Ka Nupepa Kuokoa, Volume LXVI, Number 5, 3 February 1927 — MAKEMAKEIA E HOOPAU I NA AHA APANA O OAHU NEI Elua Mau Bila Kanawai i Hoomakaukauia no Keia Kau Ahaolelo e Hoihoi i ka Aha Apana ma Honolulu Nei Wale no [ARTICLE]

MAKEMAKEIA E HOOPAU I NA AHA APANA O OAHU NEI

Elua Mau Bila Kanawai i Hoomakaukauia no Keia Kau Ahaolelo e Hoihoi i ka Aha Apana ma Honolulu Nei Wale no

No »ka hoemi ana mal i na hoolilo, a no ka hoomaalahi ana mai i na hana o na aha hookolokolo, eia ka Lunamakaainana Q. P. Soares o ka apana eha, ke hoomakaukau mai nei he elua mau biia kanawai, no ka waiho ana ae iloko o ka ahaolelo e noho mai ana, hookahi o kela mau bila, e hoopau loa ana ia i na aha apana apuni o Oahu nei; a o ka elua o na bila, e hoamana ana ia, no ka hookohuia i elua mau lunakanawai kumau, no ka aha hookolokolo ma Honolulu nei, me ka maheleheleia o ka iaua mau hana. Hookahi o kela mau lunakanawai, iaia ka hoolohe ana i na hiliia karaima, a o ka hana hoi a ka elua 0 na lunakanawai, o ia no lohe ana i na hihia waiwai. E hookaawale pu ia ana he aha kiure, no ka hoolohe ana i na hihia mikamina, i kaokoa ae mai na aha kiure ae o na aha kaapuni, a ina he mau hoohalahala kekahi x na olelo hooholo, alaila e pii loa ana ia mau hoohalahaia i ka aha kiiekie, me ke komo ole iloko o na aha kaapuni. Me kela makemake e hoopau loa 1 na aha apana o na kuaaina aku nei ma keia mokupuni, e hoopau pu ia ana na hopo makai nui, na lunapaahao, a e hoemi pu ia mai aaa oa makai, ma keia ano iho la, e koe ana kekahi mau dala nunui o ke aupuni, aole hoi elike me ia e ikeia uei i keia manawa. I ka hoopauia ana aku o na hope makai nui o na kuaaina, e maheleheleia ana na apana eono e ku nei i keia manawa, iloko o ekoJu wale

no mau apana, a he kapena makai ke poo o kela amo kela apana, me na makai maialo aku o lakou. Ma ka hoakaka a ka Lunamakaaihana 6oares, no ke kumu o kona makemake ana e hoopau i na aba apana o na kuaaina, pela hoi me na hope makai nui mamuli no ia o ka maalahi ]oa o ka lawe aua mai i na lawehala no Honolulu nei e hookolokoloia ai. No ka hoopaa ana hoi i na lawehala ma na kuaaina, ahiki i ko lakou laweia ana mai i Houolulu nei e hookolokoloia. ai, wahi ana, ua lawa no i elua mau halepaahao e kukuluia. 0 na hoolilo o na aha hookolokolo apana eono ma keia mokupuni, no ka makahiki aku nei i hala, ua hiki aku ma kahi o ke kanaono kaukani dala, me ke komo ole ilōko o kela huina, na lilo no na hale hookolokoio ape na; haiepaahao; a o na loaa mai kela mau aha apana mai no ka makahiki i pau, ho $12,500 wale no; a ina no ka holo o ka hooloii i manaoia, alaila e koe ana ma kahi o ko kanalima kaukani dala o ka makahilu i ke aupuni. Ma ka oleloia, ua kakoo ikaika ka loio knlanakauhale i keia hooloii i manaoia, pela hoi me kekahi poe loio o keia kulanakauhaie, a ma ka. hoihoi ana mai i ka hookolokoloia o na hihia apau i Honolulu nei, e pau ana ka hiki ana i na loio apana ke ku ioiua o na aha, aka e kaa aku ana na hihia apau iloko o na lima, o na loio i loaa ka laikini piha, e ku ai imua o na aha hookolokolo apau.