Ka Nupepa Kuokoa, Volume LXVI, Number 2, 13 January 1927 — Page 1
| | ||||||||||||||||||||||||||||||||||||||||
| | Nupepa Kuokoa KE KILOHANA POOKELA NO KA LAHUI HAWAII | | ||||||||||||||||||||||||||||||||||||||
| | Ka Nupepa Pookela o na Nupepa Hawaii | | ||||||||||||||||||||||||||||||||||||||
| | Hoopukaia i na Ka kahiaka Poaha Apau | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | BUKE LXVI—HELU 2 ' NUPEPA KUOKOA, HONOLULU, T. H. POAHA, IANUARI 13, 1927 NA HELU APAU. 6445 | |||||||||||||||||||||||||||||||||||||||
| | ||||||||||||||||||||||||||||||||||||||||
| | Mareia he Mau Opio me ke Ku-e i ke Kanawai Piha Ole na Makahiki Kupo- no ia Laua e Hiki ai ke Hookoia Aku ka Mare HOIHOIIA KE KANE E HOOPAA MA WAIALEE Hoi ka Wahine Kaikamahine me Kona Mau Makua Pilipino e Noho ai Mamuli o ka noii ame ka huli ana ma ka aoao o na luna oihana o ka aha hookolokolo o na kamalii i loaa aku ai, ka mareia ana o ke- kahi mau opio i oo ole ma ke ka- nawai, a waihoia aku kela hana imua o ka Puuku Henry C. Hapai ka mea nana i hookohu ua akena hoopuka laikini mare apau, a me he mea la e haawiia aku ana ke- kahi a'o ikaika ana i na akena apau no ka lakou mea e hana ai ma keia mua aku. Ma ka Poalua iho nei, i hoikeia ae ai, ka mare ana o kekahi keiki Hawaii o umi-kumamaha wale no makahiki, i kekahi kaikamahine Pilipino o umi-kumamakolu makahiki ma ka Poaono aku nei i hala; na ka Rev. Robert Ahuna laua i mare O ka mea oiaio i pili i kela keiki Hawaii o ka mare ana i ka wahine he mea oia i noho mua maloko o ke kula hoopololei o na keikikane malalo o Waialee, a ua hookuuia mai oia malalo o ka hoomalu; no laila i ka wa i maopopo ae ai keia mare ana, o na opio, ua hoihoi hou ia kela keiki no Waialee, a ua kaa aku hoi ke kaikamahine Pilipino malalo o ka malu o kona mau makua. O ka mea nana i hoopuka i ka laikini no ka mare ana o kela mau opio, oia o J . A. Combs. Maloko o ka palapala ae mare, pela hoi ma- loko o ka palapala mare, e hoakaka ana, he umi-kumamawalu makahiki pakahi o ke kane ame kana wahine oiai nae o ka mea oiaio, he mau keiki kela i oo olo malalo o ke kalawai a i hiki ole ke hoopukaia he laikini mare no laua, a oki loa aku hoi ka hiki la laua ke mare, ahiki i ke oo ana, elike me ke kauoha a ke kanawai. Aole ka keia o ka paamare opiopio mua loa i ku-eia ai ke kanawai, aka he paamare hou ae no kekahi mamua aku nei, me ka nukuia ana o ka akena nana i haawi i ka palapala ae mare, e ka Puuku Hapai, a mamuli o keia oili ana ae nei o keia pilikia hou, e lawelaweia aku ana na alahele, e loaa ai ka makaala, ma ka aoao o na akena haawi laikini mare, ma keia mua aku. KA MANAWA HOLO O KA MOKUAHI HAWAII Mamuli o kekahi mau kelepa ku- ikawa a ka mokuahi Hawaii e holo aku ana i Hilo a pela hoi i ke awa- kumoku o Kaumalapau, ma Lanai, i hoike ae ai ka hui mokuahi i kona manawa holo elike me ia malalo nei: E haalele iho na ka mokuahi Ha- waii ia Honolulu ma ka Poaha, Ia- nuari 20 ma ka hora 10 a. m., no Mahukona, Kawaihae ame Kailua, a i ka hoi ana mai e komo ae ana ia i Lahaina mahope o ka haalele ana aku ia Mahukona ma ka hora 12 awakea ma kahi o ka hora 3:30 p. m., o ka Poalima, o Ianuari 14 ame ka Poalima o Ianuari 21, no Honolulu ma ke alahele mai o Kaumalapau, Lahaina ame Kaunakakai. E haalele iho ana ka mokuahi Hawaii ia Honolulu ma ka Poaha, Ianuari 27 ma ka hora 10 a. m., no Mahukona ame Kawaihae ma ke alahele aku o Lahaina, aole e kipa aku ana i Kailua. Ma ka hoi ana mai e haalele aku ana ia ia Hilo ma ka hora 12 awakea Poalima, Ianuari 28, a e kipa ae ana i Mahukona, a e haalele aku ana ma ka hora 6 p. m., Poalima no Honolulu ma ke alahele ae o Lahaina ame Kaunakakai. O na ohua na ekeleka ame na ukana palahe ole wale no ke aeia ana e lawe mai ma keia holo ho-pe ana. LILO KA HOPUIA ANA O KE KE- PANI NANA KA WAIONA I HANA KUE KANAWAI Mamuli o ke kupono ole o ka pala-pala hopu ame ka hoololiia ana o ka palapala hopu i paa ka inoa o kekahi kanaka okoa aku me ke kue ke kanawai i lilo ai i kumu na ke Komisina U. S. Ebert J . Bott e hoopau wale ai i ka hoopii e kue ana ke Kepani i hopuia ai ma Palolo. Ma ka auwina la o ka Poaha o ka pule aku la i hala he Kepani o | | ||||||||||||||||||||||||||||||||||||||
| | LOAA KA MANA HOOPAU I KA MAKAI NUI DAVID L. DESHA Hoakaka ka Loio Kalana David i Kona Manao Kanawai o na Makai Kumau Wale no ka i Kaa Malalo o na Komisina Makai | |||||||||||||||||||||||||||||||||||||||
| | LOAA PONO KA AIHUE ANA A KEKAHI MEA I HILINAIIA Ae Okoa ka Lunanui o na Uwapo o ka Hui Alahao o Dilinahama ma no Kona Poholalo Ana i na Dala Ukuhana o na Limahana | | MAKEMAKE KA AHAHUI O NA KAUKA E KAPU NA PAHUPAHU Apono Kela Ahahui i Kekahi Olelo Hooholo e Koi Ana i na Lunakiai e Hana i Kanawai Pa- pa i ke Kuaiia o na Pahupahu | | ||||||||||||||||||||||||||||||||||||
| | Hoopihaia e na Lunakiai he Mau Kulana Hooholo pu ia na Ukuhana o ka Poe i Hookohuia Aku no na Keena HOOHOLO KA PAPA I KE- KAHI MAU HANA HOU Nui no na Kulana Oihana Hou ae e Hoopihaia Aku Ana e ka Papa Ma ka halawai hana a ka papa o na lunakiai o ha noho ana ma ka po o ka Poalima aku la o ka pule hala i holo ai ma ka heluhelu elua ia ana ka olelo hooholo e hookaawale ana i haawina dala no na hoolilo o ke aupuni kulanakauhale ame kalana no ka 1927, a ma ka halawai o ka Poalua nei i heluhelu hope ia ai ia olelo hooholo. Ha ia halawai ana a ka papa he mau hookohu lehulehu ka i aponoia, o ia keia malalo nei: O ke kulana hana no kekahi kokua enekinia no ka pauma a nona ka ukuhana o $350 o ka mahina ka i hookumuia aponoia e ka papa. Ua aponoia ka hookohu ana ae ia John F. Colburn i kokua lunahoohana no na paka me kona uku o $300 o ka mahina. Aponoia e ka papa ka hoo kohu ana ae a ka Makai nui Desha ia Samuel Mahoe i hope makai nui no ka apana o Waialua, a ia W. N Titcomb i hope makai nui no Ewa me ka hooholo pu ia o ko laua mau ukuhana ma ka $200 o ka maluna O kekahi mau hookohu i aponoia e ka papa o ia keia: Joaquin Pachecco, i poo kamana no ke kulana kauhale; William E. Paikuli, i poo no na kanaka pena hale, a ia Swinton Aldrich i lunanana no ka hana e pili ana i ke kukulu ana i ka hale halawai o ke Kula kiekie Makinile Ua hooleia e ke komite o na paka ame na kahua paani na koho no ke kukulu ana i hale, malumalu ma Kailua. O ka manao o ka papa lunakiai hou e hoololi i na hana i hoo lala mua ia e ka papa lunakiai i pau, kukulu i hale no ke kanaka malama paka a e hoopuka aku i kahea no na koho hou maluna o ia hana i noonooia. He olelo hooholo e noi ana no $50,000 no na hana hou paamau maloko o na paka ame na kahua paani ka i waihoia ae i ke komite waiwai o ka papa no ka noonoo ana a waiho ae i hoike. He hoolohe ana ma ke akea no ka hooloihi ana aku i ke alanui Kahala elike me ia i hoolalaia ka i malamaia ma ka halawai o ke awakea Poalua nei a ka papa. HOAHEWAIA E KE KIURE KE KALAIWWA NO KA MAKE ANA O KE KAIKAMAHINE Ma ka olelo hooholo a ka papa kiure a ke koronero o ka hoihoi ana ae i ka aha ma ke kakahiaka o ka Poaha o ka pule aku la i hala o ahewa loa ana ia ia John W. Hodges, kekahi o na koa o ka Papu Ruger ma Laeahi, o ia ke kumu o ka make ae^a o Alice Chung Fat ma ka manawa o ka hookui ana o ke kaa a Hodges me ka ikaika loa me ke kaa otomobile a ke kaikamahine i make e kau ana, ma ke kihi o na alanui Keanu ame Alanui 6 ma Kaimuki ma ka la 19 o Dekemaba i hala. Ua hoakakaia maloko o ka olelo hooholo "ua make ke kaikamahine mamuli o ka waawaa ana o kona iwipoo. Ua kiolaia ka mea i make mailuna aku o ke kaa Ford 69515, a ua loaa ka ike i ka papa kiure ua loaa keia ulia mamuli o ka holonui a noonoo ole o John W. Hodges, he haole i loaa ole iaia ka laikini kalaiwa kaa." He kumuhoopii no ka laweola ma ke degere ekahi ka i hookomoia ae ka aha kaapuni i ka la mahope iho o kela ulia. Ma ka manawa o ka noho ana o ka aha nieniele kumu make ua hoole oia i ka haawi ana ae i kana oleloike, me ka hoa- kaka pu ana ae e malama ana oia i kana oleloike ahiki i ka manawa hookolokoloia ai oia. a ka Otto Ludloff oleloike o ka hoike ana ae imua o ke kiure, oia ka i ikemaka mai ma kela manawa ka hookui ana o na kaa, oiai he kokoke mai kona wahi i kahi o kela kihi i hookui ai na kaa, ua ike mai oia i ka holonui o ke kaa a Hodges e kalaiwa ana maluna mai, a o ka hookui ana o na kaa ka mea i ikeia mahope iho, a o ke kaa a Miss Chung Fat e kau ana ua kiolaia ae a kaa ma kekahi aoao o ke alanui. Ma ka A. A. Creamer, oleloike hoi, ke kokoolua o Hodges e kau pu ana iluna o ke kaa ma ka manawa i hoo- kui ai, e holo ana ke kaa ana e kau ana ma kahi o ka 25 mile i ka hora, a ma kana koho o ia mama | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| |
| | ||||||||||||||||||||||||||||||||||||||
| |
| | ||||||||||||||||||||||||||||||||||||||
| |
| |||||||||||||||||||||||||||||||||||||||
| | ||||||||||||||||||||||||||||||||||||||||
| | HOOKOMOIA HE HOOPII K02POHO O $25,000 Mamuli o ka make ana o kona lio heihei o Kaala ka inoa, oiai maluna o ka mokuahi Maliko, o ka hui mokuahi Matson Navigation Co., e holo aua mai Honolulu aku nei no Kapalakiko, i hookomo ae ai o Louis D. Warren, o Honouliuli ae nei, he hoopii koipoho o $25,000, iloko o ka aha federala, ma ka Po-alua iho nei, e ku-e ana i na ona o kela hui mokuahi. I kulike ai me na hoakaka maloko o ka hoopii koipoho, ua hookauia aku ka lio heihei Kaala, maluna o ka mokuahi Maliko ma ka la 6 o Okatoba aku nei i hala; aka nae ua make kela lio ma ka moana, mamua o ke ku ana aku o ka mokuahi i Kapalakiko. Wahi o Louis Warren, ua hoea mai kela hopena poino maluna o kona lio, mamuli o na hana hemahema a malama pono ole, ma ka aoao o na ona moku, na aliimoku, ame na luina. He mau manawa lehulehu kana o ka waiho ana aku i ke koi imua o na ona o ka hui mokuahi, no ka uku ana mai i ke poho, mamuli o ka make ana o kela lio, ua hoole mau ia mai nae kana mau koi, ahiki i kona hookomo okoa ana ae i ka hoopii imua o ka aha hookolokolo. HE 26 POE I MAKE I NA KAA OTO I KA 1926. He 11 ke emi iho o na make i na ulia kaa otomobile i ka 1926 malalo o ko ka makahiki mamua aku, elike me ka David Kamauoha, ke kapena o na makai kaa o ka hoike aina ae. Maloko o ka hoike i ka makahiki 1926 i newa aku la he 26 poe i make a i ka 1925 he 37 poe i make. Aohe hoakaka no ka poe i ahewaia no ka make ana o keia poe ame ko lakou mau hoopa'i, aohe no he hoakaka no na poho i ukuia aku i na ohana o ka poe i make. Iloko o ka 1926 he 683 ka nui o ka poe aihue kaa i hopuia, a he 531 i ka 1925. No na kaa i aihueia iloko o ia makahiki he 379 i loaa aku i na makai, he 266 i loaa aku i na ona, a he 34 mau kaa i loaa aku ua nahaha mamua o ka loaa ana aku. No ka poe ku-e i na kanawai e pili ana i ka bolo ana o na kaa he huina nui o 1737 poe i hopuia i ka 1926, i ka 1925 aku he 2799. No ka poe i hoopa'iia maloko o ka aha hoomalu he 958, a no na hoopa'i i ohiia mai ia poe mai he $21,277 i ka 1926. Maloko o ka hoike o ka heluna nui o ka poe i hopuia no na ulia otomobile maluna o na alanui Kamehameha, Puuloa, ke alanui Ala Moana ame ke alanui pali. He elua mau ola i make ma ka ulia kaa uwila iloko o ka makahiki. | | ||||||||||||||||||||||||||||||||||||||
| | PAA I KA HOPUIA NO KA HOO- WELIWELI I KANA WAHINE No ka hooweliweli e pepehi i kana wahine, pela hoi ke apuhi ana ma ke ano kolohe, a hoolilo aku i na mahele o kana wahine, ma ke kuai, me ka malama ana i na olala o ka loaa ana mai, no kona pono iho, i paa ae ai o William J. Markham, i ka hopuia ma ka auwina la o ka Poalua iho nei i ka Makaikiu Joe Munson. I kulike ai me ka hoakaka a ka Makaikiu Munson, ua laweia ka na ke ano kolohe he mau palapala hooia mahele no kana wahine, iloko o kekahi mau hui hoopukapuka wai-wai, a mahope iho o ke kakaukua ana i ka inoa o kana wahine ma ke ano apuka, ua kuai hoolilo ia aku a kela mau mahele, a o na dala i oaa mai ia Markham, ua lawe ae oia no kona pono iho, me ka haawi ole aku i kana wahine, ka mea i kuleana i na mahele i hooliloia. I ka manawa ka i ikeia ai kela hana kolohe a Markham mahope mai, ua hooweliweli ae oia e pepehi kana wahine, a no keia mau hewa, kaa ae ai o Markham, malalo o ka malu o ke kanaka o ke aupuni. Ma ka po ana iho nae o kela Po- alua, i hookuuia ai o Markham, mailoko aku o ka halewai, mamuli o kona waiho ana ae i ka bela o hoo- kahi kaukani dala, no ka hewa apu- ka, a pela hoi ka waiho ana ae he $2500 bona, no ka malama ana i ka maluhia. He hana kaa otomobile ka Mark-ham ma keia kulanakauhale. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | IKEIA KA AIHUE ILOKO O KA RUMI MA KA WANAAO A LILO AKU KE DALA ME KA HUIHUI KI Komoia ka rumimoe o Frederick J. Lowrey ka peresidena a lunahoohana o ka Hui Lui ame Kuke ma ka hora 3 o ka wanaao Poaha o ka pule i hala aku la, a i ala o Mr. Lowrey i ka nakeke o ka ume o kana pahuku, a iaia i lele iho ai mailuna aku o kona moe no ka hoao ana e hopu i ke kanaka komohewa, ua holo aku ia nae ka aihue a nalowale iloko o ka pouli. I ka huli ana aku i kahi o ka aihue i komo mai ai ua loaa aku la iaia ka ike ma ka pou o ka lanai ka pii ana mai o ka aihue a komo mai la iloko o ka rumimoe ma ka papahele elua o ka hale a o kekahi puka aniani e hamama ana. O na waiwai i loaa i ka piko pau iole a i laweia aku eia he mau wahi kenikeni liilii me kekahi huihui ki, iloko na dala o ka bila buke kahi i waiho ai, elike me ka Mr. Lowrey o ka hoike ana ae i ka oihana makai. O ka home o Mr. Lowrey o ia kekahi o na hale nani maloko o Honolulu, e ku nei ma ke kihi o na alanui Vitoria ame Lunalilo. No ka minamina loa o Mr. Lowrey i ka buke bila ame ka huihui-ki o keia hoolaha malalo nei kana o ka haawi ana mai i ka Advertiser no ka hoolahaia ae: "Ina ua pau ka makemake o ke kanaka nana i lawe aku kuu dala ame ka huihui-ki mailoko aku o kuu hale e hoihoi ae ia mau mea i ke keena o ka hale o Lewers & Cooke Ltd., e loaa aku ana ka hoomaikaiia. F. J. Lowrey. Aohe pane i loaa ae no ka hoolaha elike me ia ma ka lono hope loa i loaa ae. | | ||||||||||||||||||||||||||||||||||||||
| | KA HOIKE A KA AHA O NA OPIO NO KA MAKAHIKI I HALA Iloko o ka 1926 i newa aku he 356 mau hihia o na keiki kolohe a a-i oolea i hooloheia e ka Lunakanawai John R. Desha o ka aha hookolokolo o na opio, iloko o ia heluna he 253 mau hihia o na keikikane a he 93 no na kaikamahine, elike me ia i ikeia maloko o ka hoike makahiki a ia aha i hoopukaia ae ma ke akea ma ka Poaha o ka pule aku ia i hala e Mrs. Ellen Dwight Smythe, ke kakauolelo o ia aha. Iloko o ka makahiki i hala 177 mau keikikane a he 84 mau kaikamahine i hoopiiia ae no ka hookuli, ka lalau, ke pakike a pela aku; 134 mau keikikane ame 10 mau kaikamahiane i waihoia ae no ka hoao ana; hookahi keikikane ame eiwa mau kaikamahine i waihoia aku malalo o ka malama a alakai ana a kekahi mau ohana; elua mau keikikane ame 55 mau kaikaahine i waihoia aku malalo o ka malama ana mai a na hui manawalea; he 40 mau keikikane ame 13 mau kaikamahine i hoihoiia aku e hoopaa maloko o na kula ao hanalima, a hookahi kaikamahine i hoihoiia aku i ka halekula o na keiki kamehai, a nawaliwali o ka noonoo. No ia mau keiki ma na lahui o ia keia: Na Hawaii, he 52 mau keikikane a he 36 mau kaikamahine; na keiki haole, he 40 mau keikikane a he 17 mau kaikamahine; na Kepani, he 17 mau keikikane a he 7 mau kaikamahine; na Pake, he 14 mau keikikane a he 1 kaikamahine; Pilipino; 6 keikikane a he 2 kaikamahine; Poko Riko, 2 keikikane a he 6 mau kaikamahaine: Korea, 5 keikikane, a no na lahui huikau like ole he 39 mau keikikane a he 26 mau kaikamahaine. O ka aihue ke poo o na hihia kiekie i hoopiiia ae ai na keiki; no keia hewa he 71 mau keikikane ame 3 mau kaikamahine i hoopiiia ae. No ka hele po a oi aku mamua o ka manawa kapu he 81 mau keikikane; no ka paakiki a a-i oolea hiki ole ke hoohulihuliia ma ka pono, he 24 mau keikikane a he 20 mau kaikamahine; no ka auwana, he 18 mau keikikane, a he 20 mau kaikamahine; no ka hana hewa o ke ano haukae, he 4 mau keikikane a he 38 mau kaikamahine; no ke kue i ke kanawai e pili ana i ka holo ana o na kaa oto, he 19 mau keiki- kane a hookahi kaikamahine; no ka hoeha he 11 mau keikikane; no ka piliwaiwai 7 keikikane; no ka haalele kula, 6 keikikane, no na hanaino, 3 keikikane; no ka hookuli, elua mau kaikamahine, a no | | ||||||||||||||||||||||||||||||||||||||
| | ||||||||||||||||||||||||||||||||||||||||
| | PAA AE I NA AKENA HOOKAPU WAIONA KEKAHI IPUHAO PUHI RAMA NUI MA PALOLO Mauka ae nei o ke Awawa o Palolo i kaa aku ai i na akena hookapu waiona federala kekahi ipuhao puhi rama nui i ike ole ia kekahi ipuhao nui elike me ia mamua ma ka Poaha o ka pule aku ia i hala, ma ka manawa o na akena o ka hoea ana aku i ka hale o T. Hayashi a paa oia i ka hopuia me na olo rama ame na mea puhi rama apau, a hapukuia ae a ku ana i ka hale aupuni federala. Ua loaa aku i na akena he mau pahu rama i hoaawaawaia 600 galani, hookahi ipuhao puhi rama 100 galani, me 28 mau galani okolehao i makaukau no ka hooliloia aku, a mawaho ae o keia aneane elua tona laiki, kopaa, uala, huita, hope ame ka lanahu. Ma ka manawa a na akena i hiki aku ai aohe o Hayashi i kue mai, a ua laweia mai oia malalo o ka hoomalu ana a ka Hope Ilamuku Liftee. Maluna o na kaa kalaka ame na kaa otomobile i laweia mai ai ia mau waiwai kue kanawai ahiki i ke keena o ke poo Akena Barrett. E puhi rama ana no ka kela Kepani ma ka manawa a na akena i hiki aku ai, ina paha i loaa mua ka ike i kela Kepani ua holo mua oia, aka no ka nanea loa ua like oia me ka ohiki iloko o ka ina. O kahi ka o kela hale o Hayashi i ku ai aia mahope aku o ka hale wawahi pohaku o Palolo, a ua hoopuniia la wahi hale mamua o ke komoia ana aku oloko e na makai a e a mai. ana no ka ke kapuahi, a no ka aneane ka elua pule i hala ka hoohanaia ana o kela ipuhao puhi rama. O na akena i hele pu me ka Hope Ilamuku Liftee ma keia hopu ana, oia o William Stetzer, Raymond Davis, M. Overpeck. Nui ka ka mahalo o ke Poo Akena Barrett i kona mau hope no keia hana a kona mau kanaka, a oia pu ka kekahi i kokua i na kanaka ona ma ka hoohikihiki ana i na olo rama ame ka ipuhao puhi rama ahiki i ke komo ana iloko o ka rumi. Pio ke ahi ma kekahi wahi, lalapa mai no ma kekahi wahi. | | ||||||||||||||||||||||||||||||||||||||
| | ELUA I EHA MA KA MANAWA O KE KAA I HOOKEIA MAI AI A HOOKUI I KE KUMULAAU O kekahi o na mea i eha ma na la hope o ka pule i haia aku la ma-muli o na ulia a i laweia ae i ka halema'i o na poino ulia oia o Miss E. Needham ame Sam Kahanu. Ma ka hoike a ka Lutanela Makai Lono McCallum o ka hoihoi ana a4 i ka hale o ka oihana makai, ia Sam Kahanu e kalaiwa mai ana i kona kaa ma ke alanui pali o Nuuanu ma ka po o ka Poaono, a i ke kaa- ana ma o aku o ka halenoho o ka ohana Kuke, ua holo mai ia kekahi kaa i pakuia a paa loa, a e kalaiwaa ia ana e kekahi kanaka ana i mao- popo ole a hooke mai la i kona kaa a pili loa ia hai o ke alanui al hookui aku la kana kaa i kekahi kumulaau a poino kekahi wahi. Ua moku na lima ame na wawa^ o Miss Needham ma ia hookui ana o ke kaa i ke kumulaau, a no ia ohui i laweia mai ai oia no ka halema'i Moiwahine. No Kahanu hoi nai moku kona lima akau, a ma ka halema'i o na poino ulia oia i lapa- auia ai. Ma kela manawa o ka hala- wai ana o ka Kahanu kaa me ka poino aohe i ku iho ke kaa i paa i ka pakuia, ua hoomau mai la no i ka holo ana no ke kaona me ka mama loa. Ia Henry Silva i lele iho ai ilalo mailuna iho o ke kaa kalewa meaai a ka Pake ua hookuiia mai la oia e ke kaa otomobile e kalaiwaia ana e S. Ishikawa ma ke alanui Puowaina ma ka auwina la o ka Poaono a eha, a no ia eha o kona poo a ma ka helehelena i lapaauia ae ai oia maloko o ka halema'i o na poino ulia. Ia Harry Chong e paani ana ma-luna o ke alanui Kukui ame Papa ua hookuia mai la oia e ke kaa oto e kalaiwaia ana e William S. Schilling a ma kekahi wahi o kona kino kona eha a ma ka halema'i o na poino ulia i lapaauia ai ia wahi ona i eha ai. Aohe hewa ma ka aoao o ke kalaiwa nolaila ua hookuuia oia. No ka hele ana ae o Ellen McDaniels mai kekahi aoao o ke alanui a i kekahi a kaa pono mamua o kahi o ke kaa oto e kalaiwaia ana e Paul Cooke ma ke alo mai o ka Hokele Gray ma Waikiki ma ka auwina la Sabati, i hookuiia aku ai oia a eha, a laweia ae i ka halema'i Moiwahine a malaila i lapaauia mai ai ka eha ma kona poo me ka pahalehole ma kona helehelena a ma kona poo. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | Hayashi ka inoa, ka mea kue kanawai waiona i hopuia e ka Hope Ilamauku Samuel K. Liftee me kona mau paalalo ma ke Awawa o Paolo ma ka manawa i loaa pono aku ai e puhi rama ana. O ka inoa i kakauia maloko o ka palapala hopu i hopuia ai o Hayashi o John Doe Kaishi. Ua komoia kahi o Hayashi mamuli o ka ikaika o keia palahopu, eia nae, mahope mai i loaa ni ka ike i na makai o Hayashi ka inoa o ke Kepani a la-kou i hopu ai, a ua hoohuiia aku ka inoa o Hayashi mahope o ka noa mua i paa maloko o ka palapala hopu. He nui na mea i kamailioia ma- loko o ka hale aupuni federala ma ka Poalima i hala aku no ka hoo- loliia ana o ka palapala hopu e lilo ai i hana o koiia ae ai ka noonoo o ka lunakanawai o ka aha federala e nana mai maluna o keia hoololiia ana o ka palapala hopu. O kekahi hana i hoolalaia e hoihoi hou aku i na waiwai apau ia Hayashi, ina nae e hiki ana iaia ke hooiaio ae nona ia mau waiwai apau i paa ae ai i ka hopuia e na akena hopuhopu waiona. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | na hewa e ae he 19 mau keikikane a hookahi kaikamahine. Malalo o ke poo, na keiki e kaukai aku ana na hai e malama mai he 88 mau hihia o keia ano i hooloheia e ka Lunakanawai Desha, he 28 no na keikikane a he 60 no na kaikamahine iloko o ka 1926, a na hoakaka mai ka aha he 26 mau keikikane ame 40 mau kaikamahine o lakou na keiki i kupono e kaukai aku na hai e malama mai ia lakou. He ekolu mau kumuhoopii e kue ana i kekahi mau kaikamahine ekolu i hoopau waleia e ka aha. He ekolu mau keikikane ame eono mau kaikamahine i waihoia aku malalo o ka malama ame ka hoomalu ana a kekahi mau ohana; he 9 mau keikikane ame 24 mau kaikamahine i hoihoiia aku maloko o na home manawalea, a he 13 mau keikikane ame 11 mau kaikamahine i hoihoiia aku i ka home o na keiki kamehai a nawaliwali o ka noonoo. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ike no ko ke kaa e kau ana o ke kaikamahine i make ai. O Mrs. Cozby, ka mea e kalaiwa ana i ke kaa Ford a Miss Chung Fat e kau ana, a oia pu hoi kekahi kukonukonu loa ka eha, aia no oia maloko o ka halema'i Moiwahine e no kona ma'i i hiki ole ai iaia ke hele ae e hoike i kana mau mea i ke ai ma ka manawa o ka noho ana ka aha e hoolohe i keia hihia. | | ||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||
| | ||||||||||||||||||||||||||||||||||||||||