Ka Nupepa Kuokoa, Volume LXV, Number 46, 18 November 1926 — HOLOMUA KE KUAIIA ANA O NA BONA HAWAII [ARTICLE]

HOLOMUA KE KUAIIA ANA O NA BONA HAWAII

Wahi a ka Puuku Henry C. Hapai, o ka huli hoi ana mai nei no keia kulanakauhale ma ka Poalua aku I* i hala, malana o ka mokuahi Maui, ua lilo ke kuai ana aku i na bona o ke aupuni Hawaii ma Nu loka, i hana maalahi loa me ka nui ole o ka hana. I hakalia no a kauia na bona Hawaii- no ke kuai ma ke kakahiaka, ma ka auwina la no o Jcela la, i pau loa ai i ka lilo, ma kahi o ka eha me hapa keneka ka ukupanee. Ua hoakaka hou ae ka Puuku Hapai, aia ka poe hoopukapuka dala 0 Nu loka ke kau mai la na maka maluna o na bona o Hawaii nei, 1 kela ame keia manawa, eia nae he mea pono no e hoea kino aku ka puuku o ke teritore, no ka hoa-

kaka pono ana aku, i na mea apau e hoopauia ae ai na pohihihi o ko Nu loka poe. Ua, ukali pu aku o Mrs. Hapai me ka Puuku Hapai ma keia liuakai no Nu loka, a o laua no ia i huli hoi like mai ai ma ka Poalua nei, me ko laua hoohala ana lie elua mahina ma Amerika, me ka makaikai ana ma kekahi mau Trahi kaulana o keia aina nni. | | !