Ka Nupepa Kuokoa, Volume LXVI, Number 7, 17 February 1927 — Page 2

ELUA NUPEPA KUOKOA, HONOLULU, T. H. POAHA, FEBERUARI 17, 1927


	HOLOPONO OLE KA MANAO PEPEHI I KANA WAHINE O ka manao o kekahi kanaka pu. pule nona ka inoa o John Rego, e pepehi i kana wahine a make, ua hoopuhiliia ia, mamuli o ka loaa o ana aku o ka ike i ka oihana makai, no kela hana, a paa mua oia i ka hopuia, mamua o ka hiki ana iaia ke hooko aku i ka manao hoopoino i ke ola o kana wahine. Ma kekakahiaka o ka Poaono aku nei i hala, i holo mahuka ai o John Rego mailoko mai o ka halepupule, me kela manao, e hoi aku no kona hale, a pepehi i kana wahine; elike me kana i hoakaka aku ai mamua, o kona mahuka ana mai ka halepupule aku, i kekahi pupule e aku. Mamua o kona haalele ana aku i ka halepupule, ua hoolako o John Rego iaia iho me kekahi pahi, a huna maloko o kona kuka; aole nae i holopono kela manao hoopoino ona i kana wahine, no ka mea, ua lilo kona hoike mua ana i kana meahuna i kekahi pupule okoa aku, i kumu e hoopahu'aia ai kona makemake. Ia John Rego ka i haalele iho ai i ka halepupule, ua hoikeia ae la ka hana ana i hoolala ai e hooko aku, no kela kumu, i hoikeia mai ai ka lohe i ka oihana makai, e makaala i ka pupule mahuka. Ua hoounaia ka Makai Thomas Kekua e ke Kapena Lawrence Too-mey o ka oihana makai e hoomakakiu ia John Rego, ma ka hakilo ana i na kaa uwila apau o ke alanui Moi. He oiaio, ua hooko aku ka Makai Kekua i kana hana, a he hookahi hora mahope iho o ka haalele ana aku o John Rego i ka hale- pupule, ua paa aku la oia i ka ho- puia maluna o kekahi kaa uwila, ma kahi kokoke i ke kahua kinipopo ma Kamoiliili, a hoihoi hou ia aku no ka halepupule. HOOLAHA I KA POE PAA AIE Mamuli o ka hookohu pono ia ana mai o ka mea nona ka inoa malalo iho nei i kahu no ka poo paa aie ame ka poe paa mahele o ka Ho-nolulu Military Academy, he ahahui Hawaii, i hoopauia ma ke kauoha, a ka Puuku o ke Teritore o Hawaii ma ka la 4 o Feberuari, 1927, ma keia ke haawi aku nei i ka hoolaha i ka poe paa aie apau o ka ahahui i oleloia e waiho mai i ka lakou mau koi iaia, ke kahu i	oleloia, ma na Keena Walters, Ala- nui Uniona, Honolulu, iloko o ka- naiwa (90) la mai ka la aku o ka hoopuka mua ia ana o keia hoolaha o hoole mau loa ia aku no. Hanaia, Feberuari 11, 1927. LEOPOLD G. BLACKMAN, Kahu no ka poe paa aie ame na lala o ka Honolulu Mi- litary Academy. Prosser, Anderson & Marx, Na Loia no ke Kahu i oleloia, 507 Stangewald Bldg., Honolulu, T. H. 6450-Feb. 17, 24; Mar. 3, 10, 17. HALE O NA ALII O HAWAII (Ahahui Poo) E malamaia ana ka halawai ku- mau o ka (Ahahui Poo) o ka Hale o Na Alii o Hawaii, na ka Moose Hall i keia Poalima, Feberuari 18. 1927, ma. ka hora 7:00 p. m. Ma ke kauoha a ka Iku Hai, LOUISE AKEO, Iku Kau. 6450— Feb. 17. HOOLAHA. Hale o na Alii o Hawaii. Ke kauohaia aku nei na Alii Nuu- pule ame na Mamo Alii e akoakoa ae me ka aahu piha ma ka pa ilina o na alii ma Nuuanu i ka hora 10:00 o ke kakahiaka Lapule, Feberuari 20, 1927, no ka malama ana i ka haipule hoomanao o ka Ohana Alii Kalakaua. Ma ke kauoha a ka Iku Hai. MISS LOUIS AKEO. Iku Kau. 6450— Feb. 17. HOOLAHA I KA POE PAA AIE Ke haawiia aku nei ka hoolaha ma keia ua hookohuia mai ka mea nona ka inoa malalo nei i kela la i kahu malama waiwai no ka Poe Paa Aie ame ka poe Paa Kuleana o ka POND COMPANY, Ltd. Ke haawiia aku nei ka hoolaha ma keia i ka poe apau a ka hui maluna ae i aie ai, ina he poa ke- kahi, e waiho koke mai i ka lakou mau koi i ka mea nona ka inoa ma- lalo nei ma kona mau keenahana, ma ke kihi o na alanui Beretania ame Alapai, ma ka la a mamua ae o Aperila 21, 1927, a i ole pela e hoole mau loa ia aku no ka la- kou mau koi. (Sig.) P. M. POND Kahu malama waiwai no ka poe paa aie ame ka poe paa kuleana o ka Pond Company, Ltd. 6445-Jan. 27, Feb. 3, 10, 17.

HAALELE MAI KA HON LEVI
L. JOSEPH l KEIA OLA ANA

Mahope o ke kaama'i ana no ke-
kahi mau pule lehulehu ae nei i
hala, i pauaho mai ai ka Lunama-
kaainana Levi Lemuela Joseph i
kela ola ana ma kona home mauka
ae nei o ke alanui Kealakai ma
ka hora eha o ka wanaao o ka Poa-
kahi iho nei a ao ae ka Poalua,
he la mamua ae o ka weheia ana o
keia kau o ka ahaolelo kuloko.

Ma ka auwina la o keia Sabati iho o malamaia ae ai kona anaina hoolewa maloko o ka hale waiho kino make o Silva a maloko o ka pa ilina o Kawaiahao e hoomoeia aku ai kona kino wailua.

No ke komo pu ana iloko o na hana hoomanao no ke kino wailua o ka Lunamakaainana L. L. Joseph, e hoea ae ana na hoa o ka ahaolelo pela na ohana na hoaloha ame na makamaka he nui o ka mea i hala, a e ukali pu aku ana lakou i kona huakai i hoolewa no ka ilina o Ka--waia^ao.

No kekahi mau pule lehulehu i loohia ai ka Lunamakaainana Joseph me ka ma'i ma Molokai me kona hoihoiia ana noloko o ka halema'i o Ualapue e lapaauia ai, aka no ka loaa ole mai o ka oluolu iaia i hoihoi loa ia mai ai oia no Honolulu nei kahi nui o na kauka akamai, eia nae aole no ia he ku-mu e hoopakeleia ae ai kona ola.

Ua loaa no ka oluolu liilii iaia i kekahi manawa, a ma ka la mamua aku o kona pauaho okoa ana mai i keia ola ana he maikai no kona ano me ke kamailio no me kona mau hoaloha, eia ka auanei he maikai hoomala'e wale no, a ua lilo i mea hookaumaha aku i kona mau hoaloha lehulehu, ka lono i pahola ae ma ke kakahiaka o ka Poalua nei no kona pauaho ana mai i keia oia ana.

Ua hanauia ka Hon. L. L. Joseph ma Kipahulu, Maui ma ka la 12 o Mei 1872. nolaila ma kona manawa i haalele iho ai i keia ola ana, ua piha iaia na makahiki he 54. eiwa mahina me na la ekolu.

Ma Kipahulu Maui, i hoohala nui ai ka Hon. Joseph i kona ola ana me ke komo ana e lawelawe ma na oihana like ola a no kekahi mau kau lehulehu i koho mau la ai oia i hoa noloko o ka hale o na lunamakaainana o ka ahaolelo kuloko mai ka makahiki 1907 mai; a oia no kekahi o na lunamakaainana mai Maui mai i keia kau, aka na ka make i hoohakahaka iho i kono nonoho maloko o ka hale.

Ua noho hana oia ma ke ano he makai na Maui, he hope makai nui no kekahi mau makahiki, a ua noho hana aku no na hui mahiko, a he makahiki wale ae nei no i hala i hoi aku ai oia a noho ma Molokai.

Ma ke ano he hoa noloko o ka hale o na lunamakaainana, i hoaka- ka ae ai ka Hon. M. G. Paschoal, o ka Hon. L. L. Joseph kekahi kanaka hiki ke hilinaiia, no ka mea wahi ana ma na hana apau oloko o ka ahaolelo, i ike maoli ai no o Joseph i ka pololei, e hooikaika ana ia ma na ano apau me kona maka'u ole; a i kona manawa no e ike ai ua kuhihewa paha oia ma kekahi mau mea, aole oia e hoopaakiki ana i kona manao, aka e ae okoa mai ana oia i kona kuhihewa, a komo mai la e kokua me ka poe ma ka aoao pololei. Kohe Baloka Kuikawa

No kela pauaho ana mai o ka Hon. L. L. Joseph i keia ola ana, he iwakalua-kumamaiwa wale no mau hoa oloko o ka hale o na lunamakaainana i hoea ae ma ka weheia ana o ka ahaolelo ma ke kakahiaka o nehinei, a i kulike ai me ke ka-nawai, i hoomakaukauia no na pilikia o keia ano, e malamaia ana he koho baloka kuikawa ma Maui no ka hoopiha ana i ka makalua i hoohakahakaia iho, mamuli o ka make ana o Joseph.

No kela koho baloka kuikawa i hoopuka ae ai ke kiaaina he kuuhaua ma nehinei; a e hala ana he kanaha la, mamua o ka malamaia ana o kela koho baloka nolaila o ka mea e kohoia ana a puka ma kela koho baloka oia ke pani ma kahi o Joseph: a no na la he iwakalua wale no oia e noho mai ai iloko o ka ahaolelo, mamua o ka hookuu loa ana o na hana o na hale kaukanawai a elua no keia kau.

Aole he koho baloka wae moho o malamaia ana ma keia kuahaua kuikawa aka he koho laula wale no a ua hiki i kela ame keia mea e makemake ana e holo i moho, ke

Ka Hiona Keia o ka Weheia Ana o ke kii o ka Lede o Loudes Maloko o ka Pa o ke Kula o na Kaikamahine ma Kaimuki o ka Hoomanaoia Ana ma ke Sa-
bati Aku Nei i Hala.


home, me ka hoopihoihoiia ame ka makau nui o na kanaka ma na wahi i hoopoinoia e ke olai, no ka hoo- naueue hou ae o ke olai. Lehulehu na kanaka i hoikeia mai ma Alban- ian ua pau i ka make. Ma na kulanakauhale o Trieste ame Naple maloko o Italia ka oi aku o ka ikaika o ke olai, aka nae, aohe nui o na poino maloko o ia mau ku- lanakauhale i hoikeia mai. O kekahi mau kulanakauhale e aku maloko o Italia i ike i ka ikaika o ka kaua a ke olai, o ia o Bard Ta- ranto, Aneona ame Macerata. Nui ka poino ame ke poho o na waiwai ame na ola i hoikeia mai ianei mai Bosina ame Herzagavina mai. Halana Ia Na Mokuaina Pili Ka- Paki E Ka Wai NU IOKA, Feb. 14— Ua halana- ia ka ainapuniole o Amerika e ka wai a ka na ame ka makani i hele pu mai i keia la. O na kapakai ma ka Atelanika, ke Kaikuono o Mekiko ame ka Pakipika ua halanaia o ka wai e like me ka hoike a ka lono mai kela a mai kela wahi mai o ka aina. Aohe mau pilikia koikoi oi aku i hoikeia mai ma o aku o ka hoohapa- kueia ana o na hana e hiki ole ai ke lawelaweia me ka holopono ame ka holo ana a na kaa ame ka poino ana o na waiwai i hoahuia maloko o na halelua o na halekuai. He eono mau haumana i hoehaeha- ia ko lakou manao mamuli o ka ino i lawe ao i ko lakou mau ola ponoi i keia la maloko o ka halekula nui ma na wahi like ole o ka aina. Ma keia la iho la ua hoomahuahua hou ia ae ka heluna o na haumana i make ma- muli o ko lakou lawe ponoi ana ae i ke ola, mai ka la mua mai o ka makahiki. Hookui Na Kaaahi LONDON, Feb. 14.— Mamuli o ka noe i uhipaa iho maluna o ka hapa- nui Enelani no na elua la i hala ua lilo ia i mea hoopilikia i ka hana ame ka hoomahuahuaia aku o ka piha loa o na awakumoku i na moku. Ma Withersen hookui kekahi kaa- ahi laweleka, me kekahi kaaahi lawe ukana ma Hull, Ewalu mau kanaka i make a he lehuhelu ka poe i eha. Ua piha ke kaaahi mai Withersen mai i na kamalii he nui wale. Lehulehu na moku i hookui ma- waho aku o na kapakai Enelani i hoikeia mai a ma Lloyd kahi pine- pine loa. O ka mokuahi Norewai Ras i hookui ai ma ka la aku la i nehinei me, ka mokuahi Sepania ua ili aku i kapakai mahope o ka i kaia ana me ka hiki ole ke kokua iaia iho ma ka po nei a ao. O na kanaka o ka mokuahi Ras ua hookauia aku maluna o ka mokuahi Sepania ma- mua o ka haaleleia ana o ka moku Norewai Ras. He 136 Poe I Make I Ka Hau He- hee TOKIO, Feb. 14.— Ma ka huli po- no ia ana aku o ka poo i make i ka hau hehee maloko o lapana i keia la i ikeia ni he 91 poe i make, a no ka poe i make i ke anu ma ka apana o Nigata he 25, a maloko o ka apana o Toyama he 20. Ua panikuia ka halewili pulupulu ma Fukui, o na koa i hoonohoia aku ai malaila no ke kokua ana i na kanaka ua hoi ae ma ko lakou wahi	mau. Ua loaa mai he lono e hoakaka ana ua emi loa mai na la k -meaai ma Sayama a ua haawiia ua hooikaika ana apau i hiki aK'U lii ka ai ia lakou. Ma kekahi manawa o ka hehee hou ana mai o ka hau ma Nigata he 27 mau hale i hiolo a he nui na poino i hoikeia mai Kanazawa mai. Ua pau ka hehee ame ko hiolo holomoku ana mai a ka hau, elike me ka hoike ma ka lono, a ke hoomaka la na kanaka e hana no ka hookaawale ana aku i na papa o na hale i hiolo. He 60,000 I Make I Ka Piva LONDON, Feb. 14.— He lono kelekalapa mai Cairo ae a i ka nupepa London Daily Express ke hoakaka ana na ka ma'i piva ame kekahi ma'i verminous i luku i na kanaka maloko o Soudan. Aferika, he 60,-000 mau ola i lilo aku ma ia mau ana ma'i. Ke mau mai la no ka laha ana a ia ano ma'i me ka pii hou ae o ka heluna o ka poe i make. Ke Pii Mau Ae La Ka Heluna o ka Poe I Make MELBOURNE, Australia, Feb. 14. — O ka heluna o ka poe i make i na wai halana ame ka makani ikaika ke Cyclone maloko o Queensland ke pii mau ae la no ka heluna. Ua hoikeia mai he lono mai Ingham mai, ma kahi kokoke i Cairns he 13 mau kanaka hana Italia i make i ka wai kahe holomoku. O na alanui maloo o ia apana ua piha i ka wai eono kapuai ka hohonu, a no ia kumu i hiki ole ai ke huli aku i ke koikoi o na poino. Ma ka lono i loaa mai ianei mai na aina kanu ko mai, e oi aku ana ke koikoi o na poho mamua o ka mea i manao wale ia i kinohi. No ke poho ma na waiwai ua koho wale ia me he mea la e hiki aku ana ma kahi o ka $5,000,000. Ua hoea mai ka poe kokua ma kahi o na poino i ikeia, a ke hooikaika nei lakou ma ka hana ana i mea e kokuaia aku ai ka poe i nele i na home ame ka poe i halawai me na ehaeha ma ke kino. UNUHI HOU O BAILEY I KA PALAPALA NOI I HALEKUAI Mamuli o kekahi mau hemahema i ikeia maloko o ka palapala noi mua no ke kukulu ana aku i kekahi halekuai lala, ma na alanui Koko Head ame Harding Kaimuki, i unuhi hou ai ka hui o Bailey ma, i ka lakou palapala noi, ma ka Poaha aku la i hala, me ka lilo ma'uwalo o ka hookahi haneri dala, i waiho pu ia aku ai me kela palauala noi. Ma ka manawa o ka waihoia ana aku o ka palapala noi me ke komisina, ua hoomaopopoia, ma kahi o ke kanawalu-kumamakolu pakeneka o ka poe i kakau i ko lakou mau inoa, he poe lakou e noho ana ma kahi kokoke mai, i ke kihi o na alanui i manaoia ai e kukulu aku i ka halekuai malaila, aka nae ma ka noii pono ia ana mahope mai, i loaa aku ai ka ike, he kanahiku. kumamakolu wale no pakeneka, ka pololei, o ka poe i kakau i ko lakou inoa maluna o ka palapala noi,	ua emi iho malalo o ke kanahiku- kumamalima pakeneka elike me ke kauoha a ke kanawai. Ua kokua nui ke kalapu hooholo- mua o Kaimuki, no ke kukuluia aku he halekuai ma na alanui Koko Head ame Harding, ma kekahi ha- lawai i malamaia mamua aku nei maloko o ka halekula o Kaiulani, me ka hoalaia ana mai no nae he mau ku-e ana mai kekahi poe mai, o ia ka hoihoi ana mai i na hale- kuai apau ma ke alanui Waialae. Ma ka aoao o ka poe i kakoo i ka palapala noi, ua olelo ae lakou, hoo- kahi ka kumu nui o ka makemake ole ana o kekahi poe o Kaimuki, e ku he halekuai okoa aku ma ke- kahi mau wahi, no ka makemake o kela poe, e hoopipii ae i ko kumu- kuai o ko lakou mau aina, ma Waia- lae. Ma ka aono nae o ka hui o Bailey, aole i pau ko lakou manao, no ke kukulu i kekahi halekuai, ma ke kihi o na alanui i oleloia ae nei, aka o hookomo hou ae ana no kela hui he palapala noi, no ka elua o ka manawa, ke loaa ka huina lawa pono, o ka poa e noho nei ma Kai- muki, i makemake e ku i'o he hale- kuai, e kakau maluna o kela pa- lapala noi hou. E HOI HOU AE ANA O PERRY POND MA KA KUAI AINA Ke hoolala mai la o Perry Pond o ka Pond Company, ka peresidena o ka hui Pond lawelawe ai i ka hana kuai kaa otomobile no kekahi mau makahiki, ma ke kihi o na alanui Moi ame Puowaina, a i nee aku ai no ke kihi o na alanui Beritania ame Alapai, e kukulu i keena oi- hana nona ma kekahi wahi o ke ka- ona, mahope o ka pau ana o kana hana me ka Pond Company i lilo aku na waiwai apau i kekahi hui okoa, ame ka hooponopono ana ma ke ono he kahuwaiwai no ka poe paa kuleana ame ka poe paa aie o ka hui. Ma ka po o ka Poalima aku la i hala ke kohoia ana o Perry Pond i lala no ka Papa Kuai Aina Hono- lulu, nolaila, i kona manawa e hoo- maka ai i ka lawelawe ana i ka hana kuai aina e lawelawe aku ana oia ma ke ano he lala no ia papa. O Pond kekahi o na kanaka ka- hiko i lawelawe i ka hana kuai aina maloko O Honolulu, lehulehu kana mau apana aina i kuai aku ai mamua o ka hoomaka ana o kekahi poe kuai aina e lawelawe ia hana. He mau makahiki lehulehu kona lawelawe ana ia hana mamua o ko- na haalele ana a hoomaka ka lawe- lawe ana i ka hana kuai kaa oto- mobile, a oiai ua lilo aku ka hui ana i hookele ai i ka hana i ka mea okoa, no ia keia hoi hou ae ona e lawelawe i ka hana ana i lawelawe mua ai. E alawa ae e na lala o ka Aha- hui Hale o na Alii o Hawaii; no ka hoolaha e puka aku nei ma ko- kahi wahi o keia pepa, no ka akoa- koa ana ae ma ka ilina o na alii mauka o Nuuanu, me ka aahu piha, no ke anaina haipule hoomanao no ka ohana o ka Moi Kalakaua, ma ka hora umi o ke kakahiaka o keia Sa- bati iho.	HALA KO MAKOU MAKUAHINE MA KE ALA HOI OLE MAI Mr. Solomon Hanohano, ka Luna- hooponopono o ka Nupepa Kuokoa; Aloha oe: — E noi aku ana au i kou oluolu, no kahi kaawale o ka kaua hiwahiwa, ka Nupepa Kuokoa, ka kaumaha mai Hawaii moku o Ke- hi, no ka hoike ana ae i ka lono kaumaha mai Hawaii moku o Ke- awe a Maui o Kama, a pau pu me ke one aialii o Kakuhihewa, a hoea Ioa mai hoi ia Kauai o Manokalani- po nei, o ko makou makuahine alo- ha, Mrs. Kanea losia, ua pauaho mai oia i keia ola ana, a hala aku la ma kela ao mao. Ma ka home o kana kaikamahine, Mrs. John S. Charman ma Niumalu, Lihue, i pauaho mai ai ko makou mama aloha i keia ola ana, ma ka hora elua o ka wanaao o ka la 29 a ma kona manawa i haalele mai ai, ua piha iaia na makahiki ma ka- hi o ke kanawalu a oi. Ua hanauia ko makou mama alo- ha ma Huleia, mailoko mai o kona mau makua oia o Kapuni kona ma- kuakane ame Loloia, kona makua- hine. He ekolu lakou mau kaika- mahine a ko lakou mau makua; ua hala aku nae kona mau hoa i ka make, a koe hookahi iho oia ma keia ao, ahiki wale no i kona haa- lele ana mai la i kana mau keiki ame ka ohana e uwe kumakena aku nona ma keia ao. Ua mare ko makou mama aloha ia Iosia Kaina, ko makou makua- kane, a mailoko mai o ko laua mau puhaka, i puka mal ai he ekolu makou kana mau keiki, owau o John Halemano losia, Mrs. S. Char- man ame Fredy losia, a mailoko aku hoi o makou, na moopuna kuakahi ame na moopuna kualua; ua hii no oia i kana mau moopuna me ka olioli. O na ano o ko makou mama aloha, i haalele mai ia makou, he oluolu, he lokomaikai me ka hoomanawa- nui, he mea nui makou kana poe keiki iaia ame kana mau moopu- na, ahiki wale no i ka pio ana o ke kukui o ke ola o kona kino. Ma ko makou aoao ko na keiki, ke haawi aku nei makou i na ma- halo ame na hoomaikai kiekie loa i na ohana, na hoaloha ame na ma- kamaka i komo pu mai me makou iloko o ko makou mau hora o ke kaumaha ame ka luuluu no ko ma. kou mama heleloa. Ke haawi pu aku nei no hoi ma- kou i ka hoomaikai, i ka Hope Ma- kai Nui Enoka Lovell, ame ka Rev. Charley Keahi, no ko laua komo pu ana mai iloko o na hana hooma- nao hope no ke kino wailua o ko makou mama aloha; a ke nonoi aku nei ia oukou apau, e lawe aku i ka makou hoomaikai kui'o mai- loko aku o ko makou mau puuwai; a na ko kakou Makua ma ka lani e haawi mai i na hoomaikai oi ae mailuna mai. Me oe e Mr. Lunahooponopono o ke Kuokoa ame kou maa keiki hoo- nohohua ko makou hoomaikai hope. o makou iho no iloko o ka luuluu. JOHN HALEMANO IOSIA, MRS. JOHN S. CHARMAN, FREDY IOSIA. Lihue, Kauai.

IKEIA KA MAKE MA NA WAHI

APUNI KA POEPOE HONUA

HOLOOKOA

Nui hewaewha ka poe i make i ka ino, ka wai halana ame ke olai ma na wahi lehulehu like ole o ke ao. No ka poe i make i na makani ikaika tonedo ame cyclone ame ka wai halana maloko o Cairns, ma Queens-land, Auseteralia, ua pii mahuahua hou ae mamua o ka heluna i hoike mua ia mai ai.

Koikoi na poho i hoikeia mai ma-muli o na hoonaueue oiai maloko o Bosina a ma Heragovina.

Na ka ua ame ka makini pu i ka manawa i hoolana wai i kekahi mau wahi o na kapakai o ka Moana Atelunika, ma ke Kaikuono, o Mekio a ma na kapakai o ka Moana Pakipika o Amerika Huipuia.

Lehulehu wale na ola i make maloko o Iapana mamuli o ka hau hehee a ke pii mau ae la ka heluna o ka poe make ia ino.

Aia kekahi ma'i lele ke laha a ke luku mai la i na kanaka maloko o Soudan, he 60,000 poe i make ia ano ma'i i hoikeia mai, a ke pii mau ae la no ka heluna o ka poe make: elike me ka hoakaka a ka United Press malalo nei e hoakaka ana penei:

BELGRADE, Feb. 14.—He mau haneri mau ola lehulehu i make i keia la i hoikeia mai mamuli o ka ikaika o na hoonaueue olai, nana i hoonaueue ae ia Bosina ame Herzagovina.

Ma ka hapa akau loa o ka Anemoku Balkan kahi i koikoi loa ka poino, elike me ka hoakaka a na lono piha pono ole o ka loaa ana mai ianei. Ua hoonaueueia na hale mai ko lakou mau kahua ae a hiolo, a he lehulehu na ola i make mamuli o ka paa ana malalo o na hale i hiolo.

Mamuli o na hoonaueue olai ma hiki ole i na kaahi ke holo, a no ka huli ana aku e maopopo ai ka nui o na poino he hana ia i hoao ia me ka holopono ole. No ka haawi ana aku i na kokua i ka poe maloko o na apana i hoopinoia e ke olai he hana hiki ole ia mamuli o ka poino ana o na alanui kaaahi, o poino pu me na laina uweaolelo kelekalapa. O Italia Kekahi I Hoonaueueia

ROME, Feb. 14.—Ua hoonaueueia ae e ke olai na aina ma na aoao a elua o ke Kai Adriatie. Lehulehu wale na kanaka i hooneleia i na

waiho ae i ka lakou mau palapala noi, me na inoa he iwakalu-ku-mamalima, o ka poe kupono i ke koho baloka, ame na dala a ke kanawai i hoakaka ai, no na hoolilo koho baloka. koho baloka.

l ka nana aku e nui ana na moho e holo mai ana no keia kau koho baloka kuikawa o Maui, mai na Repubalika a na Demokarata, o kekahi o kela mau moho, o lakou no na moho i haule ma ke kau koho baloka mau aku nei i hala.

E weheia ana ke kino wailua o ka Hon. L. L. Joseph no ka ike ana o ka lehulehu ma kahi waiho kino make o Silva, ma ka hora eono o ke ahiahi o keia Poaono, a ma ka hapalua hoi o ka hora ekolu o ka auwina la o ke Sabati ae e hoomaka aku ai ke ka'i ana o ka huakai hoolewa no ka ilina o Kawaiahao.