Ka Nupepa Kuokoa, Volume LXVI, Number 8, 24 February 1927 — HOOKUI HE MAU HAUMANA O KE KULA NUI O HAWAII ME KE KAA OTO [ARTICLE]

HOOKUI HE MAU HAUMANA O KE KULA NUI O HAWAII ME KE KAA OTO

la Maxwoll Kandolph o ke alanui Magazine ame kona koolua o S. Kimura o ke alanui Kalia e holo ana maluna o ke kaa motokaikala ua hookui aku la ko laua kaa me ke kaa otomobile e holo mai ana a e kalaiwaia ana e Le Roy Eolk ma kahi kokoke i ke kihi o na alanui Alapai ame Beretania, a eha loa, a no ia jha i laweia mai ai i ka halema'i o na poino ulia a mahope iho i hohoiia aku ai i ka halema'i Moiwahine. O ka Makai Frank Silva ka mea nana i ninaninau pono i keia hookui ana; ma kana hoike o ka hoihoi ana ae i ka halewai ma Waikiki mai ko Folk kaa e holo mai ana no ke kaona, a e holo aku ana hoi na opio, he mau haumana no ke kula nui o Hawaii, no ko Kuea Kamaki, a i ka hiki ana ma kahi kokoke i ke kihi o na alanui Alapai ame Beretania, a oiai na opio e holo aku ana mawaenakonu o ke alauuihao ua hookuiia mai 'm laua e ke kaa otomobile o Folk e holo mai ana me ka ike mai no i na opio e holo aku ana. Ma ka Folk hoakaka imua o ka Makai Silva no ke kupale ana nona iho, no ka hiki ole ana ka ' iaia ke hoopaa i ka holo o kona kaa ke kumu o ka hookui ana, a no ia kumu i kauoia mai ai na opio a ma kahi 118 kapuai ka mamao mai kahi mai o ka hookui ana a i kahi i paa ai ke kaa. Ma ka po o ka Poaono i hala aku la kela hookui ana. He moku hohonu ma ka uha akau ko Kimura o no Bandolpho hoi, ke keiki e kia ana i ko laua kaa, me he mea la ua nahaia kona poo, me ka nui pu o kekahi mau eha maloko o kona kino. Aohe i hopuia na kalaiwa a elua.