Ka Nupepa Kuokoa, Volume LXV, Number 45, 11 Nowemapa 1926 — E NANA AKU KAKOU IAMUA! [ARTICLE]

E NANA AKU KAKOU IAMUA!

Me ke kolio haloka kuloko i liala aku la, me ka aneane e lanakila liolookoa na moho apau loa o ka aoao Repubalika, koe wale no ka lilo ana lie ejua mau kulana o ka papa lunakiai kulanakauhale, he hookahi noho iloko o ke senate, a he elua iloko o ka hale o na lunamakaainana i na Demokarata,. e hoopoina kakou, i ka enaena o ka hoouka kalaiaina, i hooukaia ena aoao kuloko o kakou,'a e nana'aku ka4v'on, ina mea e lawelaweia mai'ana, e ka poe i kohoia aku a puka e ka hapanui o na mana koho baloka. Ua hookahaha like ia no ka mana.o o n aßepubalika ame na Demokarata pu, no ka hopena i oili ae m akelā koho baloka aku nei o kakou, aole nae he waiwai iki a he pomaikai paha, ma ka noke ana i ka namunamu, me ka hooili ana aku paha i na ahewa ana maluna o kekahi poe, no ka lanakila holookoa ole ana o na moho apau; aka e lilo kela hopena, i haawina a'o maikai loa, i na alakai kalaiaina apau, no ka hoonaauao ana ia lakou iho, no na mea pono e hana aku ai no keia mau makahiki elua e hoea mai ana. Hookahi mea ano nui i ka nana aku, ma ke koho baloka aku- la i hala, ua nana aku na mana koho, me ke kaupaona ana i ke ano o ka lakou koho ana, maluna o na ninau kalaiaina, 1 kukuluia mai e na aoao kuloko o kakou, e waiwai' ole ai i keia pepa ke kuekaa hou ana ae i kela mau kahua kalaiaina. Me Victor Kaleoaloha Houston nae i elele lahui mai Hawaii aku nei, ua hoike mai na makaainana, i ko lakou manaoio ana, ua oi ae ka makaalaia o na pono o Hawaii nei, e ka elele Repubalika, mamua o ka elele Demokarata; aole ma na mea wale no e pili ana i kela kulana oihana, aka maloko kekahi o na hana o ko kakou ahaolelo, ame ke aupuni kulanakauhale. Ma ka lanakila ana o Charles N. Amold maluna o John H. Wilson, no ke kulana meia no ke Kulanakauhale a Kalana o Honolulu nei, pela hoi ke kailiia ana mai o ke kulana makai nui e David L. Desha, mai ia David K. Trask mai, mamuli 0 ka haulehia ana o Charles H. Rose, ma ka pahu baloka, ua hoike maoli mai no ka hapanui o na mana koho baloka o keia kulanakauhale a o Oahu holookoa nei, i ka paa loa o ko lakou manao, e hookau ae i ke aupuni kulanakauhale maluna o na loina oihana e loaa ai ka mahaloia, aole wale no e ka poe e noho nei maanei, aka e ka poe malihini kekahi e kipa mau mai ana ma ko kakou kulanakauhale i kela ame keia manawa. E hoomaka ana mai ka Poakahi ae nei, ka la 15 o keia mahina, a pau ma ka la 20, he manawa ia a na makaainana apuni keia teritore, e haawi ae ai i na kokua manawale'a, no ka waihona kokua, i na home ame na hale, i kaa aku ai ka malama ana, malalo o ka lokomaikai o ka lehulehu. Elike nae me ka holomua loa o keia hana kokua i ikeia, i na makahiki ae nei 1 hala, aole loa lie kanalua iki ke olelo ae, e ukaliia aku ana iloko o keia pule me ka holomua; no ka mea aole o kekahi ano lahui hookahi wale no, a i ole o kekahi poe kakaikahi paha ke hoomaikaiia ana mai na waihona mai i makemakeia e loaa, aka o na lahui no apau, ame ka lehulehi\ ma na ano' like ole. O ka lanakila ana o hookahi Pukiki ame hookahi Pake, i mau hoa no ka papa lunakiai ma ka aoao Demokarata pela hoi me hookahi Pake, no ke kulana lunamakaainana, ma ka apana elima, ame Wm. H. Heen, noloko o ka aha senate he mau Demokarata no laua a elua, mamuli no ia o ke koho ana o na Pake apau i na moho Pake ekolu, pela hoi ke koho ana o na Pukiki mai na Repubalika a na Demokarata i na Pukiki, mawaho ae o na moho o ko lakou mau aoao kalaiaina iho.