Ka Nupepa Kuokoa, Volume LXV, Number 49, 9 December 1926 — HE MOOLELO NO IVANE MIKAELE a i ole He Moolelo Kahiko no Rusia i Piha me na Hana Koa a Hoopihoihoi Noonoo [ARTICLE]

HE MOOLELO NO IVANE MIKAELE a i ole

He Moolelo Kahiko no Rusia i Piha me na Hana Koa a Hoopihoihoi Noonoo

"Aole e hiki ia'a ke hooko aku i kiu noi i keia nianawa, ākā c hoomanawanui oe hiki 1 ka hoi pono mai o ka ikaika i kou kino, ia wa auanei au e hoike piha aku ai ia oe, i ka'u mau mea apau i ike ai nona. Ua hoopakele mai au ia oe mai" loko mai o ka make, a he hana nui na'u ka hoihoi hou ana mai i ka ikaika iloko o kou kino, a o ia ka'u e olelo aku nei, he mea pono e hoolohe loa oe i ka'u mau kauoha apau. E lioomanao, ua noho aie oe i kou ola ana ia'u, a o ka'u wale no e noi aku nei, o ia kou hoolohe ana mai ia'u!" Ike aku la o Rurika i ke kuoo o ka helehelena o ke kauka, e hiki ole ai iaia ke ku-e aku i kana mau kauoha, o ka pau honua wale iho 1 ano ia o kona manao hoouluhua, mamuli no hoi kekahi o kona ike maoli ana iho no, ina oia e noho malie loa ana, me ka hooko i na mea apau a ke kauka e kauoha mai ana iaia, alaila e hikiwawe loa ana ka hoi hou mai o ka ikaika i kona kino. Haawiia mai la iaia he laau e ke kauka mahope iho o kela kamailio ana o laua, a lawe pu ia mai la no hoi me kekahi mau meaai, a oiai ua hele maoli ua o Rurika a pololi, hoomaka aku la oia e ai me ka hoonuu maoli 1 na mea o ka haawiia ana mai iaia, a i kona maona ana, o kona haule hou aku la no ia hiamoe, me ka maikai o kona kino. O ka hooiuolu hoi ia o Rurika i ka hoamoe ahiki 1 kona ala ana ae o ka mea mua loa iloko o kona noonoo, o ia no ka waiho hou ana mai i kekahi mau ninau imua o ke kauka, no na mea ana i makemake ai, o ka mea apiki nae, he wahi keiki ka i hoounaia aku no ka nana ana iaia, āohe mea hiki i kela keiki uuku ke hana mai, koe wale 110 ka luliluli ana o kona poo, me ka hoopinana ana i kona mau poohiwi iluna. O ka mea oiaio maoli nae, ua hoomamao loa ke kauka iaia iho mai ka hookokoke ana mai no ka moe 0 ke kauna opio, o hoouluhua aku no auanei o Rurika iaia, me na ninau lehulehu. No na Ia eha kela waiho malie ana o Rurika ,me kona ike hou ole i ke kauka, aka ma ka elima mai o na la, akahi no a hoea aku ke kauka imua ona, a kauoha aku la iaia, e ala iluna a e komo i kona mau lole. Ua hoohauoli loa ia aku o Rurika, ma o kela mau olelo a kona kauka, nolaila ala ae la oia lluna, komo iho la no hoi i kona mau lole, a i ka paa ana, hoomaka iho la oia e holoholo liilii, a o ia ka ke kauka o ka pane ana mai: "Aia hoi paha la, ua pii mahuahua ae kou kulana makai me ka ikaika o kou kino, mamuli o kou hoolohe loa i ka'u kauoha," i pane mai ai ke kauka me 4tona nana ana mai maluna! 0 ke kino o ke kauna opio. "Ae, ke ike nei au i ka ikaika maikai o kuu kino, pehea, e loaa mai anei he lio no'u e kau ai, no ka hele ana i ka holoholo?" "E loaa aku ana he lio ia oe, iloko o ka manawa kupono, aka no keia la, he mea pono ia oe ke hele no ka hoomaamaa* ana i kou wawae. E hele aku ana kaua i ka holoholo, a mamua o ko kaua haalele ana iho i ka hale nei, e inu mua aku oe i keia kiaha waina, he mea hoolana keia i ke koko. Aia a hoi mai kaua, mai ka kaua huakai holoholo inai 0 keia la, malia ia wa e ike ai oe ia Ofa." Lalau aku la o Rurika i ke kiaha waina a ke kauka o ka haau i ana mai iaia, a inu ae la, o ko laua haalele like iho la no ia Ika hale a hele aku la e holoholo. Ua ikaika maikai maoli na wawae o Rurika, pela hoi me kona kino, ame na lima. Hele aku la laua a hoea no kekahi wahi oneanea, ku iho la o Rurika, a nana aku ]a no kahi i ku ai o ka halepule, aole ona ike aku i kela hale malaila, aka o ka lehu ke waiho mai ana ame kekahi mau kua nunui o na laau i pau ole i ke ahi i ka a holookoa ia ke waiho mai ana, no ka hoike ana mai 1 ke akea, he kahua kela i hoomanaia ai ke Akua e na kanaka. Mai kahi ae o ka halepule i ku ai, i kaholo aku ai ka Rurika nana ana, ah»ki iloko o ke awawa, aia hoi ma kela ame keia aoao, na ho»iJona a ka mea luku e waiho mai ana. O na kauhale Veia o na kanaka, kahi i nohoalii ai ka hauoli, ka maluhia ame ka oluolu, he mau puulehu ke ahu mokaki mai ana, e w*ahi keia i uluia ena mauu uliuli, ame na pua 0 na laa« makanahelehele, he mau moepuu lakou apau, no ke ahi weliweli a ka poe hoopoino. Mailoko mai o na hale he iwakalua o na kanaka maloko 0 kela awawa, he eha wale no mau hale i koe, i puhi ole ia i ke ahi, o ka nui aku, ua lilo i mau puulehu. Ke ku Ia o Rurika, me ke kalele ana maluna o ka lima o kona kokoolua, oiai hoi kona mau maka, e nana aku ana i kekahi hiona ku i ka manaonao, a no kekahi manawa loihi, aole e hiki iaia ke hoopuka mai i hookahi huaolelo, aka no ka ike aku o ke kauka i ke kaumaha maoli o Rurika, akahi no oia a pane aku: w He ku maoli ika manaonao ka hopena i hookauia mai maluna o keia wahi kauhale uuku." "Aole o ka manaonao wale no ka mea a'u e hoomaopopo aku nei, aka o ke kaumaha ame ka ehaeha pu o ka noonoo," i pane mai ai no hoi o Rurika. "0 e hoike mai oe i na mea apau a'u i maopopo ole ail Owai o ko kakou poe kanaka, ka 1 hoopakeleia mai ka make mai?" "Mailoko mai o ka nui o ko kakou poe kanaka, he eono wale 110 i hookoeia mai ko lakou mau ola, e lilo i mau hoike ike* maka, no ka hooneoneoia ana o ko lakou mau homē, a ke waiho mai nei kekahi o lakou, iloko o na haawina kupilikii loa," "Eia ihea o Aleba?" "Ua pau kana hana ma ka honua nei, ua hoi aku oia i kahi e ike ole ai i na inea oke ola ana. Ua kau mai ka make maluna o Aleba oiai oia maloko o ka halepule, a i ka hemo ana mai o na wahine iwaho, ua hapai pu mai lakou 1 kona kino. Ua elemakule maoli no oia, a aole no he nui o kona mau la i koe e ola aWi ai, nolaila ua make oia no ka elemakule ame ka lawaliwalL"

Ua liio kela nuhou kaumaha a ke kauka i hoike mai ai i kumu e hoohamauia aku ai ke kauna Rurika, me ka hiki koke ole iaia ke kamailio mai, oiai ua hele kona uhane a piha i ka ehaeha me ke kaumaha aka i ka mama ana ae nae, o kana mau hoomanao ana no kela eleniakule lokomaikai, ia wa i hoea mai ai, i ka mea ano nui loa ana i ake ai e ike, ma ka ninau ana aku: "Eia ihea o Mira?' No kekahi mau minuke, aole i pane koke mai ke kauka i kela ninau, aka nana pono loa mai la oia ma ka helehelena 0 ke kanaka opio, a iaia no paha ka ike, aole he pilikia iki o kona hoike ana mai i ka mea oiaio, e pili ana ia Mira, hoike mai la i ka mea oiaio: "Ua laweia aku oia ame na kaikamahine e ae e na kanaka powa o Hatukai, kela poe kanaka na lakou i hooneoneo iho i ko kakoii wahi kauhale uuku, a i hookau mai hoi 1 ke kaumaha ame ka pilihua maluna o ka poe i hoopakeleia ae ko lakou mau ola/ "Auwe no ka hoi e, ma ke ola ana o kuu Akua, e aloha mai ia'u I" i noke okoa ae ai o Rurika i ka uwe kuwo, me ka hoopoina ana i na mea apau e hoopuni ana laia, hookahi mea nui iloko o kela nianawa o ia ke aloha kupouli no kana Mira. "Auhea oe e kuu hoaloha maikai, e hoopau oe i kou manao kaumahal" "Uwoki, mai lioao oe e kamailio hou mai ia'u i keia manawa! O e kuu Mira, ka mea hookahi a kuu puuwai i aloha ai, aka ua ua hala aku nei oe no kahi e hiki hou ole ai ia'u ke ike aku i kou helehelena, ua oi aku ka pono o ko'u make ana, mamua o ke ola ana aku iloko o ka hoehaehaia ame ke kaumaha!" alaila palulu ae Ia o Rurika i kona mau lima ma na maka, hookahi hana o ka noke i ka uwe haalo'ulo'u. Ua hookuu aku la no ke kauka ia Rurika e uwe, ahiki i ka hala ana o kekahi mau minuke, ia wa oia i hoomaka hou mai ai e kamailio, 110 ka hoomalielie ana i ka manao ehaeha o ke kanaka opio. "Aole anei he manao koa ame ka manaolana i koe iloko ou e kuu kauna maikai?" me ka hopu okoa ana mai i kekahi lima o ke kanaka opio a pa aaku la iloko o kona poholima. lima o ke kanaka opio a paa aku la iloko o kona poholinia. Kaili ino aku la o Rudirka i kona lima mai ka paa ana a ke kauka, me ka hapai ana ae maluna o kon poo, a hoopuka ae la 1 keia mau olelo: ( "No ka manao koa ame ka manaolana, eia me a'u ka ikaika i oi aku i ka ikaika o keakhi kino kanaka, no ka mea eia me a'u ka anela o ka make kahi i noho pu ai, no ka hookau ana aku i ka hoopa'i weliweli maluna o ka poe na lakou i kaili aku i kuu Mira, O e kuu Mira alohal" Ua hoopaia aku ka uhane o ke kauka mamuli o na ano ana i ike mai ai maluna 0 Rurika a iaia i nana ae ai ma kela ame keia aoao a ike aku la i ka waiho mai o na hoailona hoomaewaewa 0 na hana lukii wale a na enemi, me he mea la, e kokua like mai ana kela mau hiona, i ka haawina kaumaha o ka ehaeha i kau aku maluna o Rurika, a oiai nae he kanaka ke kauka, i oi aku kona ike, no ka mea pono e hana aku ai, aole oia ihoolanakila i ka manao kaumaha maluna 0 kona noonoo maikai, a 0 ia kana o ka pane hou ana mai: "Auhea oe e kuu Kauna Rurika, e uwalo aku ana au imua ou, e maliu iki mai i ka'u mau hoakaka imua ou. He oiaio loa ua maopopo ia'u ka nui o ka ehaeha ? loaa i kou uhane, ua jnaopopo pu no hoi ia'u ke kau ana mai o kekahi haawina ko'iko'i loa o ke kaumaha maluna ou; iloko nae o ia mau haawina apau, aole no i kailiia aku na manaolaua mai ia oe aku, 110 ka pono o Mira." "Aia no anei kekahi nianaolana no ka pono o kuu Mira?" i pane koke mai ai o Rurika, me ka paa ana mai i kekahi lima 0 ke kauka. "Heaha ka maawe kaula e hiki ai i kuu uhane ke hopu aku ?" "Hookahi wale no maawe kaula a'u e olelp aku nei iniua ou, 0 ia ka manaolana, a e hoolohe mai oe. Eia no 0 Mira ke ola mai nei, aole oia i make, ua aihue wale ia aku no oia ma ke ano limanui, e ko kakou poe enemi, a malia ua kual hooliloia aku paha i keia manawa, aole nae he mea i maopopo ia kakou, oiai aole i ukaliia aku kela poe kolohe." "Heaha ka hoi ke kumu 0 ka hele ole ana aku 0 kekalli poe 0 kakou e huli i ka mea oiaio?" "Hookahi 110 kumu nui i hookolo ole ia aku ai kela poe kolohe, ua nele kakou i na kanaka ikaika ma ko kakou aoao. Owau hookahi wale no ka mea i waihoia mai, me ka hoopilikia ole ia, mamuli 0 ke ano o ka'u oihana. Ma ka manawa e hooukaia ana ke kaua e na aoao a elua me ka hahana loa, e kokua ana au i kekahi poe o kakou i kukonukonu ko lakou mau po» ino, a i ka ike ana niai o na enemi i ka'u hana, ua hoopakele mai la lakou ia'u, no ke kokua ana aku i ka poe iloko o ka pilikia. Nolaila e ike mai oe e Rurika, aohe mea kupono e hahai aku ai mahope o kela poe ino!" "Alaila ua laweia aku kuu Mira me ka limaikaika, me ka hiki ole iaia ke kupale nona iho," i pane hou ae ai 0 Rurika, me kona hookahe ana mai i kona mau waimaka. "Ke hoomanao nei au, i ka hoao ana mai o kekahi kanaka nui, e hookau i kona lima maluna o kuu Mira, ua hahau aku Ia au iaia 1 kuu pahikaua a hina oia ilalo a make loa, o kela ka pau ana o ko'u ike, a haalele mai la ka ikaika i kuu kino. O e Mira, e Mira hoi!" "He mau la kakaikahi wale no koe, e loaa hou ana 1 kou mau lima ka ikaika wikani, a o ia ka'u i olelo mua aku nei ia oe, aia maluna o ka manaolana e pono ai ia oe ke kalele no ka pono o Mira. "Mai nana aku oe malūna o Mira, ma ke ano, ua pau kou ike hou ana iaia, aole pela, aka e nana aku iaia, ma ke ano eia no oia ke ola mai nei, a ūa hoopuniia oia e na poino ame na pilikia, a e lilo auanei oe i hoopakele nona. "Elike me ka'u i hoike mua aku nei ia oe, e kau aku i kou manaolana no na haawina pomaikai e hoea mai ana, pela no au e hoakaka hou aku nei no ka'u mau mea 1 ike a 1 kamaaina ai, wahi e kuaiia ai na wahine ma ke kulanakauhale 0 T ureke. "Ma kahi 0 na kaikamahine opio u'i o ko lakou mau helehelena, ina he uwe wale no ka lakou hana, a hoihoi ole paha i ke kaa aku malalo o kekahi mea e makemake mai ana iaia, aole e ana kela mau kaikamahine, aka e malamaia ana lakou no kekahi mau mahina loihi, aia no a hoike mai kela mau kaikamahine i ko lakou hoihoi, me ka makemake paha e kaa aku malalo o ka poe e makemake mai ana ia lakou, alaila lilo kela mau kaikamahine." "Alaila ma kou manao, ua laweia anei kela kaikamahine no Konakinopela, ke kulanakauhale poo o Tureke?" "Aole o'u wahi kanalua iki no ia mea." "Ina o ka mea oiaio loa ia'au e hoike mai la, alaila aia kuu Mira malalo o ka malu o kekahi katiaka Tureke i keia manawa." "'Aole o'u mānao pela," wāhi a ke kaukā me ke kui'o. "Ma

ko'u kamaaina i na kanaka Turekc, he poe kanaka makemake kela i na kaikamahine opio huapala, a e uku ana lakou i na kumukuai pipii loa i wahi e loaa &ku ai kela mau kaikamahiiv; ia lakou, aka nae hookahi mea ano aui ma kela kuāi ana, c komo ka manao aloha me ka hoolohe i na kaikamahine opin, no kela poe Tureke, ina aole pela, alaila pehea ka u'i ame ka huapala o kekahi kaikamahine, aole loa lakou ē lawe aku ana iaia i wahine na lakou. E hele koke oe i Konakinopeh i keia manawa, a e loaa no, auanei o Mira ia oe malaila 1" "Ua maopopo lo* no anei ia oe, ua laweia aku kuu Mir?. no kela kulanakauhale?" . "Aole i maopopo ia'u, aka o ko'u manao koho wale no keia. 0 kekahi kaikamahine u'i, elike me Mira, aole he mau wahi e ae e laweia ai, no ke kulanakauhale poo wale no, kahi o na kanaka waiwai a nui o Jce dala i noho ai." "Ina aia i'o oia m& kela kulanakauhale» a ua hookomoia aku maloko o na wahi e kuaiia ai na kaikamahine opio, heaha ka'u mea e hana aku ai?" "E,hoao oe ma na ano apau i wahi nona e kaawale mai ai mailoko mai o kela wahi." "Elike me ka oiaio loa o ke kau ana o na lani malu:ia ac o kuu poo, pela no ka oiaio loa a'u e hoohiki nei, ma ka la apo* po, e haalele iho ai au i keia wahi, no ka huli ana aku ahiki 1 ka loaa ana o kuu Mira alohal" i hooho ae ai ua o Rurika, me ke kowaliwali ana i kona mau lima iluna o ka lewa. "Mai pupuahulu loa oe e kuu hoaloha i ka hoopuka ana i na manao o kena ano, no ka mea aole i loaa ia oe ka ikaika kuppno, e haalele iho ai i keia wahi no kau huakai, ma ka la apopo. "Ina he makemake kou e hoopakele ia Mira alaila o ka hana mjia loa, oia no ka hoomanawanui ana a loaa ka ikaika maikai i kou kino, a ma kekahi olelo ana ae hoi, c hoopakele mua oe ia oe iho, a mahope e hoopakele aku ai ia ha'i." Ike iho la o Rurika i ka pololei o na hoakaka a kona kauka, nolaila aole oia 1 paku'iku'i olelo hou aku, aka nana aku lā no oia i na wahi i hooneoneoia e na enemi koloino, a oiai ua lawa ae la no ko laua hele holoholo ana, huli hoi like mai la laua no ka home o Ofa. Ia laua o ka hoea ana mai i ka hale, ua ala ae o Ofa mailuna mai o ka moe, a e noho ana no hoi kana wahine ma ka aoao o ka moe, a ma na hiohiona apau ke nana aku, ua kaa no ke ko'iko'i o ka hooikaika ana e loaa ka oluolu ia Ofa, maluna o kana wahine, i makee nui i ke ola o kana kane. I kela komo ana aku o ke kauka me Rurika noloko o ka rumi e moe ana o Ofa, haawi mai la ka mea ma'i i kona lima no ke aloha ana i ke kauna opio, aia hoi maluna o ka helehelena o kela kanaka, ka manao aloha kui'o no ke kauna opio, aka 0 ka oi loa aku nae o kona aloha, no kona poe kanaka, i lilo 1 luahi na ka make, mamuli o na hana lokoino a na enemi. No kela noke loa o Ofa i ka uwe, huki aku la ke kauka i ke Kauna Rurika, no kahi kaawale aku, a hawanawana mai la iaia, aole he mea pono ka hoala ana mai i na kamailio maluna o na kumuhana, e hooiia aku ai ke kaumaha maluna o Ofa, nolaila ia holoi ana ae o Ofa i kona mau waimaka, ua hoohala iho la oia me Rurika ma ke kamailio ana maluna o na kumuhana okoa loa, a no ka maluhiluhi o ka niea ma'i hookuu okoa aku la o Rurika a hoi mai la noloko o kona rumi iho, a pule aku la i ke Akua, e haawi mai oia i ka oluolu i kela kanaka, a e haawi pu mai hoi iaia nei, i na kokua mailuna mai, no ka holomua o kana huakai imi ia Mira. MOKUNA XV. No na la eha kela hoomanawanui ana o Rurflv*a, o kona hookuuia mai e ke kauka akahi no a loaa mai ka hoike iaia, no kona makaukau, e hele ma kana huakai imi i kana aloha. He oiaio ua niaikai loa o Rurika i kela manawa, ua loaa ka ikaika i kona kino, e pilikia ole ai oia ma kona alahele kuahiwi. Iloko o kela mau la ana e kakali ana o ka ikaika maikai o kona kino, ua liele ua o Rurika no ka home o Aleba, o kela leekahi o na hale i hookoeia e na enemi, aole i puhiia i ke alii, a ua loaa aku no iaia kana mau dala apau ma kana wahi o ka huna ana, aka no na waiwai e ae oloko o kela home, ua pau i ka laweia e ka poe kolohe. Me kana mau dala gula, o ka loaa ana mai la, i kakali ai o Rurika, ahiki i Jfona manawa e hele ai ma kana huakai, me kona lawe ole i kekahi mea kuhikuhi iaia, no kona manao, ua hiki no iaia ke hoomaopopo i kela alahele hookahi ana i hele mai ai, me kona alakai me Lafela. "Alaila ua paa loa anei kou manao e haalele iho i k6ia wahi no ka huli ana aku ia Mira?" i ninau aku ai o Ofa ia Rurika, oiai ke kauna opio i ku ae ai iluna, no ka haalele ana iho ia Ofa. Ae, aole e hiki ia'u ke noho hou iho ma keia wahi, no ka mea ua ike no oe i ke kumu." "Ae, ua maopopo ia'u na mea apau, a ke minamina loa nei au no ka hiki ole ia'u- ke hele pu me oe ma keia huakai au; aka hookahi nae mea hiki ia'u ke hana aku, oiai kaua e noho kaawale ana, o ia no ko'u pule mau ana i ke Akua, e kokua mai no ka holopono o kau mau hooikaika ana no ka pono ame ka palekana o Mira. "Aole au he kaula, aka me he mea la aiā kekahi jnea e hoike okoa mai ana ia'u, e holomua ana no keia huakai au, a e loaa aku ana o Mira ia oe me ka hoopilikia ole ia ma kekahi ano." He oiaio, aole o Ofa he kaula, aka nae o kana mau olelo i kkmailio mai ai ia Rurika, ua lilo ia i mea hoolana loa mai i ka manao o ke kauna opio ahiki i ka hoauhee loa ia ana aku o na manao hopohopo mailōko aku ona. I ka hoea ana mai i ka manawa e haalele mai ai o Rurika i kona mau hoa o ka noho ana o kēla aina, o kekahi ia o na manawa kaumaha loa mawaena ona ame Ofa, me ko laua hookahe maoli ana i na o ke aloha kui'o o kek&hi no kekahi, a iloko o na olelo hoolana no kt hooloihiia aku o ko laua mau la o ke ola ana, pela hoi ka holomua o ka Rurika huakai, ua hookaawale ae la na hoaloha, a hete aku U o Rurika ma kana huakai hele. Ua ukali pu aku ke kauka ist Rurika m& kana huakai ahiki i ke komo ana iloko o ka naele o ka ululaau, malaila i huli hoi hou mai ai oia ihope, a hookuu hookahi aku la !a Rurika, maluna o kona me ke kauka'i ana o ke kanaka opio i kona palekana, maluna o kana pu raifela ame kana pahikaua. No ka manawa hope loa nae, i huli mai ai ka Rurika nana ana i ka waiho lahalaha aku o ke awawa, ana \ hoolilo ai i home kona no na mahina loihi, a kulu okoa iho la kona mau waimaka o ke aloha, iaia i hoopuka ae ai i ka inōa o Aleha ame ka poe apau i ukali aku me ia iloko o ka make, a mamuli no hoi kekahi o ke ala ana mai o na hoomanao ana iloko ona no Mirara kana aloha. Me na manao aloha kui'o, no na hoaloha na lakou i hookipa aku iaia ma kela awawa, a i hoolilo ho? i na la o kona noho ana ma kela aina malihini i mau la no ka maha abe ka hauoli, haawi ae la ua o Rurika he mau leo pule

hoomaikai i ke Akua, me ke kalok&lo pu ana ae, e loaa iait palekana ma kana huakai hele, alaila hoomau aku I» oia i ka hele ana nomua. Ua hele no hoi a poeleele loa, hoea aku la oia no kahi hoomaha ma kana huakai hele. Mahope o kona lawe ant aku e hoopaa i lona hoki, ina kahi nui o ka mauu. me ka wehew«lkr ana ae i ka noho, hoi mai la oia ma kekahi wahi kupono, a hoomakaukau iho la i wahi nona e hooluolu ai no kela po. me kona ai ana i kekahi mau meaai mama, ana o ka paa pu ana mai me ia. Hakalia no a wehewehe ae kaiao, o kona ala ae la no ia. hauhoa i ka noho o kona hoki, a hoomau akv\ la i ka hele ana imua. Ma keia waht aku, iaia e pii la nouka o ke kuahiwi. he ©i aku k& maalahi o ke alahele. he malaelae maoli, aole he pohihihi e like me kana i koho waie ai, a hele no hoi i ke ahiahi o kela la, hoea aku la oia no kela wahi ana i hoomaha ai me Lafela, ma ke kumu o kekahi awawa uuku, kela wahi i loaa ai o Mira iaia. Ma kela wahi, i hoomaha hou ai ua o Rurika, aole no kona manao maoli e hiamoe malaila, aka no ka pouliuli, aole he mahina ma kela po, nolaila he hana pohihihi loa kona hoaano ana aku e hele i ka po, ma kela aina malihini. Hakalia no nae a wehe mai ke alaula o ka malamalama ma kekahi la ae, o ke kau hou ae la no ia o ke kauna opio maluna o kona hoki, a hoomau aku la ka hele ana nomua, ma kela alahele hookahi no ana e hoomaopopo loa la i kona hele pu ana mai me kona alakai me Lafela. Ua hele no hoi a kani ka aina awakea, hoea aku la oia no Maimai, a o ka noonoo mua loa o ka oili ana ae iloko ona, o ia 110 kona hele e huli ia T-afela. Mahope o kona ai ana i kekahi mau meaai, maloko o ka hale hookipa. ua hoomaka aku la oia e hele huli ia Lafela, aole no kela he liana maalahi, aka nae iloko o ka hora hookahi, ua loaa aku la iaia ke kanaka alakai, a hoi like mai la laua no ka Kale hookipa a Rurika i hoolimalima aku ai i kekahi rumi nona e noho ai malaila. Oiai maloko o kela hale hookipa, i hoomaka aku ai o Rurika e hoike i ka moolelo ku i ke aloha, o ka lukuia ana o na kanaka o kahi kauhale ana 1 noho ai, pela hoi ka laweia ana mai o na kaikamahine opio, me ka limaikaika e ka poe pakaha, a o ia ka Lafela o ka pane ana mai: "Ua maopopo ia'u keia mau mea apau au e hoike mai ntt, a ua ike au i ka puulu o kela poe kanaka ame ka lakou mau hana. He hookahi pule a lakou i noho ai ma Maimai nei, mamua o ka lilo ana aku o ka lakou mau waiwai kalepa.* "Perea, ua ike no anei oe ia Mira?" "Aole au i ike iaia, aka nae aole no o'u kanalua iW. o Mirt pu kekahi me kela poe, no ka mea ua lohe au i ke kamailio 0 kekahi wahine, o ka poe i laweia mai e kuai, aia he hookahi kaikamahine u'i loa iwaena o lakou." "Malia palia, ua maopopo ia oe, a i ole ua lohe mai paha oe, ina ua lilo o Mira i ke kuaiia?" "Aole a'u mea i maopopo, aka nae e hiki ana no ke hoopauia ka kaua pohihihi, ke hele ae kaua e ninau i ka <ma o ka hale hookipa» oiai oia kekahi i hoea aku no kahi i knaiia ai na kaikamahine. Pehea e kahea ae anei au iaiaP "Ae, e kahea aku oe i ka ona o ka hale hookipa e hele mil, ua liele au a makemake loa e ike, heaha la ka hopena i ktu aku maluna o Mira." No keia mau olelo a Rurika, ua kaheaia aku 1a ka halen o Ict hale hookipa, aole no hoi i loihi ko laua kakali ant» oili mtl la kekahi kanaka kino momona, a na kona mau ano ke nana aku, he kanaka makemake mau kela ina meaai maikai ame ka waiona, oiai ua hele maoli kona kino a momona. "I kaheaia aku nei oe e Hama e hele mai, no ka pane ana i kekahi ninau nana i hoopohihihi loa mai i ko maua noonoo,** 1 hoomaka ae ai o Lafela e kamailio. "Pehea ooe anei kekahi i hoea aku ma kahi i kuaiia ai na wahine opio e na kanaka Hatukai he pule ae nei i hala?" "Ae, owau kekahi mea i hoea aku ma kahi kuai, t ut ike au i ka hooliloia ana aku o na wahine opio apau, t koe hookahi aole i lilo." "He hookahi anei mea i lilo ole i ke kuaiia?'* 1 nintu ae ai o Rurika me ka hiki ole iaia ke uumi iho i kona pihoihoi. no kona koho maoli ana iho no 0 Mira kela kaikamahine opio i koe aole i kuaiia. "Ae, ua ike au 111 e kuu inau maka ponoi, aole i kuaiia kela kaikamahine a lilo i kekahi mea," wahi a ka ona o kt htle hookipa, me ka luliluli ana ae o kona poo. "No kela kaikamahine, o kela ka helu ekahi o ka u*i a*u i ike ai. me he anela la kona hoa e kohu ai, a ua like aku hoi kona maemae me ka 'maemae 0 ko kaikamahine a ke kaula me Fatima. "E noke mau ana kela kaikamahine i ka uwe i nt manawa apau, iloko o ka olioli, ame ka himeni o kt nui te 0 nt wthine, aole nae ia i lilo i kumu nona e komo pu ai iloko o nt hiuoli ana; o ka mua loa kela o na kaikamahine a'u i ike ai, i kona kaumaha maoli, me ka ehaeha no kona hooliloia aku ma ke kōai. "Iloko o ka noke aku o na wahine e ae, i ka haanui imut ona, no na hauoli, e kakali mai la ia lakou. maloko o na home, 0 na kankaaaaaaaa r,Fn 4 shrdl cmfw shrdlu etaoi shrd fwww o na kanaka waiwai, ua lilo ia mau olelo, i mea hoolohe ole lt mai, no kela kumu, aohe mea makemake e kuai iait, no leo It* kou makemake ole, e lilo kona kaa ana aku malalo o kekaW 0 kela poe, i mea hoopilikia a hookaumaha mau i ka noonoo o ka wahine opio. "Ke ole au e kuhihewa, 0 Mira aku la kela kaikamahine I" 1 hooho ae ai o Rurika, me ka paa ana ae i kona mau lima i kahi hookahi. "He ehuehu nae paha kona lauoho ei? H "Ae, he ehuehu kona mau lauoho, a he alohilohi hoi koni mau maka." "O Mira kela kaikamahine aole he mea okoa aku, t he ul i'o kela kaikamahine elike me ia au e hoakaka mai nei imut 0 maua. Aole anei oia i lilo ike kuaiia?" "Ma kela la a'u e kamailio nei aole oit i lilo ma ke kuat, akm he elima la mahope mai, ua hooliloia aku la oia i kekahi ktntka kalepa 0 kā haalele koke ana iho ia Maimai nei, ma kekahi la aē no, maluna 0 kona moku." No keia mau hoakaka a ka ona 0 ka hale hookipi, pau honua wale iho la no ko Rurika manaolana, me ka puili ana te 1 kona mau lima maluna 0 ke poo, me ka hooho ant, me ki leo o ka mea iloko o ke kaumaha ame ka ehaeha? "Ua lilo anei kuu Mira 1 ke kuaiia, a tia hala aku oia no kahi i maopopo ole ia'u ke huli aku ia oe?" "Ua toaa no anei ia oe ka inoa 0 kela kanaka ka!epa ntftt I kuai a lilo o Mira iaia?" i kaa mai ai ma ka aoao o Lafelt kt niele ana i ka ona 0 ka hale hookipa. "Aole i loaa kona inoa ia'u, aka nae ma ka'u mea e hoomaopop6 nei, he kanaka Tureke oia.'* ' f Ao\t i pau.)