Ka Nupepa Kuokoa, Volume LXV, Number 49, 9 Kekemapa 1926 — E HOOMAHU'I MA KA HANA HANAI MOA. [ARTICLE]

E HOOMAHU'I MA KA HANA HANAI MOA.

Aole he hana i nele i na pono ame na pomaikai, ke lawelaweia kela mau hana, maluna o na kahua kupono; pela no auanei ka oiaio loa, no ka lilo o ka oihana hanai moa, i oihana holomua loa. Ma ka hoomahu'i ana i ka hana hanai moa, aole no e ikeia tca pomaikai o kela hana, ina he uuku na moa e hanai ai, a i ole, hanai paha ma na welo moa maikai ole, e laa ka hanau nuī ole i ka hua, a liilii paha oke kino; a iloko no hoi o ia ma.nawa hookahi, e loaa pu he ike me kekahi makaukau kupono no ka malama ana i na moa. O keia kekahi o na hana kupono loa, e lawelaAveia maluna 0 na aina hookuonoono apuni o Hawaii nei, no ke kumu, he hikiwaAve loa ka hoopomaikai mai i ka poe e komo ana ma kela hana, me ke kakali ole no kekahi mau makahiki loihi, alaila ike aku i na pomaikai o ka hooikaika ana, ina ma kekahi mau hana e ae i hoohanaia aku ai kela mau aina hookuonoono. He mau mahina kakaikahi wale ae nei no i hala, ua lawe mai la o Mr. Dan K. Pokipala i kekahi aina hookuonoono o Lua* lualei, Waianae, i haaleleia e ka mea mua nana i lawe i kela aina, no ka ike ole ia o kekahi pomaikai. Me na haneri mba~ wahine i loaa iaia, ua lioihoi aku la oia e hanai i keia mau moa maluna o kona aina liookuonoono, a i keia la, ke ohi mau nei oia ma kekahi o ke kanaha ame ke kanalima kakini huamoa no ka pule hookahi; ua like ia me kanaha ame kanalima dala kona loaa no na huamoa wale no i ka piile, me ka helu ole ia o na dala e loaa ana iaia, mai na moa ē hooliloia aku ana ma ke kuai. O ka malama i na moa i ikeia ka hanau i na hua, o ka nui no hoi o na moa e malama ai, a hui pu me ka ike i ke ano o £a malama ana, o na kahua nui iho la no ia o ka holomua ma keia oihana. Ua makaukau mau na makeke no na huamoa ame na moa, me ka hiki ole no ke hoolawa aku i na wahi i makemake mai 1 na huamoa ame na moa; nolaila ina e hoomahu'i ana na Hawaii, ma keia oihana, me ke kanalua ole ke olelo ae, aole no t loihi ka manawa e hoohana aku ai, e ohi koke ana no i na pomaikai o ka luhi ana, ka mea nana e hapai ae i kekahi heluna nui o ka poe hookuonoono a kau ma na anuii kiekie e hookupono ana i ko lakou noho ana o keia mua aku. E Makaala i ka puulu o ka poe aihue. kaa e noho nei ma keia kulanakauhale; ke manaoio nei na makai, he puulu o kela ano, ka poe na lakou e aihue mau nei i na kaa otomobile, i kela ame keia manawa, aole no ka manao kolohe wale no, e laa ka wehewehe ana i na lako o kela mau kaa a hookomo

aku maloko o na kaa kahiko; aka no ka imi pu ana i poniaikai no lakou,.ma ke kuai li.oolilo ana aku i na kaa kahiko, me na dala nunui. Oka paa oka puulu o keia poe aihue ika hopuhopuia, a hoonoho aku maloko o ka halepaahao, pela wale no e loaa mai ai ka maha ame ka oluolu o ka manao, i ka poe apau he kaa otomobile ko lakou.