Ka Nupepa Kuokoa, Volume LXVI, Number 5, 3 February 1927 — HE MOOLELO No FOLORA RIKEKONA A i Ole KE KOMOLIMA MARE POHIHIHI Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa. [ARTICLE]

HE MOOLELO No FOLORA RIKEKONA A i Ole KE KOMOLIMA MARE POHIHIHI

Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa.

Wu palapala kauoha e loaa aku ana la ia oe maloko o ka pahuhao maloko o kuu rumi waiho buke ma ka hale. Maloko o ia palapala kauoha a'u i hana nuia ai ua haawi au 1 kuu mau waiwai a pau no kuu kaikamahine, Monika, a o Apalabe, o Los Angeles, ka mea hooko kauoha a'u i koho ai. Eia nae, aia oia i Europa i nei manawa, a aole oia e hoi mai ana a hala j kekahi manawa i maopopo ole. j "Makemake au ia oe e kelekalapa aku iaia e hoike aku ana j ua make au, a ina no kona hoi mai, nana e hooponopono i na; hana a pau no'u, a he mea pono loa hoi ia ana e hana no ko Monika pono. *'Mamua o kona hoi ana mai, ke makemake nei au ia oe, e Auguseto, e kaa malalo o kau malama ana na mea a pau ma ka hale; o ke ki o ka pahuhao ma Los Angeles, mai noho oe a hoike iki aia ia oe, ina halawai o Apalabe me kekahi ulia, olelo aku oe ia Monika nana e koho ka mea ana e makemake ai no ka hooponopono ana i kona mau waiwai, a e ao pu aku oe iaia uie ka ikaika aole e ae ia Kalo Kini e komo mai e hokai iloko o na hana no ka hooponopono ana i kona mau waiwai, no ka mea, ua ike oe i kana mea i hana mai ai no'u i keia la. "Ua lohi loa keia ike ana iho nei o'u i kana mau hana kumakaia; eia ka, owau no, ka mea i hana maikai aku iaia ame kana kaikamahine, owau no kana e kumakaia mai, aka, ina no kuu ola aku a hala he pule mai keia manawa aku, e huaiia ae ana e a'u kana mau hana imua o ke akea. a ia manawa oia e ike iho ai i ka hopena awahia ame ka hoopa'i no kana mau hana ino." "E ae mai oe, e Mr. Kini, e hele koke ae au i kekahi loio i nei manawa, a hoike aku iaia i na mea apau a waiho aku iloko 0 kana hooponopono ana mai i na hana apau; hoike pu aku iaiā i ka hana kumakaia a Kalo Kini, ame kana hanaino loa 1 hana ai i keia po, a e kauia aku kekahi hoopa'i koikoi loa maluna o Kalo Kini i mea nona- e ike iho ai i ka ino o ka mea ana i hana ai," i noi aku ai ke kanaka opio me ke kuio loa, i ko Mr. Kini manawa i hooki iho ai. "Aole, mai hele aku oe, e Auguseto, no ka mea oia hana au e hana aku ai aohe maikai e loaa mai ana, no ka mea, aohe mea nana e hooiaio mai i kau, aohe oe i ikemaka i ka hanaia ana. mai a ? u aku nei wale no kou lohe, nolaila aohe au hihia e hiki ai ke ku-e a ke hoopii aku ia Kalo Kini. "Eia hou, aohe o'u makemake e līlo ke ola ana o Monika maloko o ke kula i mea hoopilikia aku i kona noonoo. No Ineka, he kaikamahine naauao oia, nolaila e hoomauia aku kona noho ana maloko o ke kula malalo o ko'u mau lilo ponoi ahiki i kona puka maikai ana mai, me ka hoihoi hope ole o'u i ka'u olelo no kona pono. "I kona manawa e puka pono mai ai e lilo aku oia i kumuleula e pono ai, a nana e malama nona iho, a o ka hookoia ana hoi ia o kuu makemake nona. "Eia hou, ua loaa ia'u kekahi manao hopohopo mamua aku nei, mamuli o ko Kalo Kini manao ino no'u, malia, e hana pu aku ana oia i ka mea e poino ai ka'u kaikamahine; aole oia « hoohakalia iho ana i ka hana ana aku i kekahi mea e poino ai ka'u kaikamahine, no ka mea, ua make aku la au. Aka e Auguseto, ke kauoha paa aku nei au ia oe e makaala loa oe ia Kalo Kini ame kana mau hana a pau; e maalea oe a e hakilo iaia me ka malu loa, e lilo pu ko Monika mau waiwai i mea nui nau e makaala ai, a ina e ike ana oe i kekahi hana kolohe a Kalo Kini, e imi aku oe ma na ano a pau i mea nona e hoopa'iia ai imua o kekahi aha hookolokolo. "ina e paa oia ia oe iloko o kekahi umii, mai hoohakalia oe i ka iniki aku iaia me ka ikaika loa, aia ka pono a paa oia i ka halepaahao no kekahi mau makahiki loihi, a i ole no kona ola paha. Mai hookaulua i ka lawe ana aku iaia imua o kekahi aha hookolokolo no ka panai ana aku iaia i ka ino no ka ino ana i hana mai ai no'u a i kona manawa e laweia aku ai imua 0 ka lunakanawai a imua hoi o ke kiure, ia manawa oe e hoike aka ai i na mea oiaio a pau ana i hana mai ai maluna o*u i keia PO. 'Ia manawa e lilo ai kau mau oleloike i mea koikoi aole i nei manawa, ia manawa e loaa ai iaia kona uku pololei elike we kana i hana ai. Eia hou, e Auguseto, e hoohiki mai oe i aei manawa e malama maikai loa aku ana oe i kuu kaikamahme, a mai ae iki oe e hanaia aku kekahi mea nona e poino ai, ina e hiki ana ia mea ia oe ke pale aku." **Ke hoohiki aku nei ou a imua o na lani me ka oiaio loa, e hooko pono aku ana au i na mea apau au i kauoha mai la/' i pane aku ai ke kanaka opio, a i mea hooiaio aku no kana hoohiki, kulou aku la oia a honi aku la i ka lima o ke kanaka e make aku ana e waiho kokoke mai ana no iaia. "Me ka mahalo ia oe, e kuu keiki, a e ike iho ana no be aole au i hoopoina ia oe. Ke hele aku nei keia manawa i ka poeleele loa, e Auguseto, a ke ike nei au ua kokoke loa mai ko'u hopena ma keia ao. Hoike aku oe i kuu kaikamahine, kuu mea aloha hookahi, a o kuu milimili hoi, o kuu noonoo hope loa nona wale no. Na ke Akua e hoopomaikai mai iaia. E Auguseto, oia aku ana kekahi kaikamahine hooilina wahine uuku waiwai loa maloko o keia mokuaina ma nei hope aku, 1 ka manawa e loaa ai iaia kona mau waiwai a pau " Oki pu koke iho la kana kamailio ana mai, a no elua a ekolu paha manawa-o kona nana ana ae, a pau loa iho la kona hanu ana. O Uilama Kini, ka ona maine waiwai, ua make. I ka maopopo ana ia Auguseto ua haalele mai la ka hanu ola iloko o kona haku, a o kona makuakane hoi, wahi ana e olelo mau ai mahope mai, ku ae la oia, hopu aku la i kana kukui, a hoomaka aku la ka hoi ana me ka awiwi loa mailoko aku o ka lua maine me ka mama a pau e hiki ana i kona mau wawae ke lawe aku iaia. laia i hoi aku ai iloko o ka hale mua loa 1 loaa aku iaia i hoike aku «i oia i kana moolelo walohia me na lehelehe haa-

lulu a haikeia loa, a e hapai pu aua ho.i kona umauma, elike j me ke. ano o ka mea i alualuia mai e kekahi mea a naenae aj aneane e pau ke aho; hoike aku la oia i ke kumu o ko Mr. j Kini hoi ole ana mai, a no ia kumu i iho okoa aku ai oia iloko 0 na luapao e huli iaia a loaa aku la oia iaia e waiho a make mai ana malalo o na kualaau ame kc ahua lepo ame na poha-l ku ma kahi o ka luapao kahiko i haaleleia ai, ua hiolo mai ia mau mea a paa loa oia malalo e hiki ole ai ke ku ae, a malaila oia i loaa aku ai iaia e waiho āna. I ka lōhe ana o na kanaka oloko o ia hale, ua wawa koke j ae la ia manawa ka make ana o ko lakou haku, a ua nui ka i pioo me ka hoopihoihoiia o na noonoo o na kanaka, a ua holo-1 puni koke ae la no ia lono make apuni na kauhale o na kana-1 ka hana o ka maina. Me na helehelena kaumaha ame na waimaka hoi e hiolo ana ma na papalina o na kanaka i kii aku ai lakou i ke kino make o ko lakou haku lokomaikai a oluojlu, a lawe mai la iaia mai kahi mai i papa loa ia ai lakou aole e komo hou ma ia luapao kahiko, a o kahi hoi a ko Jakou haku i hele mai ai me kona noonoo ole ae no kona poino, a halawai ana oia me ka make. He hora ma ia hope iho maneleia aku la ke kino lepo o Uilama Kini, ka ona waiwai o ka maine, ahiki i kona home ponoi e ku ana ma ke awawa malalo, a mahope o ka hooponopono ia ana o k<£na kino, a kauia ae la maluna o kekahi pakaukau, hoi aku la kekahi o na kanaka ma ko lakou mau home 110 ia po me na manao kaumaha, me ko lakou hoike ole ia aku i ke kumu o ko Mr. Kini halawai ana me ka poino. 0 keia ka hopena i loaa ia Mr. Kini mamuli o ka lili, ka 'ma--1 nao ino ame ka hoomaau iloko o Kalo Kini. kona hoa,hanau, ! oiai nae, no Uilama Kini, ua hana aku oia i ka maikai nona a | no kana kaikamahine, a eia nae, aole i lilo ia maikai i hanaia aku iaia i kumu e hoopau ae ai i ka manao hooma.uhala, aka nae, he la no ko na ilio. MOKUNA XVI.—He Hana Aouhi. Ma ke kakahiaka nui ac o kekahi la hoikeia aku la ma ke kelekalapa ia Monika ame Ineka ka- make ana me ka weliweli 0 ko laua makuakane, a no Kalo Kini ua kau aku la oia ma ke kaaahi e holo ana no Los Angeles no ke kii a hoihoi ana mai ia laua i ka home. Ia Kalo Kini i holo ai aia kekahi manao kolohe kiekie loa ana i hoolala malu ai iloko.ona no ke apuhi ana aku i ka noonoo o Monika i mea e lilo mai ai ka waiwai iaia a i ole i kana kaikamahine ia Ineka. Mahope mai o kela manawa e hoike mau ae ana o Kalo Kini 1 ikona kaumaha no kk make hikiwawe loa ana o kona hoahanau." ka mea ana ame kana kaikamahine o Ineka i aie nui ai a e hoike mau ae ana no hoi i kona aloha ia Monika ke kaikamahine makua ole i hooluuluuia ka noonoo ahiki i ko Monfka hilinai ana iaia me ka loaa pu o ka manao i ke kaikamahine makua ole aohe ana mea e ae e kaukai. aku ai no kona malamaia mai, o Kalo Kini wale no. 1 ka manawa a Kalo Kini i hoike aku ai ia Monika aohe manawa i loaa ia Mr. Kini e hana ai i kana palapala kauoha, a ua make kauoha ole oia, a nolaila, he hana pono nana ke koho ana i kahu malama waiwai nona, a i loio hoi nana e hooponopono kona mau waiwai apau e il.i mai ana maluna ona, iloko o keia manawa kaumaha a luuluu o Monika, e ike iho ana no oe, e ka makamaka heluhelu, aohe manao maikai iloko ona, a o kekahi no hoi, he opiopio loa oia mc ka maopopo ole i kana mea pono e hana aku ai, a hui pu iho me kona nawaliwali a ku a ma'i maoli, e nana aku ana oia ia Kalo Kini no kana mau ao me ka haawi aku iaia na Kalo Kini e alakai ma na mea apau. oe ka papa lunahoohana, a ke manao nei au ua oi aku kou maopopo ma ka mea e pili ana i kana hana mamua o kekahi kanaka okoa aku," pela o Monika o ka olelo ana ae ia Kalo Kini ma kekahi la, me ka nawali loa o kona leo, i ka manawa a Kalo Kini i kamailio aku ai iaia maluna o ia kumuhana. "Ae, e kuu kaikamahine, ua pololei ia au i olelo mai la, 110 ka mea owau io no kana i hookohu mai ma ia kulana," i pane ae ai ke kanaka kumakaia aloha ole. "Ina pela aohe au i ike i kekahi kumu e hiki ole ai iā oe ke kokua mai ia'u inei manawa ma ka hooponopono ana i na waiwai a pau a papa," i hoakaka ae ai ke kaikamahine i hoohuoi ole he moonihoawa o Kalo Kini e imi aku ana i ka mea e hoopoino aku ai iaia. "Aohe ia'u o na han.a pili oihana nolaila, he mea pono e loaa ia'u kekahi kanaka kupono, makaukau a hoopono a nana e lawelawe mai ia mau hana no'u. ■ Ina o Mr: Apalabe, ko papa loio, a eia oia ianei, ina ua pono loa, ua hiki no iaia ke hana mai no'u, aka, aia oia i Europa i nei'manaAva. "Ae. aia i Europa, a aole no oia e hoi mai ana a hala keia makahiki, a malia pela no paha me kela makahiki aku," i pane koke mai ai ka moo omokoko, "nolaila, he hana pono ole ka hoopalaleha wale ana i na hana e pili ana i kou niau waiwai ahiki i kona hoi ana mai." "Alaila, heaha ana ka'u hana pono e hana aku ai?'- i.ninau ae ai ka hooilina waiwai wahine, me ka nui ana iho o ka hanu no ka maopopo ole o kana mea e hana aku ai. "Heaha auanei ka pohihihi ame ka hookaumaha ana iho i kou noonoo no ia mea, no ka mea, ina manao oe e hiki ana no ia'u ke hana aku nou a e hilinai mai ana oe ia'u, e hana aku ana au i ka mea maikai loa nou," wahi o ka pane a Kalo Kini, "alaila kii aku au i kekahi loio a lawe mai iaia ianei i keia auwina la no ka hoomakaukau ana mai i na palapala." Ua ae koke mai la o Monika. Oiai e mau ana no ka luuluu ame ke kaumaha iloko o Monika ia manawa no kona makuakane ua hoopoluluhi loa ia kona noonoo e hiki ole ai e loaa iaia na noonoo maikai, ka hala ana o elua hora ma ia hope iho, kakau iho la oia i kona inoa maluna o na palapala a ka loio a Kalo Kini o ke kii ana, e hoolilo ana ia Kalo Kini i kahu malama waiwai nona, ma ia ano ua loaa aku la ka mana ia Kalo Kini he mea nana e hooponopono i na waiwai apau no Monika. Ma ia ahiahi iho ua ahiahi loa lakou o ka hoi ana aku i ka hale, a ua hiki aku la hoi ma kekahi o na hora e aku ana i ke aumoe. Ma kekahi kakahiaka ae i hoolewn*ia*aku ai o Uilama Kini a kanuia aku la ma ka aoao o ka wahine ana i aloha ai, ana ponoi no hoi i kanu aku ai ma kekahi wahi maluhia a hele ole ia o kona aina. Iloko o ka mahina o Novemaba keia mafce ana o Uiiama Kini, ka manawa e kokoke loa aku ana i ka manawa hope o ka hapaha hope o ke kula, nolaila, hoqholo iho la o Monika ame Ineka e noho no laua. ma ka home ahiki i ke komo hou ana o ke kula ma ka hoomaka ana o kekahi hapaha mai. Ma ka auwina la mahope iho o ka pau ana o ka hooiewa,

kauoha mai la o Kalo Kini ia Auguseto e haawi aku iaia i na ki o ka hoolewa, kauoha mai la o Kalo Kini ia Auguseto e haawi aku iaia i na ki o ka pahuhao a Mr._ Kini, me ka i pu ana aku he makemake oia e nana i na mea maloko o ia pahuhao. | "E Mr. Kini, e kala mai ia'u," me ka leo oluolu, "aole anei he mea pono e kakali oe a hoi mai ka Loio Apalabe? Oia ko Mr. Kini loio, a o ke kanaka hoi nana e 'hooponopono i kana mau hana a pau mamua aku nei, ua kelekalapa aku nei au iaia me ka hoike pu aku nei nq ko Mr. Kini make ana, a ua ninau pu aku nei ina paha e hiki ana iaia ke hoi koke mai?" "Ua kelekalapa aku nei oe ia Apalabe! Owai ka mea nana oe i kauoha e kelekalapa aku oe iaia?" i nui mai .ai ko Kalo Kini leo, me ka piha i ka huhu. Akaaka oluolu aku la o Auguseto, no kona makemake ole 1 e ku-e aku ia Kalo Kini; he makemake oia e hoike aku i kona ano oluolu a hoaloha wale no iaia, i-hiki ai e loaa i manawa maikai nona e hooko aku ai i na hana a pau a kona haku i ao mai ai iaia, a i aku la: "Ua pinepine na manawa a Mr. Kini o ke ka'uoha ana mai ia'u, ina no kona halawai me kekahi ulfa poino, elike me keia poino i loaa iho nei iaia, alaila e hoike koke aku au ia Mr. Apalabe, kona loio, me ke kali ole, me ka nana ole a kauohaia mai au e kekahi mea: no ia kumu au la i kelekalapa sku ai ia Mr. Apalabe, no ka hooko ana aku i kana kauoha" "Pela? Ina pela ua pono kou hooko ana ia kauoha," pela kona hoa o ke kamailio ana ae, mahope o kekahi minuke o kona noonoo ana, no ka mea, noonoo iho la oia ia manawa aole pono iaia ke hoolilo ia Auguseto i'enemi nona, no ka mea ua ike oia me ka maopopo he kanaka naauao o Auguseto ma ka hooponopono ana i na buke moohelu waiwai, a e lilo ana ke kanaka opio i kokua nui nona i ka manawa ana e makemake inai ai iaia no kekahi hana. "Ia manawa like," i pane hou mai ai o Kalo Kini," e pono ia'u e hana ma ke ano he kahu malama waiwai nona, nolaila ua makemake au e ike ina he palapala kauoha kekahi a Mr. Kini i hoomakaukau ai, a pehea'la ke ano o kana haawi a hooili ana- i kona mau waiwai." No keia mau olelo a ke kanaka lokoino pii ac la ko Auguseto huhu a aneane loa e luai aku i.na huaolelo awahia, a me ka hooikaika wale no oia o ka uumi ana iho, eia nae, ma kona helehelena he hiki wale no ia Kalo Kini ke ike mai ua inaina oia, a pane aku la: "Ina no kou lawelawe ia haoa e pono loa mua mai ka mana ia oe ma ke kanawai, ua maopopo ia oe ia mea, e Mr. Kini." "Aohe au noonoo ana iho 110 ia mea,' no ka mea, ua pau mua ia mea i ka hanaia e a'u; ua pau mua ia hana i ka hanaia mamua o ko makou haalele ana aku ia Los Angeles a eia ko'u palapala hookohu kahu malama waiwai, a ina he ike oe i kekahi mea e pili ana i ke kanawai, e ike iho ana no oe ua hanaia me ke ku i ke kanawai." Huki ae la oia i ka palapala mai kona pakeke ae ia manawa ana o ke kamailio ana mai la a haawi mai la i ke kanaka opio no kana nana ana iho. Aneane loa o Auguseto e hooliloia i kanaka 1010 ia manawa no keia hoakaka mai la a ke kanaka, ame kona haawi ana mai la i ka palapala hookohu kahu waiwai ona no Monika, eia nae hopu aku Ia no ua o Auguseto a heluhelu iho la me ke akahele loa ahiki i ka pau ana, a ia manawa ke noonoo la oia no kana mea e hana aku ai ina he hana hiki kekahi e hooliloia ai ia pala ! pala i mea mana ole. I ka pau ana o kana heluhelu ana ike iho la oia aohe ana mea hiki ke hana aku, ua hala ka no ka hoohalahala ana, koe wale no a hana ke kanaka i ka mea pololei ole e ku-e ana i ka mana i loaa mai la iaia; nolaila noho hamau loa ke kanaka opio a hoihoi hou aku la i ka palapala i ke kanaka me ka niele ole aku iaia no kana mea i hana ai ahiki i ka loaa ana mai o ia mana iaia. "Malalo iho la o keia hana ana au he - mea pono ia'u e kelekalapa hou aku ia Mr. Apalahe e hoike aku ana iaia he mea waiwai ole nona ka hoi koke ana mai, no ka mea, ūa kaa mai la ka hooponopono ana o ko Monika mau waiwai apau iloko o kou mau lima, a he mea makehewa wale no ia ia Apalabe ka hoopihoihoi ana aku i kona noonoo, no ka mea, ua pau iho la no ka hana i manaoia aku ai nana e hana," pela o Auguseto 0 ka pane ana aku. "He manao maikai a he hoakaka naauao kena au, e ke keiki," i pane mai ai o Kalo Kini me ka hauoli' o kona noonoo. 110 ka mea, ina aole o Apalabe e hoi koke mai ana e īiui ana ka manawa nona e hana ai i na hana apau e pono ai oia ame kana kaikamahine," i nei manawa o ka ninau e pili ana i ka mea 1 loaa ka mana e hooponopono i ka waiwai o Mr. Kiiii ua hoo•laumaniaia, aohe noonoo nui hou ana aku no ia hana i koe. Ea, e Auguseto, ina hoi oe e ae mai ana e wehe aku i kela pahuhao, i ike aku hoi au i na wahvai oloko, nani maoli," a hooki iho .la ke kanaka i kana kamailio ana. Ua ike o Auguseto iaia iho aohe ona wahi mana iki e paa iho ai i na ki, o kana hana pono wale no o ka hooko aku i ka makemake o ka mea i noi mai la, nolaila, me ka naau kaumaha loa oia i ae aku ai i ke noi a Kalo Kini. No ka haalulu o kona mau manamanalima ia manawa ua nakeke maoli ka huihui ki me ka hiki pono ole iaia ke wehe a hala kekahi manawa. "Ma ko'u manao aia ka palapala kauoha a Mr. Kini i hoomakaukau mua ai iloko o kena pahuhao," wahi ana, me ke kulou loa ana mai la imua a nana pono mai la i ka helehelena 0 ke kanaka opio. "Malia paha pela, no ka mea, o ka Mr. Kini mau palapala waiwai a pau loa maloko nei o keia pahuhao. oia e waiho ai," me kona hoike ole aku i ke kanaka i kahi o ia palapala kauoha 1 Avaiho ai, elike me ia a Mr. Kini i hoike mai' ai iaia; ua ike no oia i ko Mr. Kini ana ia palapala kauoha iloko o ka pahu* hao mahope iho o ka pau ana i ke kakauinoaia, eia ka ua huna I hou o Mr. Kini ia palapala ma kekahi wahi okoa aku. Mahope o ke kuekaaia ana o na palapala a pau oloko o ka pahuhao, me ka nana pakahiia ana o ia mau palapala apau aohe nae ka palapala kauoha mawaena o ia mau pepa, he mea hookahaha nui aku keia ia Kalo Kini me ka ike pu iho la ona i kona hoka. "Aohe ka palapala kauoha la maloko o keia pahuhao; ua pau loa iho la na palapala a pau i ka nanaia e kaua aohe nae; aia la ka ihea kana wahi o ka huna hou ana?" i nui iho ai ka hanu o Kalo Kini. j ! "Aohe palapala kauoha; kupanaha no, aole o Uilama Kini he kanaka hoohemahema wale i kana mau palapala ano nui elike me keia, aka nae, manao au aohe no.he waiwai o ia palapala oiai o Monika hookahi wale no kana keiki, a iaia i make aku la, o Monika wale no kona hooilina, a o na waiwai apau ona o Monika wale no ka mea kuleana. | "He palapala kauoha ka Mr. Kini i hana ai, no ka mea ua ikemaka au ia palapala," i pane ae ai o Auguseto, me kona|

hooiaio loa he palapala kauoha kekahi i hanaia. "Malia paha ua pau no iaia i ka haehaeia, a i ole i M puhiia i ke ahi, me kona manao e hana hou i palapala kauo a, make e aku la nae/' pela o Kalo Kini o ka pane ana ae. Malia paha pela," i pane aku ai o Auguseto, eia nae ma kona; manao iho ua aihueia ia palapala kauoha. a o Kalo Kmi no ka mea nana ia i aihue aka nae ninau iho la pehea i loaa ai iaia, a i ka manawa hea? Ia manawa ua nele loa oia i ka mana e hiki ai ke hana aku i kahi hana, nolaila ua waiho wale aku la oia īa hana 110 kai manawa; aka nae ua hooholo iho la oia iloko ona e paa no ot« i ke kulana i loaa iaia ia manawa, ina he hiki a e hakilo loa akU i ka Kalo Kini mau mea apau e hana mai ana. Ma ka nana akahele hou ia ana o na palapala apau iloko 6 ka pahuhao no ka elua o ka manawa, i kona manawa oia lioen kahi wale no, loaa iho la iaia he wa-hileka i kakauia ma koni inoa, me ko Mr. Uilama Kini limakakau ponoi. laia i wehe ae ai loaa iho la iaia kekahi mau bona aupum l hiki aku ka huina i ka elima kaukani da\a me kekahi palapa* la me na olelo maikai loa mai kona hoaloha mai. Mr. Kini, 4 hoakaka ana he makana ia mau bona iaia ma ke ano he me* hoike no kona kupaa, hoolohe a hooko pono i na mea apatl i kauohaia iaia e hana me ka ewaewa ole. Ua piha loa ilio la ke kanaka opio i ka hauoli ia manawa m<i ke aloha pu ibo la i kona haku lokomaikai me he mea Ia hd makuakane ponoi nona, alaila huna iho la ia mau bona ilokti o ke kuka. No na lede opio Monika ame Ineka. no ekolu pule ko laua' noho ana ma ka home, a iloko o ia manawa i nui ai ka ike { loaa ia Auguseto no Monika. I kana nana iho e hui mail mai ana o Monika me ia i ka hapanui o ka manawa, me k< uluhua ole i ka niele mai iaia no na mea e pili ana i ke ola ani 0 kona makuakane iloko o na pule aku i hala, a ua hoakakai aku no hoi oia iaia elike me kana mau mea apau o ka ike ana. I ke kokoke ana mai e pau ka manawa hoomaha o na Jedd opio, a no ka nui loa o ka Kalo Kini hana maloko o na lua maine. ua noi mai la oia ia Auguseto nana e hoihoi i na kaw kamahine i ke kula ma Los Angel«s ma kona wahi, a ua afll ae la no hoi ke kanaka opio me ka hauoli nui o kona naaug 1 loaa ai i manawa nona e hui a e hoakaka aku ai ia MonikaJ i na mea a pau ana e pono ai e hana i kona manawa e oo at. 0 kekahi kumu hauoli o Auguseto, a o ke kumu koikoi loj| no hoi ia o kona hauoli no ka holo pu ana me na i Los Angeles, i hiki ai iaia ke waiho aku i na palapala apa\| a kona haku mua iloko o na pahuhao paa loa i kauohaia ma| ai iaia e hoihoi 1 Los Angeles, me ka loaa ole o kekahi hoo4 huoiia; ina hoi no kona holo i Los Angelcs ma kekahi ma« nawa eae ana e manao ai e hoohuoiia ana. I'a kiai oia me ki pio ole o kona noonoo no kekahi manawa kupono ana e holoi 1 ai i Los Angeles, a o keia iho la ka manawa maikai loa i loaai iho la iaia. No na palapala a Mr. Kini i kauoha mai ai iaia ame kana wahi hof o ka huna ana ua loaa iaia nia kahi no ana o ke kau* oha ana mai, malalo loa o ke kapuahi hoopumehana malalo' iho o na pohaku unihihapa manoanoa, maloko o kona rumi puhipaka. Mahope o kona hoihoi ana aku ia Monika ame Ineka i kfll kula, o kana hana mua loa oia no ka lawe ana aku i na pala« pala a pau a Mr. Kini i kauoha mai ai iaia a waiho aku la maloko o ka banako. a i ka loaa ana mai o ke ki iaia, hoopaa iho la me kekahi lipine paa a nakii ae la ma kona a-i maloko iho o kona palule, me kona hooholo ana iho aole e kaawale aku' ia ki mai kona kino aku ahiki i ka hoi ana mai o ka Loio Apa« labe a haawiia aku iaia. 1 ka pau ana o keia hana, me ka maha loa o kona noonoo* 110 ka mea, aohe manawa e lilo aku ai ia mau palapala ia Kalo» Kini ahiki i ka hoi ana mai o ka Loio Apalabe, alaila hoi hou aku la oia i ka home no ka nana ana aku i kana mau hana, a no ka hakilo ana-aku hoi no ka Kalo Kini mau mea e hans mai ana, me ka manaolana e loaa mai ana iaia kekahi ike no ka mea iaia ka palapala kauoha a Mr. Kini e paaia ana ia ma« nawa. T*!a ka mahina o Mei e hiki'mai ana e pau ai ka o ka aelike a Kalo Kini, nolaila, %'a hookaliahaia aku ka noo«» noo o na kanaka hana maloko o na lua maine ma ka i/ianawal ana i olelo aku ai ia lakou i ka manawa e pau ai o ka aelike e pau loa ana lakou i ka hoopauia, no ka mea e panikuia an< ka maina no kekahi mana.wa, oiai, ua hoohiki aku oia i na! lede opio, na kaikamahine hoi ana e lawe ana oia i* laua ei hoomaikai ma na aupuni kaulana o ke ao, mai Amerika aku a hala loa i Europa, mahope o ka puka pono ana mai o lau< mai ke kulana iloko o ka mahina o lune.

Ma kana olelo apuhi i na kanaka ua emi loa mai na loa» o ka maine, no ia kumu aohe lav.-a o kc dala e hiki ai ke hoomau aku i kā hana a e uku aku ai hoi i na kanaka hana apatt malalo o ka lunahana hou: aka malia paha, ma kona manawi e hoi mai ai e hoomaka hou ai i ka hana, a eli ma kekahi wahi hou aku. Aole i hoi mai na kaikamahine i ka home mamua o ko hoomaka ana e auwana i na aina e. O Ineka o na kaikama* hine ka mea i hoike ae i kona makemake ole e hoi mai i ki home a ike mai i ka home, e hoalaia ai na noonoo ehaeha no kol laua makuakane make, no ia manao ana ona pela o ka lioike ana mai ia Kalo Kini, o Kalo Kini ka i holo aku a hui me lau% ma Los Angeles, me ka haalele ana iho i na hana apau ma« hope, a pela hoi ka malama ana i ka hale ia Auguseto ame kona makuahine iloko o ko lakou hoomaka ana e holo makaU kai i na aina e. Ua makaikaiia e lakou na wahi kaulana o Kaleponi I.alo, ame na kulanakauhale hoi apau e pili ana i ke kapakaHsfiot Moana Pakipika ahiki aku i Kanada, a i ka hoi ana mai h* elua mahina ko lakou hoohala ana ma Kapaiakiko, a mahot>ē iho i nee malie aku ai no ka hikina loa, me ka hoohala ana i kekahi mau la mai kekahi kulanakauhale a i kekahi. I ko lakou hiki ana i Nu loka, maloko o kekahi mau rumi maloko o ka Hokele Walefoda i noho ai ma keia wahi i hookuu aku ai o Kalo Kini e hana na kaikamahine elike me ka laua mea e koho ai. Ika hala ana ona mahina ekolu ia lakou ma Xu I o k a holo aku la lakou no Europa; i ko lakou hoea ana aku 1 Lada lawe ae la lakou i kekahi mau mmi maloko o kekahi mau haU maloko o ke kuea St. James, no kekahi manawa loihi i ma-i popo ole. Aole i liuliu loa ko lakou noho ana maloko o ia hale looh* iho H o Monika i kekahi ma'i, a hoomaka ka emi p u a na o kona ikaika. Aohe ona ono mai i kekahi meaai, lena la kona ili me ka wiwi pu o kona kino, aohe no hoi' he hoihoi mai i ka hele me kona mau hoa i ka holoholo no ka ana ia wahi aku a ia wahi aku. Kai " (Aole i pau.)