Ka Nupepa Kuokoa, Volume LXVI, Number 5, 3 February 1927 — Page 2

ELUA NUPEPA KUOKOA, HONOLULU, T. H. POAHA, FEBERUARI 3, 1927

LOKAHI OLE KA MA-
NAO O NA KUIRE

Mahope o ka hoolohe ana - .
aha kaapuui a ka Lunakanawai Al-
bert M. Cristy i na oleloike ma i
aoao elua ma ka hihia koi n' ,
George T. Coulter e ku-e a'i .i
Mrs. Margery Mehrtens ma ka 1 .
kahi nei i ka huina o $685.62. ,,.
na kalaimanao ana a na loio '.
na aoao elua ame ka hoakaka n
aha, a komo aku la ka hihia i k
kiure no ka noonoo ana mai i ; ;.
olelo hooholo maluna o keia !: .
he eono hora okoa i hala i k.' : - ,
ma ka baloka ame ka pai.) .-. .,
ka hoao ana e loaa kekahi '' .
hooholo, eia nae iloko o ia ma i
ra loihi o ka noonoo ana o ke l' . -
aole i loaa ka manao lokahi i
hoa.

No ka loaa ole ana o ka
hooholo a ke kiure mamuli ,-, '
lokahi ole o na manao o n.-i '
ua hoopauia ka papa kiure, a
kukala ae ka aha no ka lio-.;k
kolo hou ia o keia hihia ma i ,
hora 9 o ke kakahiaka PoaK..! ,
Feberuari 14.

O Robert Lister ka nlinomn ?

o ke kiure i loaa ole iho la ka olelo
hooholo mamuli o ke kulike ole (. ...
manao o na hoa. O ka Lunakana-
wai J. Bert Lightfoot ke kokua ma
ka aoao o Mrs. Mehrtens, ka mea

i hoopiiia, a o ka Loio Urban E.
Wild, o ka hui Loio o Smith ame
Wild ma ka aoao o ka mea hoopii.

NA HUNAHUNA MEAHOU O KA
OIHANA MAKAI.

Iloko o ko Joe Moniz manawa ulupuni loa i ka huhu olelo aku la i ka wahine ma ka Poaono o ka pule aku la i hala , e wahi aku ana au i kou poo a hu mai ka lolo iwaho. No la olelo hooweliweli ana i kauia aku ai ka hoopai maluna ona e ka Lunakanawai o ka aha hoomalu Harry Steiner eono mahina o ni palena oolea ai maloko o ku halepaahao kalana, ma ka Poakahi nei.

No ka aihue ana i kekahi mau lolo wawae mai ia M. Mayeda mai a i maopopo loa ka hewa, i kauia aku ai ka hoopa'i paahao o 60 la o noho ai maloko o ka halepaahao kalana maluna o Robert Naeole ma ka Poakahi nei e ka lunakanawai Steiner o ka aha hoomalu.

No ka aihue ana i kekahi kaa
otomobile mai a H. W. Cleveland
amai i waihoia ae ai e ka Luna-
kanawai Harry Steiner no ka hoo-
koilokoloia mai o ka aha kaapuni,
ua hihia o ekolu mau opio Kepani,
o Kushi Yamamoto, Kinoichi Sune-
da ame Afat Kum ma ka Poakahi
nei.


	ELUA KAUKANI DALA A OI I UKUIA NO KE POOLEKA HA- WAII Ma ke kuaiia ana mai nei o na pooleka o na aupuni like ole maloko o Nu loka, ua ikeia ka pii ma. oli o ke kumukuai o kekahi pooleka kahiko o Hawaii nei, no ka mea no kela pooleka hookahi wale no, ua lilo aku ia no elua kaukani me ewalu haneri dala. I kulike ai me na hoike i loaa nai i Honolulu nei, o na pooleka o Amerika ka i waiho mua ia mai ma ke kudala, o ka huina dala, i loaa mai ma ke kuaiia ana o kela mau pooleka, ua aku ma kahi o ka $28,-629. O ka elua mai o na pooleka i waihoia ae ma ke kuai kudala, o ia na pooleka o Hawaii nei, i houluuluia e William Wolters, a i kauohaia ai e ka aha hookolokolo, e hooliloia kela mau pooleka ma ke kuai. No na po leka wale no o Hawaii nei i kuaiia, he $24,909. Hookahi pooleka o 13 keneka, he pooleka Misionari, i kauia ka waiwaiio ma kahi o ka $2,500, ua lilo ia Mrr. Caspary no ka huina o $2800, ke kumukuai kiekie loa i ukuia no kekahi pooleka hookahi o Hawaii nei. No kekahi mau pooleka misionari e ae, ua loaa no na kumu maikai. O ke kumukuai haahaa loa i ukuia no kekahi pooleka, he $330. No na pooleka o Pelekane, aole e maopopo ana ka huina loaa no kela mau pooleka, ahiki i ka hala ana o kekahi mau la lehulehu, a ma ka oleloia, aia iwaena o na pooleka Pelekane, kekahi mau pooleka maikai loa. PAKELE KA MEA MALAMA WA- IONA MA KA APUA Maloko o kekahi hale, mahope aku o ke alanui Libby, ma ka auwi- na la o ka Poakolu o ka pule aku nei i hala, i loia aku ai i na kauaka hopuhopu waiona he 338 mau omole bia, he heluna nui o na omole wis- ake, hoopunipuni, na omole gini no hoi ame omole okolehao i hooluuia, eia nae aole mea, i paa mai i ka hopuia, oiai aohe poe o ka hale, ma ka manawa i hoea aku ai na kanaka o ke aupuni. Ma ka hoakaka a ka Akena Hoo- kapu Waiona John Barrett, p kela wahi a na kanaka o ke aupuni i komo aku ai no ka huli ana i ka waiona, o kekahi ka ia o na kiko- waena e hoahuia ai ka waiona, o kela ame keia ano, a mailaila aku, e punnauweia ai, ma kela ame keia wahi, i ka poe hanohano a kiekie e kauoha mai ai i waiona no lakou, malalo o ka manaoio, he waiona ke- la o ka papa kiekie loa. Aia ka maluna o na omole wisake, na kuni, apuni e hoakaka ana, he rama kela mai Canada mai, pela no hoi na omole gini, e kau ana no na kuai, no kahi i loaa mai ai, oiai nae aole maiwaho mai kela waiona, aka i Honolulu nei no kahi i puhiia ai. Maloko ka o kekahi pahu, o ka hoouna koko ia ana mai nei mai Kapalakiko mai, i loaa aku ai he mau pepa inoa o na omole gini e kapiliia iho ai mawaho o na omole okolehao, a maloko hoi o kekahi pahu okoa, aku, na sila kepau no ke apuhi ana i ka poe e kuai mai ana i kela rama, me he mea la he mau omole gini ia, i hookomoia mai iloko nei o ka aina. No na nea hooluu ka i ka okole- hao e manaoia aku ai he wisake, ua loaa aku maloko o kela hale, pela hoi na omole mai ole o hookahi kuaka, he hookahi kaukani ka nui i loaa pu aku i na kanaka hookapu waiona, a pau i ka wawahiia.	MARE O KAHANAMOKU I KA WAHINE HAOLE Mawaho ae nei o kona home ma Waikiki, ma ka hora ewalu o ka po o ka Poakolu aku nei o ka pule i hala, i hoohuiia ae ai o David Pii- koi Kahanamoku ma ka berita o ka mare me Miss Helen Dorothy Gun- ther o Los Angeles, na ka Lunaka- hiko Gilbert J . Waller laua i hoo- lilo ae i hookahi. Ma ka Poaono koke aku uo ma- mua ka hoea ana mai o keia wahine haole opio mai kona home mai ma Kaleponi; aole nae keia o ka ma- nawa mua loa ana i hoea mai ai no Hawaii nei, aka o ka elua iho la keia o ka manawa. He hookahi makahiki a kela kai- kamahine opio i hoohala ai ma Ha- waii nei a mawaho ae nei o Wai- kiki, i halawai mua loa ai oia me David P. Kahanamoku, a i keia hoea hou ana mai la, o ka hookoia ana ia o na mea a laua i hooholo ai, e hoo- lilo aku i ka Paredaiso o ka Paki- pika, i home no laua ma keia mua aku. KANAWALU-KUMAMALIMA PO- LA KOPE I INUIA ILOKO O EHIKU HORA Ma Fergus Falls, Minesota, ma ka la 26 iho nei o Ianuari, i inuia ai e Gus Comstock he 85 mau pola kope, iloko o ehiku hora me umi-kumamalima minute, a ua lilo oia i moho inu kope no ke ao nei, mamuli o kona kaili ana mai la i kela hanohano mai ia H. A. Streety mai o Amarillo, Texas, ka mea nana i hoohaule mua aku ia Gus, me kona mau poia he 71 i inu ai, i ke 62 pola kope o Gus. Mai ka hora ehiku mai o ko kakahiaka ka hoomaka ana o kela mea e inu i ke kope, a e koi mau aku ana oia e lawe hou ia mai i pola kope no kekahi mau hora lehulehu, a i ke kokoko ana i ka hora 2:15, akahi no a akakuu mai kona noi ana i ko pola kope. Iaia i hoomaha ai ma ka hora 2:15, ua hele mai la kekahi kauka e nana iaia, a hoike ae la he kulana maikai no ko kona kino, koo wale no he wahi kulana fiva liilii, a ua hoopau oia i ka inu ana i ko kope, mamua ae o ka piha ana o hookahi haneri pola, elike me kaua i koho mua aia. I ka hoopau aua ka o keia mea i kona inu ana i ke kope, ua like oia me kekahi barela, me kona olokaa ana aku ahiki i kekahi ko-ki kokoke mai iaia, a maluna olaila i olokaa ili oia, no ka nana ana mai a ka poe makaikai. Ma ka waiwaiio o kela mau pola kope he 85, ua like ia me ka wai o na galani elima, like ia me ka wai na galani elima, o ia hoi he iwakaluakumamalima omole o hookahi kuaka. E HOOPAUIA ANA KA PONO HOOKUPA MAKAAINANA Mamuli o ka hoopuka ana ae o ka aha hookolokolo kiekie o Ame-rika Huipuia, i kekahi olelo hooholo, e hoole ana, i ka loaa o ka mana hookupa i ua lahui o, no ko lakou komo ana iloko o ke kaua, a iloko paha o ka oihana koa ame ka oiha-na kaua, iloko o ka wa kaua ae nei i hala, eia ka Loio Apana Amerika D. B. Wood ke hoomakaukau mai nei, i na kumu hoopii, e ku-e ana i ka poe i hookupaa makaaina na ia, no ko lakou komo ana ma ka aoao o ke aupuni o Amerika, iloko o ke kaua. O na Pilipino, na Kepani, na Pake, ame kekahi mau lahui e ae, i loaa ole ia lakou ke kuleana e hookupa makaainana ia ai, aka nao - i lilo i mau makaainana, no ko lakou komo ana iloko o ka oihana koa, a iloko paha o ka oihana kaua, ua hoakaka ae ka Loio Amerika Wood, no ka hoopauia o kela mau kaleana, elike me ka olelo hooholo, a ka aha kiekie o Amerika.


MALAMA NA PAKE I KO LA- KOU LA MAKAHIKI HOU Elike me ka maa i na makahiki i kaahope ae nei, pela na Pake o keia kulanakauhale, i komo ae a iloko o ka hoomanao ana i ka LaKonohi, ka la makahiki hou, ma ka po o ka Poakahi iho nei, ame ka Poalua iho nei, ma ka hookani ana i na mea hoopahupahu, hoi ke pani-ku ana i ko lakou mau hale oihana. Ma na wahi apau i nohoia e ua Pake, ma ka po o ka Poakahi iho nei, i hookaniia ae ai na pahupahu, mai na hora mai o ke ahiahi, ahiki wale no i na hora o ka wanaao. Ma ka Poalua nei, ua pani-kuia na hale oihana o na Pake apau, no ka mea he la ia no ka hoomana ana ame ka hookeai ana, elike me ka mea maa i na Pake kahiko o Kina; a ma ka la mua loa o ka makahiki elike ma kela Poalua, aole he ai o na Pake i ka i'o holoholona, ka i'a. ame ka moa, aka o na huaai ame ua meaai apau i hanaia mai ka palaoa mai, ka lakou ai. Ma ka Poakolu nei nae, he la ia i hookaawaleia no ka hoolako ana o na Pake i ko lakou mau home, me na meaai o kela ame keia ano, a ma kekahi olelo ana ae hoi, he la ia no ka hoohauoli ana ia lakou iho, me ka hele ana ma na home o na hoaloha e nanea ai, a e komo pu aku ai iloko o na hauoli ana. No ka manawa mua loa, ma ka moolelo o ka hoomanao ana o na Pake i ka La Konohi ma Hawaii nei, aole he ikeia o ka pua lilia, maloko o na pahu liilii, o ke kumu, mamuli o ka papaia ana e ke keena mahiai o Amerika, no ka hopohopoia, o komo mai auanei na holo-holona kolo hoopilikia a hoopoino i na meakanu. ILOKO O KE AHEAHE MALIE KA MALAMAIA ANA O NA HANA HOIKE KULA SABATI E Mr. Lunahooponopono o ke Ku-okoa, ina e loaa ana kekahi kowa kaawale o na kolamu o ka elele wahaole a ka lahui, ka Nupepa Kuokoa, e oluolu hoi e haawi mai ia no keia wahi mea hou. Ma ke kakahiaka Sabati i hala iho la, Ianuari 30, 1927, i malama ae ai ke Kula Sabati o ka ekalesia o Waikane i kana hoike no keia hapaha mua o ka 1927, iloko o ke aheahe malie ame ka hauoli o ka noonoo mai ka hoomaka ana ahiki i ka hookumu ia ana o na hana. Ku i ka eehia na himeni i mele ia mai; he mau himeni kahiko no a i laweia mailoko mai o ka buke himeni Leo Hoonani, eia nae, aole i lilo ke ano pakua ana o ia mau himeni i mea hoowahawahaia no ka mea, ua nani maoli ke meleia ana mai i kulike me ka makemake o ka mea nona ia mau himeni i mele ia aku ai. Nani na himeni i mele ia mai e na opio ame na makua, a maikai pu me na manao paipai i haawiia mai e ke Kahu P. D. Kellett, J . Nakookoo, Edward Wood-ward, ka Hope Makai Nui Henry Poaimoku Pahia ame ka Hopo Kahu Kula Sabati Nui, J . K. Nakila. O ke Kula Sabati o Kaneohe ka i komo pu ae me ke Kula Sabati o, Waikane ma na hana hoike o ia la a koe ko Hauula mamuli o ka pilikia paha o ke alanui, oiai ke hanaia mai la no i nei manawa aolo i maikai a akea kupono e hiki ai ke holo mai me ka loaa ole o kekahi ulia. O ka huina nui o na haumana ma keia hoike hui ana, ko Waikane iho ame ko Kaneohe, he 55, a o ka huina nui o na lulu i loaa mai na haumana Kula Sabati mai a mai na makaikai mai, he $100, elike me ka hoike a ke kakauolelo. Ma ka hora 11 a. m, ka hoomaka ana o na hana hoike mahope iho o ka pau ana o ke anaina haipule i malamaia e ka Hope Kahu Kula Sabati Nui, ke komite o ka apana o Kaneohe a i kokuaia mai e ke Kahu Rev. P. D. Kellett, a ma ka hora 1:30 i pau loa ai na hana hoike ame na manao paipai. Mahope iho ua hoomahaia na mea apau mawaho oiai na pakaukau e hoomakaukauia mai ana me ka hoolako ana mai i aa meaai i hoomakaukauia no ka hanai ana mai i ka lehulehu. I ka makaukau ana ua noho iho na mea apau e hoopiha i ka lua o ka inaina me na meaai ono i hoomakaukauia e na hoaha-nau ame na hoaloha o ke Kula Sa- bati o Waikane. Mahope iho o keia ua malamaia he anaina haipule e na Ahahui Hooikaika Kristiano o Waikane ame Kaneohe i huiia, a he ekolu hapaha hora i hoohalaia ma ia halawai ana; na ka Hope Kahu Kula Sabati Nui ame ke komite a kiai o ka apana Kaneohe, Mr. Hoapili, i alakai i na hana. O ka panina hope loa ia o na Kana o ka la, a hoopanee loa ia a noho hou mai ma Kaneohe, kahi o ka hoike hui o na Kula Sa- bati o na Koolau ame kekahi mau Kula Sabati e ae o na Kona e hui ae ana ma keia Sabati ae, Feberu- ari 6, 1927, elike me ka hoolaha. He ma'u wahi mea hou ia o na pali Kooku, a ke haawi aku nei i ka mahalo i ka lunahooponopono no ka ae ana mai i rumi o ke Kilohana no keia wahi meahou. Ke hooki hei me keia manao e uwila hou aku, ke loaa he wahi mea hou. MAKAIKAI. Waikane, Jan, 31, 1927,	HE HOALOHALOHA NO KUU PAPA HELELOA MR. DAVID KA-LI, SR. I kuu Kilohana Pookela, ka uwila malamalama o ka Pakipika; Anoai a luuluu wale hoi a: — Elike me ka olapa ana a ka uwila, pela iho la no ka lono hikiwawae i pahola ae ai, apuni ke kaona nei, e hoike mai ana i ka nuhou kaumaha a luuluu no kuu pala aloha. Ma ka hora 12:30 o ke awakea o ka Poalua, Ianuari 11, 1927, ma kona home noho ma Kauluwela, ma Ue alanui Ololi Chun Hoon, i pauaho mai ai kuu papa aloha. Mr. David Kaliokalani, Sr., i keia ola ana. Ua hanauia kuu papa aloha ma Kunawai, i ka makahiki 1866, ma ka la 16 o ka mahina o Iune, no-laila ua piha i kuu papa na makahiki he kanaono me na mahina eono, ame na la keu he iwakalua-kumamalima. Ua loaa no kuu papa i kekahi ma'i, aole nae i manaoia, o kona ma'i ia e haalele mai ai ia makou na keiki ame na moopuna ame ko makou mama, Ua imiia no ke ola i na kauka, aole nae i loaa mai he pono, a ua waiho aku no hoi i ua leo pule imua o ke Akua, aka ua lawe aku no oia i kana o ka uhane, a o ke kino wailua Kana i waiho mai ia ua makou e u aku me ka luuluu ma keia ao. Aloha ka leo o kuu papa me na waimaka e hoopulu ana i na papalina, mo ka pane ana mai ia'u kana kaikamahine ame ka moopuna hiapo, oia no kona inoa: "Aole au e ola i kena laau, no ka mea ua waiho aku au i kuu kino ame kuu uhane imua o ke Akua, a ina o Kona ma-kemake ia, alaila ua makaukau au, aole o'u maka'u ia mea he make." Auwe, luuluu wale au ke hoomanao ae i na olelo a kuu papa, eia ka o kona leo hope ia a haalele mai la oia ia makou, aloha no! Ua mareia kuu pu pa aloha me Rachel Kawae Simeona, ko'u mama, a mailoko mai o ko laua mau puhaka, i puka mai ai na keiki ehiku, ekolu i hala aku ma kela ao, a he eha makou i koo iho e ola nei, oia o David Ka-li, Jr., Mrs. Emily Akahane, Mrs. Ema Huluhulu, ame Mrs. Mary Ka-li Akina ko makou muli loa. Ua hala mua no ko makou mama ma kela ao, a ua mare hou kuu papa i ka wahine, oia o Mrs. Sarah Naiapaakai Sherman, aole nae he mau keiki i loaa keia mama hou o makou. I na la opio o kuu papa, ua noho makai mua oia no Kona Akau me ka makou kupunakane oia o Simeona, kapena makai no Kailua, a i ko makou wa liilii no, i haalele aku ai oia ia Kona, a hoi mai la no ka uluwehi o ke kaona nei a he kanakolu ona mau makahiki i noho ai maanei, a haalele wale mai la i keia oia ana. O kana hana punahele Ioa ma Honolulu nei, o ia ka noho poola ana ma na uwapo, a noho makai i ke au o A. M. Brown, i ka pau ana mai ka maka mai. hoi no i ka hana poola. I ka wa ia Haalilio, hoi kuu papa i kiai no ka halepaahao, a pau ka noho kiai ana, hoi hou no pauaho ana mai. I ka mauawa ia David Trask, ua hoonoho hou ia no kuu papa i kiai no ka halepaahao, a ma ia hana oia i lawelawe ai, ahiki wale no i kona pau aho ana mai. Iloko o na hana hoike Kula Sabati, ua kamaaina kuu makuakane i ka lehulehu, a oia no ko alakai o ka papa i kapaia he papa no na sela moku, me ka haule ole iaia o na hoike apau e malamaia ana; ua hele wale ia no e kuu papa na Pali Koolau e waiho mai nei; a ua au wale ia no hoi e kuu papa keia mau kai e waiho mai nei. Aloha na wahi apau a kuu makuakane i pili ai, he kiahoomanao mau kana mau hana na'u e noonoo ae ai i na wa apau. O kuu papa, oia kekahi o ua kanaka puuwai hamama me ka lokomaikai. E haawi ana ka akau ame ka hema, aohe mea paa iaia, a ua nui kona mau hoaloha, ua noho aloha wale ia no eia mai ka poe kiekie a ka poe haahaa. Kuu papa i ka huikau o ke kaona, ua pau kou maalo hou ana ae ma-laila, a ma na wahi no apau au i pili ai me kou mau hoaloha lehu- lehu. Aloha, aloha ka leo himeni o kuu papa, na himeni punahele iaia himeni mau ai, a o keia kekahi o kana mau himeni haule ole: Uina e ka wai p ka niu haohao, Uina e nakolo kela, O ke kope hiaa moe ole o ka po, E momoni nei i kuu puu. Ua pau ko makou lohe hou ana i kona leo, ua nalo, ua haia aku oia ma ke ala hoi ole mai. Auwe no hoi ka mokumokuahua o ka naau ke hoomanao ae no kuu papa! Ua paanaau wale no iaia ka olelo a ke Akua ame na himeni oloko o na buke himeni, a o kana himeni haule ole ma na hoike Kula Sabati apau, o ia no keia: "Hoe a mau sela, hoe a mau!" Ua pau ko'u lohe hou ana i kona leo e himeni mai ana i kela himeni, maloko o na luakini i kamaaina iaia. Auwe no hoi ko'u aloha i kuu papa ke hele aku ma na halepule, aole oia! Aloha ka home a kuu papa i noho ai, ua puanuanu ia i keia manawa, ua hala kuu papa ka mea e pume- hana ai; ua haalele iho oia i kuu kaikukunane ame na moopuna e noho hookahi i ka home ana i aloha ai.	Auwe, luuluu wale ke hoomanao ae ia Kauluwela! He laia kuu papa no ka Ahahui Kamehameha, ua hemo kona kino ma ka hora elua o ka auwina la Poaono, Ianuari 15, ma kahi o Silva, malaila ae na hoaloha he nui loa, pela me na lala o ka Ahahui Kamehameha, na hoahanau o Kawaiahao ame Kaumakapili, me ka ohana apau, ua nui na waimaka i luia iho no kuu papa, a ua nui no hoi ua makana pua, i laweia mai no ka hoohiwahiwa ana iho maluna o kona kino wailua. Na ka Ahahui Kamehameha i ku kiai i ke kino wailua o kuu papa mai kela auwina la mai, ahiki i ko ao ana ae ma kekahi la mai; ua hoohauoli mai na hoaloha lehulehu ia makou, me na leo mele na oli no ko makou papa a ao kela po. Ma ke Sabati ana ae, ua oi loa mai ka piha, ka mea a makou i manao mua ole ai, pela iho la ka uui o na hoaloha o kuu papa, oia no ka mea nana i imi aku i mau hoaloha nona. Ua hoea mai ka papa himeni o Kapalama i alakaiia o Mrs. Maunakea, oiai oia no kekahi iloko o koia papa himeni, pela lakou i haawi mai ai i kekahi himeni, o ia hoi "Ke hea mai nei o Iesu i ka mea auwaha e hoi mai," he keu aku ka ehaeha o kuu naau, no ka mea ua kahea i'o mai o Iesu i kuu papa, e hoi aku ma kona poli ma kela ao maha mao, a ke manaoio nei au, ua hookipa aku no Oia i ka uhane o kana kauwa me ia. O na keiki o ka Bana Hawaii kekahi i mele mai i kekahi mau himeni nani a'u i lohe ole ai mamua; a ia'u i nana ae ai i ka nui ame ka lehulehu o ka poe e hoopuni ana i ke kino o kuu papa, ua hiki ole ke paa iho na kulu waimaka o ke aloha, no ka lakou mau mea i hana mai ai nona. Mahope o na himeni a ka Bana Hawaii, i kaa aku ai i ka Ahahui Kamehameha ka malama ana i ko anaina haipule hope, me ke kamailioia ana o kekahi mau olelo hoolana no ka ohana, alaila ka'i aku la ka ahahui me ka lehulehu apau no ka uwapo, no ka hoihoiia aku o ko kino o kuu papa no Kona, Hawaii. Ua hoihoi aku makou i kuu papa maluna o ka mokuahi Kalaukina no Mokuaikaua, Kailua, Hawaii. Ma ka hora eha o ke ahiahi o kela la Sabati i haalele iho ai makou i ka uwapo, a ma ka hora umi-kumamakahi o ke kakahiaka o kekahi la ae i hooa aku ai makou no Kailua, E kali mai ana o John Hill, kela haole lokomaikai no ka hoea aku o ke kino wailua o kuu papa, a nana i hooponopono na mea apau, o kakali mai ana ko kaa, a hoihoiia aku la kuu papa noloko o ka luakini o Mokuaikaua, e waiho ai, a ua makaukau hoi kona home lua. Ua waiho hou ia kuu papa maloko o ka luakini, no ka haawi ana i manawa no ka ohana ame na hoaloha e ike hope iho ai i kona helehelena. Ma ka hora eha me ka hapa o ka Poalua ana ae, i hoomoeia aku ai ko kino wailua o kuu papa maloko o ka lua, o Francis Akana, ame ka Rev. Upchurch, na mea na laua i malama i ke anaina haipule, me ke meleia ana o na himeni punahele i kuu papa. I ka nalo ana aku o kuu papa, ua hoi aku makou me ka ohana o Thomas Aiu e noho ai; a ua hookipa aku oia ia makou me ka maikai, pela me kana mau kaikamahine puuwai hamama, ahiki wale no i ko makou huli hoi ana mai maluna o ka mokuahi Hawaii. Ma ko makou aoao ko ka ohana kuu papa aloha, ke haawi aku nei makou i na hoomaikai ana he nui i ka Ahahui Kamehameha, i ka Papa Himeni o Kapalama, i na keiki o ka Bana Hawaii; ia John Hill, Thomas Aiu ame kona ohana, pela hoi ia David Kaukaohu Trask, no kona haawi ana mai ia makou na keiki, i na dala inisua o ko makou papa; i na makamaka ame na hoaloha, i komo pu mai me makou iloko o ko makou mau hora o ke kaumaha ame ka luuluu, a i haawi mai i na makana pua, no ka hoohiwahiwa ana iho i kona kino wailua, a ia John Kaelemakule, no kana mau hana kokua no ko makou pono ma Kailua; a ke nonoi aku nei ia ou-kou apau, e lawe aku i keia hoo-maikai me ka manao kui'o mailoko aku o kuu puuwai, a na ke Akua no e haawi mai i na hoomaikai oi ae mailuna mai. Ke pule nei au i ko kakou Makua ma ka lani, Nana no e holoi ae i ko kakou mau waimaka o ka luuluu ame ke, kaumaha, a e hoomama mai. hoi i ko kakou mau naau ehaeha. Owau iho no me ka luuluu, MRS. MARY KA-LI AKINA, 851 Ilaniwai St. Kakaako, Honolulu. HALE O NA ALII O HAWAII (Ahahui Poo) E malamaia ana ka halawai ku- mau o ka (Ahahui Poo) o ka Hale Na Alii o Hawaii, ma ka Moose Hall i keia Poalima, Feberuari 4, 1927, ma ka hora 7:00 p.m. Ma ke kauoha a ka Iku Hai, LOUISE AKEO, Iku Kau. 6448— Feb. 3.	MAHALOIA KE KALANA O KAUAI. Solomon Hanohano, Lunahooponopono, Nupepa Kuokoa; Aloha Kaua: — Ua manao au he wahi nuhou maikai keia, a ke hoouna aku nei au ia oe. Ua pa'iia keia iloko o ka Nupepa Garden Island i hoopukaia ai i ka la 21 o Dekemaba 1926 a na'u no hoi i unuhi, a ina he hemahema o kala mai; ua O. L Goddard, ka mea nana o install nei ka new accounting system o ke teritore ame na kalana, a eia kana mau olelo imua o ka halawai a na lunakiai o kela kalana. "Ke haawi aku nei au i ko'u ma halo nui i na luna aupuni o keia kalana i ko lakou makaukau i ka malama ana, a hookele ana i ka hana o kela kalana, a o Kauai, o ia ke pookela o ka holomua o na hana hookolo aupuni mamua o na kalana o kela teritore. "Ua laki no hoi ka poe uku au-hau o keia kalana no ka mea ua hooliloia na dala auhau me ka maalahi a owaowa ole, a ua oi aku ka hoolilo maalahi ia ana o ka waihona o kela kalana mamua o na kalana e ae; a ho nui no hoi ko'u ma-halo ia H. D. Wishard, ame na lunakiai o ke kalana. "O ka'u hana i hiki mai ai i Kauai nei, ua komo wale no iloko o ke keena o ka lunahooia, ame ke keena o ka puuku, aka ua hui no me na poo e ae o ko kalana, ua ike au i ko lakou makaukau. "Ke hoike aku nei au ia oukou me ka hakalia a hilahila ole i ko'u mahalo piha i na Keiki Ahana, oia o K. M. ame K. C., na poo e hoohana nei i na keena luna hooia, ame keena puuku. O keia mau keena, na keena e hoohanaia nei me ka maalahi a holomua mamua o na keena e ae o na kalana o ke teritore, o ke keena hiki ke hoohalike mai o ia no ke keena o ka lunahooia o ke Kalana o Hawaii. "Mamua o ko'u holo ana mai i Kauai nei, ua nui ko'u lohe i na walaau e pili ana ia Kauai noi, a ua oi loa aku no hoi e pili ana i keia mau keiki K C. ame K. M. Ahana, i ko laua hana he lunahooia a he puuku. "Ke hai aku nei au ia oukou, ua oi aku ka makaula a kiai o K. M. Ahana ia K C, Ahana no ka pono o ke kalana o Kauai mamua o na kalana e ae, a ua nana au a hookomo i keia mau hana no na kalana he 30." Me keia mau wahi meahou ua lawa paha kaua. Owau no me ka haahaa. LIHUE. HE PUOLO WAIMAKA ALOHA NO KUU KAIKUAHINE, UA HALA. Mr. Solomon Hanohano, Aloha kaua: — E oluolu mai oe e hookomo aku maloko o kahi kaawale o ka kaua hiwahiwa, ka Nupepa Kuokoa, a nana ia e uwila aku ma na kihi eha o na paemoku o Hawaii aloha, mai ka hikina a ka la ma Kumukahi, a ka mole o Lehua, i iko ma ai hoi na makamaka, na hoaloha ame ka ohana o kuu kaikuahine alo- ha, Malie Kaaumoana Kaohi-e. Ua hanauia oi ama Honuaula, Maui nei, aole nae i maopopo ia'u kona manawa o ka hanauia ana. Ua puka mai oia mailoko mai o ka puhaka o Kahakauila, kona mama, a he makuahine no hoi oia no'u ma ke kino, no Waialua, Oahu kona mau kupuna, no Paalaa. O Puu kona kupunakane a o Kea- kawahine kona kupunawahine, a na laua mai o Kahakauila kona mama, a he makuahine no hoi oia no'u, oiai he hookahi o maua mau kupuna. Ua make o Malie i ka Poalima, Ianuari 21, a ma ka la 22 ao, i hoi- hoiia mai ai i Waluku nei, a hoikeia mai la ia'u i kona kaikunane, oiai au o noho ana ma Waiehu-kai, a i ko'u lohe ana, ua hu mai ko'u aloha nona, oiai aolo au i maopopo ua hoihoi mua ia oia iuka o ka halema'i ma Keokea. I ke ahiahi ka hoikeia ana mai o ka lohe ia'u, me kuu manao olo e hemo ana ma ia la, nolaila ma ke kakahiaka ana ae o ka Lapule, hele aku la au no ka hale hoomaemae kino, e kau mai ana kona kino wailua, ua hemo no ma ka hora eono o ke ahiahi aku o ka Poaono, ka la 23. O ke kino wailua hookahi wale no o kuu kaikuahine ke kau mai ana, aole he poe e ae, nolaila ua kii hou au i ka'u wahine ame ka maua mau keiki, a hoomaka aku la makou e kiai iaia, ahiki i ka hora elua o ka auwina la, ua lawe aku la makou o hoomoe iaia maloko o ka ilina o ka pa o ka luakini Kakolika ma Waihee, me ka maikai. "Ua pau ka ike ana i na ehaeha ame na kaumaha o keia ola ana, no ka mea ua hoi aku la ka lepo no ka lepo, a o ka uhane, ua hoi aku ia ma kahi a ke Akua i hoo-kaawale ai. I ka hooki ana ae i keia maa hokaka pokole e pili ana no kuu kai kuahine aloha, ke haawi aku nei au i ko'u mahalo a nui loa ia oe e Mr. Lunahooponopono o ka Nu-pepa Kuokoa, no kou ae ana mai, e hookipa aku i ko'u mau waimaka o ke aloha, no kuu kaikuahine. Owau iho no me ka oiaio loa, S. K. KANAKAOKAI, Waiehu-kai Maui.

Ma ke komoia ana e huli o ka hale o kekahi Kepani ma kahi koko-ke aku i ka ilina o na Pake ma ke Sabati i hala i paa ae ai i ka Makiki, he ipuhao puhi rama uuku ka mea i loaa aku me kekahi mau pahu i piha me ka rama i hoawaawaaia. Ua hele ka ona nona ia mau waiwai i kahi e, pela oia i pakele ai mai ka paa ana ae i ka hopuia.

No ke komo ana o Wong Tim iloko o ka halekuai a Wing Ching Tai ma ke alanui Maunakea ma hopuia e ke Kapena Makaikiu Kelletty. He mau omole laau waiwai i aihueia e Tim i loaa aku ia Kellett a hoihoiia ae i ka ona nona ia mau waiwai.

No ka aihue ana i ke kaa otomobile a G. Higa ma ka la 27 aku nei i hala i paa ae ai o Frank Silva me Demetrio Bustamento i ka hopuia e ke Kapena Makaikiu Kellett ma ka Poakahi nei.

HOI HOU MAI KA WA-
HINE ME KANA IPO

O Viola Platnikoff, he wahine Rukini, a o Mrs. Z. P. Pike li,.; i nei manawa i kipakuia ai mai Ha-waii nei aku elua makahiki i hala aku nei, ua hoi mai i Honolulu nei maluna mai o ka mokuahi 'P.-ii-9 Maru, ma ke ano he wahine na kekahi luina Amerika, nolaila he ma-kaainana Amerika oia i nei mana-wa, eia nae, iaia i lele mai ai i.n ike koke aku la no na kiai o ka oihana kukeawa iaia a paa hou ia oia no kona ninaninau hou ia ae. Na ka Lunanana Thomas i ike aku i ua wahine la i ka wa i lele mai ai i ka uwapo ma ka Poakahi mai ka Hikina mai. No Kapalakiko ka-na huakai e holo ana a ma Shanghai ke kau ana mai, eia nae, i ka hiki ana mai i Honolulu nei ua hooholo oia i kona manao e lele mai iuka nei o ka aina a paa hou ia no ka lua o ka manawa. Ua hoikeia ae ia lele ana mai ona i ka luna nui o ka oihana hoopaelimahana, Burnett a nana ke kauoha o ka hoopuka ana ae e paaia ua wa-hine la maanei no kona ninaninauia ae.

O Albert Clark i hopuia ai ma ka pule aku la i hala no ka aihue ana i na mea hana kaa otomobile ua haalele na kanaka na laua i bona iaia i ka noho hope ana nona.

O Peter Gueero i hooiaioia ae ai e ka makai oia ke kalaiwa nana ke kaa i hooku'i aku ai ia Katso Okamura ma ke kihi o ke alanui Moi ame Hema ma ka po o ka Poaha, a hoomau aku la no i ka holo ana me ke ku ole iho e nana i ka mea i poino, ma ke kakahiaka Poaono kona paa ana ae i ka hopuia no ka holo nui me ka noonoo ole no ko hai pono.

NA MARE.

Guy Moore Pitman ia Rose Ni-
chols, Jan. 27.

Paul Kaai Jr., ia Rachel Shaw Koko, Jan. 28.

J. K. Fern ia Lily Aimoku Sim-
mons, Jan. 30.

NA HANAU.

Na Mr. ame Mrs. James K. Fern,
he keikikane, Jan. 10.

Na Mr. ame Mrs. Joseph Pa, he
keikikane, Jan. 24.

Na Mr. ame Mrs. Benjamin Maile
Keliikoa, he kaikamahine Jan. 27.

Na Mr. ame Mrs. Toshio Ouichi,
he kaikamahine, Jan. 27.

Na Mr. ame Mrs. Fred D. Aiu, he keikikane, Jan. 29.

NA MAKE .

Sniffen K. Aloiau ma Hewa, Jan.
23.

Lani Haalipo. ma ka Home Leahi,
Jan. 24.

George Kahinu, ma ka halema'i
o na Kamalii, Jan. 25.
Kaai Kahaku, ma ke alanui Lu-
sitania, Jan. 25.

Daniel Lomio, ma ke alanui Ka-
hai, Jan. 26.

Hattie Bailey, ma ke alanui Kula,
Jan . 27.

Adeline Akana Aki, ma ke ala-
nui 10, Kaimuki, Jan. 27.

Joseph Enos Jr., ma ke alanui
Auld, Jan. 27.

Libbie Rogers, ma ka Halema'i
Moiwahine, Jan. 27.

Eva Ka-ku, ma ka Halema'i Moi-
wahine. Jan. 28.

Wahinekapu Lepe, ma ka Hale-
ma'i Moiwahine, Jan. 29.

Anna Konia ma ka Home Leahi,
Jan. 30.

Miriama Kauhane, ma ka hale-
ma'i o na poino ulia, Jan 30.

Lahela G. Keawe, ma ke alanui
Ilaniwai, Feb. 1.