Ka Nupepa Kuokoa, Volume LXV, Number 47, 25 November 1926 — Page 1
| | ||||||||||||||||||||||||||||||||||||||||||||||||
| | Nupepa Kuokoa KE KILOHANA POOKELA NO KA LAHUI HAWAII | | ||||||||||||||||||||||||||||||||||||||||||||||
| | Ka Nupepa Pookela o na Nupepa Hawaii | | ||||||||||||||||||||||||||||||||||||||||||||||
| | Hoopukaia i na Kakahiaka Poaha Apau | | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | BUKE LXV—HELU 47 NUPEPA KUOKOA, HONOLULU, T. H. POAHA, NOVEMABA 25, 1926 NA HELU APAU 6438 | |||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | Hoopiiia ae Kekahi Makai no Kona Alunu Na Kekahi Kepani i Hoopii laia no ka Lawe i na Dala Ki-pe HOOLE KA MAKAI NO KONA PILI I KA HEWA Waihoia ka Hihia o Kela Makai Imua o ka Papa Komisina Makai Ua waihoia ae imua o ka Makai Nui David K. Trask he hoopii hoohalahala e H. Morita o Hauula, Koolauloa, e ku-e ana i ka Makai Jubile Logan, o Hauula no kona lawe i na dala he kanakolu-kumamahiku me ka hapalua, ma ke ano he mau dala ki-pe, no ka mahina hookahi, no na mahina elima ae nei i hala, Ma ke ano nui o ka hoopii hoohalahala a kela Kepani i waiho ae ai imua o ka Makai Nui Trask, e ku-e ana i ko kanaka o ke aupuni, iloko ka o ka mahina aku nei o Mei o keia makahiki, i koi aku ai o Logana i kela Kepani e komo iloko o ka hana puhi waiona, a i wahi e paa ole ai oia i ka hopuia, e uku mai oia i ka makai, i kanakolu-kumamahiku dala me ka hapalua no ka. mahina hookahi. Ua hooko kela Kepani i na mea apau a ka Makai Logan, i hoike aku ai iaia, a ua ukuia mai hoi ia Logan, na dala i hoakakaia ao nei maluna mai ka mahina mai o Mei ahiki i ka mahina o Sepatemaba aku hei. Ma ke ano nui o ka hoopii hoomahina, i hoakaka hou ae ai o Morita, i ka hoea ana aku o Logana imua ona, a koi aku la iaia e haawi mai i kanaha dala, ua hanaia aku ka kela koi ana, me na olelo hooweliweli me ke kauia ana aku o ka pu panapana imua ona, me ka olelo pu ana aku o ka Makai Logan, no ka loaa ana o kekahi waiona a kela Kepani iaia, a e paa aku ana oia i ka hopuia, ina aole oia e haawi mai ana i na dala he kanaha elike me ia i koiia aku ai. Mamuli ka o kela koi a ke kanaka o ke aupuni, ua uku mai la o Morita i na dala he kanaha. He okoa loa nae ka moolelo a ka Makai Logan, o ka hoakaka ana ae imua o ka Makai Nui Trask. Wahi ana, iloko o ka makahiki aku nei i hala, he mau manawa lehulehu kona o ka wawahi ana i na ipuhao puhi waiona a Morita, a he elua mau manawa, i komo pu aku ai na makaikiu, ma ke kokua ana iaia, ma ka hakilo ana i ka poe puhi waiona. O kahi o ka poo puhi waiona i lawelawe ai i ka lakou hana hakihaki kanawai, elike me na hoakaka a ka Makai Logan, aia ma kahi he eono mile ka mamao mai ke alanui aku, he wahi kiekie, i hoonohoia ai kekahi kiai no ka hakilo ana, me ka lilo no hoi i hana paakiki, ma ka aoao o na kanaka o ke aupuni, ka hopu aua aku i ka poe hakihaki kanawai, no ka mea ua loaa e ka ike i ke kiai, a ua hoike mua ia aku ka poe puhi waiona, iloko o ka ma- nawa nui kupono no lakou e holo ai e pee. No na mea e pili ana i kona lawe i na dala ki-pe elike me na kumu hoohalahala a Morita, ua hoole loa ae ka Makai Logan, i ka oiaio o kela mau kumu hoopii e ku-e ana iaia; a o ka mea oiaio wahi hou ana, ua lilo kona wawahi i na ipuhao puhi waiona, me kona hooikaika e hopuhopu i ka poe ku-e i ke kanawai hookapu waiona, i kumu e waihoia aku ai na dala ki-pe imua ona, me kona hoole loa ana mai nae i ka lawe ana i kela mau dala, aka waiho mai la oia i ka hoike no ia mea imua o ke keena o ka oihana makaikiu, a koino like aku la na makaikiu, ma ke kokua ana iaia e hopuhopu i ka poe puhi waiona. Ua kaa aku malalo o ke komisina makai, ka ninaninau amo ka noii pono ana mai i ua mea e pili ana i na kumu hoohalahala a Morita i ka Makai Logan, a e lilo ana ka Makai Nui Trask, i kokua, ma ka aoao o ka Makai Logan, ma ka manawa e hooloheia ai keia. hihia. LANAKILA NA HOOIKAIKA ANA NO KA WAIHONA KOKUA O ka waihona kokua o eha haneri me umi-kumamalima kaukani dala, ($415,000) i kohoia ai no ke-ia makahiki, no ke kokua ana aku i na hale ame na home he iwakaluakumamakahi, ua hoea mai ia i ka piha ana o kela huina dala, a oi wale aku, ma ka hora eiwa o ka po o ka Poaono iho nei, mahope o ka hooikaika ana o ka poe i hookaawaleia no ko komo ana iloko o na wahi like ole, no hookahi pule. Elike no me na makahiki i kaaho- | | ||||||||||||||||||||||||||||||||||||||||||||||
| | LOAA PONO KA HANA APUHI A KEKAHI MAU PILIPINO Pakele Elua o Kela Mau Pilipino Mai Noho Iloko o ka Halepaahao Mamuli o ke Pani Hou Ana i na Dala o ka Hui Mokuahi | | ||||||||||||||||||||||||||||||||||||||||||||||
| | HOOMAKAUKAU KA PAPA LUNAKIAI HOU I NA HANA Akoakoa ka Meia Arnold me na Hoa Repuba- lika o ka Papa Lunakiai Hou ma Kekahi Halawai Kukakuka no ka Lakou Hana | | ||||||||||||||||||||||||||||||||||||||||||||||
| | PAA KA MEA KOLOHE I KA HOPUIA MA KAPALAKIKO Hoounaia Kekahi Mea o ke Keena o ka Loio Kalana no ke Kii Ana i ka Lawehala a Hoihoi Mai Iaia no Honolulu Nei | | ||||||||||||||||||||||||||||||||||||||||||||||
| | Make ia Hawaii no Kona Loaa Ana i ka Ulia Hooku'iia Aku Oia e ke Kaa Uwila a Haule Iloko o ka Auwaha NUI KA POE I IKE I KA LOAA ANA O KA POINO Kikoo Mai na Lima o ka Make Mamua o ka Hoea Ana no ka Halema'i Mamuli o kekahi ulia poino, o ia ka hooku'iia ana aku o ke kaa uwila, a haule iloko o kekahi auwaha i eliia ma ka hui ana o na alanui Kuakini ame Lusitania, i halawai ai o David Kaaihue me ka make, ma ka auwina la o ka Poakolu o ka pule aku la i hala, iloko o ka manawa pokole, loa me ka hiki ole ke lawelaweia aku kekahi mau hana, no ka hoopakele ana ae i kona ola. Ma ka hoakaka a ka poe i ike maka, i ke ano o ka ulia i make a o David Kaaihue, na ili aku maluna o ke kaa uwila ke ko'iko'i o na ahewa ana, aole hoi maluna o ka mea i make. Ma ka moolelo e pili ana i kela poino, elike me ia i hoakakaia ae o ka poe i ninaninauia e ka Makai Lono McCallum, ua bolo aku ka ke kaa uwila Helu 71, e hookeloia ana e O. H. Butler, a ku iho la no ka hoolele ana i na ohua mailuna aku o kela kaa, ma kahi he umi kapuai ke kaawale mai kekahi auwaha mai eliia, ma ka hui ana o na alanui Kuakini amo Lusitania. Ua elia kela auwaha ma kahi o olua kapuai ka hohonu ma kela ame keia aoao o ke alanui Lusi-tania. Ma ka manawa o ke ku ana o ke kaa uwila, ua lele aku la o David Kaaihue ilalo, ma ka aoao mamua o ke kaa uwila, a hoomaka aku la e hele, me kona hehi ana aku i ka puulepo i eliia a hoahuia ae ma ka aoao o ke alanui. No ka palupalu loa ka o ka puu-epo a Kaaihue i hehi aku ai, ua hina iho la oia ilalo, eia nae ua ala hou ae la no oia iluna, a hoomau aku la i ka hele ana imua, no kahi o ke alahao kaa uwila. Me ke kakali ole ka o ke kiakaa a kaawale aku ke alanui, ua hoo-maka aku la oia e hooholo i kona kaa; o ka manawa no ia i hooku'i aku ai ka aoao akau mua o ke kaa a Kaaihue,' a hina aku la noloko o ka auwaha e hamama ana ma ka aoao o ke alahao. Ma kela hina ana aku o Kaaihue loko o ka auwaha i eliia a eha loa. Oiai ua nui ka poe ma kela wahi, a i ike i ke aao o ka loaa ana o kela ulia ia Kaaihue, na lakou i kokua aku iaia ma ka hapai ana ae mailoko mai o ka auwaha, a hookau aku la iluna o kekahi kaa otomo-bile o ka oili ana mai a laweia mai a no ka halema'i o na poino ulia, o ka mea apiki nae, i ka hooa ana o kela kaa no ka halema'i, ua lele kahiko ke aho mailoko aku o Kaai- hue. . He okolu mau hoike i nokeia i ka ninaninau, no ka lakou mau mea ike no kela ulia poino, a ua hoo- kaaia ko lakou mau inoa. He poola ka David Kaaihue hana a ma kona manawa o ka halawai ana me ka ulia nana i hoopokele kona ola ana, e hookau ana o Henry Kaulukou, ko kiaipo, i na kukui ma kahi o ka auwaha i eliia. | | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| |
| | ||||||||||||||||||||||||||||||||||||||||||||||
| |
| | |
| | |||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | HOOPAU O MOKUMAIA I KONA HALEAINA Ma ka Poalua o ka pule aku nei i hala, i hoea mai ai o Mr. J. K. Mokumaia i kona hooholo ana, e pani i na puka o kona haleaina o pa meaai Hawaii, e ku nei ma ko alanui ^.'aunakea. WK ni. 4 Mi-; Mokniwua- o W,A^ kaka ana ae, iloko o na mahina he umi i hala o kona lawelawe ana i ka hana hanaina o na meaai Ha-waii, ua ike oia i ka holomua Ioa o kela hana, aka nae iloko no o ia manawa hookahi, aole i nele kona halawai ana, me na mea lehulehu, e hookui-heia mai ai kona noonoo, a ua aneane o hiki ole iaia ke loaa be manawa hoomaha kupono, ma-muli o ka hiki ole iaia ke hilinai aku i ka holopono o kona haleaina, maluna o kona mau limahana, no keia kumu, ua ike maoli iho no oia i ka nui ame ke ko'iko'i o kela hana, ahiki i kona hooholo ana, ua oi loa aku ka pono o ka waiho ana i keia oihana, i kaawale ai oia, no kekahi mau hana lehulehu e ae ana i hoolaia ai. Ua nui ka minamina o kona mau hoaloha amo na makamaka haole o keia kulanakauhale, no keia manao o Mr. Mokumaia e hoopau i kona haleaina, me ka hoea okoa ana aku o kekahi poe o lakou imua ona, a koi ikaika aku la iaia, e hoomau hou i keia haua, o kana wale no o ka hooia ana ae imua o lakou, ua makaukau oia e kokua mai no kekahi manawa pokole, ma ke kahikahi ana mai i ke ano o ka hana ana i na meaai i manaoia e hoolako i kela haleaina, aka o ka hoohana ana nae i kela haleaina, e kaa aku ia maluna o ka poe okoa, a e kaawale mai oia, no ka lawelawe ana aku i kana mau hana ponoi. No kela manao minamina no i keia haleaina o na meaai Hawaii, ke manaoio nei, e hoomauia aku ana no kela haleaina, e kekahi poe okoa ae, ke holopono na hoolaia ana me Mr. Mokumaia, oiai aia no na makaukau apau o kela haleaina ko waiho nei; aohe hemahema i koe, o ka hoonee wale aku no i na hana imua, me na limahana i makee no ka holomua o kela haleaina. | | ||||||||||||||||||||||||||||||||||||||||||||||
| | HE U HE WAIMAKA ALOHA NO KA'U MEA ALOHA I HALA. Iluna i ke ao kuu home mau, Pokole no na la ma keia ao, He puu oioina wale no nei, Ma kela ao ka maha mau loa. E Mr Lunahooponopono o ke Kuokoa, e ae oluolu mai oe i kekahi o na kowa kaawale o na kolamu o kau pepa waiwai nui, ka hokuhele o ka Pakipika, i loaa hoi kahi e kau aku ai keia wahi puolo lihaliha ma kona oneki, a nana hoi ia e hoike aku i na kini makamakamaka ame na hoaloha, o Mrs. Elizabeth Kaua Watkins, kuu mea aloha he wahine, kuu hoapili, a o ka makuahine hoi o ka home e pumehana ai, ua hala oia ma kela aoao o ka Mulewai Eleele o ka make a ua haalele iho la mahope nei i ka ukana luuluu, he aloha, he u he waimaka a he minamina pau ole, na'u ame na leia-i a maua, ame ka nui ame ka lehulehu o ka ohana e hoomanao mau aku i na kau a kau. Ma ke kulanakauhale nei no o Mrs. Elizabeth Kaua Watkins i hanauia ai ma ka la 27 o Novemaba, o ka 1898 mai ka puhaka mai o Mary Naki kona luaui makuahine, a o Henry Naki e hana nei i ka Advirtiser kona makuakane. Ua hoonaauaoia oia maloko o ke Kula Vilikina Kakolika a oia kekahi o na makuahine opio oluolu, maikai a hoopono, he kakaikahi i ikeia mawaena o na makuahine opio o keia mau la. I ka mahina o Iulai, o ka 1914, ko maua hoohuiia ana ma ka berita laahia o ka mare a iloko o na makahiki he 12 o ko maua noho aloha pu ana iloko o ke apo o ka berita mare, ua loaa ia maua he eono mau keiki, hookahi i hala mua ma kela ao, oia ka hiapo, a he elima e ola nei, o ke keiki muli loa he 10 la i keia la, a ke ola nei oia me ke ola maikai. No kekahi manawa pokole wale no kona kaa ma'i ana a iaia i moe aku -la i ka moe kau a moe hooilo , e piha ana iaia na makahiki he 38 ke hiki i keia Poaono iho, mako mua aku la nae hoi maloko o ka Halema'i Kepani, kahi ona i laweia aku ai mamuli o ka hanau ana i kana, kamaiki muli loa, o ka bebe ka i ola mai, a hala aku la hoi oia mao, a no naau e u ae nei me ka minamina pau ole. No kona mau ano he oluolu, he hoomanawanui, he lokomaikai i na mea a pau a he makaukau piha hoi ma ka hooponopono ana i ka home, a ua lilo hoi kana mau keiki ame a'u pu, a pela no me na hoaloha amo na makamaka a pau i mea nui iaia, a o kana mau hana maikai a pau ua lilo i mau mea e hoala mai ai i na hoomanao poina ole nona. Aloha no, me ka luuluu o ka noonoo ko hoomanao ae! . Hoomaikai. Ke haawi aku nei au i ka'u hoomaikai nui i na keiki o ka oihana kinaiahi o Honolulu no ka lakou mau kokua, a pela hoi i ke poo o ka oihana kinaiahi Blaisdell, a | | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | KUPALE KA LUNANUI MUA O KA OIHANA WAI IAIA I kulike ai me ka lono kelekalapa o ka hoounaia ana mai no Ho-nolulu nei mai Kapalakiko mai, ma ka Poaono aku nei i hala, ua hoole ae o Russell V. Roberts, ka luna nui mua o ka oihana wai o ka ku- lanakauhale a kalana o Honolulu nei no Kona pili i ka hewa, lawe i na dala o ke aupuni ma ke ano kolohe, aka he mau hana imihala wale no kela iaia, i wahi e komo ai iloko o ka pilikia. Oiai e paa ana maloko o kona wahi i hoopaaia ai ma Kapalakiko, i hoakaka ae ai o Robert, he limahana oia no ke aupuni kulanakauhale no na mahina he umi-kumamaha i kaahope aku nei, a oiai ua ko-mo nui oia iloko o na hana kalaiaina, ma kona manaoio, o kela mau kumu hoopii e ku-e ana iaia no ka poholalo, he mau hana imihala wale no ia na kona mau enemi kalaiaina. No na mea e pili ana i kona pee mai ka oihana makai mai ua hoole Ioa oia i ka pololei o kela noonoo. O ka mea oiaio ka, wahi ana, no ke kumu o kona holo ana aku no Kapalakiko maluna o ka mokuahi Ventura, no ka hooko ana aku no ia i kekahi hana ano nui, me kona manao no, e kuu hou maluna o kela mokuahi, a huli hoi mai no Honolulu nei; aka ua loaa aku la ke kelekalapa a kana wahine e hoike ana no ke kohoia ana o kekahi mea hou, i pani ma kona wahi, nolaila ua hooholo oia e hooka'ulua iki i kona hoi ana mai, a he mau mokuahi mahope mai. Me kela manao, o hoohala i kekahi manawa pokole ma Amerika, i holo aku ai oia no Seattle, a huli hoi hou mai no Kapalakiko, me kona makaukau e huli hoi loa mai i Honolulu nei, ua paa nae oia i ka hopuia. | | PAKELE WALE IHO NO KE OLA MA KA ULIA KAA OTO Ma ka hui ana o na alanui Lunalilo me Piikoi, ma ka po o ke Sabati iho nei, i hooku'i ae ai elua mau kaa otomobile i kahi hookahi, me ka nui o na poino i kau aku ma-luna o kela mau kaa a elua, a pakele mahunehune mai na ola o ka poe ma kela mau kaa, eia nae, hookahi wahine i hoihoiia no ka Halema'i Moiwahine, e lapaauia mai ai kona mau wahi o ke kino i poino. O na kaa o ka hooku'i ana ma kela ulia, o ia ke kaa o Lloyd Sch- midt, ame kokahi kaa hou loa o ke kuai koke ia ana aku noi no ia o Oliver Braber oloko o ka oihana kaua. Ha ka hooku'i ana o na kaa elua i kahi hookahi, ua loaa ia Mrs. Schmidt he mau palapu ma kona helehelena ame ka a-i, a ua eha pu hoi ka lima akau o George Brazelton, e kau pu ana me Braber maluna o kona kaa. I kulike ai me na mea i paa ma ka halewai, no ko ano o kela ulia poino, ua iaa aku ke ko'iko'i no ka hooku'i ana o na kaa ohia i kahi hookahi, maluna o Oliver Braber, a ua paa ae oia i ka hpu-ia malalo o ua kamu hoopii elua, o ka mua o ia kona hookele i ke kaa otomobile me ka loaa mua olo iaia o kekahi laikini, a o ka elua o na kumu hoopii, o ia kona hooholo nui i ka otomobile. Ma kela manawa ka i hooku'i ai na kaa otomobile, ua hoakaka ae o Mr. Schimdt, no ka hoao ana o Braber, ke kiakaa o ka elua o na kaa otomobile, e holo me kona kokoolua mai Hela wahi aku, a me ka pu panapana i kauia aku ai oia e Schmidt, ahiki wale no i ka hoea ana aku o ke kanaka o ke aupuni, a kaa aku la malalo o kona malu, me ka laweia ana mai e hoopaa ma ka halewai. He umikumamaono ka nui o na hihia pili i na kaa otomobile mai ka po mai o ka Poaono mamua aku, ahiki wale no i ka po o ke Sabati, mai, o kekahi o kela mau hihia, o ia no ka loaa ana aku o Dan Nahalea, e hiamoe ana maluna o ka noho mamua o kekahi kaa otomobile i aihueia, he kaa otomobile ao E. U Jones, me ka hiki ole ia Nahalea ko hoakaka ae i ko ano o kona hoea ana maluna o kela kaa. He kaa otomobile hon ae no kekahi o ka aihueia ana, i hoikeia ao i ka halewai, ua loaa aku nae kela kaa ma Puuloa, me ka lilo o na laholio o na huila apau eha o kela kaa i ka aihueia, peia hoi me kekahi mau Iako e ae. O kekahi maa hihia kaa otomo- bile, o ia ka hookele i na kaa me ka laikini ole, a he hookahi kaa i hooku'i i kekahi Korea, oiai oia e holo ae ana no ke kau ana malana o ke kaa uwila, ma na alanui Moi me Hema. | | ||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| |
| | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | nui." Me kela mau olelo pokole i kamailioia mai e Miss Pohina, i hoike ae ai o Mrs. Edwards i kona manao aloha, ma ka honi ana aku i kana haumana hoomanawanui, a huli mai la imua o ke anaina, me ke kamai-lio pu ana mai: "He mea oiaio, i ke kaa ana mai o Miss Louise Pohina malalo o ka'u a'o ana, aole au i ike i kekahi kaikamahine opio leo nani elike me ia, a ua lawe mai au iaia me he kaikamahine ponoi la na'u, a maloko o ko'u home, i hui pu aku ai makou apau, ma ka pule ana i ke Akua, e nonoi ana, e kokua mai Oia o holomua na hooikaika ana a keia kaikamahine opio, no kana kaona himeni." He ku i ke aloha kela mau olelo apali ! kamailioia mai e Miss Louise Pohina amo Mrs. Edwards, a o ka poe i lohe pono aku ia mau olelo, ua hiki ole ke kaohiia aku ko lakou mau waimaka. Mahope o ka pau ana o kela ahamele i hoea aku ai o Miss Pohina ma ka paina hoohauoli a ka Ahahui o ka Poe Kanu-ko ma kela po, a mailaila aku i kau ai maluna o ka mokuahi no Hilo, no ka hoohala ana i kekahi mau la hoomaha pokole ma kela kulauakauhale, mamua o ka huli hoi hou ana mai no Honolulu nei. | | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | pe aku nei, ka holomua loa o keia hana kokua, i kauka'iia aku ai maluna o ka haawi ana mai a ka lehulehu o na makaainana o noho nei ma keia kulanakauhale, pela no i ukali aku ai kela haawina hookahi, ma keia makahiki. Ahiki i ka po ana o ka Poalima mamua aku, mahope iho o ka hoihoi ana ao o kela ame keia komite hooikaika o kela waiona kokua i kana hoike no ka nui o na dala kokua i loaa iaia, ua hoomaopopoia, he eiwa kaukani dala i koe, alaila lawa ka huina o eha haneli me umikumamalima kaukani dala, elike me ka huina i makemakeia ai; no keia kumu, i hooholoia ai, e hoomau aku i ka hooikaika ana ahiki i ka hora eiwa o ka po o ka Poaono mai. He kela manao paa e piha ka huina kokua i kohoia, ua komo hou ka lehulehu o na komite iloko o na hooikaika aua, a o ka hopena i ikeia, o ia no ka piha ana o kela huina nui ae la, ^e ekolu haneri kanaono-kumamakahi dala ame ka kanaha-kumamaiwa keneka ka oi aku mamua. | | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | pela hoi i ke Kapena Makue o ka hale kinaiahi ma Kalihi, a i na hoaloha ame na makamaka i komo pu mai e kumakena me makou iloko o ko makou mau hora o ka luuluu ame ke kaumaha, a pela pu hoi mo ka lakou mau makana pua no ka hoonani a hoomakalapua ana iho i ke kino ame ka he o ka makou mea aloha. Na ka Mea Mana Loa e kiai, hoomalu a e hoomaikai mai ia oukou apau, a e oluolu e lawe aku i ka makou mau hoomaikai kuio. Na makou no, na ka ohana i hookaumahaia, WILLIAM WATKINS, CHARLES KAHUE. ame ka ohana | | ||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||