Ka Nupepa Kuokoa, Volume LXV, Number 46, 18 November 1926 — LOAA AKU KE KINO MAKE O KEKAHI ELEMAKULE MALOKO AE NEI O KE AWA [ARTICLE]

LOAA AKU KE KINO MAKE O KEKAHI ELEMAKULE MALOKO AE NEI O KE AWA

Ma ke kakahiaka nui o ka Poaono o ka pule aku la i hala i loaa aku ai ke kino mako o kekahi elemakule Paniolo i haohaoia nona ka inoa o Francisco Camacho, ma kekahi wahi lepo pohopoho papau o ke awa, ] mahope o kona hele ana mai ka ho- j me mai o John, kana keikikane e; ku nei ma ke kihi o na alanui Mc* Neill ame Waiakamilo. | O ke kumu o kona loaa ana ma-1 muli o ka noke mau ka o kana wahi ilio uuku mauka i ke aoa, elike me ka hoakaka a ke kanaka kiaipo o ka hale o ka Hui Eliawa Hawaii ma Iwilei, e ku kokoke aku ana. Ma ka manao wale ia me he mea la ua ano e ka noonoo o Camacho, oiai ma kekahi mau manawa aku nei ka i hala me kahi lole liilii wale no maluna o kona kino ka oia e hele auwana ai ma o a maanei. I ka loaa ana o ke kino ua laweia aku a ka hale waiho kino make o ke kalana, malaila i waihoia ai ma ia la no ka ninaninau ana a ke kiure koronero. Ua lehulehu ka poe i makemake a i hoao e lawe i kahi ilio uuku na lakou, aka nae, ua hoihoiia aku «o i 4a hale o kana keiki.