| | kui'o loa o kela kamailio ana mai a ke kanaka opio, a i ka paa
ena iho o KaIifoda i ka lima o Kaloke, hoopili ae la oia i kona
mau lehelehe. me ka pane ana mai:
"O ke aloha poeleele no kou, a hui hou aku kaua i ka wa
pono," wahi a ke kanaka opio me ka leo kuoo, ka mea nana
i hoopii hou mai i ka ula ma na papalina o Kaloke, me kona
haawi ana aku no hoi i ke aloha poeleele, a i hakalia no ia
Kalifoda a haalele mai i ka hale, o ka hoi koke aku la no ia o
Kaloke noloko o kona rumi moe, me ke pani ana mai i ka puka
e paa, mamuli o kona makemake, oia hookahi wale no ke noho
maloko olaila, me ka hoopilikia ole ia mai e kekahi mea.
O ka mea oiaio maoli nae, ke ike la o Kaloke i kona ano e
maoli, ke pana la kona puuwai me ke kapalili, a ke naka pu la
no hoi kona kino me ka haalulu, a ke ike maoli iho la no oia
laia i kona loli ano e loa; no ka mea iloko o kela manawa
pokole loa o kona hookamaaina ana ia Kalifoda Vini, me he
mea la, e ka maa mai ana kana mau hoomanao ana no kela
kanaka, ka mea ana i ike ole ai i kekahi haawina o kela ano
mamua. MOKUNA VI. Elike me ke koi ikaika a Kalifoda Vini imua o Abe, ka wahine kamaaina e noho pu la o Kaloke me ia ; ua hele aku la ua wahine nei, e noi i mau mea humuhumu na Kaloke, iwaena o ka poe no lakou na lole ana e holoi ana a e aiana ana ;' me ka hoikeike ana aku imua o kela poe, i ke ano o ka humuhumu ana a ke kaikamahine opio, he oiaio, ma kela ano iho la, ua loaa nui mai la na mea humuhumu, e paa mau ai ko Kaloke manawa i ka hana i na wa apau. No ka maikai o ka Kaloke humuhumu ana, me ka mahalo nui o ka poe na lakou na hana i haawi mai ia Kaloke, ua koi okoa mai la lakou iaia, e hele aku no ko lakou mau home e humuhumu ai, aka ua hoole aku la o Kaloke, no ke kumu, ua oi aku ka hiki pono iaia ke lawelawe i kana mau hana humuhumu ma kona hale iho, mumua o ka hele ana aku no na wahi okoa. O kekahi kumu no hoi o kona makemake e noho ma ka hale ei humuhumu ai, i hiki ai iaia ke kokua aku ia Abe, ma ka lawelawe ana i na hana o ka hale, he mea maikai kela no kona ola kino, ka lawelawe i kekahi mau hana, oiai hoi ina no kona hele iwaho e hana ai, alaila e konoia ana oia, e noho paa loa maloko o ke keena humuhumu, no kekahi mau hora, ua like kela me kona hooliloia i paahao. Ma na kakahiaka apau, e ala ae ana o Kaloke, ma ka manawa hookahi no a Abe e ala mai ai, nolaila ua komo pu aku o Kaloke, ma ka lawelawe aua i na hana o ka hale, ma keia ano iho la, ua hikiwawe loa ka pau ana o na hana a Abe i na hoiia kakahiaka wale no, aole elike me mamua, i kona manawa e hana hookahi ana, aia no ka pau i na hora o ke awakea, a ke lawelawe aku i na hana e ae, e laa ka holoi, ka aiana paha, o ka haule no ia i na hora o ka auwina la. "Ua nui maoli ko'u mahalo me ka hoomaikai ia pe e Kaloke ao kou kokua ana mai ia'u, ma na hana o ka hale nei," i kamailio mai ai o Abe i ke kaikamahine opio ma kekahi la. "Mamua aku nei, me he mea Ia, o na kainawawae apau a'u e ka'i ai. mai kekahi wahi a i kekahi, he mau mea hoomahuahua wale mai no ia i ka eha ame ka hu'i o ko'u mau wawae ; i keia ma aawa nae, no kou kokua ana mai ia'u, ma na hana lehulehu aa auhee aku ka luhi, ka eha ame ke kaea mai ia'u aku, a ua ake oe me kekahi kukui e hoomalamalama ana ialoko nei o ka hale.'' No kela pau ole no o ka manao mahalo iloko ona no ke kai kamahine: opio, i ka wa i hoea hou aku ai o Kalifoda i ka hale ua hoike mai la no o Abe imua ona, no ko Kaloke mau ano a o ia kana o ka i ana mai, "Ma na mea a'u i ike no Kaloke, ua like loa no oia me kou kaikuahine, aka nae maluna ou. ka'u mahalo nui, no kou hoihoi ana mai ia Kaloke maloko o kuu home e noho ai ; ina nei no kona haalele mai i ko'u home, e lilo ana ia i mea hookaumaha loa mai i ko'u noonoo, me ka maopopo ole o ka'u mea e hana aku ai; a eia mau ka manao hopohopo iloko o'u, he manawa wale no e hele ai oia a noho no kekahi wahi oi ae o ke kupono, oiai aole keia o ka home no kekahi lede e noho ai elike me Kaloke." Aia pu iloko o KaIifoda ka manao maikai ole, ina nei no ka haalele mai o Kaloke i kona noho ana me Abe, aole nae oia i hoike ae ia mea, ke huna la no oia iloko ona, he meahuna ia nana. No kela manao nae iloko ona, e Iawe mai i kona kaikuahine e hookamaaina me Kaloke, ua hiki ole ke hookoia, no ke kumu, ua loohia o Ane i ka a'i mahope mai, me ke kaa ana aku malalo o ka malu o ke kauka ohana, a i ka wa i loaa mai ai ka ohiohi ia Ane, ua kauohaia oia e ke kauka e hoi no ka home kuaaina o ka ohana Vini. Ke lawelawe mau Ia no o Kalifoda i kana mau hana me ke kui' o a e holo mau ana no hoi oia e ike i kona kaikuahine, a ao kona piha loa i ka inaina i kona makuakane, aole i lilo na mea a kona kaikuahine e kamailio mai ana iaia, no ka hookuikahi hoa ana i kona manao me ko ka makuakane, i mea maliuia aku e Kalifoda. No kela hoopapau loa o Kalifoda i ka hana, noonoo iho la o Nowuda kona haku, he mea maikai ka haawi ana i manawa hoomaha iaia, i loaa ai ka ikaika maikai i kona kino; aka i kona manawa nae i hoike aku ai ia mea imua o Kalifoda aole he ae iki o kela kanaka opio, no ke kumu, aia kona noonoo nui i kela manawa maluna o Kaloke, e hiki ole ai iaia ke kaawale no kekahi mau wahi mamao mai Nu Ioka aku. Haawi aku la nae ola i kona mahalo imua o kona haku, no keia manao maikai iloko ona, me kona hoike pu ana aku, i ka nui o na hololio, no ka hele ana ma kekahi wahi mamao, me kona kamailio pu ana aku no hoi kekahi, i ke poho wale o ka manawa i ka hoomaunaunaia. "Ina nei no kou ae e hele e hoomaha, elike me ka'u i hoolaia ai, alaila e loaa mau aku no ia oe kou uku, me he mea la, eia no oe maanei nei kahi i noho hana ai malalo o'u," wahi a Mr. Nowuda, me ka nana ana mai maluna o kana kakauolelo opio me na manao mahalo iloko ona, no ka mea o keia ke kanaka opio mua loa ana i ike ai, i kona pupuahulu ole ma ka haawi ana mai i kona ae e hele hoomaha, ina he poe kanaka opio okoa aku, aole ona wahi kanalua iki no ka hauoli loa o kela poe e hele hoomaha no na wahi a lakou i kamaaina mua ole ai. "Ke haawi hou aku nei au i ko'u mahalo nui ia oe; a elike no me ia a'u i kamailio mua aku nei i ko'u manao, pela no au e hoike hou aku nei, ua oi loa aku ko'u makemake e noho hana; no ke kumu, he manawa pokole wale no ko'u o ka noho hana ana me oe, aole au i luhi a ui-ha paha e pono ai ia'u ke hele hoomaha, na ka poe i loihi ko lakou noho hana ana, na lakou e noonoo no ka hoomaha ana; e ae mai no oe e hoomau aku au | i ka lawelawe ana i ka'u mau hana elike me ia a'u e hana nei i kela ame keia la." No kela paakiki loa o ke kanaka opio, aole e hele hoomaha ma kekahi wahi mamao, komo iho la ka manao hoohuoi iloko ona, aia kekahi mea nana i kaohi i kela kanaka opio e noho i ke kulanakauhale; aka e lilo ana nae i hana ma kona aoao ka hakilo ana aku iaia, ahiki i kona ike pono ana, i ke kumu nui o ka makemake ole ana o kana kakauolelo e hele hoomaha. No kekahi manawa mahope mai, aole he mau mea i kamaiio hou ia mawaena o Kalifoda ame kona haku, no ka hele hoomaha; e hoea mau aku ana no o Kalifoda no kona keena hana i na la apau, a e hele mau ana no hoi oia no ka home o Abe, ma na ahiahi apau, no ka hoonanea ana, a no ka ike mau ana aku ia Kaloke. Mai ko laua ano mai he mau hoaloha wale no kekahi no kekahi, ahiki i ka pipili Ioa ana o ko laua mau noonoo; nolaila ma na manawa a Kaloke e hoihoi' ai i kaha mau mea humuhumu i na home, na lakou i haawi mai iaia i na meahana e kakali ana o Kalifoda i ka wahine opio, a he hookahi ko laua huli hoi like ana no ka home o Abe; a i kekahi manawa, e hele holoholo aku ana laua maloko o ka paka, no ka hoohala ana i kekahi manawa malaila, mamua o ka huli hoi pololei ana aku no ka hale. (Aole i pau.) HE MOOLELO — No — FOLORA RIKEKONA A i Ole
KE KOMOLIMA MAKE POHIHIHI Ka Hoowalewaleia Ana — Ka Mare Malu Ana i ke Kanaka Malihini— Ka Holo Makaikai Ana i Europa — Ka Mare Ana me Kanaka Okoa. Ua puiwa ke Kauka Pilina i kona hiki ana aku a noi aku la he makemake oia e laweia aku imua o Monika, a oiai aohe makemake o ke kauka e olelo mai iaia ua holo mahuka o Monika ua hoopunipuni mai Ia oia no ka ikaika o ko Monika ma'i e hiki ole ai iaia ke hele, aku e ike; eia nae ua koi ikaika aku la no o Kalo Kini me ka hoomaka'uka'u pu aku e lawe koke ia aku oia imua o Monika, a i ka ike ana mai o ke kauka i ko Kalo Kini paakiki loa, akahi no oia a hoike mai i ka mea oiaio ua holo mahuka o Monika. Mahope iho o ia manawa he hoopaapaa ikaika mawaena o Kalo Kini ame ke kauka, no ka hoike mua ole ana ae o ke kauka ua holo mahuka o Monika, a ua poho wale na dala i ukuia no ka manawa a Monika i holo mahuka ai, oiai e loaa mau ae ana ka uku no ko Monika malamaia ana i kela ame keia mahina, o ia wale no ke kumu i pau ai o ka hoopaapaa i ke ae ana o ke kauka e hoihoi mai i na dala ana i lawe kuleana ole ai, a pio no hoi ko Kalo Kini manao e hoopii i ke kauka alunu kolohe imua o na luna o ke aupuni. He mea pono e hoakakaia maanei o Mr Sidane, ke kahu hanai o Monika i nei manawa ka i hoolaia i kekahi hana o ka huli a noii pono ia o na hana maloko o ka halemai o ke Kauka Pilina, eia nae, mahope iho i ka ike ana o ke kauka alunu i kona hewa ame kona manaoia ana e hoopii ma ke kanawai no kekahi mau hamehameha i ikeia ma kana lawelawe hana ana maloko o ka halema'i, ua panikuia na ipuka o ka halema'i a ua holo aku ia kauka no kekahi wahi i maopopo ole me ka hikiwawe Ioa e hiki ana iaia. Elua la mahope iho o ka Ineka kelekalapa o ka hoouna ana i ka makuakane, loaa mai la ka pane a Ua makuakane, he pane e hauoli ai ua o Ineka, o keia malalo nei ka manao o ke kelekalapa: "Mai hoohala wale i kekahi manawa kupono no ka hoopaa ana aku ia Monika ma kekahi wahi paa ahiki i kuu hoea ana aku." No keia pane, hooholo iho la ua o Ineka he mea pono io ke hoopaaia aku a Monika ma kekahi halepaahao mamua o ka hala ana o kekahi pule, ina he hiki iaia ke hana aku ia mea me ka holopono, i ole e lilo oia i mea hoopilikia mai i kona noonoo. Ma ia ahiahi iho hele aku la oia me kona mea nana e malama, Mrs. Kalelamona, no ka halekeaka Apolo, a iaia maloko o ia hale ike mai Ia i ka ohana Siva e noho mai ana maloko o kekahi pahu ma kekahi aoao mai o kona noho, a ike pu mai. la no hoi ia Monika, kona hoahanau ana i hoino ai, e noho pu ana me Walaka Leikona, ua kuhihewa nae oia o Monika ia, o Folora nae kana i ike mai ai. I ka pau ana o na hana hoikeike o ka hale keaka ma ia po ua hoao mai la oia e hui me ka ohana Siva i kumu e hiki ai iaia ke ike pono mai i ko Folora helehelena, eia nae, ua lolohi loa kana hele ana mai a ua puka mua aku la kekahi o ka ohana Siva iwaho. O Walaka Leikona nae kana o ka halawai ana e paa ana i ka Uma o Mrs. Siva; no Folora ua oili mua aku oia iwaho me kona. kahu hanai kane, i kaawale mua laua mamua o ka iho ana mai o kekahi poe. Ia Sa Walaka Leikona, i ike mai ai i ua o Ineka, haawi aku la oia i kona lima no ke aloha. ana, a hoolauna ae la iaia ia Mrs. X. Siva, a ia manawa pu hoakaka ae la oia i ua o Ineka no kona paa loa i kekahi mau hana mai ka manawa i loaa mai ai o kana pepa kono, aohe manawa i loaa iaia e kipa aku ai e ike iaia, aka nae, ina e kaawale ana oia ma kekahi kakahiaka ae e hoea aku ana oia, ina ua pono ia i kona manao. Aohe hoihoi o Ineka i ka nana aku ma kela halawai ana ona me Walaka Laikona, aka nae, ua ae mai la no me ka oluolu loa oia e hookipa aku ai ia Walaka, ina e hiki aku ana. Mahope o kona nana ana ma o a maanei me kona ike aku i ko Monika helehelena mawaena o ke aluka kanaka, kaha aku la oia hele mahope p ka haawi ana mai i kona aloha ma ke kunou ana, no kahi o ke kaalio. Ma kekahi kakahiaka ae kahiko iho la oia iaia iho me kekahi lole hou noho hale, a noho iho la kakali no ka hiki aku o Sa Walaka Leikona. Ua hoea io aku o Sa Walaka Leikona he hapalua hora mamua iho o ka paina awakea; i ko Ineka ike ana mai iaia ma- | halo iho la oia no ka ui maoli o ke kanaka opio, aole ma kona helehelena wale no aka, ma ka maemae pu kekahi o kona mau aahu e kahiko ana ia manawa. . Me ka maalea ame ka nowelo malie ka hoomaka ana mai e kamailio ma ka mea e pili ana i na mea i ikeia maloko o ka hale keaka ma ke ahiahi mamua iho ahiki i kona ninau akoa ana mai i ko Sa Walaka hoa e noho ana maloko o ka pahu ma kekahi aoao mai, me ka ohana Siva. "Ae, owau pu ke noho ana me ka ohana Siva he mau hoaloha lakou no'u, a o ke kaikamahine e noho pu ana me a'u, he hanai ia na laua, o Miss Folora Rikekona kona inoa," i hoakaka ae ai o Walaka. "Ua loihi loa ae nei nae paha kou kamaaina ana i kela ohana?" Wahi a Ineka o ka ninau ana mai. "No Miss Rikekona ua kamaaina au iaia mai kona manawa kamalii mai, aka nae, o ko'u kamaaina ana iaia. ma ke ano he pili ma ke koko, aohe, ma ka launa wale ana no." Kaumaha iho la ko Ineka noonoo no keia pane a ke kanaka opio, no ka mea he pane ia ana o ka lohe ana mai la e hooiaioia ai kana mea o ka hoohuoi ana he ipo aloha o Folora na Walaka. "He lede opio Pelekane anei oia?" i ninau hou mai ai ua o Ineka; i ka wa i loaa aku ai ka pane no kana ninau ua lalapa ae la ka inaina iloko ona i ka wa i hoole aku ai o Waiaka, a i aku la "he lede opio Amerika oia." Ua maopopo i ua o Ineka ia manawa ua hili pu keia baroneta me ka ohana Siva no ke kokua ana ma ko Monika aoao, a hoao e hoonele aku iaia i ka waiwai o Uilama Kini, koiia anakala, oiai nae, ma kona manaoio he mau waiwai apau loa e lilo mai ana iaia. Ma keia wahi, no kona piha loa i ka inaina, hoopau iho la kana kamailio hou ana mai maluna o keia kumuhana, a hoomaka mai la ke kakahele ana o kana kamailio maluna o na kumuhana e ae ahiki i ka hoikeia ana mai ua makaukau na mea-ai no ka paina awakea, a kono mai la i kona hoa kamailio e iho pu e paina me laua. I ko Walaka nonoiia ana mai hoole aku la oia, a nonoi pu aku la e hookuuia mai oia, a nonoi aku la i ua o Ineka e ae mai oia e hele pu i ka holokaa me ia ma ia ahiahi iho. Mahope mai o ia manawa ua pinapinai mau mai la ka hele ana a ka baroneta opio, me ka lawe pu aa mai i kekahi mau pua nani ame a huaai, me ka haawi pu mai i na olelo pai a mahalo i ua o Ineka, he mau olelo i hoopiha loa ia iho ai ka naau o ke kaikamahine manaoino i ka hauoli. Ia Walaka e haalele iho ai ia Ineka e hele pololei mau aku ana oia i ko Folora ma hokele e noho ana, a hoomaka aku la i ka hohola ana i kana upena i lilo mai ai o Folora iaia, me kona ukali mau ia Mr ame Mrs. Siva me Folora pu ma na wahi a lakou apau e hele ai. Ma kekahi la, ia Ineka maloko o ka halekuai a e kuai ana i kekahi mau mea liilii ana o ka makemake ana maloko o ka halekuai Via Babuino, maloko olaila i halawai ai oia he alo me Monika me ka maopopo mua ole iaia aia pu o Monika maloko o ia hale ia manawa. Ae, i nei manawa akahi no oia a maopopo e ola ana no o Monika ia wa a o Monika io no kana e ike aku ana e hiki ole ai ke hoohewahewa iho. Mamua o kona hoopuka aaa ae i ka inoa o Monika: aia ka makau ma kona mau maka ma kona manawa o ka halawai ana me Monika me ka helehelena nananakea no hoi, ke ano o ka mea hewa. "Auwe, e Ineka, o oe pu ka kekahi ma Koma nei?" i pane mai ai ko Monika leo, kahaha. "Ha! o Monika ka! Alaila aole au i kuhihewa, o oe io no ka'u o ka ike ana he mau manawa lehulehu aku nei i hala ! E-ku iho — he makemake au—" Ua maopopo loa ko Monika ike mai i ua o Ineka ; o kona huli koke aku la, no ia hele me ka mauia loa no kahi o ka puka a oili aku la iwaho, a holokiki aku la ahiki i kahi o ke kaalio e kakali mai ana iaia, nie ka haalele ana iho i ka hoahanau ma-naoino ona mahope. Ua holo aku o Ineka mahope ona me ka manao e loaa mai ana eia nae, ua kau mua aku la kela iluna o ke kaalio. I ka hiki ana o ua o Ineka i ka puka ike aku la ia Monika e ee aku ana iluna o ke kaalio, a hoomaka koke aku la no ke kaalio e holo. MOKUNU XX.
ILOKO O KA MALU O KA LANAI Ma kekahi pule mai he hoikeike nui ke hanaia ana, a he lehulehu o na makaainana Amerika ame Pelekane i hoomakaukau no ka hoolilo ana ia hana hoikeike nui i hana kaulana, a nia ke ahiahi iho o ia la he aha hulahula nui ke malamaia, a o ka poe apau e komo pu ana ma ia aha hulahula me na aahu nani hoano-e like ole e komo pu ae ai. O ka poe i poloaiia no ia aha hulahula na lakou no e koho i ke ano o ka hanaia ana o ko laoku mau lole ame ko lakou mau uhimaka. Ua loaa ae ka ike ia Ineka ma kekahi ano e hiki ae ana o Walaka Leikona ma ia aniahi, pela hoi me ka ohana Siva ame Miss Folora Rikekona. Mamuli o ia ike i loaa iaia i hoolaia paia ae ai ka noonoo iloko ona e hoolaia no kekahi hana e hookoia ai kona makemake lapuwale me ka nana ole aku i ka hopena o ia hana, mahope o ka loaa ana ae o. kana mau likiki nona iho, no ka makuahine nana e malama ana iaia; Mrs. Kale-lamona a no Auguseto, hoolaia iho la i ka hana e ko ai ia makemake lapuwale ona. I na la. mamua mai o ka malamaia ana o ia aha hulahula he manawa ia i hoohalaia eia ma ka hoomakaukau ana i kana papa-hana me ka haawi pau i kona noonoo, a i ka manawa hope no hoi hiki mai la ke ahiahi e malamaia ai ua aha hulahula nui nei. Oia. ka mea i kohoia o ka mahele o ka po o kana, nolaila ua hooikaika oia ma na ano apau e lilo kana mahele oia ka oi aku o ka nani ame ka mahaloia. O kona aahu piha mailuna a na kamaa he weleweka eleele, nie na hoku diamana keokeo ma na wahi like ole, e hoike ana ia mau daimana keokeo o lakou na hoku a o kona mau kahiko gula a daimana, kona lei e hoopuni ana ma kona a-i a e anapa ana, a pela hoi kona kahi me na pohaku daimana e anapanapa ana ma kona poo, he mau mea wale no ia e hoike ana ua like me na hoku o ka lewa, a ke nanaia mai e ka lehulehu ua pili. pono loa ka inoa po iaia i ka nana aku a ka lehulehu. Ma kona mau maka he uhi eleele me ke kaekae gula , a maluna o kona mau poohiwi he mau huihui i hanaia me na lopi gula. Ma ia po he mau haneri o na kane ame na wahine i akoakoa ae me na lole hoanoe like ole, a ua lilo hoi o Ineka, ke akua-wahine o ka po i mea mahalo nui ia e ka poe apau i akoakoa ae. | Iaia e holoholo ana maloko o ka rumi hulahula ui, aia kona mau maka ke lewa wale la no ma o a maanei me ke ake e ike aku i na lede opio like ole, no Folora ame Monika no nae kana akenui loa. Ua hala kekahi manawa iaia o ka nana ana ae ma o a ma-nei, a i ka manawa, ike aku la oia i kekahi kino wahine pilalahi a hiehie o ke kulana, a i kahikoia me ka lole nahenahe keokeo a ma ka puhaka apuni he mau pua i like loa me ka lilia O ke awawa. O na lima he olohelohe wale no a aneane e hiki aku i ka poohiwi, a he mau pua elike eia ma ka puhaka ke kau ana ma kahi o ka lole, a hookahi pua keokeo loa e kau ana maluna o ka piko o ke poo. O na pohaku momi ame na daimana ke anapa mai ana ma kona a-i a ma na lima, ma kahi pu hoi o na pua lilia i hoopaaia ae ai ma na wili o kona oho. He uhi lihilihi keokeo ke huna aku ana i kona helehelena, me na pohaku momi e anapa ana ma kela a ma keia wahi o ia uhimaka, eia nae, he waiho wale mai no kona mau pepeiao a pela me kona auwae miomio: I ka minuke no a Ineka i ike aku ai i kela lede, a hoomaopopo aku la i kona wahi kino ame ka oni ana a pela aku, komo koke iho la no ka ike iloko ona aole kela he lede okoa aku, aka, o kona hoahanau no ana i manao ino ai o Monika. "O Monika no kela," pela oia i namunamu wale iho ai no iaia iho, me ka nui ana iho o ka hanu; "aka owai ka mea o manaoio aku he hiki iaia a i ole i kekahi ke hoolako mai iaia me kela mau mea nani? Aole e ae wale ana kela poe e hoolilo nui i ka lakou mau (lala no ka hoolako ana mai iaia me kela mau mea nani kumukuai nui elike me ia a lakou i hana mai la?" Me keia manao hoowahawaha no iloko o ua o Ineka eia nae, hahai hele aku la no oia mahope o ka moiwahine lilia, no ka makemake e ike aku me ka maopopo i kona mau kahiko apau no kekahi manawa, me ka hele aku a kokoke loa ia Monika ana i kuhihewa ai oia ia i kekahi manawa, a no ia kokoke loa aku ona i hooiaioia iho ai kana koho mamua iho o Minoka no kela lede opio Iloko o kona kahiko nani nana i hoopiha mai i kona noonoo me ka lili ame ka huahuwa, ke konakona ame ka hoino loa. No hookahi manawa kona ku ana iho a peahi aku la i na keiki lawelawe ona e hele mai, a i ka hiki ana mai i aku la; "E nana aku paha olua la i ka moiwahine lilia," wahi ana me kahi leo liilii e lohe ole ia mai i e kekahi poe, me ke kuhikuhi pu ana aku o kona lima ame kona mau maka i kahi a Monika e ku mai ana. "E kiai olua me ka makaala loa i kona manawa e wehe ae ai i kona uhimaka. Ina au e haawi aku i ka hoailona ia olua, e ike olua o ka lede opio ia, ia wa olua e hana aku ai i ka olua hana hakilo;" wahi o ka Ineka kauoha, a he kunokunou wale no hoi ka na wahi keiki lawelawe o ua o Ineka. I ke kokoke ana mai o ka manawa no na mea apau e wehe ae ai i ko lakou mau uhimaka, hookokoke loa aku la ua o Ineka i ka Monika wahi e ku mai ana, i hala ole ai ka ike a kona mau maka ia Monika i kona manawa e wehe ae. ai i ka uhimaka, a ia wa oia e maopopo ai e hoike ae ana o Monika i kekahi mau hiohiona wiwo a i ole makau no kona ikeia ana; Ia ka manawa hope no hoi haawiia mai la ka hoailona i na mea apau no ka wehe ana ae i na uhimaka, a i ke ahuwale ana ae o ko Monika helehelena hooho ae la o Ineka i kona hauoli, a ike pono aku la oia i ka helehelena o Monika kona hoahanau ana i kumukaia aku ai. Ia manawa wehe ae la oia i kona uhimaka a kulou aku la imua i hiki ai iaia ke ike pono aku i ka helehelena o ka mea ana i hana hewa aku ai. I ka ike ana aku a ike mai o laua ua Iike oloko o Ineka me ka nalu e popoi ana i kumupali i ka ua mea o ka piha i ka huhu kohu ole, no Monika he helehelena maikai wale no koha o ka nana ana mai me kona hoike ole mai nae ua ike a ua maopopo mua oia ia Ineka. Me ka hoopuka ole aku i hookahi huaolelo, emi mai la ua o Ineka ihope a huli aku la hele me ka inoino o na maka. "Ua holopono no kaha holo mahuka ana mai, aka nae, aole e loihi ana kona mau la a halawai aku me ka pilikia," i namunamu iho ai o Ineka. Maluna o kona mau poohiwi kana huli ana mai ihope no ka nana ana i na keiki lawelawe ana, a haawi mai la i ka-hoailona ma ke kunou ana, e ukali aku mahope ona. I kona wehe ana ae i na huihui e kau ana ma kona mau poohiwi a haawi aku ia mau mea i na keiki lawelawe ana, a lawa la laua ia mau mea ma kekahi wahi, alaila huli hope hou mai Ia ua o Ineka e nana ia Monika ka moiwahine lili. Ua kuhi-hewa loa o Monika kana e ike mai ana. Aneane no ia manawa hele mai la o Mrs Kalelamona, i kahikoia me na aahu elike loa me ka Moiwahine Elikapeka, ame Auguseto i kahiko iaia iho a like me kekahi kanaka Paniolo o ke kulana kiekie, a haawi mai la o Auguseto i na lede i na pepa hoolauna no ka hulahula ana. "E Auguseto, e nana aku paha oe ma o la," me ke kahea ana mai i ke kanaka opio, me ke kuhikuhi pu ana aku o kona lima i kahi a Monika e. ku mai ana me kona nani nui. Huli aku la o Auguseto a ike aku Ia i ka helehelena o ka lede opio e ku mai ana a Ineka i kuhikuhi aku ai. He helehelena o ka mea i hoopohihihiia ko ke kanaka opio ia manawa i kona ike maopopo aku ia Monika e ku mai ana e kamailio me Walaka Leikona. No kekahi minuke kona nana pono ana aku i kona helehelena, alaila huli mai la e nana ia Ineka, me ka helehelena e hoike aku la ia mau mea ma kekahi wahi, alaila lilili hope hou mai "Aole kela o Monika au i kuhihewa aku nei, he kaikamahine okoa loa kela e ku mai la, ua like no nae kona helehelena me ko Monika ke nana aku ma kahi e," pela o Auguseto o ka i ana ae. "O Monika no keia, i lohe mai oe," i hooiaio loa mai ai o Ineka i kana olelo. "Hookahi wale no wahi i like ole ai o ka hana ame ka oni ana a kela kaikamahine me ka Monika; ua like no nae kela ano hooio; ua ike au i ka'u mea e kamailio aku mai ana aia ka ehaeha iloko o kona naau ia manawa a i mai la o Rekinala, ma ka pule wale aku la no i hala." "Ua halawai oe me Monika ma ka puke aku la i hala! He mea oiaio anei ia?" i hooikaika mai ai o Auguseto i kana niele ana. "Ae; he oiaio loa keia; ua ike au iaia a ua kamailio pu; ua ike mai oia ia'u a ua kamailio mai me ke kahea ana mai i kuu inoa a mahope iho ua hoi aku oia me ka awiwi loa a kau iluna o ke kaalio a holo aku la mamua o ka hiki ana ia'u ke kamailio hou aku iaia," i hooiaio ae ai o Ineka i kana ike ana. Ia wa huli ae la o Auguseto e kamailio me kekahi hoaloha ona. Mahope iho ua loaa kekahi wahi kupono loa ia Auguseto e hakilo aku ai i ka helehelena o ke kaikamahine i manao ia o Monika ia me kona ike ole ia mai. (Aole i pau,) | |
