Ka Nupepa Kuokoa, Volume LXV, Number 46, 18 November 1926 — HE HOOMAIKAI NUI. [ARTICLE]

HE HOOMAIKAI NUI.

Ia ouk*>u e na Demokarata ame na Eepuhalika, mai ka makani apaapaa o Kohala ahiki aku i ka makani kuehu lepo o Kau, na hakumakaainana aloha hoi, e noho nei iloko o ka apana koho lunamakaainana Elua o ke Kalana o Hawaii,' ko hoomaikai nui aku nei au ia oukou, no ko oukou kupaa me ka luli ole, a ua hoike mai ka hana a ka puuwai ma o ka hoomohala ana mai o ko oukou mau lima aloha kokua, i ka haawi ana mai ia'u ma ka la 2 o Novemaba nei, i ka heluna o na baloka he ewalu haneri a oi, a ke hoomaikai pu aku nei au i ka poe koho ole ia'u ame ka poe alakai o kuu aoao i huli ku-e mai ia'u; e noho nei iloko ou e Hawaii Komohana, no ka nana ke koko ame ka lielehelena, aole hoi ma ka nana i ka hana a-me ka hua o ka laau, a make iho la ke kalo a ola ana no i ka naioj a na kakou ia e nana aku nomua, a pela no hoi me na lunamakaainana ame na senatoa, a makou i hookau aku ai i ka lei o ka hanohano maluna o ko oukou mau a-i pakahi; ka'u hoomaikai a e hoopoina loa no na la hahana paio kalaiaina, a e kau aku ko oukou noonoo maluna o ka moto ka pono kaulike o ka poe ililiune ame waiwai, iloko o keia Teritore. O ka hope loa o ka'u hoomaikai ana, i ko kakou Makua ma ka Lani, e hoonaniia Kona inoa ma na lani kiekie loa, ho malu Kona a he aloha Oia ia kakou kanaku, a o lehova no ke kiai mawaena o kakou; oiai kakou e noho kaawale ana a hui hou aku no kakou. Amene. Me ka liaaliaa mau, JAMES H. K. KEAWEHAKU, |IlōOkw.a, Koi\s., "Kov> 9, 1320.