Ka Nupepa Kuokoa, Volume LXVI, Number 11, 17 March 1927 — KA HALAWAI MAKAHIKI HOOMANAO A KA AHAHUI KAMEHAMEHA [ARTICLE]

KA HALAWAI MAKAHIKI HOOMANAO A KA AHAHUI KAMEHAMEHA

No ka hoomanao ana i ka piha ana o na makahiki hc iwakal\iakumamalima o ko ku ana o ka Ahahui Kamehameha, ka ahahui nui hookahi i kukuluia no na Hawaii, e malamaia ae ana ka halawai makahiki a kela ahahui, ma keia kulanakauhale, iloke o na la 15, 16 ame 17 o Aperila e hoea inai ana Ma ko kakahiaka o ka la 15 o Aperila e hoea.mai ai na hoa o na ahahui lala, o ka Ahahui Kamehameha o na kuaaina no keia kulanakauhale Ma ka mpkuahi Maunakea e hoea mai ai na lala o ka Ahaliui. Kahekili o Kauai, i hiki aku ka nui ma kahi o ka ohiku hanori; ma ka mokuahi Kilauea mai hoi ko Maui ame ko Molokai, na lala o ka Ahahui Kahekili, i hiki aku ka nui ma kahi o ka ekolu haneri, a ma ka mokuahi Haleakala mau hoi na lala o ka Ahahui Mamalahoa, i hiki aku ka nui ma kah 0 ka hookahi haneri I kulike ai me na mea i hoolalaia, e malamaia ae ana he hana hookuku himeni maloko o ka lialekoa, ma ka po ana iho, mawaena o na puukani o na ahahui like ole; he mau liimeni Hawaii wale no, a mawaho ae o kela hana, hookuku himeni e haawi pu ia ana ho aha hoohauoli a hoonanea, (smoker) no na mea apau. O na mea o loaa mai ana mai na hana lehulehu mai e malamaia ana ma kela po, e holo aku no ia no ka waihona kukulu hale o ka Ahahui Kamehameha. Ma ka la 16 ae, o ka la ia e noho ai ka lialawai makaliiki, nje ka akoakoa ae o na lala ame'na lunanui o na ahahui apau, a ma ia la no hoi e malama pu ia ai ho ahaaina luau nui; a ke noonooia niai nei kahi e malamaia ai kela ahaaina luau, i hiki ai ke hookipaia ka leliulehu. Oiai e paholaia aku ana he mau kono i na luna oihana kiekie o ke aupuni no ka hooh'anohano ana ae 1 kela ahaaina luau, o ko Kakauolelo o ke Kee'na Kalaiaiiia o ke aupuni o Amerika, kekahi o na mea nana o haawi ae.ana i kekahi' haiolelo ano nui ma kela manawa. Maloko ae nei o ke awa, ma ka po ana iho o kela la, e malamaia ae ana he mau hana hoikeike ka'i kukui maluna o na waapa, elike me na hana hoikeike i ike mau ia, nia na manawa aku nei i hala. Ma ka la 17 ae, o ia ka la Sabati, he la ia no na ahahui o hele ai i ka pulo maloko o ka Luakini o Kawaiahao.