Ka Nupepa Kuokoa, Volume LXVI, Number 4, 27 Ianuali 1927 — MOKU KEKAHI MAU PAAMARE MALOKO O KA AHA A DESHA [ARTICLE]

MOKU KEKAHI MAU PAAMARE MALOKO O KA AHA A DESHA

Ma ka noho ana o ka aha kaapuni a ka Lunakanawai Desha e hoolohe i ka. hoopi a kekahi mau wahine, he makuahonowai wahine ame ka hunonawahine, e hookaewralcia laua mai ka laua mau kane mai, ua loaa ka ike i ka aha ua pololei ka laua mau kumuh«opii, nolaila ua haawi ka aha i kana apono e hookaawaleia ka makuahonowai wahine mai kana kane -mai, a pela hoi ka hunonawahine mai kana kane mai. O na kane a keia mau wahine i moku mai la i ka pahi a ke kanawai o ka makuakane no ame kana keiki.

Ua h\sokaawaleia o Mts. Bella Tavares, ka makuahonowai wahine mai ia. Pcter Tavare no ke kumu he pepohi mau, Ua mareia keia mau inea ma Honolulu nei ma ka la 7 o lulai, 1906, he 20 makahiki a i'ka noho pu an aa iloko o ia manawa ho elima mau keiki i loaa ia laua, o ke keiki hiapo he 19 niakahiki a o ka muli loa he 11, ma ka manawa o ka hoopii okimare o ka hookomoia ana ae i ka aha. No ka hunonawahine mai, no kc kumu a ka aha i apono ai oia ka malama ole i ke ola. Ma Honolulu nei no laua i mareia ai ma ka la 21 o Dckemaba, 1925, hookahi no makahiki a *)i ka noho pu ana o ka wehe koke ia no ia o ka pili i manaoia o ka make ka mea nana e hookaawale. Aohe hua a nei mau opio. Lehūlehu wale na hihia okimare mal»ko o Honolulu i keia mau la e nee nei, me ka nana ole ia o ka laahja o keia oihana, aole no hoi iwaena o ka lahui hookahi, iwaena no o na lahui 'apau.