Ka Nupepa Kuokoa, Volume LXV, Number 46, 18 Nowemapa 1926 — PEPE KA WAWAE O KE KAIKAMAHINE MA KA ULIA KAA [ARTICLE]

PEPE KA WAWAE O KE KAIKAMAHINE MA KA ULIA KAA

Oiai e hoao ana e lioea aku no ke alanui Waialae, mai ke kihi aku o na alanui Moi me Beritania ma ka auwina la o ka Poalua iho nei, i hooku'iia mai ai he kaikamahine Kepani uuku o Matsuko Hatanaka ka inoa e ke kaa otomoible e hookeleia ana e J. B. Williama, a o ka hopena i ikeia, o ia nt> ka pii ana o kekahi huila o ka otomobile maluna o kekahi wawae o ke kaikamahine uuku a haki. Ma ka oleloia, he elua ka kela mau kaikamahine Kepani i makemake e hoea no ke alanui Waialae, hookahi nae o kela mau kaikamahine i ku malie iwaena d ke alanui, oiai ka laina loihi o na kaa otomobile e holo ana, aka no kona kokoolua nae, ua holo aku la no oia imua, me kona kaa pono ana ma ke alahele pololei o ke kaa otomobile 0 Williama e holo mai ana. Ua hooku'i kela kaikamahine 1 kekahi o na huila mua o ka otoraobile, me kona hina ana ilalo, a oiai aole he manawa kupono e hoopaa iho ai i ka holo o ka otomobile, ua pii aku la ka huila hope o ke kaa, maluna o kekahi wawae a haki. Ua laweia mai oia no ka halema'i o na poino ulia, a malaila oia 1 lapaauia aku ai no ka haki ana 0 kona wawae akau, a mailaila aku 1 hoihoi lōa ia ai no ka halema'i o na kamalii, mauka ae nei o ke alanui Kuakini.