Ka Nupepa Kuokoa, Volume LXV, Number 44, 4 November 1926 — HAAWI O TRASK I KONA HOOMAIKAI IA DESHA [ARTICLE]

HAAWI O TRASK I KONA HOOMAIKAI IA DESHA

Ma ka manawa o ko ka Makai Nui Trask launaia ana aku ua hoakaka mai oia i kona manaoio no David L. Desha ka nioho makai nui kulanakauhale o Honolulu mamuli o na mea i ileeia maloko o na hoike mai na maliele koho like ole mai i komo ae a penei kana: "Ma ka hoomaopopo iho i ke kulana i ne'i manawa elike me na hoike i komo ae mai na mahele koho like ole mai apuni ka mokupuni ua maopopo loa ko David L. Desha kohoia. Ke hoomaopopo nei au he kauaka maikai ana oia 110 ka oihana makai nui a e lawelawe aku ana oia i ka hana ma kahi aku a'u e haalele iho ai. He hakoko kalaiaina maemae loa ka D. L. Desha i hookele ai mamua o ka kekahi moho e ae i aluālu no keia kulana. Ma o keia kohoia ana iho la o Desha e lilo ana ia i mea hooni i na kanaka opio o ka hanauna hou e pii mai nei, a e haawi aku ana h©i i kekahi o na kanaka opio i mea na lakou e iini ai. 0 na kanaka opio ka makemake nui ia no ka hoomaemae ana i na ino e ikeia nei malok'o o Honolulu. E kono aku ana au ia Dcsha e hele mai i kuu keena i kona wa kaawale, i loaa ai he manawa nui a lawa nona e hookamaaina iho ai iaia i na hana o keia keena, a pela hoi na kanaka apau e hana nei i nei manawa a e hana akii ana hoi malalo ona nia nei niua aku, a i kona manāwa e lawe ai i keia hana e hiki ana | iaia ke hookele nkii me ka holopono.''