Ka Nupepa Kuokoa, Volume LXV, Number 44, 4 Nowemapa 1926 — Page 6

ʻaoʻao PDF (1.60 MB)

E nānā i ka Pukana piha

No ke kikokikona ma kēia Kolamu

Nupepa Kuokoa

KE KILOHANA POOKELA NO KA LAHUI HAWAII

NA MOOLELO HOONANEA, NA NUHOU KALAIAINA
ME NA NUHOU O KA MANAWA

AOAO NO NA MANAO PEPA

SOLOMON HANOHANO, LUNAHOOPONOPONO

EONO NUPEPA KUOKOA, HONOLULU, T. H. POAHA, NOVEMABA 4, 1926


	Nuhou Kuloko Malalo o na rula o ka hale aha- olelo o ka Lunamakaainana Herbert N. Auhuna ka mea i loaa na baloka kiekie loa ma Hawaii Hikina i koho- ia mai la ka mahele koho lunama- kaainana ekahi, ke noho ae ana i lunahoomalu no ka hale no ka ma- nawa ma ke kau ahaolelo o ka 1927 o hiki mai ana. He mau kuaua koikoi ko na la hope o ka pule aku la i hala o ka hoohaniniia ana iho, ka mua loa o na kuaua eloelo o ia ano i ikeia iloko o na mahina lehulehu aku Ia i hala. Ma ka po o ke Sabati iho nei i pauaho mai ai o Mrs. Maria Flores Kaipo, ka wahinemare a Henry Kai- po, i keia ola ana mahope o ke kaa mai ana no elua pule. He $22,000 a oi aku ka lilo o na moho ma ke koho baloka wae moho i hala eliki me na huahelu o ka loaa ana ae mai ke keena mai o ke kakauolelo o ke Teritore Brown. Hopuia o Thomas M. Stone, he makai, ma ka kakahiaka o ku Poa- kahi nei mamuli o ka hookomoia ana ae o ka hoopii e kuo ana iaia he hoeha ia Frank Rodrigues. He. 30 la lokomaikai i haawiia aku e ka papa lunakiai i na maka- ainana o Kaimuki no ka hookaa ana i na auhau no na hana hou o iu apana ahiki; Dekemaba 10. Ohuohu na halawai a na moho Re- pubalika o ka malama ana ma na apana like ole ma keia mau po aku nei mo ka piha ohohiaia o ia mau halawai mamuli o kekahi mau hi- meni i hakuia a i meleia mai e ke- kahi kalapu himeni, a Desha. He $1900 ka hoopai a ka aha fed- erala o ko kau ana mai maluna o ka poe hakihaki kanawai waiona, a hookahi i hoopaaia aku i ka hale- paahao no ke kue i ke kanawai opiuma., Ma ke koho baloka laula o ka Poa- lua nei hookahi mea nani loa i ikeia o ia no ka maluhia ame ka loaa ole o na ulia kaa otomobile, elike me ia i ikeia ai i na la e ae o ka pule, a pela hoi ke kalae o ka poiuiulani mai ka puka ana o ka la a ka na- poo ana. Maloko o ka Radio i haawi aku ai ka Elele i kohoia Houaion i kona mahalo i na mana koho baloka a pau i haawi mai i ka lakou kakoo ana iaia i wahaolelo no ka lehu- lehu i ka ahaolelo lahui ma Wakine- kona mahope iho o ka loaa ana mai o na hoike mai na mokupuni like ole mai a pau no ka maopopo loa o kona kohoia ana. E like mo ka holomoku o ke kahe Ana a ka wai maloko o na kahawai me ka ikaika pela okoa iho la no na kaa otomobile o na ano like ole e holo ana me ka paukiki iuka a i kai ma na alanui o ke kulanakau- hale no ke kii a lawe ana ae i na mana koho baloka no kela ame keia wahi koho, mai ka hoomaka ana o ke koho ahiki i ka paa ana o na pa- hu baloka ma ka hora 5 p. m. Ma ka hoomaopopo ana o keia iho la paha ke koho baloka i ikeia aku ai ka hahana maoli o na hana kalaiaina maloko o ke kulanakau- hale o Honolulu, o ke kumu mai o keia i ka nana aku he mau moho maikai walo no ka hapanui ma na aoao kalaiaina a elua, a ua hooikai- ka na alakai o kela ame keia aoao no ka lanakila o kana mau moho. HIALAAI KA MANAO E LOHE IA MISS LOUISE POHINA Eia ko ke kulanakauhale. nei poe, ke kakali aku nei me na manao kuaki, no ka hoea koke ole mai o na ahamele, i hoolalaia maloko o ka Halekeaka Princess, na ahamele a lakou i hialaai loa ai e lohe ia Miss Pohina, ka puukani hou o Ha- waii nei, o ka huli hoi ana mai no keia kulanakauhale ma ka Poa- ono aku nei i hala. Ua hoea mai nae i ka hookoia ana o kela iini, aole he kakali hou ana aku, no ka mea ma keia ahiahi, e malamaia ai ka ahamele mua loa, a ma ke ahiahi o ka la apopo, ka elua o na ahamele. Iloko o keia mau la e nee nei, ua nui maoli na tikiki i pau i ke kuaiia, na tikiki hookahi dala, da- la hapalua ame elua dala, e na ko- mite i hoolakoia aku me na tikiki no ke kuai ana, aka ua Iliki no ke loaa na tikiki, ma ka puka o ka Halekeaka Princess ma keia ahiahi, a ma ke. ahiahi o ka la apopo; o ka eleu no nae ka lanakila, i ole e hookeke, ma ka puka, e kali ai, ahiki i ka loaa ana mai o na ti- kiki.	Nuhou Kuwaho KAPALAKIKO, Oct. 24— He hoo- nauenue olai nawaliwali ka i hooni hou ae ia Kapalakiko nei ma ka hora 2:52 o keia auwina la. Aohe poino i ikeia. MANILA, Oct. 29— Na kekahi olai ikaika o keia kakahiaka poni- poniponi i hoonaueue ae i na hale maanei. Aole nae he mau poino i hoikeia mai. BUSSELS, Oct. 29— Ua haalele mai ke Keikialii Opio Leopold, ka hooilina kalaunu o Belegiuma, ia nei i keia la no Stockholm, kahi ana o mare aku ana ma ka Poaha i ke Kamaliiwahine Astrid, ke kai- ka mahine a ke kaikaina o ka moi o Suedena. KAPALAKIKO, Oct 29— He 300, OOO mau pesas (dala Mekiko e hoo- lilo aku ana ma Kelemania no na pu, poka ame na mikini no ka oi- hana mahiai, oia ka ke Kanikela Kenerala Alejandro P. Carrillo mea o ka hoike ana ae i keia la. NEW ORLEANS, Lr., Oct. 28— Ua piholo i ka moana ka mokuahi Louisiana mawaho aku o ke Kowa Pass mahope iho o ka hookui ana ne ka mokuahi Madison. Hookahi kanaka o ka mokuahi Louisiana i make i hoikeia mai ianei. OTTAWA, Oct. 28— Ua hookipa- ia mai mo ke ohaoha loa e na luna aupuni o Kanalia nei ka Moiwahine Marie o Rumania, ma ka manawa a ke Kiaaina-Kenerala oKanada, ka Visakauna Willington, na hoa o ka ahaolelo o Kanada, ka Meia ame ka ahaolelo o Ottawa, i halawai ai me ia ma kona manawa o ka hiki na mai ianei ma ke kaaahi mai Montreal mai. Ua hoomakaikaiia ku ka huakai alii i kahi o na mea hoomanao kahiko o Kanada maloko o ka hale e waiho ai na mea ka- iko hoomanao o Kanada nei no akou na moolelo kahiko loa i kau- lana. HAMILTON, Bermud., Oct 24— O ke piholo ana o ka mokukuna Pelekane Valerian ame ka moku lawe ukana Pelekane Eastway, me ka heluna nui o na ola i aneane aku i ka 100 i poino, ka nui o na poino o na hale maanei ame ka nui o ka poino o na moku maloko o ke awa, na alina a ka makani ikaika o ka ulupa ana iho ma Barmuda nei ma ka Poalima aku la i hala. E hoi mai ana ka moku Valerian mai kana huakai kokua mai i ka poe i pilikia i ka makani ikaika he mahina aku nei mai Bermuda mai. No ka moku halihali ukana hoi Eastway ua ili ia ma ka po Poa- lima, a piholo mamua o ka hiki ana aku o ka mokukuna Luciline no ka haawi ana aku i kekahi kokua iaia. O ke kolu o na aliimoku ame umi-kumamakahi mau luina ka i loaa aku a hookauia ae iluna o ka moku. EWALU MAU KANA- KA I HOOPIIIA AE NO KA PEPEHIKANAKA E hoakaka ana kekahi lono ma ka Associated Press o ka loaa ana ae i kekahi lono no ka hoopiiia ana ae e ke kiure kiekie o ke ku- lanakauhale o Kapalakiko o kekahi mau kanaka ewalu o ka hui Uniona o ka poe kamana ma ka Poaha o ka pule aku la i hala no ka hewa pepehikanaka. Ea, hewa ka hui uniona la a kekahi poe e lilo nei i mau lala. I kulike me ka hoakaka maloko o ia moolelo he kanaka hana noloko o ka hale kamana ka i hahauia me ka hamare ma ka Poaha o ka pule mamua aku nona ka inoa o C. W. Campbell, oia ke kahua p ka hoopii. Ma ka oleloia maloko o ia moolelo he olohani ka na kanaka o ka hui Uniona ma kekahi manawa aku i hala a o na kanaka i komo ole i ka Uniona o lakou ka i hele ae e hana ma kahi o na kanaka uniona i haa- lele i ka hana a oiai lakou e hana ana ua pepehiia lakou e na kanaka o ka Uui uniona no ko lakou ma- kemake ole i mea e nele ai na ha- kuhana i na kanaka a hookoia ae ka lakou mau koi no ka hoopiiia ae o ko lakou mau ukuhana. O na inoa o na kanaka i hoopiiia ae oia Achibld J. Mooney, ka hope peresidena o ka hui uniona a ka poe kainana. Paul J . Clifford , ka akena hoo- kele oihana a ka hui uniona oloko iho o Kapalakiko. John J. Cannon, ke kalaiwa o ke kaa a na kanaka i hoohana ai a nahaha Alfred Moore, Sam Moore, Christopher O'Sullivan, Gus George P. Pasco, he mau lala no ka hui uniona a ka poe kamana. O keia ae la ka poe i manaoio na lakou i pepehi ia Campbell a make a ma ka olelo hooholo a ke kiure e mao- popo ai ko lakou hewa a hewa ole,

Kekahi Mau Moho Keia ma Kahi KohoBaloka o alihi-waena. Mahele Umi, Apana Elima. Mai ka Hema aku
o Geo. Fred Wright. Victor K. Houston ame Wm. H. McInerny.

KA ELELE LAHUI VICTOR KALEOALOHA HOUSTON

Mahope iho o ka hooukaia ana o kekahi paio kalaiaina hahaiia loa, e na aoao kalaiaina kuloko o kakou, he paio i hoohanaia ai na ike kalaiaina o kela ame keia aoao pakahi, i oili pulelo mai ai o Victor Kaleoaloha Houston, he moho lanakila ma ka Poalua aku la i hala, no ke kulana elele lahui i Wakinekona na Hawaii nei.

O ka lanakila i loaa ia Victor Kaleoaloha Houston, he lanakila ia aole wale no mamuli o na kakoo i haawiia aku iaia, e ka poe i hooikaika no kona kohoia i elele lahui na Hawaii nei, i Wakinekona, aka he lanakila i oili ae, mamuli no o kana hooikaika kino ana, ka mea nana i ume aku i na manao mahalo a hoohihi o na mana koho o Hawaii nei, ma ke ano he kanaka oia, aole wale no i oi ae kona makaukau, a i kupono no ke kulana elele lahui; aka i pipilipaa kona noonoo, no Hawaii nei ame kona kulana holomua.

Iloko o kona malihini iloko o na hana kalaiaina, kona malihini pu i na makaainana koho baloka apuni o Hawaii nei, ua lawe ae o Victor Kaleoaloha Houston, i ke ko'iko'i o ka lilo ana i mea paahae ma ka aoao Repubalika, a ku aku imua o ka lehulehu, me ke koa ame ka maka'u ole, e uwalo ana imua o lakou, maluna o na loina kalaiaina naauao.

Iloko o kana mau haiolelo kalaiaina apau i haawi ai ma kela ame keia wahi, ua kapae ae oia, i na olelo kipehi i kona hoa paio ame kona aoao kalaiaina, aka nae, ua hoikeike inai oia i na hana i lawelawe mau ia, a i hookahuaia ai na loina kalaiaina Demokarata, ka mea nana i hookaakaa ae i na maka

o ka poe o Hawaii nei, a ike pono aku lakou, aia iloko o Ka-
leoaloha Houston, ka manaolana, no ka loaa mai ia Hawaii
nei, o na pono oi ae, i loaa ole i keia manawa.

O ka hiki ana ia Victor Kaleoaloha Houston, ke hoohaule
aku ia Wm. P. Jarrett, ka elele lahui Demokarata i kohoia no
elua kau aku nei i hala, ka hana hiki ole ia John H. Wise ame
Philip Rice, ke hoohaule iaia, ma ka pahu baloka, mamuli o
ko laua kamaaina ame ka makaukau mamua o Jarrett, ua ho-
ike maoli mai no oia, aole wale no, maluna o na kahua kaua
moana, imua o kona mau enemi, i loaa ai iaia ka makaukau,
no ka hoopio ana aku ia lakou, aka ua hiki pu no iaia ke ulu-
pa aku i kona mau enemi kalaiaina, maluna o na kahua kaua
kalaiaina naauao.

Ua lanakila o Houston maluna o Jarrett, mamuli o ke koho maoli ana no o ka hapanui o na mana koho baloka o Hawaii nei, aole paha no ko lakou hoowahawaha ia Jarrett, aole pela, aka no ko lakou manaoio ana, ua oi aku ko Houston kupono, ka makaukau ame ka naauao, e ku aku ai a e hana no Hawaii nei ma Wakinekona, ma na ninau apau i pili ia Hawaii nei, ka mea hiki ole ia Jarrett ke hana, a ke manaoio nei keia pepa, e ike ana no ko Hawaii mau makaainana, i ka naauao o ka lakou koho ana i keia elele hou mai Hawaii aku nei, i ka ahaolelo lahui ma Wakinekona.

He mea minamina paha ke olelo ae ma kekahi ano, ka puka hou ole ana o Jarrett i elele lahui, he mea hiki ole nae ia ke alo ae, no ka mea ke ko nei ke au o na hana kalaiaina iluna, a ua hiki mai hoi ka manawa a ka lehulehu, i makemake ai,

i kekahi Repubalika makaukau, e hoouna aku i Wakinekona,
me ka manaoio, ma ona la, e oi ae ai ke kupaleia o na pono

o Hawaii nei.

Ma ka aoao o ke Kuokoa, ke hoomaikai aku nei ia i ka aoao Repubalika, no ka haawi ana i ko lakou ikaika lokahi, e kakoo

i ka moho elele lahui, ma ko lakou aoao kalaiaina ponoi iho,
a o ka lanakila i loaa ia Victor Kaleoaloha Houston, he lana-
kila ia, no ka poe i makee i ko lakou kulana holomua iloko
nei o ka aina, o ka lanakila oi loa aku nae, no ka aoao Repu-
balika, e pono ai e hiipoi mau ia keia lanakila, ma na kau koho
baloka e hoea mai ana.

PUHILI KA HAU NUI I KA HAU IKI.

I hoopu-a wale ae la no makou i ke poomanao maluna ae,
mamuli o ka hopena o ke koho baloka, no ke kulana makai
nui, o ke kulanakauhale a kalana o Honolulu nei, o ka oili ana
ae. ma o ke kohoia ana o David L. Desha, i makai nui hou,
a haule hoi o Charles H. Rose.

Me he mea Ia mai ka manawa mai i haule ai o David Trask la Charles H. Rose ma ke koho baloka wae moho aku nei i hala, mai kela manawa mai i hoao ai o Rose ame ka puulu o ka poe e kakoo ana iaia, e hooikaika no kona lanakila ma keia koho baloka laula o ka Poalua iho nei; ua ikeia keia ma ka nui o na halawai i malamaia eia, e ku kaawale ana mai na halawai i haawiia e kona aoao kalaiaina ponoi iho, no ka pono p na moho Demokarata apau loa.

Elike nae me ka manao paa iloko o Rose ame kona pohai, k kaa hou mai ka hookele ana i ka oihana makai o Honolulu nei malalo ona, pela iho Ia no ka paa o ka manao o ka aoao Repubalika, ame na makaainana i makee i ka maemae o keia kulanakauhale, a i oi aku no paha imua o kela poe, e kaili mai i ka mana o kela keena oihana iloko o ko lakou mau lima, a haawi aku i kekahi kanaka opio, ka mea i ike ole ia kona moolelo lawelawe pili oihana, aka i hoopaa mai nae ma kana mau haiolelo, ka mea a lakou i hilinai aku ai, no kona hoolilo aku i kela oihana, i oihana, e hooko ana i ke kanawai, a e makaala ana i ka pono, ame ka palekana o ka lehulehu.

Heaha nae ka pili o ke poomanao maluna ae, i na moho i alualu iho nei i ke kulana makai nui? Eia no ka pili; he kanaka o Rose i kahiko iloko o ka oihana makai, ua makaukau i ka lawelawe ana i na hana apau o kela keena; a ma kekahi aoao hoi, he opiopio loa o David L. Desha, he malihini paha ma kekahi olelo ana ae, i na hana pili i ka oihana makai; aka i kona lanakila ana nae, he mea opiopio, a he mea malihini i na hana o ka oihana makai, maluna o Charles H. Rose, he mea i hele a oo ma ke ano o kona mau makahiki o ke ola ana, ame na makahiki iloko o ka oihana, pela iho la i "puhili ai ka hau nui i ka hau iki."

Ua hoea mai la nae kakou i ka pahuhopu o ka paio kalaiaina, no kekahi o na kulana ano nui iloko o ko kakou hookele aupuni kulanakauhale ana, hookahi mea i koe, o ia no ka nana. aku i ka lawelaweia ana o na hana o ko kakou oihana makai, malalo o keia makai nui hou, a o kakou no auanei ka poe na lakou e hoomau aku iaia, a e kipaku aku paha iaia, elike me ke ano o kana mau hala a kakou e ike aku ai.

O na manao maikai ole i ala ae iloko o kakou, iloko o na Ia i hala, e hoopau loa kakou, elike no hoi me ka hala ana aku la o ke koho baloka ma ka Poalua nei.


HE HOALOHALOHA NO KO MA- KOU PAPA ALOHA I HAA- LELE MAI IA MAKOU. E Mr. Lunahooponopono me kau mau keiki o ko ke Kuokoa; Aloha oukou a nui — E oluolu oukou e hoo- komo iho ma kahi kaawale o ka kakou hiwahiwa i keia mau olelo e kau ae la maluna, i ike mai ka ohana, na hoaloha me ka lehulehu mai ka puka ana a ka la a i ka napoo ana a ka la i Lehua. Ke uwe ae nei o Agnes Kaaipuni Iokua. Auwe kuu aloha i kuu papa i haalele koke mai makou kana poe keiki, he mea nui au i ko'u papa ua hoomanawanui oia e hoonaauao ia'u aole owau wale no ka. i hoo- komoia i ke kula o Kamehameha, aka o ko'u mau pikii pu kekahi, o ia ka iini iloko o kona puuwai e e loaa ia makou ka naauao. Ua puka pono mai au mai ke kula mai o Kamehameha a komo i ke kula kiekie o McKinley a pu- ka mai ke kula, mare au i ke kane a ua loaa eha (4) a'u keiki, nolaila ua ike no oia a ua hii hoi i kana poe moopuna. He nui na ano maikai o ko ma- kou papa i loaa ole i kekahi poe he heahea. Ina oia e haawi a kokua i kekahi hoakanaka aole oia i make- make no ka ukuia mai, kekahi mea a makou e poina ole ai i ko makou papa o ia hoi keia i kekahi la olelo mai la kekahi mea iaia o ia hoi ka poe e olelo nei a e kapa nei ia lakou he poe haipule oiaio. "E mai hoopilipili oe me ka poe ilihune a hookupu wale aku ia la- kou no ka mea aole mea loaa ia oe, e pili oe me ka poe loaa a waiwai no ka mea e loaa ana kau mai ia lakou mai." I k lohe ana o ko makou papa i keia mau olelo, me he pahi oilua la i kona puuwai, a olelo iho la oia iloko o kona naau iho, kupanaha no, ua palapalaia ma Matt: 6. o ia ma- oli no ke ano o ko makou papa kokua oia i ka poe hiki ole ke panai mai iaia aka na ke Akua e uku mai iaia aka na ke Akua e uku mai iaia. He oiaio ua nui ko makou aloha a minamina iaia aka ke hoomaikai nei no makou i ke Akua Mana Loa no ka mea ua pau kana hana, ua lawa kana hoomanawanui ana no makou ua hoolako mai oia ia ma- kou i na mea apau e hemahema ole ai makou, na ao mai oia ia ma- kou i ka hana, he kanaka hana oia mai kona manawa i mare ai i ko makou mama a moe wale aku la no oia. Elike no me kona hana maikai ia makou, pela no i laweia aku ai ko makou mau kaumaha mai ia ma- kou aku. Ia makou e noho nei i keia mau Ia, me he mea la i ko makou noonoo iho, aole oia i make aka ua hele oia i kekahi wahi ma- mao a e hoi mai ana no i o makou nei i kekahi la. Ina palia aole makou i ike maka i kona kino puanuanu, a hoomoe pu ia i kona halelua, ina aole loa ma- kou e manaoio i kekahi mea e hele mai ana imua o makou a olelo mai ua make ko makou papa, aka o ke aloha iaia aole loa ia e pau. Ke uwe helu ae nei o Oliva Ka- malunani Mitchell, auwe kuu papa dear, aole makou e ike hou ana i kou mau helehelena a lohe hou i kou leo i ke a'o mai ia makou, e lilo ana ia i mea na makou e hoo- manao mau ai ia oe i na la apau o ko makou ola ana. E Haiku e, o Pauwela hoi ahiki i Paliuli a o Paia a Haliimalie, ua	kona ano, aole oia e hele hou ana ma ko oukou mau alanui aole hoi e lohe hou i kona leo, auwe no hoi kuu aloha ia oe e papa, hoomanao ae la ka hoi au ia oe i holo ae ai i Honolulu i ka mahina o Ape- rila i hala, ia'u e hana ana i ke Queen Hospital, hele ae oe e ike ia'u, i kuu ike ana mai ia oe e papa, pii ino ko'u aloha ia oe, a koi aku au ia oe e hoi mai au i Molokai nei me oe, aole o'u make- make e noho hou e hana no ka mea ua nui ko'u aloha ia oe me maina, e aho au e haalele i ka hana a'u i koho ai i kahuma'i, a hoi mai a e hana maluna o ka aina au i lilili ai, a he oiaio ua hoi mai au me oe kou hopena eono wale no o'u ma- Kupanaha no paha keia aloha ino hina i noho pu ai me olua i ka home nei o kou hele no ka ia, ina no hoi o ke ano o kou helo ana he hele kaapuni honua, alaila e kali no ma- kou nou no eono mahina hoi mai no oe aka o keia hele ou aole oe e hoi hou mai ana, o makou ke hele aku i ou la, o ka'u wale no e kau- maha nei aole i lawa ka makou hana nou no ka panai ana aku no kau i hana mai ai ia makou E ma- lama ana makou ia mama elike ka maikai me kau malama ana iaia. Ke uwe holu ae nei o George Ka- malalawalu Mitchell, aloha ka papa o makou, keu no o kona hoomana- wanui ana e hele makou i ke kula hanai o Kamehameha e ola ana la oia a a-i i ka makou loaa, a iko hoi i ka hua o ka imi ana i ka naau- ao, eia ka aole; nolaila olelo iho la au iloko o'u ua poho wale keia mau mea ina i maopopo mua ia'u peneia iho la ka hikiwawe o kona hele ana, aole no au e hoomau i ka hele aua i ke kula, eia wale no i ka hookau ana mai o ka ma'i iaia i ka mahina iho nei o Iulai, olelo mai la oia ia'u e George manao au aole oe e hoi hou ana i ke kula e noho mai oe e kokua ia'u i ka ha- na ana i ka aina o kakou no ka mea ke ike nei au i ko'u nawaliwali, oiai au i ka papa elua o ka High School noonoo, iho la au iloko o'u elua keia mau mea o ka naauao me ke aloha makua. Ae aku la au i kuu papa no ka mea, ua oi aku ke aloha o ka makua ia'u. I ka mahina ae o Augate, la 21, haalele iho la ko makou papa ia'u me Oliva ame Joseph a ukali pu aku ko makou mama iaia i Hono- lulu no. ka. imi. ana i ke ola, aole makou e ike hou a lohe hou i kona leo ahiki i ka la 17 o Sept. hoea mai la ka lono hoolelehauli ma ke kelekalapa, Father is dying, auwe no hoi e, aole au i ike iki a mahui iki peneia iho la ka nui o ka eha- eha o ke aloha makua, aka olelo mai la ka buke o na buke me keia ma Ioane 14:1; ame Matt: 11:28. Ke uwe helu ae nei o Antone Sy- lvester Kaaiki Mitchell auwe ka pa- pa o makou ua hele oe me ka haa- lele ia makou e aho no au ua ike mau no au ia oe ua hele pu aku no au me mama i kekahi mau po e ike ia oe i ka haukapila ahiki i ka la 7 o Sepatemaba hoi au i ke kula a i ka la 11 hele aku no au e ike ia oe me kuu manaolana mau e loaa ana ka oluolu ia oe oiai aia maloko o ka halema'i na kauka ike, eia nae aole pela ka ke Akua hooponopono ana, o kona makemake ke hanaia aole o ko ke kanaka. Ua ike au me Agnes i kou hanu hope, o George Olivia me Joseph aole lakou i ike i kou aho hope.	o ka lakou i ike iho ai o ia na olelo manaenao a ke kelekalapa i lawe aku ai o ia hoi keia. Father is dying. Aloha no ka papa o kakou no ka nui no o ko makou aloha i ko makou papa hooholo makou e hoi- hoi iaia a hoomoe i Homelani, Mo- lokai. Ke uwehulu ae nei o Joseph Ka- Ianikahua Mitchell, I love papa, we have no papa now. Nolaila ke haawi nei makou na keiki a Frank Mitchell ko makou papa i ka hoomaikai ia Molokai Nui a Hina mai Halawa a Hoolehua, i ko oukou hiki kino ana mai e ike i kona kino puanuanu ka oukou mau kokua me ka puuwai hamama a ku i ke aloha no ko makou papa me he alii aimoku la ka huliamahi o ka poe apau me ka oukou mau hoo- hiwahiwa a hoohanohano ana ahiki i kona hale lua, aohe a makou hana aohe hoolilo o ke kope, ka palena, ka poi, kopaa ame ka puaa i ai na ka poe i hele mai e ike i ko ma- kou papa, na oukou no ia e Molo- kai, o ka hana a oukou i hana mai ai no ka pono o ka makou mea aloha, aole loa e hiki ke ukuia me ke dala, nolaila ke pule nei makou i ke Akua, nana e uku mai ia ou- kou maka haawi ana mai i na po- maikai ma keia ola honua a oi aku ma ke ola uhane. Ke haawi pu nei makou i ko ma- kou hoomaikai ia Mr. ame Mrs. R. Bright oiai i ka loaa ana mai o ka lono kaumaha ia makou no ko ma- kou papa aloha, ua oluolu olua i ka haawi ana mai i ka olua kokua no ka malama ana i ka makou ho- loholona oiai he hana nui no ia eli- ke me ka olua i hana mai ai ia makou, pela no ke Akua o hoopo- maikai mai ai ia olua me ko olua oliana. Ke haawi pu nei makou i ko ma- kou hoomaikai ia Captain Wiesbarth o ka Leleiona i kona ae ana o la- we ia makou no Honolulu, pela pu ia Mr. ame Mrs. Harry Alu no ka olua lau oliva o ke aloha ia makou. Ke uwe helu ae nei o Edith Ka- makaehukai Hope auwe kuu makua e, owau ka olua luhi mua, ia'u olua i a'o ai ia mea he malama keiki, he hope mai ka olua mau keiki, i kou mare ana me ko'u hanau mua ua lawe oe ia'u me he keiki ponoi la nau. He mea nui au nau a owau hoi ka makua o ka olua mau keiki o Antone ka mua a ua make mua oia a o Agnes me Oliva a hanau no hoi o George haalele olua ia Maui no Honolulu, a hoi ai au me mama no ka nui no o kuu aloha ia olua, kauoha aku au ia olua e hoouna mai i dala na'u, holo aku au i Honolulu a hoi like no kakou i Kahuku. A hoi mai nu i Honolulu mare au A hoi mai au i Honolulu mare au i ke kane aole no i pau kau ma- lama ana ia'u, hoi aku nei no olua i Maui o na mea a'u e makemake ai e hooko mau mai ana no oe, a hoi wale mo oe i Hoolehua o na mea a olua e makemake ai e hoolawa mau aku ana no au, pela wale no kakou i noho ai a i koi ma'i ana hoi mai nei no oe mo a'u, ua malama aku au ia oe, ua hana aku i na mea e loaa ai iaia oe ka oluolu, ua imi i ke ola ma ko ke Akua mahele a hele no hoi i ke kauka ka ike o ke kanaka, aole au i paupauaho ia oe aole hoi au i kipaku aku ia oe e hele, o Dr. Goodhue ka'u kau- ka i kii ai nou e a-i ana oe i ka laau a ke kauka pehea iho la o kou	haalele mai no ia i ka'u pono hoohuli mai i ko kua ia'u lawe aku la ka lokoino ia oe i ka haukapila aole hanai ia i ka Iaau elua pule, a heaha mai ka hopena, o ia iho la ka hopena ua haalele mai oe ia makou, mai oi loa aku ka pono ina no oe i noho mai me a'u a make imua o kuu alo ua oi aku ia. Auwe no hoi kuu aloha ia oe o Frank kuu makua. E Frank e nana aku ana au a e malama aku no hoi ma ka mea hiki ia'u i kuu kaikuaana me na keiki a kakou Ke nonoi nei au i ka MakuaLani e hoomama mai i ko makou mau luuluu. Me Mr. Lunahoopinopono ko makou aloha ame na keiki o kou papapa'i ko makou hoomaikai. O makou iho no me ka luuluu. MRS. AGNES K. IOKUA, MISS OLIVA MITCHELL, GEORGE MITCHELL, ANTONE MITCHELL, JOSEPH MITCHELL, MRS. EDITH K. HOPE. HAINA NANE. Mr. Lunahooponopono o ka Nu- pepa Kuokoa; Aloha oe:— Eia mai ka'u haina o ka nano a ke kaika- mahine hanai pipi o ka ua Komiliu, malia o ka'u kipuka kaula ilihau keia e paa ai na wawae o ua wahi pipi nei i ke kupee. Ua kukuluia ka nane penei: Mahele mua, poele i ka honua, Haina. MAKAPO. Mahele elua, Malamalama i ka lani, Haina KALENA. Wehewehe ana, i ka wa maka- po ole o ke kanaka, ua kalena mai oia i ka olelo a ke Akua a paanaau, ua paa ia kalena ike iloko ona, i ka makapo ana o ia mau no ka malamalama o ka ke Akua olelo pela au e manao nei, o ia ka ma- lamalama i ka lani, loaa i ka wele- lau lima, kohu bebe iluna ke alo ka . uwe wale. Haina. Makapo; no ka mea, aia i na manamanalima ka loaa a ka makapo, he uwe wale ke loaa ole kana mea i makemake ai kohu bebe. Ina e huiia ka. mahele mua, me ka mahele hope, loaa ka inoa piha i ka welelau lina. Haina MAKA- POLENA. Me ka manaolana e puili lima pu ana me ke kaikamahine o ka ua Komalii. Me oe e Mr. Solomon Hanohano ko'u aloha, ame na keiki o koo papapa'i ko'u welina. Kou a mau, KAIKAMAHINE O NA AEKAI O KONA HEMA. Ua poho wale mai la kou manao- lana, aole oe e lululima pu me ka kaikamahine o ka ua Komaliu, no ka mea, ua paewa mai la ka pili- na i ka hihoniho o kau haina, huli hou ia mai! — L. H. EUREKA, Cal., Oct. 29— He mo- ku kiai awa ka i hoikeia mai ianei ke lawe mai nei i kekahi mau ka- naka i eha mai ka mokukuna Eve- rett mai, ka moku i pau ai i ka a-ia o ke ahi, he mau mile kakai- kahi mai kapakai aku. Ua laweia mai na kanaka mailuna mai o ka moku, aka nae o ka hooikaika ana aku e kokua i ka moku ma ke ki- nai ana i ke ahi ua hiki ole, a he hana holopono ole hoi ia.