike mai anei o Mr. Siva ia oe no ka'u hana i hoolaia ai, oia ko kakou holo aku a pau i ke Towera Woakini ma keia mahina ae?" "Ae, ua hoike mai, a i ka'u nana aku iaia ua piha loa oia ka hauoli. Ua lohe mai au mai iaia mai he home nani ka kela home hou ou oia anei?" pela o Folora o ka ui ana ae, me ka mau no nae o ka makemake iloko ona ia manawa e hoea koke aku ke kaaahi i ka hale hoolulu kaaahi, i hui koke aku ai laua me ko laua mau hoaloha, a no ka mea, ua lilo keia kaawale ana mai la o laua i mea hoouluku loa i kona noonoo. "Ae; he home nani io ia, he wahi nani no hoi ma Enelani nei apuni. E huli pono aku ana ke alo o kela towera i ka mo ana e waiho lahalaha mai ana, a ma kela ame keia aoao ona he mau aina palahaha nani. Aole au e hooluhi mua aku ana i kou noonoo ma ko'u hoakaka mua ana aku ia oe i na ano apau o ia wahi aka, e waiho ana no au a nau e ike paka iho ke hiki aku kakou ilaila." "Ua laki maoli no oe no kou lilo ana he hooilina no kela waiwai nui, a aohe hoi he olelo ana ae no kena inoa hanohano he baroneta e kau la maluna ou i nei manawa," i pane ae a o Folora, i loaa ai kana mea e kamailio ae ai, no ka mea, ua hoomaha iki kona kamailio ana no kekahi manawa mamua iho "He mea oiaio ia au i kamailio mai la, aka nae, hookahi mea kaumaha i hoike aku au ia oe, ina aole o Eva kekahi he wahi mehameha loa ke kihapai o Edena. Eia no ka mea oiaio, e Folora i ka wa hea au e koi aku ai a e olelo iho ai hoi, he— wahine mare oe na'u?" MOKUNA XXIV— Ka Loaa Ana o Kekahi Hoike Ua pii ae la ka ula me ka hahana ma ko Folora mau papalina ia manawa mamuli o keia ninau pololei a i manao mua ole ia a Walaka iaia, a no kekahi manawa aole oia i pane ae hookahi huaolelo. I ka hala ana o kekahi manawa, nana ae oia ia Walaka me ka helehelena kuoo a pane ae la me ka malie loa i ka i ana ae: "Ua manao hoi au ua hoopau loa ia ka noonoo ana no kena mea ana i kamailio mai Ia he manawa loihi i hala aku nei, eia no ka ke kumau nei no iloko o kou noonoo, e Sa Walaka." "O, e Folora, mai kamailio mai oe me kela, a no ka mea aole hiki ia'u ke haalele ia oe a e hoopau loa hoi i ko'u noonoo ana aku nou; aole au i hoomake loa i ko'u manaolana no kou lilo mai ia'u. Ke ike aku nei au aole ou makemake e huki hou aku i kou noonoo ihope a e lilo hoi ia i mea hookaumaha aku i kou noonoo ka mea a kaua i kamailio ai i ka makalii i hala. "Ahiki mai i keia minuke a kaua e kamailio pu nei aole loa au i hoopio iki i ka manaolana e lilo oe na'u, a no ka mea, i hai au ia oe ua aloha au ia oe i nei manawa elike no me ia i kela manawa i hala, aole no e hoopio ana i ka manaolana ana e hiki mai ana no he la au e ae oluolu loa mai ai e lilo oe na'u. "E Walaka, o kou lohe aku keia, aole loa he aelike, a i ole" no he mea nana e hoopaa ia kaua a lilo i hookahi ma nei hope aku," pela ka Folora pane hoohoka o ka pane ana ae. "Ua ike no au ua manao oe, e ke aloha, pela, aka e hoopoina loa aku oe ia mea mai kou noonoo maikai aku, hoopoina loa ia ninau mawaho, mahope o kou hilinai ole ana maluha o'u no ko'u hoea ole ana aku i ke kuahu, a ei anae, ke hoike aku nei au ia oe aneane e hiki pono ole ia oe ke olelo mai aohe a'u kuleana koi maluna ou." "Ua ike no au i kau mau mea i olelo mai la he oiaio; he oiaio ua hoopaa aku au ia'u iho e lilo nau, ua ae au e mareia kaua, aka nae, mai ia manawa mai ka'u noonoo ana, pehea la au i naaupo ai me ka noonoo ole a hana aku la i kekahi hana kuhihewa loa. "Ua loaa ia'u ka noonoo i kekahi manawa mahope iho o ko'u ae ana aku e mare oe ua hana aloha maoli ia au e oe, oia ke kumu o ko'u ae ana i kou manao a hana aku i ka hana hewa naaupo loa. Aia no he manawa a'u o ka noonoo ana e loaa ana ia'u ka hauoli i ko kaua manawa e hoohuiia ai, a i kekahi manawa, i ku manawa i noonoo hohonu ai maluna o ia hana olelo iho Ia au ua hana like kaua i kekahi hana hewa kuhihewa kiekie loa. "Eia hou, ua ulu ae au a nui a ua ulu pu ae me keia manao e hooko aku au i ka makemake o kuu makuakane, oia hoi e mare aku au i ke keikikane a kona hoaloha , eia nae, o ua kane la ana i manao ai na'u ua hana mai i kekahi hana hoopunipuni ino loa, oia maoli kau i hana mai ai ia'u, au no e ike iho la nou iho i nei manawa." He helehelena ano-e ka i pahola ae la ma ko Sa Walaka helehelena ia manawa no nei mau olelo mai la a Folora, aka, he mau olelo oiaio no nae kekahi ana e hiki ai iaia ke hooiaio iho, koe wale no, he mau olelo ia i like me ke kuikele i kona mau pepeiao. Aole hiki iaia ia manawa ke hookikina aku ia Folora e ae mai i kona makemake, no kona hopohopo o hoole mai auanei i ka lilo ana i malihini nana e hookipa aku ai i kona hale nani ; o kana o ka noonoo ana iho ina hookahi manawa a Folora e ike ai i kona home nani, a hoomaopopo iho hoi i ke koikoi ame ke kiekie o kona kulana ia manawa, e oi aku ana ka makemake iloko ona e noho iloko o ia hale nani, a ia manawa e hiki ole ai ia Folora ke hoole mai i kona makemake, a o kona lilo no ia i wahine nana. Iloko o ke koena aku o ka laua wahi o ka holo ana a hoea i ka hale hoolulu kaaahi aohe ke Sa Walaka i hoopuka hou aku i kekahi mau olelo pakuikui e eha aku ai o Folora, ua uumi loa oia i kona mau manao iloko wale iho no ona, a me he mea la ua oi ae paha kona hookuoo iaia iho mamua o na manawa e ae mamua aku ; i kela ame keia manawa ana e kamailio ae ai ia Folora me ka oluolu a waipahe Ioa o kana mau olelo oia e kamailio ae ai e piena ole ai kona hoa, a he oi aku no | hoi kona malama i kona kulana keonimana mamua o na ma-
nawa e ae.
Ia laua i hoea aku ai i Ladana ike aku la ua o Sa Walaka
e noho mai ana o Mr. Siva ma iloko o ka hokele a lakou o ke
kukakuka mua ana, a mahope o na kamailio ana no kekahi
manawa, alaila haawi mai la oia i kona aloha, me ka i ana mai
e hoi hou mai ana no oia no ke kii ana mai ia lakou a lawe
aku i ke Towera Mokini no ka hoohala ana i kekahi mau pule
malaila me ia, a hoi aku la.
E hoomaha iki kaua e. ka makamaka heluhelu i ke kamailio
ana no Sa Walaka e hoi ana ame ka ohana Siva noi e luakaha
ana i ka lai o Ladana, a e huli ae ka kaua nana iki ana ihope
no Mr. Karola aia aku nei oia i hea, no ka mea, ua liuliu Ioa
ka manawa i hala me ke kamailio ole ia o kekahi mea e pili
ana nona.
Ua haalele aku kakou ia Mr. Karola ma ka manawa ana e
hooponopono ana i kana mau hana me ka hui ma Ladana ; i ka
pau ana, ua haalele iho oia ia Enelani no ka lawe ana i kekahi
mau hana hou a no ka nana ana aku hoi no kekahi mau hana
e ae e pomaikai ai oia.
No ekolu mahina kona kaawale ana mai Enelani aku. a ilo-
ko o ia manawa ua lehulehu na hana ana o ka lawelawe ana
i holomua loa a i loaa nui hoi ka pomaikai iaia, a ma kona
manawa o ka hoi hou ana ae i Ladana ua hoike aku oia i ka hui
ana e hana ana no ka holomua o kana mau hana a pau o ka
lawelawe ana no ka hui.
Ma kela hoi hou ana mai ana ua hele oia e ike i kana keiki
hanai ia Kimo, a i kona ike ana aku iaia ua hoopiha ia kona
naau i ka hauoli no ka mea, ua ike aku oia i ka nui a puipui o
ke. keiki me ka maikai o kona helehelena, a ua oi ae no hoi
kona kiekie ame ka nui ia manawa mamua o na manawa e ae
ana o ka ike ana aku mamua, a he lamalama no hoi ka hele-
helena o ka opio elike me na opio kane ola maikai e ae apau.
No kekahi mahina holookoa ko laua noho pu ana me ka hau-
oli, a i ka hala ana o ia manawa, no kekahi hana hou i haa-
wiia mai i ua o Mr Karola ua hoihoi hou aku la oia ia Kimo,
kana keiki hanai, i ke kula. a holo aku la oia no kekahi aupuni
okoa no ka hana i haawiia mai la iaia e ka hui ana e noho
hana ana.
Ma keia hele ana ana no eha mahina kona kaawale ana, a ma
kana mau hana a pau i lawelawe ai ua ike oia i ka holopono,
a i kona manawa i hoi hou ae ai i Ladana ua hoomaopopo oia
i ke auhee aku o na alalai a pau mamua o kona alahele, a ke
ike mau aku Ia oia i ka malaelae ame ka laumania o ke alanui
no kona lilo i kanaka waiwai ma ia hope aku, ka iini nui hoi
ana i upu mau ai no na manawa lehulehu i kaahope aku.
O ka mahina ia o Aperila ana i hoi hou ae ai i Ladana no
ka elua o ka manawa, a oiai ua nui ka hana nana maloko o
Ladana ia mau la he mau mahina lehulehu kou noho paa iho
ma Ladana.
Ua lilo keia noho paa ana o Mr. Karola ma Ladana i mea
hoohauoli Ioa aku i ko Kimo noonoo, no ka mea. e hui mau
ana oia me kona anakala i kela ame keia manawa kaawale.
Ma keia manawa ua loaa ka hoomaopopo ana ia Kimo o Mr
Karola ana e kapa mau ai he anakala nona, o kona makua-
kane ponoi no ia ua nui kona aloha ia Mr. Karola, a pela no
hoi me Mr Karola, ua like o Kimo me he keikikane ponoi la
nana, o ko Mr Karola mau minuke hauoli loa oia ko Kimo
manawa e noho pu mau mai ana imua o kona alo a lohe aku
i kona leo a ike aku hoi i kona helehelena.
Mahope o ka pau ana o na hora kula, e hele pu mau ana la-
ua ma na wahi a pau e hoopiha ia aku ai ka naau o ka opio
me ka hauoli, a i kekahi manawa e lawe mau ana o Mr Ka-
rola ia Kimo maluna o na kaa ma kekahi mau wahi mamao
mawaho aku o Ladana no ka hoomakaikai ana iaia.
Ma kekahi mau manawa ua kipa aku laua e ike ia Toma
Dile, he kanaka i manaka ole i ke kamailio mau mai ia Kimo
a ia Mr Karola i kana moolelo e pili ana i ke ano o kana hoo-
pakele ana ia Kimo ame ka wahine malama keiki mai ka ho-
kele mai i pau ai i ka a-ia e ke ahi.
Ma kekahi auwina la, ia Mr Karola ame Kimo e u hoi ma!
ana mai kahi mai a laua o ka hele ana e ike ia Toma Dile, a
ia laua i huli ae ai ake kihi o ke alanui, halawai mai la
laua me ka hikiwawe loa me kekahi wahine e hii ana i kekahi
puolo lole nui ma kona mau lima.
Mamua o ka hiki ana ia Mr Karola ke alo ae ma kekahi
aoao i ole ai e hookui aku me ka wahine, ua pa mua aku la
ka puolo nui kaumaha a ka wahine e hii ana iloko o kona mau
lima a haule aku la iluna o ke aianoi, a mai wala pu aku paha
ne ka wahine o ka paa koke wale ana aku no i na lima ona.
"O, e ka lede, e noi aku ana au i kau huikala ana mai," i noi
aku ai o Mr Karola me ka haahaa loa, me he mea Ia he moi-
wahine kana o ke noi ana aku la. "Aohe au i ike mua aku
nei ia oe i ka manawa kupono Ioa e hoopakeleia ae ai oe ame
kau ukana kaumaha mai ka hookuiia ana aku nei hoi."
"Mai hookaumaha i kou noonoo," wahi a ka wahine o ka
pane ana mai," a no ka mea, pehea hoi auanei e hiki ai ia oe
ke ike mai ua paa keia kihi i ka hale, a he hookui ana iho la
keia ou me ka hiki ole ke alo ae."
Kulou iho la o Mr Karola a lalau iho la i ka puolo a hapai
ae la a haawi mai la i ka wahine, a mamua nae o kona haawi
ana aku, nana pono mai la oia i ka helehelena o ka wahine me
ka ulu pu o kekahi hoohuoi iloko ona ia manawa.
loko ona ia manawa aia ka hauoli iloko no kona hoomaopopo
koke ana mai i ka helehelena o ka wahine, me he mea Ia ua
ke mua no oia iaia, a koe nae kahi o kona ike mua ana.
O keia wahine, e hoakaka iki aku kou mea kakau, aole oia
he wahine e loa, o ka wahine keia i kapaia o "Mole Pupule"
ana no i ike ai maloko o ka halema'i he manawa loihi mamua
aku, a nona no hoi oia i noke ai i ka huli, a i ka ninaninau ma
na wahi like ole a i ike ia ka hua ole o ia huli ana.
O keia ka wahine malama keiki a ka ohana Pegi, au no e
ka makamaka heluhelu e poina ole la, a nana hoi i malama
a Kimo e hele pu nei me Karola ma keia Ia a halawai iho la
o ka wahine hoi i poino ai mamuli o ka wela ana i ke ahi o
kela hokele i pau ai i ka a-ia e ke ahi, a o ke kumu hoi o ke
opulepule ana o ka noonoo o keia wahine, a i hoopaaia aku ai
ka halema'i.
"Ke manao nei au aole paha oe i eha ea?" i ninau ae ai o
Mr Karola i ka wahine, i kumu e hooloihiia aku ai ko laua
manawa e kamakamailio pu ai a i loaa maopopo mai ai hoi ke-
kahi ike ia Mr Karola nona.
"Aohe au i eha," wahi o ka ka wahine pane pokole loa i ka
wahine e nana mai ana me ke kahaha me ka hoopihoihoiia aku
kona noonoo no kona hookamailio loa ia aku.
"Aole anei o Mele kou inoa, a maloko o ka Halema'i Hane-
mana oe i noho ai ma ke ano he mea i loohia i kekahi ma'i no
kekahi manawa?" "Ae, oia ko'u inoa a malaila io no au i noho ai no kekahi
manawa." (Aole i pau.) | |
