Ka Nupepa Kuokoa, Volume LXVI, Number 8, 24 Pepeluali 1927 — Page 6

Nupepa Kuokoa

KE KILOHANA POOKELA KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA
SOLOMON HANOHANO, LUNAHOOPONOPONO,

EONO NUPEPA KUOKOA, HONOLULU, T. H. POAHA, FEBERUARI % 1927

kalohe nui wale i na waa o ke'lii." Ia wa ku ana o Pikoiakaalala mailoko ao o ka hokeo ie me kaua pana pua iole, alaila, ike o Mainele ame na kanaka o Oahu aku nei he kanaka koloko o ka hokeo ie, a he mea kahaha ia i ka manao o ke'lii Keawenuiaumi ame kona mau ohua i keia keiki a ke kanaka maikai, ua lilo ia i mea e nuneia ai ko ia nei ana, no ka mea ua ikeia ka hokeo ie he hokeo akua, o ka mea apiki eia ka he keiki u'i koloko me kana pua pana, a olelo hoolauna mai la oia imua o ke'lii ame kona mau ohua.

"E ke'lii, ua makaukau kau kauwa nei e hooko i kou manao e ke'lii."

Olelo mai la ke'lii, "nou o ka opio kanaka u'i ko'u mahalo piha, ke make na wahi manu a ke kalohe nui na laua A hoopilikia mai i ko'u, noonoo."

Olelo aku la o Pikoiakaalala ia
Keawenuiaumi ke'lii: "E oluolu oe
i po'iwai, e lawe mai a malalo o
ke kumu o ke koa nei kukulu."

I ka laweia ana mai o ke po'i-wai aia o Mainele ke onioni mau la ua hele no hoi ia la kau ka ena i na maka, no ka mea ua maopopo loa iaia e ku ana na mano a e lilo ana na mea a ke'lii i hoopaa ai.

I ka makaukau ana o na mea apau ia wa pana o Pikoiakaalala; mamua o ke pana ana i na mana kulou iho la kona poo iloko o ke po'iwai, e nana ana i kahi i kau ai na wahi manu i ke kupono o ka pua aia kona mau lima ke kau pono la i kahi i makemakeia ai, oiai aia no o Pikoiakaalala ke nana la iloko

o ke po'iwai, iaia no ka ike ua ku-
pono e ku ai laua o ka hemo aku la
no ia o ka pua a ua keiki nei, me
he uwila la i anapu ae, aia hoi ua
ku na wahi manu a elua i ka ma-
nawa hookahi, a haule mai la laua

i ka honua uwa ae la ka lehulehu, a
e mahalo ana i ke akamai o ke
keiki a kiiia mai la o Pikoiakaa-
lala a laweia aku la imua o ke'lii,
a lilo mai la na kaikamahine alii,
kekahi hapa o ka mokupuni o Ha-
waii, lilo ne la o Kauakahi i kuhi-
na nui no Pikoiakaalala, ku'i ae la
ke kaulana o Pikoiakaalala, i ka
akamai i ke pana pua hilahila loa
o Mainele, hoi oia me kona kauma-
ha i Oahu.

(Pipi Holo Kaao ka Hopena.)

HE HOALOHALOHA NO CHRIST-
OPHER MAUI KAMAKEA

E hoomaikaiia ke Akua Mana Loa, Ke alii o na Alii ame ka Haku o na Haku, no ka mea ua oluolu Oia ma ka la 20 o Ianuari i hala, ma ka hora 10 a. m., i hookipa aku ai Oia i ka uhane makamae o kana kauwa o C. Maui Kamakea, a kanu iho la iloko

o ke kai uliuli, kulipolipo i kona
kino wailua, i home no ke kino ho-
nua, a hele hou mai ke Keiki a ke
kanaka ame na anela e puhi ana

i ka pu, e ala mai ai ko na ilina ame
ko ke kai hohonu, Walohia wale.

Ua naha ka pakeke ma ka punawai, ua moku ke kaula gula, ua hoi ka lepo i ka lepo ame ka lehu i ka lehu, na ke Akua i haawi mai a Nana no i lawe aku.

Ua hele kohana mai oia mai ka puhaka mai o kona makuahine a ua hoi kohana aku oia e hoomaikaiia ia ka Haku mana. He oiaio ua moe oe e Maui, o oe wale iho no iloko

o ke ko'iko'i, ke anu maeele, he miu
kupaianaha, aole he hoaloha, aole
na hoa laulima o ke kai hoene o
Waianae i ka Ia'i, aole olua e nu
kaikuahine, ka pokii, na keiki ame
na moopuna, aloha wale e!

Auwe ka ehaeha ame ka mokumokuahua, aole i mahu'iia, e hiki mai ana keia haawina koikoi ame ka ehaeha kupaianaha, Aloha, aloha e.

E Makua i ka kamaile lauili o Koiahi, ame ke onekani o Kaneana; Ko milimili e ua hala,

E ka uluniu o Pokai ame ka makau i Kaiaulu o ka Aina, ua nolo ko kama, ko pua laha ole, ua moe

i ke kai o Maili, auwe manaonao
wale, Nana no i haawi mai a Nana
no i lawe aku, e hoomaikaiia Kona
inoa, Amene.

Ua hanauia mai o C. Maui Kamakea mai ka puhaka mai o Kamakea (k) ame Sarai (w) ma Makua, Oahu, i ka la 20 o Dekemaba 1873, a ua piha iaia na makahiki he 53 me hookahi malama o keia ola ana.

He puuwaihamama, he leo hoa e hookipa ana i na mea apau, ka malihini ame ke kamaaina.

He hoahanau oia no ka Hui Aloha Lahui o Waianae, a he haumana no ka Ekalesia e Waianae. Ua haalele iho oia i kona mau kaikuahine aloha, he pokii, na keiki ame na moopuna e paiauma aku nona me ka ehaeha.

O maua na komile malalo iho ko haawi ae nei i ka maua hoomaikai i ka Haku Iesu Kristo me ka pule e lawe aku oia i na luuluu apau mai ka ohana aku, a e hookipa io aku oia i ka uhane o kana kana iloko o kona poli aloha me ka maluhia, Amene.

O nana iho o kou mau komite me
ka haahaa iloko o Kristo Iesu.
HARRY POE
J. J. MATHEW

HE MOOLELO HOONANEA NO
PIIKOIAKAALALA HE AIWA-
IWA MA KE PANAPUA.

(Hoopuka hou ia e J . K. Mokumaia)

MOKUNA II.
(Hoomauia mai.)

A haalele lakou i na pali hulaana, po a ao hiki, lakou ma Hilo a pae ma ke awa o Kaipalao; pii na mea apau ahiki i kahi o Keawanuiaumi, koe o Kauakahi me ka hokeo ie ana.

I aku o Mainele: "E pii kaua:"

Olelo mai o Kaukahi: "Aole au e pii ahiki kuu hokeo akua."

Ia lohe ana o Mainele, kauoha aku la o Mainele ia Keawenuiaumi i kanaka no ka hapai ana i ka hokeo akua i hiki ai iuka.

Kena mai la o Keawenuiaumi eha kanaka, amo aku la i ka hokeo ie ahiki i ka hale, olelo aku o Kaukahi ia Mainele:

'Aole kakou e pono ke noho ma ka hale hookahi me ke akua o kaua, e aho e olelo aku oe ia Keawenuiaumi i wahi hale nou ame ke akua o kaua no ka mea ua ike no oe i ka ihiihi o ko kaua ola ia ua pono ia i olelo aku la o Mainele ia Keawenuiaumi, i hale no ke akua o laua me Kaukahi; i ka lohe ana o ke'lii o Keawenuiaumi aohe i upuupu iho paa ka hale, me kona makaukau piha a hoi ae la o Kaukahi me ka hokeo ie.

O keia mau hana apau loa na
Pikoiakaalala wale no, i ole oia e
ikeia e Mainele ame na kanaka.

I ka lua o ka la o lakou ma Hilo pii o Keawenuiaumi me Mainele kahi o ke koa waa a na manu e hea ai, mo ka auamoia o ka hokeo ie. Ahiki pono lakou malalo o ke kumu o ua koa nei, noho kaawale aku la o Kauakahi me ka hokeo ie. Ia wa, ooki na kalaiwaa a Keawenuiaumi i ke kumu o ke koa kau ana na wahi manu a kahea ana

"Ee Keawenuia umi e aohe waa he puha! He waa ino he waa puha He waa hiki ole ke holo i ka moana."

Lohe na mea apau loa, hooma-kaukau o Mainele e pana, i ke pana ana o Mainele i ka pua aohe launa ae i na manu. Hana ke olokea, he alanui e pii ae ai a waena o ke kumu koa a pana ae, i ka makau kau hou ana o kona kulana, pana hou aku la o Mainele aohe no he launa ae i kahi a na manu e kau aheahe mai ana, hawanawana aku la o Pikoiakaalala ia Kauakahi.

"E ninau aku oe ia Mainele ame ke lii. Keawenuiaumi heaha keia ku ole o na manu. He pana ole ia paha i ka pua, ina paha e pana ia aku ku na manu."

A lohe o Mainele i keia olelo a Kauakahi, i mai la oia me kona huhu pu! "Aole no la hoi oe e pana ae; i ikeia ai kou akama aia no hoi ka manu ke kau mai la eia ka pua, pana ae no hoi" no ka mea ua hele maoli o Mainele a ulupuniia e ka huhu oiai ua piha pu me ka hilahila oiai ka lehulehu e nana mai ana ame ke'lii Keawe-nuiaumi ame kona mau ohua, ua piha pu oia me ke kahaha i ke ku ole ana o na wahi manu a ke ka lohe nui wale e kan hoolai mai ana me he la, e pahenehene mai ana ia Mainele ame ke'lii Keawenuiaumi no ka nui loa o ka huhu o Mainele

"Aole no hoi kou e pana ae; ma-lia o ku ia oe."

I aku o Kauakahi. "Ae e olelo ae au i kuu akua a nana e pana, malia o ku iaia na wahi manu a ke

HE OLELO HOOHOLO MAIKAI E KOKUAIA

He olelo hooholo hui ka i hookomoia ae iloko o ka hale o na
lunamakaainana o ko kakou ahaolelo kuloko, e ka Mea Hano-
hano Clement Gomes o Kauai, e koi ana e hookaawaleia i haa-
wina o kanalima kaukani dala, no ke kukulu ana i elua mau
kii keleawe no ke Keikialii Jonah Kuhio Kalanianaole, ma ke
ano i kiahoomanao na na makaainana o Hawaii nei iaia, ma
kona ano he elele na Hawaii nei i ka ahaolelo lahui, no na
makahiki he iwakalua i hala.

O keia kekahi olelo hooholo kupono loa, e pono ai e hooholoia ma keia kau o ka ahaolelo, he olelo hooholo hoi e haawiia ai na kokua ana e na hoa apau oloko o na hale kaukanawai a elua; no ka mea aole he hoike oi aku o ke kupono, no na hoomanao aloha ana a na makaainana o keia teritore, mamua

o ke kukuluia o kekahi mau kii elua; hookahi ma kona wahi

i hanauia ai, a hookahi ma keia kulanakauhale.

Elike me ka Moi Kamehameha I, ka mea nana i na'i i na paemoku o Hawaii nei, a hoolilo i hookahi, malalo o ka hoomalu ana a ka moi hookahi, ua hala oia me kana mau hana kaulana; ua palaka no na hoomanao ana no kela mau hana, iloko o ka noonoo o na hanauna hou e nee nei; aka nae, o kela kii keleawe e ku nei mamua pono mai o ke kahua o ka halehookolokolo, o ka mea ia nana i kukulu mau mai i kana mau hana ame kona ola ana iloko o ka noonoo o keia lahui kanaka ame na malihini e kipa mai ana i Hawaii nei i kela ame keia manawa: pela no auanei ka oiaio loa o ka hoomauia aku o na hoomanao ana no ke Keikialii Jonah Kuhio Kalanianaole, aole wale no ma kona kulana hoohaahaa me kona ano he hooilina i ka noho kalaunu o Hawaii nei, aka he elele lahui, a he wahaolelo no keia teritore no na makahiki he iwakalua.

Ma ka manawa i pauaho mai ai ke Keikialii Jonah Kuhio Kalanianaole i keia ola ana; a ma ke kau ahaolelo mua loa i noho mai, mahope iho o kona make ana, ua ike na hoa apau oloko o keia kau ahaolelo. i ka noho aie o keia teritore no ka Elele Kalanianaole, no na hooikaika pauaho ole ana i hana ai ma Wakinekona, no Hawaii nei; no ia kumu, i hooholo ae ai kela ahaolelo i kekahi ukuhoomau no kana wahine kanemake.

He hoike no kela a ka ahaolelo i hana ai, no na hoomanao aloha a na makaainana o keia teritore, no ka Elele Kalanianaole; o ka hoike oi aku nae o na hoomanao e pono ai. e ku aku no ka manawa mau loa, o ia no ka makemake ame ka iini maoli maloko o keia olelo hooholo.

Ke haawi nei keia pepa i na mahalo ame na hoomaikai kiekie ana i ka Mea Hanohano Clement Gomes o Kauai, no ke kaa ana iaia, o ka waiho ana ae i kekahi olelo hooholo o kela ano, he hoike maoli ana mai la, aia no iloko ona ame kuna lahui ka he hoike maoli ana mai ia, aia no iloko ona ame kona lahui ka ka pono o na makaainana o Hawaii nei a no ke kulana holomua hoi o keia teritore.

Me kona mau hoa kaukanawai, mai ka Mokupuni mai o Kauai. ka mokupuni i hanauia mai ai ka Elele Lahui Kalanianaole; e lilo i hana na lakou apau ka hooikaika ana me na manao lokahi, e hooholoia keia olelo hooholo; ma ia ano auanei e hooiia ae ai ke kaulana o ka Paka Hoomanao Kuhio i kapaia ma kona inoa; a e kau pu ai hoi na mahalo ana mai a na makaainana koho baloka maluna o lakou.

Eia no ke makamaka mau nei na hoomanao ana no ka Elele Kalanianaole iloko o ka noonoo o na makaainana o keia teritore; no keia kumu, a no na kumu lehulehu e ae he nui aole keia pepa i ike i kekahi mau ku-e ana mai a na hoa hanohano o kekahi mau mokupuni e ae o Hawaii nei, no ka hookaawaleia he haawina dala no ke kukulu ana i mau kii keleawe elua.

Aole nae no ka mahaloia mai, a no ke ka ana paha o ka hanohano i ka mea nana ka olelo hooholo hui i hookomo ae, ka manao nui o keia hoakaka manao ana, aka no ka haawi ana aku i na apono ana ma ka aoao o keia pepa, o. keia kekahi o na hana kupono loa, a kilakila no hoi na ko kakou ahaolelo e hooholo ai; no ka ukali ana aku mahope o ka mea a keia aupuni i hana ai, no ka Moi Kamehameha.

Maloko o ka Halema'i Moiwahine ma ka hora eha a oi o ka auwina la o ka Poakahi iho nei i pauaho mai ai o Joseph Kalaualii o ka aina hoopulapula o Hoolehua i keia ola ana, mahope o ke kaama'i ana no kekahi mau pule kakaikahi, a ma ka mokuahi Likelike o ke ahiahi o ka Poalua mai i hoihoiia aku ai kona kino wailua no ke kanu ana ma Molokai.

Ma ka Poakahi iho nei i hookomoia ae ai he bila iloko o ka hale o na lunamakaainana e ka Mea Hanohano John Viveiros o Kauai, e koi ana e hoopauia ka haawina ukuhoomau o $500 o ka mahina ia Mrs. J. Frank Woods, ka wahine mua a ke Keikialii J. K. Kalanianaole.

Ma ka hora eha o ka wanaao o ke Sabati aku nei i hala, a ao ae ka Poakahi, i hlapu ae ai ke ahi i ka hale o ka limanui o ka hui kanu halakahiki, California Paikini Co., ma Wahiawa ae nei a lilo kela hale i puulehu.

Nuhou
Kuloko

O Maxwell Randolph, kekahi o na haumana o ke kula nui o Hawaii i hookui ai me ka kaa otomobile a Le Roy Folk ma kahi kokoke i ke kihi hookui ai me ka kaa otomobile o Le o na alanui Alapai ame Beretania kona kokoolua e holo ana maluna

o ke kaa motokaikala, a i hoihoiia
aku ai i ka halema'i Moiwahine, ma
ka hora 2:20 o ka auwina la Poalua
nei ka make ana.

Hoomaha na hale a elua o ka aha-
olelo kuloko a pela me na hale au-
ma ka po Sabati i ka wa ana ame
hoomanao ana i ka la hanau o Keoki
Wakinekona ma ka Poalua nei.

Iloko o na la ekolu a na hale a elua o ka ahaolelo o ka noho ana he 29 mau bila a ke senate i hookomoia ae a he 61 a ka hale ame elima mau olelo hooholo. Elua bila a ka hale

i holo i na hale a elua a hookahi a
ke senate.

puni apau ame ka lehulehu no ka laweia ana o na hana o na hale a Holomua me ka lokahi ka laweweheia ana, hookahi hora wale no ka noho ana o na hale a elua a hoopaneeia mai a ka hora 10 o ka elua o na la hana.

Mamuli o ka make ana o ka Lunamakaainana Levi L. Joseph o na mokupuni o Maui, he koho baloka kuikawa ke malamaia ana maloko elua o ka aholelo ma ka la mua o ka kuahaua koho baloka a ke Kiaaina e puka aku nei ma kekahi wahi o keia pepa.

Hanohano ka hoolewa o ka lunamakaainana i make Levi L. Joseph

o ka malamaia ana ae e na hoa o ka
ahaolelo m ke Sabati iho nei ahiki

i ka hoomoeia ana aku maloko o ka
Ilina o Kawaiahao.

Me ka hana nui na makaikiu o ke alualu ana ahiki i ka paa ana o Herbert Peters, he paahao mahuka mai ka halepaahao mai o Oahu ma ka po o ke Sabati he pule aku nei hala, mauka ae nei o ke Awawa o Pauoa, a hoihoi hou ia aku i ka halepaahao.

Ma ke kelepa a ka mokuahi Matsonia o ke ku ana mai ma ka hora 6 o ka auwina la Poalua nei mai Kapalakiko mai me 183 mau malihini kaapuui ame 1328 mau ekeleka no Honolulu nei, o ia kekahi o na huakai a ia moku i komo mau mai ai iloko o ke ehuehu ahiki i ke ku ana mai i Honolulu nei, komo ke kai iloko o ka holo hooluana o ka moku.

O Norman K. Lyman ka lunamakaainana oi aku o na bila o ka hookomo ana ae i ka hale ma ka Poakahi iho nei he 13, a o na lunamakaainana Anderson ame Marcallino o Kauai, malalo aku ona.

Maloko o ka Halema'i Moiwahine ma ka hora eha a oi o ka auwina la o ka Poakahi iho nei i pauaho ma ai o Joseph Kalauahlii o ka aina hoopulapula o Hoolehua i keia ola ana, mahope o ke kaama'i ana no kekahi mau pule kakaikahi, a ma ka mokuahi Likelike o ke ahiahi o ka oalua mai i hoihoiia aku ai kona kino wailua no ko kanu ana ma Molokai.

Nuhou
Kuwaho

BERLIN, Feb. 16—O lvan Katoski, he 145 makahiki ke ola nei. O Olga Mariewa he 121 makahiki ke ola nei. O laua ka paamare kahiko loa iloko o ke ao e ola uei, pela ka oleloia. Ma ka po nei ko laua hoike ana ae no ko laua hoopalau no ka mare aku.

SAN ANTONIO, lei-. , Feb, 16— Elua mau mokulele o ka oihana ka-ua aina i hooku'i ma ka lewa maanei i keia la iloko o ka manawa e hoomaamaa ana i ka lele ana. O na Lukanela Benedict Coyle, J. Green ame C. Bartell na kanaka i make.

BOMBAY., Feb. 16—Ua ala hou ae he haunaele mawaena o na Hinedu ame na Moslem maanei i keia la. He eiwa poe i make ma Indore. Eia n koa Pelekane ke kiai nei ma na alanui o ia hoi na wahi e kokoke aku ana i na halepule a na Moslem. No na mokuahana hoomana mai no ke kumu ua ku-e loa na Moslem i ka paikau hookahakaha o na Hinedu ma kahi kokoke mai i ko lakou mau halepule.

SAN PEDRO, Cal., Feb. 17.—Me mokukaua lawehae West Virginia e alakai ana mamua he 17 mau mokukaua e lawe ana he 15,000 koa i holo aku ma ka po i hala no kokahi wahi mamao o 10,000 mile no ka hoomaamaa ana.

E komo aku ana keia aumokukaua mawaena o ke Alawai o Panawa a mahope o ka holo ana aku ma ke Kai Caribiana e holo aku ana no kekahi wahi mamao no ka Atelanika Akau.

SAN FRANCISCO, Feb. 18—Ma na hoike i loaa mai ianei ma ka pu nei no ka poe i make i ka ino o kekahi manawa kokoke aku nei i hala maloko o Kaleponi i houluuluia i loaa ai ka ike he 53 poe i make ia ino, aole ma Kaleponi wale no, aka ma Louisiana ame Misisipi pu kekahi

ASAHIGAWA, Japan, Feb. 19— Eia ke kulanakauhale o Asahigawa iloko o ka umii a ke anu ikaika loa nana i hoopaa i ka hele ana o ka uwaki i keia kakahiaka. Ma ka mea ana anu Thermometer, he 34.2 degere ke ana anu malalo iho o ka ole. Nui wale na manu liilii i pau i ka make no ka ikaika loa o ke anu.

TOULON, Feb. 20.—O ka mokuluu Palani La Grange ka i a ia e ke ahi o ka hoomaka ana ae e holapu maluna o ka moku ma ka po i hala. Ua ko'iko'i loa ka poino i loaa i na luina mamuli o ka wela ana i ke ahi.

LONDON, Feb. 20—He puulu o no Pake olohani i piha i ka huhu i hiki aku ka heluna i ka 1300 i lele kaua aku maluna o na wahi e hoonaluia ana e na koa Pelekane ma Yangodepoo ma keia la, elike me Ka hoakaka a kekahi lono kelekalapa mai Shanghai mai i ka London Morning Post. I kulike me ka hoakaka a ia lono ua pau loa ka poe olohani i ka hopuia e na makai o Shanghai, a ua pau loa ko lakou mau poo i ke okiia.

BERLIN, Feb. 20—Ma keia la iho la i malamaia ai no ka manawa mua loa iloko o na makahiki he 14 i hala ka hookahakaha paikau mua loa a ka Pualikoa Potsdam mamua o ke kenerala o ka oihana kaua. O ke Keikialii Oscar koluna o ke kahua e nana mai ana i ka paikau ana a na koa.


	HOOLEWA O KA HON LEVI L. Ma ka hora ekolu o ka auwina la Sabati nei i malamaia ai ke anaina haipule hope loa maluna o ke kino wailua o ka Mea Hanohano Levi Lemuel Joseph, maloko o ka Hale o na Lunamakaainana, ma Iolani Hale, malalo o ka hooponopono ana a ke Komite Kuikawa i waeia e ha Lunahoomalu o ka Hale Clarence H. Cooke, a i noho lunahoomalu ia e ka Mea Hanohano Manue. G. Paschoal, ka hoaloha pilipaa o ka mea i hala, a ma ka hapalua o ka hora ekolu i laweia aku ai kona kino wailua no ka pa ilina o Kawaiahao a hoomoeia aku la ma ka aoao o kona mau makua i hale e aku i ka po. Ma ka hora eono o ke ahiahi Poaono o ka pule aku la i hale i weheia ae ai kona kino imua o ka lehulehu ma ka hale kupapau Silva, a ua hoea ae he nui a he lehulehu o na hoaloha ame na makamaka no ka ike ana i kona kino wailua me ke kukiai pu ia ana o kona kino e na lala o ka Ahahui Lunalilo, a ma ka hora umi-kumamakahi o ke kakahiaka Sabati ae i hoihoiia aku ai kona kino ma ka halealii ma Iolani Hale maloko o ka Hale o na Lunamakaainana. Ua hoea ae malaila kekahi mau keiki himeni o ke Kula Kamehameha, a ua meleia mai kekahi mau	JOSEPH MA KE SABATI NEI ule nani me ka ilihia nui. Ua hoo- ma pu ia ae kekahi mau aliikoa o ka Pualikoa Kumau o Hawaii nei malaila no ke ku kiai ana i kona kino ma kela auwina la. Ma ka hapalua o ka hora ekolu i laweia aku ai kona kino no ka ilina o Kawaiahao, i alakaiia e ka Bana Hawaii malalo o ko alakai ana a Mr. John Amasiu, ka Ahahui Luna- lilo, Court Camoes, ke Kiaaina Far- rington, ka Lunakanawai Kiekie Perry, ka Lunahoomalu o ka Hale o na Lunamakaainana Clarence H. Cooke, ke kaa o ke kino wailua o ka mea i haia, me na hapaipahu ha- nohano Evan da Silva o Hawaii Hi- kina, Emil M. Muller o Hawaii Ko- mohana, Manuel O. Paschoal o Ma- ui, Mark A. Robins o ka Apana Eha, Ned Chillingworth o ka Apana Elima, Oahu, ame Clement Gomes o Kauai, ka wahinekanemake ame na keiki a o na makamaka ame na hoa- loha mai. O keia kekahi o na hoo- lewa hanohano i ikeia no na maka- hiki loihi i hala ae nei a o ka ekolu hoi o na makaainana i waihoia na kinowailua maloko o Iolani Hale. Ua haalele iho ka Mea Hanohano Levi L. Joseph i kana wahine, Mrs. Mary Sniffen Joseph, me na keiki he eiwa, he elima mau keikikane a he eha mau kaikamahine, he kaikuaana a he kaikuahine ame na moopuna.


	NA HANAU Na Mr. ame Mrs. William Auld Ka- hai, he kaikamahine, Feb. 3. Na Mr. ame Mrs. Solomon Kalima, he kaikamahine, Feb. 7. Na Mr. ame Mrs. Peter Kauhi Pe- terson, he kaikamahine, Feb. 8. Na Mr. ame Mrs. Joseph Luke, he keikikane, Feb. 11. Na Mr. ame Mrs. Henry Aki, he kaikamahine, Feb. 12. Na Mr. and Mrs. John Edward An- derson, he kaikamahine, Feb. 12. Na Mr. and Mrs. Benjamin Kaluhaekai Jr., he kaikamahine, Feb. 14. Na Mr. and Mrs. Purdenson Dung he kaikamahine, Feb. 14. Na Mr. ame Mrs. Benjamin Keliiholokai, he kaikamahine, Feb. 14 . Na Mr. ame Mrs. Thomas K. Hennesen, he kaikamahine, Feb. 14. Ma ka hora eha o ka wanaao o ka Sabati aku nei i hala, a ao ae ka Poakahi, i holapu ae ai ke ahi i ka hale o ka lunanui o ka hui kanu halakahiki, California Packing Co., ma Wahiawa ae nei a lilo kela hale i puulehu.	NA MAKE Levi L. Joseph, ma ke alanui Kea- lakai, Feb. 15. Kealoha, ma ke alanui Kaloko, Feb. 17. Martha Harold Smith, ma ka hale- ma'i Moiwahine, Feb. 18. William R, Cullen, ma ke alanui McCully, Feb. 18. Alberts Kamelani Hoke, ma ka hale- ma'i Kepani, Feb. 18. Kakalina Kalohi, ma Kalihi-uka, Feb. 18. Kalani W. Castro, ma ka Halema'i Moiwahine, Feb. 18 . Joseph Kalanalii, ma ka halema'i Moiwahine, Feb. 21. Ma ka Poakahi iho nei i hookomoia ae ai he bila iloko o ka hale o na uluamakaainana e ka Mea Hanohano John Vivereiros o Kauai, e koi ana e hoopauia ka haawina ukuhoomau o $500 o ka mahina ia Mrs. J. Frank Woods, ka wahine mua a ke Keikialii J. K. Kalanianaole.

KA MOKULELE MA KA HUAKAII KAAPUNI IA OAHU NEI ME NA OHUA MA KE KAKAHIAKAO KA POALIMA AKU NEI I HALA


Mai ka aoao Elua mai. B. H. 6.— E hookaawale ana i $10,-000 no ka hana hou o ka Paka Waimea, ma Waimea, Kauai. — Marcallino. B. H. 7.— E hoololi ana i ka mahele 2 o ka Pauku 3814, o ka R. L. o ka 1925, e pili ana i ka hookuu ana i ka poe i palua ke ku i ka hewa ma na palapala hiki ke hooliloia.— Vitousek. B. H. 8 — E hoopau loa ana i ka Pauku 1331-B o na R. L. o ka 1925, elike me ia i hooholoia e ke Kanawai 192, o ke kau o 1925, e koi ana i kekahi palapala hoike auhau ma ke ano he kahua no ka hookuuia mai ka auhau ae.— Vitousek. B. H. 9 — E pili ana i ka hookaulike ana i na waiwai no ka auhau ana a e hoakaka ana no na papa hookaulike auhau mahele. — Vitousek. B. H. 10— No ke kukulu ana i halekula kiekie junior ma Kalihi-kai, Honolulu.— Akana. B. H. 11— E hookaawale ana i $25,000 no ka uku ana aku i ka poe hookaa auhau ka poe i hooleia ka hookuu ana mai ka auhau aku, no ka ^ana ole ana i papa hoike auhau a waiho ae i ka luna uahu, o ka 1925.	— Anderson. B. H. 12.— E pili ana i ka auhau ana i ka waiwai malalo o $50 i ku- pono ole ke auhauia aole no hoi e ohiia ka auhau no ia waiwai.— An- derson. B. H. 13.— E hoololi ana i ka Pauku 1331 o na B. L. o Hawaii o ka 1925, e hoakaka ana no ka hoo- kuu ana i ka auhau maluna o na halenoho.— Lyman. B. H. 14.— E hoololi ana i ka Pau- ku 4484 o na R. L. o Hawaii o ka 1925, e pili ana i ka bana o na limahana ma ka la Sabati a e ae ana i na halekuai liilii e kuai aku i na mea kupono ma na la Sabati. — Anderson. B. H. 15. — No ka hoolako ana i halehana kukui uwila ma Hanapepe, Waimea , Kauai.— Marcallino. B. H. 16.— E ae ana i ka papa hoo- naauao e hoomau aku i ka malama ana i 10 mau kula ao i na bebe ma- loko o ke Teritore, a e hookaawale ana i $86,00 no ia mau kula.— Ewaliko. B. H. 17. — E kau ana i ukupaa o $3 no ka la no na limahana alanui ame na limahana e ae o ke Kalana o Maui.— Sniffen.	B. H. 18.— E hoomahuahuaia ae ka uku la o na kiure i $4 no ka la.— Sniffen. B. H. 19.— He bila e koi ana o na hoa o ka papa lunakiai o Kauai e kohoia ana he poe noho paa lakou naloko o ko lakou mau apana pakahi a mailaila mai lakou i kohoia ai.— Marcallino. HE HOOMAIKAI Ma keia , ke haawi aku nei makou i ka makou mau hoomaikai palena ole i ke Kiaaina o Hawaii nei, Wal- lace R. Farrington, ka Lunakanawai Kiekie Perry, i na lala apau o ka Ahaolelo o Hawaii nei, i na lala o na Ahahui Lunalilo ame Court Ca- moes , na lala o ka Ahaolelo Manuel G. Paschoal, Emil M. Muller, Evan da Silva, Mark A. Robinson, Ned Chillingworth, Clement Gomes, Jr., ame Joe Ordenstein, i ka Pualikoa Kumau o Hawaii nei, na makamaka ame na hoaloha, no na hana aloha ame na makana pua nani i panaiia mai iloko o ko makou mau hora hope o ka luuluu. NA KA OHANA O KA MEA I HALA LEVI L. JOSEPH.