Ka Nupepa Kuokoa, Volume LXV, Number 46, 18 November 1926 — HE MELE HULA NO KALEOALOHA. [ARTICLE]

HE MELE HULA NO KALEOALOHA.

Kaulana mai nei Kaleoalolia, Opuu loke no Hawaii nei; Ua kupu a ulu i Kakuhihewa, A mohala i ke anu a o Kaleponi; Ua poniia oe me ka lokahi, I elele lahui i Wakinekona; Ua paa ka manao me ke alolia, i I alakai nou o Hawaii nei; | E ala e Hawaii moku o Keawe, E lei haahe'o nei i ka lehua; Eia ka elele a ke aloha, I paa i ka hae o ka lanakila; Kilakila o Maui nui o Kama, I ka pua loke lani lei onaona; Lilo i mea ole na enemi, Ua kokua mai ka Makua Lani, Nani wale Molokai Nui a Hina, Me ka lei kuikui o Lanikaula; Hone ana e ka leo o ka nui manu, A he loke Hawaii ili lahilahi; Aole i hopo iho a o Lanai, Me ka lei kauno'a alo ehukai; E ola ka elele a mau loa, A kau i ke ao malamalama; Malama Oahu lei i ka ilima, A he lei kaulana na ke kupuna; Ikeia Kauai o Manokalani, Me ka lei mokihana poina ole, Ua nani Niihau a Kahelelani, Me ka lei pupu momi <o ke kai, E ola na moku o Hawaii nei, I ka elele lahui i alohaia; Haina ka inoa a o ka elele, Kfe aloha lahui he oiaio. Hakuia e M. D. H.