Ka Nupepa Kuokoa, Volume LXV, Number 46, 18 November 1926 — HE MOOLELO No FOLORA RIKEKONA A i Ole KE KOMOLIMA MARE POHIHIHI Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa. [ARTICLE]

HE MOOLELO No FOLORA RIKEKONA A i Ole KE KOMOLIMA MARE POHIHIHI

Ka Hoowalewaleia Ana-Ka Mare Malu Ana i ke Kanaka Malihini-Ka Holo Makaikai Ana i Europa-Ka Mare Ana me Kanaka Okoa.

Ua anapu mai la na alelo manamana o ka uwila ia manawa, a ua ku'i iho la hoi kekahi hekili ikaika loa a nakolokolo ka botiua, o ia no oe o ka pu kuniahi nui i kiia ae, a he minuke ma ia hope iho aia lakou ke holo la me ka mama loa no kahi halepule. "O, ke makau nei au, a ke makemake nei hoi aole au i hele •mai nei," i kamailio ae ai o Folora ia Ana; kona kokoolua, a ke puliki aku la hoi iaia me ka haalulu o kona mau lima. "O, no keaha kou mea maka'u wale iho no? E hoopau !oa oe i kena maka'u ou. ua palekana mai la no hoi kaua! Aole loihi o keia wahi e holo aku ai i koe a hoea aku kaua i ka halepule, a me he mea la e lioea mua aku ana kana ilaila mamua o ka hiki ana mai o ka ino, a malia e pau mua ana no ko olua mareia ana mamua o ka haule ana mai o ka ua," pane ae ai ke kaikamahine kauwa. Eia nae, me ia mama loa no o ka holo ana akit o ke kaaiio, ■ua hoea koke mai la no ka ino, a ma ka manawa o ke kaalio i ku iho ai ma ka puka o kahi halepule ua hele a nui ka hanu o na lio a ke haloku iho la hoi ka ua. Hakalia no i ke kaalio a ku iho, o ka lele koke aku la no ia o laua a holokiki aku la a komo iloko o ka halepule e hoomalamalamaia ana e kekahi kukui hopipi ma kahi kokoke i ke kuahu, kahi o ke kahunapule iloko o kona aahu piha e kakali mai ana o ka hoea aku o na mea e mareia ana. Ia komo ana aku la ua hookahahaia ko laua mau noonoo no ka ikē ole ana aku ia Leikona iloko, a he hana hoohoka maoli ia i ko Folora noonoo. a he mea hoano-e hoi i ka noonoo o 3ca hoaloha o ua o Leikonaa, ke kanaka kuaoao o ua o Leikona. Hele aku la o Folora ame kona kokoolua a noho iho la iluna o kekahi noho no ke kakali ana o ka hoea mai o Leikona. ke kane-mare ulolohi, a i ka hoaloha hoi o ua o Laikona i hele aku ai iwaho o ka lanai no ke kakali ana o ka hiki mai o ke kanemare. laia e ku ana malaila i ai iaia kekahi nxanawa e kamailio pu ai me ke kalaiwa o ke kaalio nana i lawe mai ia Folora ma, he hoaloha no Leikona, a iloko o ia manawa a laua e ka* mailio ana i hoakaka mai ai ke kalaiwa i ka mea e pili ana i lea holo malu ana mai o na kaikamahine a pela hoi ka Leikona hoolala ana me ka malu loa no kona mareia me Folora; o ke kumu mai no ko Leikona makemake e noho mana oia maluna o ka hapalua miliona dala a Folora aole mamuli o kona makemake ame kona aloha maoli ia Folora. Ia manawa ke hooikaika loa iho la ka haloku ana a ka ua me ka nunui o na pakaua, a no kekahi manawa he malamalama "wale no mai o a o i ka uwila e lalapa ana i ka lewa, a e hana mau iho ana hoi ka hekili i ka hoonakolokolo ana, a he like me he poiwai maoli la ka ua e hoohanininiia iho ana. "Ea, eia la ihea o Leikona e lohi ma nei? M i ninau aku ai ka hoaloha a o ke kānaka ku aoao hoi o Leikona i ke kalaiwa. me ka pakii ana aku o kana nana ana ma o a maanei iloko o ka. pouli. "He ninau paakiki loa kena au e liiki ole ai e loaa aku ka haina mai a'u aku, a no ka mea ua nele loa kaua i ka ike no kana waH! e miliapa mai nei. Ma ko'u manao elike me ka inoino o nei po e mareia ai laua pela no ka ino o ka hopena aku 0 ko laua noho ana aku." No kekahi manawa ke ku ana o ka hoaloha o ua Leikona ma ka lanai a maliope hoi hou aku la iloko o ka halepule. Aneane no ma ia manawa komo mai ana kekahi kanaka niape me kekahi kuka loihi heleua e aahu ana me ka paa o kona poo i ka uhiia me kekahi koloka mahope mai o kekahi pou ma kahi kokoke ia laua e ku ana, a ukali mai la ia laua. Mamuli o ka halulu o kona mau kapuai wawae i huli koke ae ai laua e nana, a hookahi o laua i hooho ae: "Me ka mahalo i na Lani ua hiki mai la oe, e Leikona. Pehea oe i lohi ai, a pehea oe i hiki mai la ianei iloko o keia ua nui?" "Maluna mai nei au o ka lio; aohe ka olua i lohe ae nei i ka halulu o na kapuai wawae Iio?" "Aohe maua i lohe aku nei la, a no ka mea, e ike iho oe nou iho, o ka nakolokolo auanei keia o ka hekili ame ka ua e hiki ai ke lohe aku. Ha! E hoolohe aku no hoi oe la aole 1 kana mai a ka halulu," wahi a kekahi o na kanaka. <4 Hele mai; aole e kala na kaikamahine i hiki mai nei ianei, a ua ku a uluhua maoli paha laua la i ke kali ia oe me ka piha pu i ka maka'u no ka ikaika o ka halulu q ka hoone-i hekili, he hapalua hora a oi aku nei ko laua hiki ana mai ianei. w O ka'u i maka'u iho nei o ke koi ikaika mai o kela kaikamahine e hoi a pehea la au e olelo aku ai, a ina no kona hoi aku nei o kou nele ana no ia i kekahi pomaikai i maopopo loa ke komo mai iloko o kou mau lima mahope iho o kona hoolala ana i keia hana me ka maalea loa. "Eia me a*u ka palapala ae mare, o ka hana wale no i koe o ka mare mai o ke kahunapule ame kona kakau iho i kona inoa maluna o ia palapala. Na'u e kii aku ia palapala i ke kahunapule oiai oe e alakai aku ana i ko wahine-mare i kahi o ke kaalio." Kai aku la oia me ka awiwi loa i kona hoaloha ma ke alanui aku oloko o ka halepule, no ka mea he makemake loa oia e pau koke ka mare ana; alaila, hele aku Ia i kahi a Folora « noho mai ana, a kai aku la iaia a ku iho 1 ama kona aoao, me ka ukali pu mai o ke kaikamahine kauwa mahope ona. Ia Folora i pili aku ai ma ka aoao o ke kanaka ana e manao aea o Leikona, leha iki ae la oia iluna e nana i ka helehelena,

! eia nae no ke ano pouliuli.o ka rumi a ua piha hoi oia i pihoihoi e hiki ole ae ai i ua o Folora ke kamailio ae, a oiai* ia manawa he makemake loa oia e pau koke ko laua mareia ana a hoi koke aku oia no kona hale, no ka mea, aia mau no ka hopohopo iloko ona o hele ae kekahi o kona mau makua e nana ialoko o kona rumi. 0 ke kahunapule kekahi i makemake e pau koke kana hana, pela ka hoomaopopo aku a Folora i kona helehelena ame ke ano o kana kamailio a hana ana mai, ua loaa ka noonoo iloko ona ua kua uluhua loa na kaikamahine no ke ulolohi loa o ka mareia ana, nolaila, me ka awiwi wale oia o ka lawelawe ana mai i kana apana hana elike me ka hiki iaia, me kona hoomaopopo ole he mea hewa kekahi e hanaia ana ia manawa. 1 kona manawa 1 nonoi mai ai i ke kane-mare no ke komolima mare ua ulolohi ke kane-mare i ka haawi ana aku iaia, a mahope nae o ka haha ana iho iloko o na pakeke o kona kuka, kona lolewawae ame kona puliki, a loaa ihō la, ua hala paha, he elua a ekolu minuke o ia apa ana iho, haawi aku la i ke kahunapule, a he minuke mahope iho, hoike mai la ke kahunapule ua hoohui ponoia na mea mare a ua lilo hoi he kane a he wahine. I ka hua pule hope loa i puana ae ai ke kahunapule, alaila nana ae la o Folora iluna i ka helehelena o ke kane ona i nakiia iho ta, i kona ike pono ana ae ua like ke keokeo o kona helehelena me kekahi lole aiai loa, a i ae la: "E lawe koke aku ia'u i nei manawa/' wahi ana, me ka haalulu o kona mau lehelehe. Ia manawa he hekili ikaika loa ka i kui iho la ia manawa a i kana nana 'iho me he mea Ia ua hoonueueia ae la ka honua holookoa. Hina aku Ia oia i ka umauma o ke kanaka ana i kuhihewa loa ai o Leikona, eia ka, he kanaka okoa loa keia ana i mareia iho ana i ike ole ai mainua. "Auwe! Ua mareia au me ke kankaa malihini loa! . Ua hajiaia mai au ma kekahi ano lapuwale i mea no'u e hihia makehewa ai! "Owai oe, e keia kanaka i maopopo ole kou mau ano ia'u, !a mai hea mai oe?" i nui ae ai ko Folora leo, aka, ua hala ka wa pono. i Hookahi kumu oka hiki ole ana ia Folora ke ike ae ika helehelena o ke kanaka, no ka paa o kona helehelena i ka hunaia; ua kukulu ia ae ke kalaai o ke kuka hele ua iluna a aneane a nalowale loa kona helehelena, a hui pu iho me ke ano pouliuli aohe ikaika o ka malanialama o kahi kukui, pohihihi loa ko Folora noonoo. MOKUNA lII.—Ka Pilikia i Manao Mua Ole la. Ua maopopo ole i na hoa o ka wahine opio'ke kumu o kona maule ana mahope iho oka pau ana oka mare. Ua manaoio na mea apau, a koe ke kanaka kolohe i hoolilo iaia iho i pani ma kahi o ke kane-mare oiaio, ua loaa o Folora ia haawina mamuli o kona pihoihoi me ka awili pu ia paha me ka maka'u no ke kuu ana iho o ka hekili me ka ikaika, a pela hoi me ka anapu ana a ka uwila, me ka nui pu o ka inō o ia po.

Kai aku la ke kanaka jsolohe ia Folora oiai ko Fok>ra lima e mau ana no ka paa iloko o kona lima, me ka lilo loa o Folora iaia me he niea punahele loa la nana, a me ka awiwi wale oia i lawe aku ai ia Folora mailoko aku o ka halepule me ka ukali pu aku o kekahi poe e ae mahope aku o laua, a koe ke kanaka kuaoao a "Walaka i manao ai nona mhope, i hiki ai i ke kahiinapule ke kakau iho i kona inoa maluna o ka palapala mare. "[ ke kanaka malihini i oili aku ai iwaho mai ka halepule aku, me Folora me ka hapa maule e paa ana i kona lima, ua aneane loa e malie ka ino; me he mea la i ka wa e lawelawe ana o'ke kahunapule i kana apana hana ua hookina loa ka haloleu ana iho a ka ino; ia nianawa ua malie loa ae kekahi hapa o ka lewa a ma ka hookuina aouli wale no kahi paa i ke ao, a he mau hoku hoj ke ikeia aku ana i ka lele mai o ko lakou malamalama mai ka lewa mai. Hele pololei aku la ke kanaka malihini me Folora e paa ana ma kona lima ahiki i kahi o ke kaalio e ku mai ana, a hoee aku la ia Folora iluna o ke kaa, a pela hoi me ke kaikamahine lawelawe a Folora. "E hoihoi koke aku iaia i ka hale me ka hoohakalia ole a e hoomoe aku iaia maluna o kona wahi moe," i pane aku ai ke kanaka malihini i ke kalaiwa o ke kaalio a ia Ana pu, ke kaikamahine hana a Folora, "a e makaala loa oe mai owaka iki kou walia a hoike aku hoi'i kekahi mea no na hana i hanaia maanei i keia po. M Papani malie aku la oia i ke pani o ka puka o ke kaa me kona kakali ole a paneia mki kana mau olelo, alaila hoi hou aku la iloko o ka halepule no ke kamailio ana aku i ke kanaka i noho aku ai mahope no ke kakali ana no ka pau o ke kakau ana o ke kahunapule i konā'inoa maluna o ka palapala niare. lialawai koke aku la no oia me ia maloko iki aku o ka puka. "Hal He kupanaha!" wahi a ke kanaka kuaoao o ka pane ana mai i ke kanaka malihini e hookokoke aku ana iaia, "aohe paha he iwikuamoo o kela kaikamahine? Laki maoli no oe aole oia i maule mamua o ko olua hoopaaia : ana ma ka mare, ina ua hoopau wale ia ko olua mare ana. "Ua lilo kela kaikamahine ia oe i nei manawa, a e loaa ana ia oe kau puu nui o ka waiwai, a no'ū iho, ke manao nei au ua makaukau paha oe no ka haawi ana mai i ko'u uku no ka hana iho la o keia po, a ina pela ea, homai hoi ha ka'u mau da!a a hoi ae au." Ua hoopiha loa ia nae oia i ke kahaha ia manawa i ka manawa o ke kanaka kolohe i wehe ae ai i kona kuka a pelu iho la i ke kala o ke kuka ilalo, a kau mai Ia i kona lima wikani maluna o kona poohiwi, a nana pono mai la i kona helehelena a i mai la: "Heaha ka manao o kau mau'mea i kamailio mai nei?" wahi a ke kanaka malihini kolohe. "Hal kuhi aku nei ka au o Walaka Leikona oe, eia ka aole. Ea, he hana apuhi ino maoli ka keia au i hana iho nei! Ea, owai oe e keia debolo?" "Hamau! Mai walaau nui loa ae oe, o loheia mai!" i papa aku ai ke kanaka malihini i ke ka..aka kuaoao i mauaoia ai no Walaka," e i ae ke kanaka nana e malma keia halepule, komo mai la ma ka puka mahope o ka halepule me ka ipu kukui helepo e paa ana iloko o kona lima no ke kinai ana i na ku'kui o ka halepule." " "Owai oe, a owai ka inoa o kela kaikamahine?" wahi o ka ninau a ke kanaka malihini epa," 1 paheleia a hoea mai āna i keia wahi a haawi mai i kona lima ame kona waiwai i ka mea kolohe?" "Auwe, e kuhi ana ka ua maopopo la ia kaikamahine ia oe, o kou maopopo hoi o ka hele ana mai nei a hookohukohu o oe kana kane e mare ai! Aohe au nana no ko'u inoa ame ka inoa o kela kaikamahine," i pane pakike aku ai ke kanaka kuaoao me kona ukiuki iho la ia manawa, no ka mea aole e loaa

ana kona uku no ka mea, aole oia o Walaka ka mea nana i hana i ka aelike me ia no kona uku. "I kou manawa mua o ke komo ana ae nei he wahi ano kupanaha ano-e kou i ka'u nana mai a ua hoohuoi nō au ia ma-, nawa, aka no ko'u nana ana mai, me he mea la, ua maopopo loa oe i ka hana o nei po, ua hoopau wale au i ko'u manao, a eia ka, ua pololei no ia hoohuoi ana a ? u. Ea, auhea o Walaka Leikona ? "Malia paha mamuli ou hoea ole mai ai oia ianei, aō oe ka i mahaoi mai nei no ke pani ana ma kona wahi, a me he mea la he hana kolohe, a i ole he hana pepehikanaka kau i hana mai nei iaia, i hiki ole mai ai oia ianei i keia po. Aka oioi ua hanaia iho la keia hana kolohe loa me ka holopono, a ua maopopo ia oe o keia hana au i hana iho la maanei i keia po aole ko olua he mare oiaio, ke hoike mua aku nei au ia oe aohe pomaikai e loaa ana ia oe mamuli o keia hana apuhi a kolohe ino loa au." "Auhea kela palapala mare a ke kahunapule i haawi mai nei ia oe? Homai ia palapala ia'u, ke oluolu mai oe," i noi mai ai ke kanaka malihiiii, me kōna nana oU mai i ke kamailio aku la a ke kanaka kuaoao he mare epa ka i hanaia. "Aole i'o paha ka loaa aku ia oe! Heaha ati i kou manao,. he hupo haalele loa anei? O keia palapala mare no kuu hoaloha no Walaka Leikona; aole nou e kena kolohe a'u i ike mua ole ai," a pale ino ae la oia i ka lima o ke kanaka e mau ana no ka paa i kona poohiwi, a emi aku la ihope i kahi o ka j palekana. ! "Haawi koke mai oe i kena palapala mare ia'u!" i nui mai ai ka leo o ke kanaka malihini, me kona holo pu ana mai imua: no ka hopu ana mai iaia nei. Eia nae, ia hopu ana mai a ke kanaka malihini iaia e alo ae ana keia a holokiki aku Ia ahiki i ka puka, a he minuke ma ia hope iho ua kau aku la oia iluna o ke kaalio ma ka aoao o ke kalaiwa, a kauoha koke aku la i ke kalaiwa e hili i na lio, a ana na ka huipa aia na lio ke kolili maluna o ke alanui i ukelekele a pakikakika i ka wai a ka ua, a he minuke ma ia hope iho ua nalowale loa mai la ka ike ana mai a ke kanaka kolohe. No kekahi mau minuke ke ku ana me ka hoka o ke kana* ka kolohe ma ka puka me na noonoo aia wale no i ka lewa; a hala ia manawa alaila hoi hol aku la iloko o ka halepule, a ninau aku la i ke kanaka malama halepule, a i ka pau ana hele aku la me ka mama o na kaina wawae no ka halelio, kalii ana i kukulu ai i ka lio ana mahope aku o ka halepule. I kona kau ana ae o ke kuupau aku la no ia i o ka lio ma kekahi alahele okoa, āole ma ke alanui a ke kaalio i holo aku ai. Ma ia ntenawa hookahi, ua pohala loa ae la ko Folora poluluhi, a ua hoi hou mai kona mau manao maikai a pau me ia mahope koke iho no o ka hoomaka ana aku o ke kaalio e holo, a ua lilo hoi ka huihui o ka makani e pa mai ana ma ka puka aniani o ke kaa i mea hoomama loa ae i kona mau akemama a loaa koke iaia ka oluolu.

laia i noho pono ae ai iluna, nana ae la oia ma o a maanei ona, me ka mau no o ka haalulu o kona kino, a i kona ka ana ae i kona lima kau mai la maluna o ke kua o Ana, kana kaikamahine kauwa, a helelei iho la kona mau waimaka. Ua hoao aku o Ana e hoonana iaia, me ka papa pu aku e hoopau i kona uwe ana, aohe nae he lilo o kana mau olelo i mea hoomama aku i ko Folora noonoo kaumaha, 110 ka mea aole i pau iki kona uwe ana ahiki i ka aneane ana e pau ke aho ahiki ole ke uwe liou aku; me he la na hai i imi i kona mea e kaumaha ai, nana no. I ke kualiilii loa ana iho o ka Folora uwe ana ku iho la no hoi ke kaalio ma kahi o ka puka-pa nui, a i ka manawa o ka puka o ke kaa i weheia mai ai, ua lele koke aku la no laua ilalo, me ka 'iini loa iloko pakahi o laua e komo koke aku iloko ō ka hale, leahi o ka malu ame ka palekana. Ma keia manawa ua kalae loa ka poiuiulani a ua hiki ia laua •ke ike pono aku i na hoku e imoimo mai ana. I ke kalaiwa i lele iho ai ilalo no ka hookuu aiia iho ia laua ilalo pane iho la oia ia Folora me ka leo malie oluolu loa i ka i ana iho: "Ke kaumaha nei au no kou laweia ana aku i kela halepule iloko o ka ino a hoopiha loa ia oe me ka maka'u. Pehea oe i nei manawa ua hoi hou mai anei kou mau ano maikai elike me maua a ua hookaawaleia aku la hoi na mea hoopihoihoi i kou noonoo?" "Ae, ua maikai loa au i keia nianawa, a ke haawi aku nei i ka mahalo ia oe no kou hoihoi ana mai la me ka palekana i ka haie nei," i pane aku ai ke kaikamahine e naka wale la no kona io ia manawa, a i ke kanaka hoi i hookuu mai ai i kana paa ana i kona lima. Hookahi mea a ua o Folora i hauoli iho ai, o ia kona ike ole i ka inoa o ke kanaka> no ka mea, e nana mau aku ana oia ia kanaka me ke konakona loa ina no kona halawai nei me ia i kekahi manawa. Me ka. hoopuka ole ia hookahi huaolelo o ko laua holokiki aku la no ia'no ka hale me ka ukali okkoke loa aku o Ana mahope ona, no ka mea ua piha like no laua i ka makau no na mea a laua i ike a i lohe ai ma ia po. Me ka nihi nialie loa laua i hoi aku ai a wehe i ka puka, a pela hoi ko laua hoi ana aku noloko o ko laua mau rumi, o 1 īoheia mai auanei ka halulu ame ka nakeke e *a hakuhale, a komo no hoi laua i ko laua mau rumi, kani mai ana ka uwaki iloko o ka holo o ka hora umi-kumamakahi ia. Iloko o ko Folora rumi moe laua o ka moe like ana, iluna 0 ke kōki o Ana kahi i moe ai, a i ko ua o Folora moe no hoi oia ahiki i ke ao ana, no ko Folora pau ole o ka makau i haalele ole ia ai oia. "E Ana, he keu aku a ka mea hookaumaha noonoo na mea 1 ikeia i nei po, aole anei ou manao pela ?" "Oia no hoi, owau pu kekahi i makau i ka hekili ame ka uwila; ikaika maoli no ka hoone-i ana iho a ka hekili. Iloko o ko*u mau la o ke ola ana aole au i ike i kekahi ino nui a ikaika hoi o ke ku'i ana a ka hekili ame ka anapu ana a ka uwila elike me ia i nei po. "He po ino maoli'keia i ka hoomaopopo iho no ka mare. ana, j o ka'u wale no e noonoo nei aole e lilo keia i i hoailona no kou ola" ana me ka nui o na popilikia ma nei mua aku. No j ko piha auanei i ka maka'u i maule ai oe?" i ninau aku ai oj Ana. I Ua naka e w'ale a'e la no ko Folora kino ia manawa a Ana j o ka ninau ana mai la, no ka mea ua hoike maopopo loa mai ia-i ko Ana maopopo ole i ke kumu o kona maule ana, aōle oia i hoomaopopo he kanaka malihini kana i mareia ai. He oiaio anēi, i ninau iho ai oia iaia iho, ua hoopunipuniia aku kekahi poe e ae ma kela manawa i mareia ai laua, ua lilo oia he wahine*mare oiaio na Walaka Leikona? He mea poqo anei iaia. ka hoike ana. aku ia poe ua hoopunipuniia lakou,

a i ole e hunakele loa no paha oia ia mea iloko wale iho no ona alaila kelekalapa aku ia Walaka i ke kakahiaka nui ae e holo mai e hui me ia a e kuka i ka mea pono e hana ai i hoopauia ae ai kona'mau manao pohihihi? Ina o ko laua mareia ana aole i ku i ke kanawai, alaila uu hiki ia laua ke kupale no laua iho, a i ka manawa kupono loa ma ia mua aku e niareia ai laua, a ina ia ano e hoopauia ae ai na wawa olelo e pili ana i ka mare kupanaha. Aka nae, he makemake io no anei oia e lilo i waihne-marc na Walaka Leikona? Ua makemake io anei oia e marc iaia i nei manawa, me keia ano apuhi ino loa iho la i hanaia? Naka iki ae la kona kino ia manawa, i ka manawa i ulu ac ai keia mau ninau lehulehu iloko ona; alaila, ia manawa akahi no oia a ike iho i ka mamao ana aku o kekahi haawe kaumaha mai kona naau aku. Ua piha iho Ia kona naau i ka hauoli i kona manawa i ike iho ai aole oia he wahine nā kela kanaka komohewa, aole oia i hoopaaia malalo ona no na la apau o kona ola ana. Ua hoahewa oia iaia iho uo kona puapuahulu ana i ka at e mare me Walaka. a ua hoowalania loa ia hoi kona noonoo no kona noonoo ana iho no ia mea, no keaha no la oia i ae wale aku ai i ka Walaka noi iaia no ka mare. Aka iloko o keia manawa a pau aia o Walaka ihea? Heaha ka mea nana i kaohi iaia i hiki ole ae ai uia i ka halepule no ko laua mareia? Owai ke kanaka malihini i hoea aku ai e pani ma kona wahi? Ua mareia anei oia me ia kanaka, a ua lilo anei ia mareia ana ona me-ke kanaka malihini i mea hoopaa iaia ma ke kanawai? ]\la kona manao iho aole i lilo kela mareia ana ona me ke kanaka malihini he mare i ku i ke kanawai, a eia nae, ma kekahi ano ana i noonoo iho ai he hana hiki ole no ma kona aoao ke hookaawale iaia niai ke kanaka malihini mai i maopopo ole kona mau ano apau iaia. Me'he mea la aole kaikamahine i hanaia elike me keia mamua, pela kona manao, oia ka mua loa; hookahi mea ana i hooholo ai, oia hoi aole hookahi kanaka a wahine manaoio ana he wahine-mare oia na Walaka Leikona, ke kanaka ana i ike a i komo ole iho nae ke aloha iloko ona nona. "O!" wahi ana i hooho ae ai me ka hauoli, "ma ka apua wale no ko'u pakele ana mai ka hana kiekie loa mai a'u i hana ai; ke ike nei au ia mea i i£t manawā, a ua lapuwale maoli 110 o Walaka o ka hoowalewajc! ana ia'u a penei iho la oia e hana mai ai e hoomamao. oia iaia ma ke ano he kanaka makau Avale, a o ke kanaka malihini loa ia'u kana e kena mai ai e hele mai no ka mare ana mc a'u. O ua apuhi maoli ia au e W : alaka!" Me uwila la keia mau noonoo like ole o ka ulu ana ac iloko ona iloko o kekahi manawa pokole o kona noho hamau ♦ ana, maniua o kona pane ana aku i ka Ana ninau. "Ina pela iho la alaila mamuli o na mea hoopihoihoi i kou noonoo kou kumu o ka maule ana," i pane mai ai o Ana me > kona kahaha pu i ke kupanaha o ko Folora leo o ia kamaiio ana mai. | "Malia paha o kekahi kuniu ia, aka nae oke kumu nui no 1 11 o ka hoano-eia ana o ko'u noonoo i ka wa i pau ai o ka mare ana. Aole anei au mea kamahao i ike ai i ka manawa e lawelawe mai ana no ke kahunapule i kana apana hana ma | keia po iho la maloko o ka halepule?" ; "Aohe a'u mea i hoomaopopo, pela ko'u ike iho koe wale no ko'u huikau pu ana, no ka mea o ka mua loa ia aole mamua aku." "AqJc anei au mea kamahao i ike iho ai no kela kanaka, o Mr, Walaka Leikona paha ia a aole paha?'* "Aohe a'u mea i hoohuoi nona, ua noonoo mau au o Walaka Leikona oia, o kahi mea ano e wale no i ka'u nana ae iluna iaia oia mau no kona ikukulu i ka a-i o kona kuka heleua ilu* na, a ua ano nalowale kona helehelena a aneane loa e hiki pono ole ke ike ae i kona helehelena. Eia nae, ua manao wale iho no au 110 kona holo ana mai paha iloko o ka ua, a no kona awiwi loa me ka hoopiooiapo ko % na noonoo no kona lohi, aohe i noonoo no ia mea, o ka pau koke wale no o ko olua mareia kana mea nana." "E Ana, he kumu ka kela kanaka o ka huna ana i kona heiehelena, —o ia keia, he kanaka malihini e loaa oia a'u i ike ole ai mamua, oia o Walaka, o ia ke kumu o kona huna ana I kona helehelena, a no ia ike ana iho o'u aok oia o ke kanaka kupOno e mare ai me a'u, ke kumu o ko'u maule ana."

"O, he kanaka kolohe a hoopunipuni ino maoli ka kela, a ua kupono maoli ka kou maule ana me ka hoopnpuleia o koir noonoo!" i hooho ae ai o Ana. "Malia paha ua pupule ko'u noonoo ma kuu manawa i ae aku ai ia Walaka e mare, aka nae, o ke kanaka i ku pu ai me a'u, ma ka manawa o maua i mareia ai ma keia po, he kanaka malihini loa oia ia'u, a no ko'u ike ana he kanaka okoa loa oia, aole hoi o Walaka. i anoe loa ai ko'u noonoo ao ke kumu hoi o ko'u haule ana." "Oiaio ka kou kumu o ka maule ana, ua kuhi au no kou pihoihoi la no ka nui oka inoo keia po. Pehea i hoea mai ai kela kanaka malihini i kela halepule? Pehea oia i aa ai e hele mai me kona kono a makemake ole ia? A eia hou, aia o W'alaka Leikona ihea?*' haina no kau mau n!nau. Owau pu kekahi i haohao no leo "Aohe maopopo ia'u nolaila, aole hiki ia'u ke pane aku ! Walaka hiki ole ana ae, a ua piha loa hoi au i ke kahaha i kuu manawa i ike ai he kanaka okoa malihini loa ka i hiki ae e pan? ma kona wahi, a pehea la ia kanaka malihini i aa loa ai a hana ae la i kela hana, a heaha Ia kona manao kumu o kona hana ana? "A pehea, aole no anei ou wahi moali ike iki no ia kanaka a haupu ae paha owai la oia ?" wahi a ka Ana ninau. "He oki loa. O ke kumu paha hoi aohe hiki ia'u ke ike maopopo ae i kona helehelena no ka paa loa i ka hunaia e ke kala o kona kuka. Hookahi a'u mea i ike maopopo ae o ia ka uliuli o kona mau onohimaka, a no ko Leikona he polu kona mau onohimaka; o kona lauoho he uliuli loa, a no ko Leikona he ano ehuehu a he pololei. "Alaila, aole no oe i ike iki ae la he maikai kona helehelena a he alauka paha?" wahi hou a Ana. "Aolie; o ka mea wale 110 i maopopo iau aole oia o Walaka, me ka naka ana ae oko ua o Fofora wahi kino. "A pehea, ina no kou halawai aku me ia kanaka i kekahi manawa e hiki ana no anei ia oe ke ike aku iaia a aole paha?" "Ke manaoio nei au aole e hiki ana ia'u. O, he meā weliw r eli keial E noonoo iho no hoi oe la, ua mareia aku au me kekahi kanaka i maopopo ole loa ia'u, aole no hoi he maopopo o kona inoa a kohu hoi paha ka hui ana aku ma kekaW manaw r a," a uwe okoa iho la ua o Folora. (Aole i pau.)