| | HE MOOLELO NO IVANE MIKAELE a i ole He Moolelo Kahiko no Rusia i Piha me na
Hana Koa a Hoopihoihoi Noonoo "He nui loa ka manawa no ka hoolohe ana aku i kou ma-
nao aka i keia manawa, ke makemake nei au e hoihoi hou ia
aku ke Kauna Rurika, e hoopaa maloko o kona keena paahao !"
Ke onioni wale la no o Mira me ka manao e holo mai imua
no ka puliki ana ia Rurika, ua papa mai la nae kona makua-
kane iaia ma ke kamailio ana iho i keia mau olelo, me ka leo
liilii loa:
"E hoomanawanui e kuu kaikamahine, a mai hoao oe e ha-
na aku i kekahi mea e hooiia ae ai ka huhu ame ka inaina o
ka emepera, e hiki ole ai i ka mana o kekahi kino kanaka, ke
hoomalielie aku iaia!"
"Auhea oe e kuu emepera," i hoomaka mai ai o Rurika e
kamailio, i ka manawa i paa aku ai na koa elua ma kona mau
lima, "aole au e noi aku ana e aloha mai oe ia'u, aka o ka'u
leo uwalo wale no, o ia kou kaupaona ana i na mea apau, ma
ke ana o ke kaulike. E nana i kou puuwai ponoi iho, e ike
no auanei oe, ina no paha o oe ma ko'u wahi, aole no e nele ana
hooko elike me ka'u i hana aku ai."
Aole he pane ma ka aoao o ka Emepera Nikola no kela mau
olelo, aka ike aku la nae o Rurika, i ka uahoa ma kona hele-
helena, a ike pu aku la no hoi oia i ka hehee ana iho o Mira
iloko o na lima o kona makuakane, aole nae ia i lilo i kumu
no Rurika e kuwo ae ai, aka kulou iho la kona poo ilalo, me
ka ae aku i na koa elua e lawe iaia e hoopaa maloko o ka hale-
paahao.
I kela komo hou ana aku o Rurika maloko o ka halepaahao,
a iaia hoi e noho hookahi ana, mahope iho o ka haalele ana
mai o na koa iaia, me he mea la, he pouli pu wale no na mea
apau iloko o kona noonoo, me ka maopopo ole o kahi e kau
aku ai kona manaolana no ka palekana, no ka mea ua kama-
aina oia i ko Nikola ano, aole oia he emepera hiki ke hoololi-
loliia kona mau manaopaa. MOKUNA XXV. Ma kekahi la ae, e noho hookahi ana no ka Emepera Niko-
la maloko o ka rumi o kona hale ma Odesa, me he mea la e
kakali ana oia o ka hoea aku o kekahi kanaka, a no kona ulu-
hua paha i ka hoea koke ole aku, ku ae la ola iluna, a noke iho
la i ka holoholo, no kekahi manawa, a i puiwa oia i ka wehe-
ia ana mai o ka puka, a komo ana no o Ivana Mikaele iloko:
"Elike me kau kauoha o ka hoouna ana ae nei, e hele ma
au e ike ia oe, pela au i hooko mai ai i kela kauoha," i hooma-
ka mai ai o Ivana e hoakaka i ke kumu o kona hele ana ma
e ike i ka Emepera Nikola.
"Ua makemake i'o au e ike ia oe e Ivana, pela au i kauoha
aku nei e hoea mai oe i keia kakahiaka," wahi a ka Emepera
Kikola. me kona noho ana iho maluna o kekahi noho, a kauoha
pu mai la no hoi ia Ivana, e noho ilalo.
"Ua hoohalaia kekahi manawa loihi e maua me ke Kauna
Kalikini ma ke kamailio ana, maluna o na kumuhana like ole
ahiki i ko'u hooholo ana no ka'u mea e hana aku ai.
"Ua maopopo loa ia'u, ua kaawale loa oe mai na ahewaia
no na mea au i hana ole ai, oiai o Alekana e hoomalu ana i ke
aupuni; aka mahope mai nae o kona manawa, he nui na mea
e ahewaia ai oe."
"Heaha ia mau mea a'u i hana ai, e hookauia mai ai na he
wa ana maluna o'u?"
"O ka mua, o ia no kou wehe ana i ka puka o kuu hale
paahao! Ma ka manawa mua loa a'u i ike aku ai i kela kai
kamahine opio, e puliki ana ma ka a-i o ke Kauna Rurika;
a i ka wa hoi i maopopo ai ia'u, o oe ka makuakane o kela
kaikamahine, komo koke iho la no ka manao iloko o'u, o oe
ka mea nana i hoopakele ia Rurika mailoko aku o ka hale
paahao.
"O e Mikaele, o keia kekahi kumuhana ano nui loa, nana
i hoopilikia loa mai i kuu noonoo. Ina aole kela mea au
hana ai, ua makaukau loa au e hoihoi hou aku i kou mau wai
wai apau ame kou inoa hoohanohano. He mea liilii loa iloko
o ko'u noonoo, ina paha ua pili ka hewa ole paha ka paahao
ua kaa mai nae oia malalo o ko'u mana, a o oe ka mea nana
i kaili aku iaia mai kela mana aku o'u.
"Heaha ka waiwai o ka lilo ana o kekahi mea i emepera, ina
aole he mana iloko o kona mau lima? I hoike aku au ia oe
ea, o kela kanaka paahao Polani a Rurika i hoopakele ai, a i
lilo ai hoi ia hana, i kumu e noho paahao ai ke kauna opio, aia
oia ke hoala hou mai la i na manao hoala kipi ma Polani; no
laila e ike mai oe i ke kupono ole loa o ka hoao ana mai o ke-
kahi mea, e ku-e i ko'u mau makemake."
Ma kela wahi o ke kamailio ana mai a ka Emepera Nikola,
hoomaha iki iho la oia, me ka hamohamo ana ae o kekahi li-
ma, maluna o kona lae, alaila hoomau hou mai la i kana ka-
mailio ana.
"Ua aloha aku au ia oe e Mikaele me he kaikaina ponoi loa
la no'u mai ka makuahine hookahi mai; he manawa loihi ae
aei nae kela i hala, i ko kaua manawa he mau kanaka opio, eia
nae aole loa au i hoopoina no kela ano o kaua. Ke mau nei
no kela aloha o'u ia oe, aole i loli ae, aka nae hookahi a'u mea
hoike aku ia oe e kuu hoaloha, ua maopopo ia'u, aole kela ma-
nao makee iloko ou no kou emepera ame kou aupuni, elike
me ke ano o na kanaka Kukini oiaio apau.
"Ua noonoo nui au i kou ano ame kau mau hana o na ma-
nawa aku nei i hala, a hookahi a'u mea i ike, o ia no kou ma-
kemake nui, e kau aku ka hoopa'i maluna o Alekana Menikopa,
aole, no kou makemake maoli e noho ma ke kapitala o Rusia."
"Aole au e hoole aku ana i ka pololei o kena mau mea au e
namailio mai nei e kuu emepera."
"Ina no paha e hoole mai ana oe, aole loa ia he kumu e loli
ae ai ka'u mau mea mua i noonoo ai," wahi a ka Emepera
Nikola, me kona unuhi ana ae i kekahi leka loihi mailoko ae
o ka pakeke o kona kuka, a pane hou mai la:
"E lawe aku oe i keia leka, aia maloko olaila ka'u mea i hoo-
holo ai; ua hiki no ia oe ke hele aku e ike i ke Kauna Kalikini,
a nana e hoakaka mai ia oe, i na mea au i maopopo ole ai:
nolaila o ke aloha no kou e Mikaele; a e ike iho ana no oe,
aole i nele ka manao aloha iloko o'u no ka hoa-kanaka. Ua
lawa keia hui kamailio ana o kaua, ua hoea mai la kuu kakau-
olelo, he hana nui ka maua e lawelawe aku ana."
Haawi aku la o Ivana Mikaele i kona aloha i ka Emepera
Nikola, me kona hele ana mai no kalii o ka puka. a mamua
nae o kona oili ana aku iwaho nana hope ^.n la o?!' . imi ua
maka o ka emepera, aole he nana mai o Nikola iaia, nl.ii in huli | aku la kona alo i kahi e, me he mea la, aia na hoomanao ana
iloko ona, no na hana ku-e a Ivana iaia ame kona mana.
Ma ke kakahiaka nui o kekahi la ae, o ke ala ana mai no
ia o ke Kauna Rurika mai kona hiamoe mai, komo aku la ka
lunapaahao iloko o kona keena, a iaia i ike aku ai ua ala ke
kauna opio, oili hou mai la oia iwaho me ke kamailio ana aku
i kekahi mea okoa, a i ka weheia ana ae o ka puka a hamama,
komo ana no o Ivana Mikaele iloko.
I kela ike ana mai a ke Kauna Rurika i ke komo ana aku
o Ivana iloko, a hoomaopopo pu mai la no hoi i ke ano hoihoi
ma kona helehelena, holo koke mai la oia e hui pu me ia, me
ka paa ana mai ma kona lima, a pane mai la:
"O e Ivana, heaha ka hana nui i hoea kakahiaka nui mai
ai oe no ka halepaahao nei?"
"I hoea mai nei au no, ka hookuu laelae ana ae ia oe mal-
oko aku nei o ka halepaahao!"
I ka lohe ana no o ke Kauna Rurika i kela mau olelo, aole
ana mea hou ae e pane mai ai, aka kulou iho la kona poo ilalo
a haawi ae la i ka hoomaikai i ke Akua, maloko o kona naau,
no. keia pomaikai nui i kau mai maluna ona, a oiai, aole ana
mea hou ae e kakali iho ai, ke paa Ia no oia i na lima o Ivana,
a hemo like mai la laua iwaho, me ke kuikuilima pu ana o ke-
kahi me kekahi.
Ia laua mawaho o ka puka o ka halepaahao, i haawi hope
aku ai o Rurika i kona aloha i ke kanaka kiai, a hele aku la
laua no ke alanui akea, a oiai aia laua ke hele la ma kahi ka-
naka ole, ninau aku Ia o Rurika ia Ivana, ina paha he mea
hiki iaia ka hele ana aku e hui pu me ka emepera, ua hoole
mai la o Ivana, ma ka pana ana ae:
"Aole a kaua hele ana aku e ike i ka emepera; a mai kamai-
lio kaua no ia mea ma keia wahi, aka e hoomau aku no kaua
i ka hele ana imua," o ko laua hele aku la no ia, no kahi nae i
maopopo ole ia Rurika.
No ka hapaha hora paha kela helewawae ana aku o laua,
hoea aku la laua no kekahi hale, aia hoi maloko o ka mmi hoo-
kipa nui, e noho ana o Mira, a o ia ka Ivana o ke kamailio ana
ae i ke Kauna Rurika:
"E komo oe noloko o ka rumi hookipa i keia manawa, aole
au mea i koe e hopohopo ai, no ka mea o oe wale no ka mea
i kuleana iaia," me kona kuhikuhi ana aku i kahi a Mira e noho
mai ana.
Me ka manao hoomaikai kiekie iloko ona, no ka loaa ana o
ka hauoli piha i kona uhane, komo aku la o Rurika, me kona
kukuli ana iho imua o ke alo o Mira, eia nae, ua haule pu iho
la no na kuli o Mira iluna o ka papahele a ia wa i apo aku
ai na lima o Rurika a hoopili mai la ia Mira imua o kona uma-
uma me ka hooho ana ae:
"Ua maopopo no ia'u, e hoea mai ana i ka manawa e poha
mai ai ka la o ka maluhia ame ka maha, a ke manaoio loa nei
au, ua paneia mai ka'u mau leo pule e ke Akua."
"Aole o'u kanalua iki no ia mea," i pane mai ai no hoi o
Mira, me ka hiolo makawalu ana o na waimaka ma kona mau
papalina.
"Ua kokua i'o mai ke Akua la kaua, a ua hoauhee aku Oia
i na ao hakumakuma o ke kaumaha mai ia kaua ae; nolaila e
hoonani kaua i ko kaua hoopakele e kuu Fiodoa.
He mea oiaio loa, me na opio e kukuli like la iluna o ka pa-
pahele, aia iloko o laua pakahi na manao hoomaikai kui'o i ke
Akua, a i hooiaio no kela manao hoomaikai a mahalo i ko laua
Akua, Haawi like ae la laua i kekahi mau huaolelo pule, oiai
hoi o Ivana e ku mai ana a nana i kana mau keiki, me ka hiki
ke kaohi aku i kona mau waimaka o ke aloha. ,
I ka noho pono ana ae o na opio maluna o ko laua mau noho,
a i ke auhee ana aku hoi o na hiohiona hikimua o ke kaumaha
mai ia laua aku, o ka mea mua loa a Rurika o ka ninau ana
mai ia Mira, o ia no ke ano o kona pakele ana mai Konaki-
nopela mai, ke kulanakauhale o Tureke, no ka mea ua hoopo-
hihihi loa ia aku ko Rurika manao no ka hoea ana aku o Mira,
i ka manawa ana i moeuhane mua ole ai, elike me ia a kaua
e ka makamaka heluhelu i ike ae nei.
"Ma kela manawa au i haalele ae ai ia'u, maloko o kou rumi,
a hala aku la oe no ka hale o ke kanaka Greek, no ka imi ana
i hale kupono no'u e noho ai, ua lohe aku la au i kekahi mau
leo hauwalaau, ma ka hale malalo, a iloko o na mea e kamai-
lioia ana, ua lohe aku la au i ka hoopukaia ana ae o kou inoa.
"I wahi e maopopo pono ai ia'u ke ano o na mea e kamailio-
ia ana e ka poe mawaho, hoopili aku la au i ko'u pepeiao ma
kahi o ka puka-ki a lohe aku la au, i ka olelo ana ae o ka
ona nona kela hale, aole ana mau ku-e ana aku i ke komo ana
mai o kela poe kanaka iloko o ka rumi; a lohe pu aku la au
ma ke ano o na mea e kamailioia ana, he makai kekahi iwaena
o kela poe kanaka.
"No ko'u manao loa, e hele mai ana kela poe kanaka e hopu
ia'u, a hoihoi hou aku ia'u imua o Selima, ua holo aku la au
no kahi o ka puka aniani, i ko lakou manawa i pii mai ai ma
ke alapii, no ka hale maluna. Me ka hoohakalia ole iho, uu
ae la au i ka puka aniani iluna, a oili aku la iwaho, a o kahi o
ka laki, e ulu ana kekahi laauhihi, a ma na ka nunui o kela
laauhihi, i iho malie mai ai au ahiki i ka hoea ana no ka honua
paa.
"He wahi alanui ololi ke moe ana mahope o ka hale a hoea
no ka halelio, ma kela alanui au i hele aku ai, ahiki i ko'u hoea
ana i ka halelio, a malaila ko'u wahi i pee ai, ahiki i ke ao
ana ae ma kekahi la mai.
"Ke noonoo nui loa la au, i ke ano e paa hou ole mai ai au
i ka hopuia, a ma kela kakahiaka, ua hoea mai Ia he keiki opio,
no ka hanai ana i na lio, nolaila hooholo iho la au, e hoikeike
ia'u iho imua ona, nolaila me kela manaopaa, ! hele aku ai au
a hui pu me ka opio, a haawi aku la iaia i kekahi apana dala
gula, me ko'u papa loa ana aku iaia, aole e kumakaia ia'u.
"Haawi hou aku la au iaia i kekahi apana dala gula, no ke
kuai ana i paalole o ke keikikane, a ua haawi i'o mai la kela
opio i ke kokua ana no ko'u pakele, no ka mea iaia i nalo aku
ai, a oili hou mai, ua lawe mai la oia i kekahi paalole, i ku-
pono loa ia'u.
"Nikiikii ae la au i ko'u mau lauoho a paa i kahi hookahi,
me ke kau ana ae i ka papale-kapu, o ko'u haalele aku Ia no
ia i ka halelio, a hookokoke mai la no kahi o ka hale hookipa.
"Mamuli o na hooia ana mai a ke keiki opio, aole e hiki i
kekahi mea ke ike mai, he kaikamahine au i komo i ka lole
o ke keikikane, nolaila ua aa loa mai la o'u manao, me ka
hele ana aku e ninau i ka ona o ka hale hookipa e pili ana nou,
a loaa mai la ka ike ia'u mai iaia mai, ua laweia oe e kekahi
makai ame na luina Kukini.
"Loaa koke iho la no ia'u na manao hoohuoi, ua laweia aku
oe a hookau maluna o kekahi moku, nolaila haalele awiwi aku
la au i ka hale hookipa a iho mai la no ka uwapo, a o ka mea
a'u i ike o ia no kekahi moku, e holo ana i ka moana, a na
kekahi luina Greek i hoike ia'u, iuka mai o ka aina, ka
'.'.-aiip-'i ' kela nii-' u Rukini, ma ka po mamua aku.
''Ua maopopo loa ia'u, oe maluna o kela moku, nolaila ka- | kali iho la au o ka loaa he moku e holo ana no Odesa nei, o kahi no hoi o ka laki, he ekolu la o kela kakali ana, o ko'u kau mai la no ia maluna o kekahi moku, a hoea mai la no keia wahi, me ka nui no nae o ko'u nauki loa, i kau a mea o ka lohi. "Ia'u nae o ka hoea ana mai no keia wahi, lohe iho la au, aia oe me ka emepera. Aole i maopopo iki ia'u, pehea la i loaa mai ai ka manao koa a maka'u ole ia'u, aka hooholo iho la au, he mea pono e loaa oe ia'u. Mamuli o ka ninaninau ana, i hoikeia mai ai ia'u ka hale e noho ana o ka emepera, a aia oe maloko o kela hale, nolaila me ko'u nana ole ae ao na pilikia mamua o ko'u alahele, ua hele pololei aku la au no kela hale. akou, ina au i hoopepe, aole nae pela, ua holo maoli mai au i ka hoea ana i kahi o ka puka, a i kuu ike ana mai ia oe e noho ana; aohe mea hou ae a'u e noonoo ae, o ka hoea wale aku no imua o kou alo, a no ke koena aku o na mea i koe, ua ike oe e Fiodoa ia mea." "O na mea i hala aku la, ua hala ia, aole a kakou noonoo hou ana no ia mea," i pane ae ai o Ivana. "Ua palekana kakou apau mailoko mai o na pilikia ame na poino, a ke waiho mai nei imua o ko kakou mau alo na manaolana he nui. Ua aloha au i kou makuakane e Rurika, a ua aloha no hoi au au ia oe, a ke lana nei kuu manao, aole he mea nana e hookaawale hou ia kakou ma keia mua aku, ma ka honua nei." "O ka'u leo pule mau ia imua o ko kakou hoopakele ma keia hope aku,' wahi a Rurika me ka manao kuio. "He nani ia, ua hoea mai la i ka manawa kupono loa a ka kou e kamailio ai no kakou iho, nolaila, he mea pono ia'u ke hoike aku imua ou e Rurika i ka manao o ka Emepera Nikola, a o ia no keia: "Aia iloko o ka Emepera Nikola ka puuwai i like aku ka paakiki me ko ka hao kila, aka nae i kekahi manawa e loaa ana no iaia ka mano oluolu ole nae ia o kona ano mau. Ua huikala mai oia ia kaua a elua, aka ua hoole loa mai oia i ka haawi ana mai i ko kaua mau waiwai ame ko kaua mau inoa hanohano. Aole ona makemake i na kaukaualii i keehi iho i kona mau makemake, a i ku-e hoi i kana mau kauoha, e noho aku imua ona aole nae oia i piha me ka uahoa, ma na mea apau. "No ko'u mau waiwai apau, ua lawe aku oia no ka noho kalaunu; aka nae ua haawi mai oia ia'u i ekolu haneri kaukani dala; a ua kaili aku oia i kou mau waiwai apau, me ka haawi ole mai i kekahi pomaikai ia oe. "Mai lilo nae kou hooneleia ana mai la e ka Emepera Nikola i kumu e hookaumahaia ai kou manao, no ka mea ua Iawa loa na dala i haawiia mai ia'u, no kakou e noho aku ai iloko o ka lako ame ka hanohano. Ua hiki ia kakou ke noho maloko nei o Rusia ke makemake kakou, a i ole noho paha ma kekahi mau wahi okoa aku." "Pehea kau mea i manao ai, no keia kumuhana hope au i hoike mai la?" i ninau mai ai o Rurika, mahope iho o ka hala ana o kekahi mau minuke o kona noonoo ana. "Ua hooholo mua au i ko'u manao, o ia no ka haalele ana iho ia Rusia nei." "Ua kulike loa ko'u manao me kou e Ivana; aka ihea kakou e hele aku ai?" "Hookahi wale no aupuni ma ka honua nei e loaa ai ia kakou ka noho lanakila ana elike me ia a ko kakou uhane i iini nui ai, o ia no o Amerika. Iluna o na kahoaka kalaiaina o keia aupuni o Rusia nei, hookahi wale no a'u mea e ike aku nei, o ia na hana hoopilikia me ke kipi, a maluna ae o keia mau mea a elua ka hana hookahekoko. "E lilo no i mea no'u e hauoli ai, ke ku ana aku i paio no ka noho lanakila ana o kuu lahui kanaka, aka nae ke ike aku nei au iamua, aole he aupuni hookaumaha e ae i na kanaka, aka o Rusia no ia, ma keia ano, aole e hiki ia'u ke kaua ku-e aku i kuu aupuni ame kona hae, no ka mea maluna o kona lepo laahia, i haakohi mai ai ko'u makuahine ia'u, a ike mua ae i ka malamalama o ka la. "E hele kakou e Rurika, no kela aina o ka maha ame ka maluhia, a mai hoomaha i ka kakou huakai hele, ahiki i ko kakou hehi ana maluna o ka lepo o kela aina, kahi i kukuluia ai ka lamaku o ka lanakila, kela pono pookela loa i kukuniia aku iloko o ka puuwai o kela ame keia kanaka a wahine hoopono. Heaha kau pane e kuu keiki?" "Ua hoopa mai la oe i ka iini hookahi iloko o kuu puuwai, nolaila aohe a'u mea e ae e pane aku ai, o ka haawi wale aku no i ko'u ae," i pane ae ai o Rurika, me ka hopu ana aku i ka lima o Ivana, ma ke ano he hoailona no kona piha i ka olioli. "Pehea hoi oe e Mira, ihea kau wahi i makemake ai, ilaila kakou e hoi aku ai e noho?" "No kou noi ana mai la e kuu makuakane i ko'u manao ea, hookahi no a'u pane, ma kahi e loaa ai ia oe ame Fiodoa he home no kakou e noho ai, malaila au e hoi aku ai a noho, e hoolilo ana i kela home, me he paredaiso la no'u ma ka honua nei." "Ina pela aohe a kakou mea hou aku e kamailio ai, o ka haalele wale iho no i keia wahi elike me ka hikiwawe e loaa ana ia kakou. Ua huli hoi aku nei o Nikola no ke kapitala, a ua lawe pu aku oia i ke Kauna Kalikini me ia, aole e lilo ana ko kakou nalowale ana mai Rusia mai, i kumu e hookaumahaia ai kona noonoo; aka nae o ke Akua hookahi wale no ka Mea i ike, ua kaawale aku he elua mau uhane hoopono, a he elua mau kanaka puuwai koa mai kona aupuni aku he elua mau kanaka puuwai koa mai kona aupuni aku. "E hoea mai ana ka manawa ma keia mua aku e konoia mai ai o Nikola o Rusia, he mea pono e loaa iaia na kanaka me na puuwai oiaio, i mau hoa kukakuka nona; no keia manawa nae, me he mea la, ua nana maoli iho no oia iaia, ma ke ano, oia hookahi wale no ke kanaka mana nui ma kona aupuni, he manao kuhihewa nae kela. No kona lilo ana i emepera, a no kana mau mea i hana ai, a e hana aku ai paha, aole o'u wahi manao inaina iaia." He mau mahina lehulehu mahope mai, aole he mau mea i lohe hou ia no ke Kauna Rurika ame Ivana Mikaele, aka nae i ka hoea ana mai o ke kau wela, ua hoea aku la ka makuakane ame ka laua mau keiki no ke awawa o Ohio, a maloko o kela awawa i kuai aku ai o Ivana i home no lakou e noho ai. Ua kaawale aku kela inoa kaukaualii mai iaia aku ke Keikialii Mikaele Basilo, a iaia i lilo aku ai i makaainana Amerika, kakau aku la oia i kona inoa o Ivana Mikaele. Ma kapa o kekahi muliwai nui, i ku ai ka home kilakila o Ivana ame kana mau keiki, malaila o Rurika ame Mira i hoohala ai i ko laua mau la ma ke ano he hookahi laua ma ka berita mare, he hookahi ma na hana ame ko laua ola ana, e hoohauoli ana hoi ia laua iho, me na pono ame na pomaikai, o ka noho kuokoa ana, ka haawina pookela i loaa i na makaainana Amerika apau, a i ka mea kakau moolelo i haalele aku ai i na opio, iloko o na la mua o ko laua noho hauoli ana, aole i hoopomaikai mai na lani i ko laua kihapai kino, ka momi makamae a ko laua mau puuwai pakahi i iini aku ai e hoopuniia ko laua mau alo, e na pulapula o ke au hooulu lahui. (KA HOPENA.) | HE MOOLELO — No — FOLORA RIKEKONA A i Ole
KE KOMOLIMA MAKE POHIHIHI Ka Hoowalewaleia Ana— Ka Mare Malu Ana
i ke Kanaka Malihini— Ka Holo Makai-
kai Ana i Europa— Ka Mare Ana
me Kanaka Okoa. Ua hikiwawe Ioa ka loaa o ka ike ia Ineka, he kaikamahine
aapo loa oia ma na haawina i a'oia mai iaia, me ka nana ole
aku i kela kulana naaupo ona ma kona manawa i haalele aku
ai i kona home ponoi, ua hikiwawe loa ka makaukau i loaa
iaia a ua kaulike no hoi me Monika ma na haawina apau i a'o-
ia mai iaia, aole ma na haawina wale. aka ma na hana ke kahi
i a'oia mai ia laua oia hoi ka humuhumu ame na hana e ae i
kupono na na kaikamahine e hana.
Ma keia manawa o kela ano hoomaopopo ole o Kalo Kini
ma kana mau mea a pau e hana ai me ka noonoo nui ole e
hoonui aku i kona waiwai a e imi hoi i kulana oi ae, ua pau
ia, a he ano hou kona; ua ikeia kona hooikaika mau i ka hana
me ke akenui o ka noonoo e lilo oia i kanaka ulakolako i ke
kahi la e hiki mai ana.
Ua ikeia ma keia manawa kana makaala me ka malama
pono i na hana a pau a kona hakuhana, me he mea la, ua ike
iho paha oia a ua hoomaikai hoi i kona hakuhana, kona hoa-
hanau, no kana mau hana maikai i hana mai ai nona ame kana
keiki, a ua ike pu ia ma keia manawa kona hoike mau ana ae
i kona ano oluolu i kona haku hana.
Mamuli o kona hoomau ana i keia mau ano maikai ona ua
pii liilii ae oia mahope mai ahiki i kona lilo ana he kanaka
i hiki ke hilinaia e Mr. Kini, no ia kumu ua hookiekieia ae oia
mai ke kulana he kanaka paaua a i ke kulana luna maluna o
na kanaka hana; aole no i pau malaila, ua hookiekie hou ia ,
ae oia ahiki i kona lilo ana he luna hoohana no ka lua eli gula,
a no ka ike o kona haku i keia mau ano hoopono a hilinaiia
ona, a ua lilo hoi he kanaka kupono nana e malama i na hana
a pau, haalele iho la o Mr. Kini i ka hana eli gula malalo o ka
Kalo Kini hookele ana, a holo aku la i ka Hikina no kekahi
mau pule eono no ka huli a kukakuka pu ana me ka poe kuai
gula.
Me keia ano iho la ka nee ana o na hana me ka maikai a
hala na makahiki ehiku, a ua hiki aku la hoi o Ineka i ka pi-
ha ana o kona mau makahiki i ka umi-kumamaiwa, a ia Mo-
nika i ka umi-kumamahiku pakahi, nolaila noonoo iho la o Mr.
Kini, he mea pono e hoonohoia aku laua maloko o kekahi .
kula nui nohopaa no ka hoomahuahua ana ae i ko laua ike,
a no ka hookupono ana hoi ia laua no kekahi mau kulana kie-
kie ma ia mua aku.
Iloko o kekahi huakai a Mr. Kini i holo ai i Los Angeles,
kipa aku la oia i kekahi halekula i kaulana o na kaiamahine, a
mahope o kona kuka ana me ke kumupoo o ia kula, alaila hoo-
ponopono iho la oia i na mea apau e pono ai laua no ka hoi
ana aku ia kula a no ka hoopau pono ana aku hoi i ka laua
mau haawina ame ko laua a'oia ana, a e kapa mau ana oia
i keia mau kaikamahine nana ponoi, oiai nae, hookahi no ana,
a na ka hoahanau ona kekahi.
Iaia i hooholo ai no ka hoihoi ana aku i keia mau kaikama-
hine i ke kula kaikamahine ma Los Angeles aohe kanalua ilo-
ko ona no ko Kalo Kini ae mai i keia hooponopono ana ana,
oiai, aole oia e koiia aku ana e uku mai i hookahi keneka no
ka ukukula o Ineka, no ia kumu aohe oia i ui aku i ko Kalo
Kini ae mai i keia hooponopono ana ana, no ia kumu aohe oia
i ui aku i ko Kalo Kini manao, no ka pono a pono paha o keia
manao ana ona e hoihoi aku ia Ineka i ke kula.
I kekahi la hoike aku la oia i kana mea i hana ai no na kai-
kamahine ia Kalo Kini mahope o kona hoi ana mai, a ua apo-
no mai la o Kalo Kini e loaa ana ka naauao i kana kaikamahi-
ne a e hookuponoia ana oia no kona ola ana o ia mua aku,
eia nae, no kekahi manawa loihi ka ulu mau ana o kekahi noo-
noo lapuwale iloko o Kalo Kini, oia hoi, e oi aku ana ka naau-
ao e loaa ana i kana kaikamahine a e hapaiia ae ana oia a oi
ae ke kiekie maluna ona, a i ka manawa e pau ai o kona noho
ana ma ke kula a hoi mai ana a noho me ia, a e nana mai ana
oia iaia me na maka konakona no ka lako ole o kona noho
ana i na mea nani, oiai ua maa o Ineka i ka noho ma ka home
nani a ua maa hoi i ka aahu i na Iole nani, a i ka ai i na meaai
maikai, he mau mea nae i hiki ole iaia ke hoolako aku iaia.
O kekahi mea hoouluhua i kona noonoo oia kona no-
ho aie i kona hoahanau no na hoolilo apau ana i auamo ai no
kana kaikamahine, a ua lilo keia i mau mea hookaumaha i
kona noonoo, a ua loaa iho la iaia keia manao ohumu, pehea la
i haawi mai ai na lani i ka pomaikai ame ka hanohano nui
maluna o kona hoahanau, oiai hoi, nona iho iloko o ka hapa-
nui o kona mau Ia o ke ola ana, ua wiliia oia a paa malalo
o na kapuai hao o ka hune.
Mamuli o keia mau mea hoouluhua e ulu mau ana iloko o
kona noonoo ua hoala hou ia mai la na manao lili iloko ona
o ka wa kamalii a ua ulu mau aku ahiki i ka nohoalii ana o ka
inaina ame ka manaoio iloko ona no kona hoahanau aloha
iaia, alaila hoolala iho Ia i kekahi hana i mea e make ai kona
hakuhana a o ke kanaka lokomaikai hoi i hana mai i mea
poho ai kana kaikamahine, me keia manao e loaa ka pomaikai
no kana kaikamahine no Ineka, elike me ka iini o kona ma-
kuahine e lilo oia I wahine naauao a waiwai ma ia mua aku
O keia na manao lapuwale i hanau iloko o Kalo Kini ahiki
i ke oo ana a e ikeia ana ka hua o ia manao ma keia nee an
aku o ka moolelo.
I ka hoi ana aku o Monika ame Ineka i ke kula aohe i liuliu | |
