Ka Nupepa Kuokoa, Volume LXV, Number 46, 18 November 1926 — HOPUIA O FERREIRA NO KE PEKU ANA I KA U-HA [ARTICLE]

HOPUIA O FERREIRA NO KE PEKU ANA I KA U-HA

No kekahi mau kumu hoomauhala i maopopo ole he elua mau kumuhoopii e ku-e ana ia Peter Ferreira i hookomoia ae i ka alia a paa ae oia i ka hopuia no ka hoeha ame ka hoeha me ka mea eha ku i ka [ make, ma ka auwina la o ka Poaono 0 ka pule aku la i hala, o ua hoike Chong, ka mea nona ka halekuai mea gula ma ke alanui Nuuanu ame Andrew Lien o Waikiki. O ka Makai Kalima ka mea nana 1 hopu ia Ferreira a ma kana hoike no ke kumu o ka hoeha ana o Ferreira ia Chong, penei iat Ma ka Jong Chong olelo iaia ua komo aku o Peter Ferreira iloko o kana^alekuai a lioomaka aku la ka hoohakaka ana iaia. Ua pekuia o Jong o Chong ma ka u-ha hkau, me ka hoopuka pu ana aku i kekahi mau huaolelo hailiili ino iaia. Ma ka Andrew Lien olelo hoi me kona hana wale ole aku ia Peter Ferreira eia nae, ua ku'iia mai la oia ma ka maka, a peku ia mai la oia ma ka u-ha, me ka hoopuka pu mai o Peter Ferreira i kekahi mau huaolelo hailiili . iaia. O ke kumu o ko Peter Ferreira huhu ana a hoomauhala a hoeha ai i keia mau kanaka aohe i hoakakaia, aohe no hoi he hoakaka ua ona paha o Peter Ferreira ma kona manawa i komo aku ai iloko o ka halekuai a aole paha. He kupanaha keia hoeha wale ana me kekahi kumu ole ie noonoo iho.